88
baxımından, müasir dillə daha yığcam olaraq daha dəqiq deyilsə,
kulturoloji yanaşmalar da olmuşdur. Əl-Cahiz bununla bağlı bir fikir
də irəli sürürdü, bu, konkret dilin özündən də asılıdır. Məsələn, ərəb
nitqi fars nitqindən fərqləndiyi üçün ərəb nəğmələri spontan
improvizisiyalı xarakter daşıyır, bu da böyük ilhamın nəticəsidir. O,
çox ciddi-cəhd olmadan yaranır. Şair öz nitqinin mövzusu üzərində
özünü toplayırsa, elə bil, sözlər və fikirlər onun dodaqlarında öz-
özünə yaranır. Oxşar mövqe əl-Əzzavi tərəfindən söylənilmişdir: Nitq
sükutdan, şəfa xəstəlikdən üstün olduğu kimi, mahnı da nitqdən
üstündür.
Qəzali yazırdı
: “Görünür, elə buna görədir ki, təkcə hissi
qavrayışın və təxəyyülün predmetləri deyil, həm də ağlın predmetləri
gözəl ola bilir. Məsələn, gözəl xarakter, gözəl elm, gözəl həyat.
Gözəlliyi, ümumiyyətlə isə,
Qəzali
ilahi kamilliyin bir ifadəçisi hesab
edirdi.”
Qəzalinin
fəlsəfəsi əlbəttə ki, müəyyən dərəcədə mistik təbiətli
idi və üstəlik şüurlu olaraq da peripatetizmin rasionalizminə qarşı
yönəlmişdi. Qəzali aristotelizmə qarşı yönələn «Filosofların təkzibi»
adlı xüsusi bir əsər də yazmışdı. Qəzalinin bu əsəri də öz növbəsində
aristotelizm tərəfindən təkzib olundu. İbn Rüştün «Təkzibin təkzibi»
adlı bir kitabı xüsusi olaraq bu məsələyə həsr olunmuşdu. İbn Rüşt
burada Qəzali dünyagörüşünə, həmçinin də, bütövlükdə ortodoksal
fəlsəfəyə qarşı çıxmış, dünyanın dərk olunması prosesində fəlsəfənin
rolunu müdafiə etmişdir.
Müsəlman İspaniyasında, Əndəlisdə aristotelizmin ilk böyük
nümayəndəsi olan İbn Bəcca (1077-1139) da, həmçinin özünün
«Tənha adamın tədbiri və ya Zahidin həyat tərzi» adlı əsərində
Qəzalinin mistikasına qarşı rasionalizmi, dünyəvi elmi və peripatetik
fəlsəfəni qoyurdu.
Qərbi aristotelizmin nümayəndəsi olan İbn Bəcca şərqi
aristotelizmin nümayəndəsi olan İbn Sina kimi dövlət xadimi , şair ,
musiqiçi , astronom , riyaziyyatçı və təbiətşünas idi.
Ərəb-islam fəlsəfəsinin başqa bir nümayəndəsi artıq qeyd
olunduğu kimi İbn Tüfeyldir. İbn Tüfeylin dövrümüzə qədər gəlib
çatmış yeganə əsəri isə «Yəzqan oğlu Həy» romanıdır. İbn Tüfeyl bu
əsərində tənha adaya düşmüş insanın psixoloji yaşantılarını təsvir edir.
İbn Bəcca İbn Sinaya bənzədilə bildiyi kimi, İbn Tüfeyl də əl-
Fərabiyə bənzədilə bilər. İbn Tüfeyl əl-Fərabidə olduğu kimi
aristotelizmin və platonizmin sintezinə nail olmağa çalışır. İbn Tüfeyl,
həmçinin, müsəlman qərbinin digər peripatetiklərindən fərqli olaraq
rasionalizm prinsipinin sosial tətbiq məkanını da məhdudlaşdırır. İbn
Tüfeylə görə, zəka yalnız seçmə insanlara aiddir, xalqı ənənəvi dini
ruhda tərbiyə etmək gərəkdir.
89
İbn Tüfeyl ilahiyyat həqiqətlərinin iki yolla - fəlsəfi və dini yolla
- əldə olunmasını mümkün hesab edir. Fəlsəfə əksəriyyət üçün
əlçatmazdır. Quran isə ilahi həqiqətləri obrazlı formada təsvir edir. Elə
buna görə də, ilahi həqiqətlər məhz Quran vasitəsi ilə adamların
əksəriyyəti üçün anlaşıqlı olur.
Qərbi aristotelizmin ən böyük nümayəndəsi olan İbn Rüşt isə
belə hesab etmişdir ki, fəlsəfi və dini həqiqətlər bir-birindən asılı
olmayıb, müstəqildirlər. Fəlsəfədə elə həqiqətlər vardır ki, ilahiyyat
onları qəbul etmir və yaxud əksinə. İbn Rüştün bu müddəası sonradan
ikili həqiqət və ya ikiqat həqiqət adlandırılmışdır.
İbn Rüştü İbn Tüfeyldən fərqləndirən ən mühüm cəhət onda idi
ki, İbn Rüşt platonizmdən çox uzaq idi. İbn Rüşt antik fəlsəfənin
avtoritetləri içərisindən yalnız Aristotelə bağlı idi. Müasirləri onun
haqqında yazırdılar ki, Aristotel təbiəti, İbn Rüşt isə Aristoteli izah
etmişdir. İbn Rüştün özü yazırdı ki, Aristotelin təlimi insan idrakının
sərhədi ilə hüdudlandığından, o, ali və mütləq həqiqətdir. Aristotelin
əsərlərinə İbn Rüşt tərəfindən yazılan şərhlər peripatetizmin Qərbi
Avropaya nüfuz etməsində mühüm əhəmiyyətə malik olmuşdur.
İbn Rüştün ,həmçinin, ikili həqiqətlə bağlı müddəası da
Avropada son dərəcə məşhur idi. İkiqat həqiqət nəzəriyyəsi Avropada
orta əsr təfəkküründən Yeni dövr təfəkkürünə keçid mərhələsində son
dərəcə mühüm əhəmiyyətə malik olmuşdur.
Öz sələfləri kimi, həkim və astronom, riyaziyyatçı və
hüquqşünas, şair, ilahiyyatçı və filosof olan İbn Rüşt şəhərli
dünyagörüşünün müsəlman Avropasında sonuncu böyük nümayəndəsi
idi. Şəhərli dünyagörüşünün post-səlcuqi məkanında tanınmış
nəzəriyyəçiləri isə Siracəddin Urməvi və Nəsirəddin Tusi oldu.
XII əsrin sonlarına doğru müsəlman ruhunun şəhərli yönümü
uğurla inkişaf edirdi. Lakin bu sözləri müsəlman ruhunun cəngavər-
zadəgan yönümü haqqında söyləmək bir qədər çətindir. Cəngavər
müsəlman ruhu bu dövrdə həddindən artıq ölgünləşdiyindən müsəlman
dünyasının özü xristian mənşəli Avropa cəngavərlərinin müdaxiləsinə
məruz qaldı.
Lakin XI əsrin sonlarından XIII əsrin sonlarına kimi Avropanın
müsəlman dünyasına qarşı səlib yürüşləri durğunluq içərisində
mürgüləyən Qərbi çiçəklənməkdə olan Şərqlə üz-üzə qoydu.
Müsəlman mədəniyyətinin təsiri Qərbi Avropada şəhər həyatının
inkişafını canlandırdı. Qərbdə ticarət və sənətkarlıq genişlənir, əmtəə-
pul münasibətləri yayılmağa başladı. Avropa sənətkarları bir sıra
bahalı parçalar toxumağı öyrəndilər. Natural təsərrüfat arxa plana
keçir. Bir çox texniki yeniliklər - maqnit əqrəbi, barıt, su və mexaniki
saatlar, kağız - Avropaya müsəlman dünyası ilə tanışlıq vasitəsi ilə