Bu baxımdan Naxçıvan folklorunun öyrənilməsində yallı
janrının spesifik xüsusiyyətlərini nəzərə alaraq onların
geniş planda həm mətnlərinin poetik-semantikası, həm də
melodik dilin melopoetik səciyyəsi öyrənilməlidir. Yallı
rəqslərinin mətnlərinin ayrı-ayrılıqda təhlilləri göstərir ki,
mövzu baxımından rəngarəng olan yallıbaşılarda mövsüm,
mərasim, məişət, əmək-zəhmət, lirik-qəhrəmanlıq motivləri
geniş və əhatəlidir. Elə bu faktın özü bu tip mahnı-rəqs
nümunələrinin, janrının qədimliyinə, xalqm məişətində
özünə dərin kök salmasına dəlalət qazandırır.
Yallı rəqsi kütləvi formada olduğu üçün o, insanlara
xüsusi şən əhval-ruhiyyə aşılayır. Ayrı-ayrı mərasimlərdə
ifa edilən yallılar geniş xalq kütləsi tərəfindən rəğbətlə
qarşılanır və onun ifası artıq təkcə Naxçıvanda deyil, bütün
Azərbaycanda ənənə şəklini almışdır. Yallıların janr
xüsusiyyətlərinin araşdırılması, belə nəticəyə gəlməyə əsas
verir ki, onlar psixoemosional cəhətlərinə görə xalq kütlə
lərində birlik, kollektiv düşüncə formasını, mehribançılıq
hisslərini və milli birlik təfəkkürünü formalaşdırır.
Burada bir cəhəti də xüsusi olaraq qeyd etmək is
tərdik. Bütün rəqslərinin instrumental, vokal-instrumental,
bəzi hallarda isə təkcə vokal müşayiətlə ifa olunmasını
nəzərə alsaq həmin rəqslərin ifasının müxtəlif forma və
üslub cəhətlərinin də şahidi olmuş olarıq.
Naxçıvanda geniş yayılmış mərasim musiqi folkloru
nümunələri arasında xalq mahnıları və onlarm arxaik
tipləri olan «Haxıştalar»m və «Gülümeylər»in də regional
folklorun araşdırılmasında xüsusi əhəmiyyəti vardır.
Tipoloji və janr xüsusiyyətlərinə görə eyni olan bu mə
rasim mahnı-rəqsləri geniş kütlə üçün nəzərdə tutul
muşdur. «Haxışta»lar toy mərasimi günü və ya el şənlik
lərində ifa olunardı. Naxçıvan folklorundan fərqli olaraq
Ermənistanda yaşamış soydaşlarımızın keçirdiyi məra
simlərdə «Halay»lar da olmuşdur. Hər iki mahnı-rəqs janrı
forma və məzmununa görə eyni xüsusiyyətlərə məxsus
dur. Bu mahnı-rəqslərin əsas ifaçıları toy mərasiminə və ya
el şənliyinə toplaşmış qız-gəlinlər idi. «Haxışta»ları ifa
edən gənc qızlar və gəlinlər iki qrupa bölünərək üz-üzə
durur və bir-birinin əlindən tutardılar. Bu oyuna girənlərin
sayı hər tərəfdə 6 nəfərdən 10 nəfərə qədər olardı,
«...əsasən, Naxçıvanda və İrəvan çuxurunda yayılmış bu
oyun daha çox halay oyununu xatırladırdı» (53, s.394) -
deyən folklorşünas-alimlərdən H.İsmayılov və Ə.Ələkbərli
sonradan göstərirlər ki, hər iki dəstənin iştirakçıları növbə
ilə «haxışta» sözü ilə bitən bir bayatı oxuyar və hər
misradan sonra o biri dəstə üzvləri «haxışta» sözünü
təkrar edərək, əl çala-çala bir ayaq üstə atılıb-düşər və rəqs
edərdilər.
Rəqs musiqisinin klassifikasiyasım verən
musiqişünas-bəstəkar B.Hüseynli yazır ki, «janr etibarilə
«Halay» bir neçə rəqs-mahnısmdan ibarət silsiləvi vokal-
xoreoqrafik formadır. «Halay» iki dəstənin bir-birini
oxuyub oynamaqda təqib edərək yamsılama üsulunda ifa
olunur. Məzmun etibarilə «Halay» məişətin müxtəlif
cəhətlərini-zəhmət, yarış, məhəbbət, ailə və başqa motiv
ləri tərənnüm edir» (48, s.87).
Aparılan araşdırmalar nəticəsində məlum olur ki,
«Haxışta» sözü Naxçıvanın müxtəlif bölgələrində «Hakış-
ta», «Hakuşqa» kimi də ifadə olunur. «Haxıştalar»m ifa
sında adətən musiqi çalmmaz. İştirakçılar mahnı-rəqsin
sözlərini bayatının oxunuşundan yaranan ritmik formullar
əsasında reçitativ şəkildə oxuyarlar. Rəqsin ritmini isə əli
ələ vurmaqla tutarlar.
«Haxışta» mahnı-rəqsləri məzmuna görə yumoristik,
zarafat, bir-birinə söz atmaq üzərində qurulduğu üçün
bayatının sözləri çox kupletli formada olar. Bu da malını-
rəqsin silsiləviliyini ortaya çıxarır. Dörd misralı baya
tılardan tərtib olunmuş «Haxıştalar»m sözləri əsasən yeddi
hecalı şeir əsasında yaradılmış və struktur quruluşuna görə
aaba formasında olmuşdur. Aşağıda göstərilən nümunədə
sətr daxili sözlərin heca quruluşları müxtəlif olduğu üçün
onlar ayrı-ayrı ritmik formullar şəklində reçitativ olaraq ifa
edilmişdir:
Oğlan, adın Əlidi,
Qollarm düyməlidi,
• •
Ozün qəşəy oğlansan,
Hayıf, anan dəlidi.
2+2+3 haxışta,
3+4
haxışta,
2+2 + 3 haxışta,
2+2+3 haxışta.
Yaşıllar, a yaşıllar,
Divardan boylaşıllar,
Bu tayfanın qızları,
Ər üstə savaşıllar.
3+1+3 haxışta,
3+4
haxışta,
1+3+3 haxışta,
1+2+4 haxışta.
Mətnin struktur quruluşundan göründüyü kimi
bayatının hər sətri ayrı-ayrı ölçülərdə olan hecalardan
ibarətdir. Mətnin poetik-semantik quruluşu isə qeyd etdi
yimiz kimi zarafat, məhəbbət, yumor ilə zəngin olan motiv
əsasındadır. «Haxıştalar»m reçitativli oxunuşundan əmələ
gələn metroritmik formullarla tədqiqatın ikinci fəslində
tanış olmaq olar.
Naxçıvanın mərasimlərində ifa edilən növbəti mah-
m-rəqs janrı «Gülümeylər»dir.
Bu janrın poetik-semantik
strukturu da toy-düyünlərlə, zarafat, məhəbbət motivləri ilə
bağlıdır.
Oyunun ifa forması «Haxıştalar»da olduğu kimidir.
Fərq sadəcə bayatının hər misrasının sonunda ikinci
dəstənin üzvləri «haxışta» əvəzinə «gülüm hey» sözlərini
deyib rəqs edirlər. Aşağıdakı nümunədə deyilən fikirlərin
təsdiqini tapa bilərik:
Baxçamızda nar şirin,
gülüm hey,
Heyva şirin, nar şirin,
gülüm hey,
Sağ olsun qohum-qardaş, gülüm hey,
Hamısından yar şirin,
Əzizinəm halalam,
Dilim yoxdu, ha lalam,
Hamıya haram olsam,
Yarım üçün halalam.
gülüm hey.
gülüm hey,
gülüm hey,
gülüm hey,
gülüm hey. (10, s.294).
«Gülümeylər»dən göstərilən nümunədə mahnı-rəqs
janrının mətn strukturu, onun poetik təcəssümü aydın
Dostları ilə paylaş: |