239
yüngülləşdirə və ya təmizləyə bilər. İncəsənətin ən vacib funksiyası
katarsisdir, yəni nəcibləşdirici yüngülləşdirmə və ya təmizləmədir.
İncəsənət ideyası bir katarsis ideyası olaraq yunan
mədəniyyətində kök salan harmoniya anlayışı ilə bağlıdır. Kainat
(kosmos) öz mahiyyətinə görə harmonikdir və deməli, gözəldir. (Yeri
gəlməşkən, "kosmetika" sözünün mənası da elə buradandır).
Eybəcərlik və zülm disharmoniyadır, balanssızlıqdır, necə ki, xəstəlik
bədənin müxtəlif flüidləri arasında balansın pozulması kimi başa
düşülür. Qanın (sanguis) böyük miqdarına malik olan kəs -
sanqvinikdir. Həddindən artıq çox bəlğəmə, fleqmaya (phlegma)
malik olan kəs - fleqmatikdir. Özündə çoxlu öd(səfra) (chole) daşıyan
kəs - xolerikdir, qara ödün (melaina chole) çoxluq təşkil etdiyi insan
isə - melanxolikdir. Deməli, qan buraxma mümkün müalicə ola bilər.
Təbii harmoniyanı və balansı pozma səyi - icazə verilə bilməyən
təkəbbürdür (hybris) ki, bu da tanrılar tərəfindən cəzalandırılır. Yaxşı
cəmiyyət özü özü ilə harmoniya vəziyyətindədir, yəni özünü qoruyub
saxlayan və özünü idarə edəndir. Başqa cür deyilsə, o, özünü o təbii
hədlər daxilində saxlayır ki, bunlar təbiətin özü tərəfindən
müəyyənləşdirilmişdir.
Yaxşı həyat bizə xas olan qabiliyyətlərin harmonik
realizasiyasıdır, bunun da nəticəsində biz fəzilətli oluruq. Biz öz
potensiyamızı balanslaşdırılmış bir şəkildə aktuallaşdırmalıyıq. Məhz
bunun təsiri ilə də biz bizim keyfiyyətlərimizdən birinin digərinin
zərərinə olaraq inkişaf etməsi nəticəsində baş verən və ya bizim
anadangəlmə qabiliyyətlərimizin və imkanlarımızın sərhədləri və
eləcə də təbii ehtiyatlar hədləri xaricinə çıxdığımız zaman meydana
çıxan ifratlardan çəkinməliyik. (Oxşar mövqenin ekoloji nəticələri
kifayət qədər aşkardır. Eksponensial artım dağıdıcı ağılsızlığın burada
əsas nümunəsidir). Aristotel bu mövqedən çıxış edərək mənəvi
müvazinətin bərpası funksiyasını incəsənətə aid edir. Sənət
yaradıcılığı ilə (məsələn, musiqi və ya dramatik əsərlə) tanış olaraq,
biz özümüzdə harmoniyanı və sülhü bərpa edə bilərik və son nəticədə,
öz ağlımızı (ruhumuzu) nəcibləşdirə bilərik. Beləliklə, incəsənətin iki
şərhi mövcuddur:
1) İncəsənət – katarsisdir, özü də o mənada katarsisdir ki, bizə
"buxarı buraxmaqda" kömək edir
96
. Onun müsbət və mənfi
qəhrəmanlarının dramını, böyük hisslərini yaşayaraq biz bizi sıxan
ehtiraslardan və emosiyalardan azad oluruq, harmoniya əldə edirik və
"qızıl ortanın" balanslaşdırılmış idealına uyğun bir şəkildə öz
həyatımızı yaşamaqda davam edirik. Bu, flüidlər haqqında təlimə
96
Yunancadan tərcümədə kathairein – təmizləmək mənasını verir.
240
əsaslanan və tibbi terapiya üslubunda verilən şərhdir. Müstəsna
dərəcədə güclü və intensiv hislərə malik olanlar incəsənətin köməyi
ilə onlardan xilas ola, və deməli, özünəməxsus, mənəvi bir
qanburaxmanı hiss edə bilərlər. (Həddindən artıq zəif hisslərə malik
olanlar isə onları emosional olaraq gücləndirə bilərlər).
2) İncəsənət – katarsisdir, o mənada katarsisdir ki, biz bir
insani varlıq olaraq bizim incəsənətə müraciətimiz sayəsində
təmizlənə və təbiyə oluna bilərik. Burada başlıca olan - bəzi
emosiyalardan xilas olmağımız (mənəvi qanburaxma halında olduğu
kimi!) deyil, hisslərimizin köməyi ilə öz ağlımızı (ruhumuzu)
nəcibləşdirməyimizdir. Deməli, burada bizim məqsədimiz - şəxsi
mükəmməlliyə, şəxsi kamilliyə adiliyin hədləri xaricində nail
olmağımızdır.
Aristotelə görə, incəsənət sənət əsərini duyan insan üçün
özlüyündə fəzilətdir (və ya məqsəddir). Rəssam və ya artist üçün
yaradıcı proses həmçinin özlüyündə fəzilət ola bilər. Yaradıcı proses
eyni zamanda sənət əsərlərinin yaradılması ilə tamamlanır. Deməli,
yaradıcı, yaradıcı proses, prosesin özündən kənarda qalan məqsədlə
müəyyənləşmişdir
97
.
Bununla əlaqədar olaraq Aristotelin ritorikanı eşidilməyə nail
olma vasitəsi kimi anlaması təbiidir. Aristoteldə ritorikaya, həm də
ümumiyyətlə incəsənətə qarşı Platonda olduğundan daha pozitiv
münasibətin olduğu görünür. Aristotelə görə, ritorika ictimai
diskussiyalarda ona məxsus olan yeri tuta bilər
98
.
Aristotel özünün poetika əsəri ilə də məşhurdur. Burada o,
digər amillərlə yanaşı, həmçinin o klassik müddəanı da müzakirə edir
ki, dram əməlin, zamanın və yerin vəhdəti tələbinə uyğun olaraq
xarakterizə olunmalıdır.
97
Bu mənada bədii yaradıcılıq olan praksisin əksinə olan poyezis kimi
xarakterizə oluna bilər ("Praksis" – zəkalı əməllərdir paraqrafına nəzər
salın).
98
Müqayisə edin. Universitet ənənələrində ritorikanın yeri, Fəsil 6.
241
BEŞİNCİ FƏSİL
ANTİK DÖVRÜN SON MƏRHƏLƏSİ
Şəxsi xoşbəxtliyin təmin olunması
Platon belə hesab edirdi ki, cəmiyyət rasional təhlilin və zəkalı
idarəetmənin obyekti ola bilər. Öz növbəsində, Aristotel də güman
etmişdir ki, cəmiyyət – azad, əxlaqi olaraq eyni hüquqlu üzvlərin
qarşılıqlı əlaqəsidir ki, o da, qanuna uyğun olaraq idarə olunmalıdır və
onları idarə etmə isə yalnız hakimiyyətə deyil, həm də azad
diskussiyaya əsaslanmalıdır.
Bu baxışlar bir ideal olaraq yunan polislərinin ellinistik
imperiyaya assimlyasiyasından sonra da saxlanılmışdır Lakin
imperiyanın yaranması bu idealın mücəssəməsini daha da
çətinləşdirdi.
Aristotel və Platon başa düşürdülər ki, siyasətin onlar
tərəfindən üstünlük verilən növü nisbətən kiçik cəmiyyətə uyğun gəlir.
Aristotel güman etmişdir ki, polis zəkaya yatımlı ölçüyə malik
olmalıdır, nə həddindən artıq kiçik - başqalarından asılı olmamaq
üçün, nə də həddindən artıq böyük - onun sakinləri diskussiya
apardıqları zaman bir-birini şəxsən tanısınlar deyə – olmalıdır. Axı
iştirakçıların çox böyük sayda miqdarında diskussiyalar mümkün
deyildir
99
. Platon Qanunlarda təsdiq edirdi ki, polis 5040 vətəndaşa
(təsərrüfata) malik olmalıdır. Həm Platon, həm də Aristotel belə hesab
edirdilər ki, polis müstəqil bir qurum olmalıdır. Lakin ayrı-ayrı yunan
polisləri bir-birindən və ətraf dünyadan asılı idilər. Bundan başqa,
b.e.ə. dördüncü əsrin sonlarına doğru yeni dövlətin - ellinistik
imperiyanın formalaşması başa çatdı. Polisdən imperiyaya keçid həm
institusional, həm də intellektual dəyişikliklərlə müşayiət olundu.
Bütün ellinist-Roma dövrü ərzində, b.e.ə. təqribən 300-cü
illərdən b. e. təqribən 400-cü illərinə kimi cöğrafi və say baxımından
böyük, mədəniyyət, din və dil baxımından müxtəlif xalqları özündə
birləşdirən dövlətlər mövcud idi. Həyatında bütün vətəndaşların iştirak
edə biləcəyi lokal icmalar zəif idilər. Amma şəhərlər həm ellinistik,
həm də Roma dövründə daxili idarəetmə hüququna müəyyən dərəcədə
malik ola bilərdilər və bəzən özlərinin siyasi olaraq müstəqil
99
Aristotel Siyasətdə (VII, 4) deyir ki, rəsmi vəzifələrin ixtisasa uyğun olaraq
qiymətləndirilməsi və bölüşdürülməsi zamanı hər bir kəs digərlərinin
xarakterini bilməlidir. Əgər bu yoxdursa, həm qəbul olunan qərarlar, həm də
rəsmi şəxslərin seçimi kortəbii ola bilər.
Dostları ilə paylaş: |