Design by Ali Agakishiyev
67
Damarlar müxtəlif formalı və ölçülü çatların müxtəlif tərkibli maqma kütləsi
ilə dolması nəticəsində yaranır. Yerləşdiyi süxurlara nisbətən qeyri-uyğun və
adətən, böyük bucaq altında yatır. Çox vaxt damarlarda müxtəlif faydalı qazıntı və
minerallara rast gəlinir. Damarlar təmami-lə müxtəlif mənşəli ola bilərlər.
Harpolitlər, qranit tərkibli böyük intru-ziv kütlələrdir; onlar struktur
mərtəbələri (tektonik mərtəbələri) ayıran uyğunsuzluq səthləri boyunca əmələ
gəlirlər. Harpolitin yerləşdiyi səth, adətən, çox da dərində deyildir.
Maqmatik diapirlər planda və kəsilişdə armud formasında olan və çox kiçik
ölçülərlə xarakterizə olunan intruziyalara deyilir. Onların ölçüsü bir neçə on metrlə
kilometrlər ara-sında dəyişir. Ətraf süxurları kəsib, onlarda qırılma və pozulmalar
yaradır.
Nekk (vulkan kanalları) vulkan aparatının bir hissəsidir. Planda dairəvi, oval,
bəzən isə qeyri-düzgün formalarda olur. Diametri bir neçə on metrdən kilometrə
(1-1,5 km) kimi dəyişir.Nekkləri dolduran süxurlar müxtəlifdir, əsasən püskürmə
süxurlarıdır. Vulkan kanal-larında bəzən zəngin almaz yataqlarına təsadüf edilir.
Nekklər vulkanik aparatın alt hissəsin-də yerləşən maqmatik süxurlardan təşkil
olunmuşdur; yer səthinə yaxın sahədə soyumuş süxurlardır (ekstruziv süxurlar).
Nekk-lərin yan divarı təqribən şaqulidir.
Böyük intruziyalarla kiçik şaxələnmələr əlaqədardır; bunlar ətraf süxurlar ilə
uyğun-suzluq əmələ gətirir və qeyri-müəyyən formaya malikdirlər. Belə formalar
geoloji ədəbiyyatda apofizlər adlanırlar.
Effuziv süxurlar, adətən, axım formalı, layabənzər kütlələr əmələ gətirir. Bu
süxurların forması əsasən lavanın tipindən, onu hərəkət etdiyi səthin formasından
və soyuma şəraitindən asılıdır.
Lava axımının səthi düz olmayıb, qeyri-müntəzəm çıxıntılı olur. Bu örtüklər
Design by Ali Agakishiyev
68
gah böyük qalınlıqda təbəqə əmələ gətirir, gah da piroklastik süxurlarla layvarı
növbələşir.
Lava çatlar arasından püskürərkən (xətt püskürmə) yer səthində böyük
örtüklərin yaranmasına səbəb olur. Bu örtükleərin tutduğu sahə çox böyük,
qalınlığı isə 2000-3000 m-ə çatır.
Püskürmə materiallarının vulkan krateri ətrafında toplanması ilə vulkan
konusu əmələ gəlir. Tərkibinə və strukturuna görə bu konuslar (lava, piroklastik və
qarışıq tipli konuslar) bir-birindən fərqlənir.
Bəzən effuziv süxurlar çökmə süxurlarla laylaşaraq Yer səthinə yaxın uyğun
yatım əmələ gətirir. Bunlara ekstruziv süxur kütlələri deyilir.
Yüksək hərarətin, təzyiqin və kimyəvi aktiv maddələrin təsiri nəticəsində
maqmatik və çökmə süxurlardan törənən süxurlara metamorfik süxurlar deyilir.
Yüksək hərarət (termometamorfizm), yüksək təzyiqin (dinamometamorfizm)
və həc-minin kimyəvi aktiv maddələrin təsiri altında gillər şistə, qumdaşları
kvarsitə, əhəngdaşları mərmərə, maqmatik süxurlar qneyslərə çevrilir.
Kristallik şistlər və qneyslər dərin metamorfizm nəticəsində yaranır. Bunların
nəinki strukturu və həmçinin qismən tərkibi də dəyişmiş olur.
Metamorfizmi doğuran amillər, böyük ərazidə birgə təsir göstərərsə regional
meta-morfizm, bu amillərdən birinin üstünlüyə malik olduğu şəraitdə isə yerli
metamorfizm meydana gəlir.
Metamorfik süxurların yatım formaları onların onların ilkin törəmələrindən
asılıdır.
Çökmə mənşəli metamorfik süxurlar (ilkin çökmə süxurlar) adətən,
qırışıqlıq—laylı kompleks formasında yatır. Burada süxuru ilk laylı strukturu
ikinci zolaqlılıq və şistliliklə pərdələnir. Bu ikinci elementlər bəzən birinci ilə
müvafiq gəlir (mərmərlər), lakin əksər hallarda ilk laylılıq ilə uyğun gəlmir
(kristallik şistlər).
Maqmatik süxurların (ilk maqmatik) dəyişilməsi nəticəsində yaranan
metamorfik süxurlar, onların formasını alır. Nəhəng intruzivlərdə, onların ətraf
zonaları metamorfizmə məruz qalır (batolitlərdə qranit—qneys zonasını göstərmək
olar). Nisbətən kiçik intruzivlər və əksər effuziv süxurlar təmamilə metamorfik
süxurlara çevrilən zaman onlar ya öz formalarını saxlayır, yaxud səciyyəvi
şistliliyə malik qırışıqlıq komplekslər şəklini alır. Bəzən dinamometamorfizm təsiri
altında daykaların, sillərin, lava axınlarının, lava örtüklərinin parçalanması zamanı
ayrı-ayrı bloklar əmələ gəlir. Həmin bloklar daha palstik metamorfik süxurlar
arasında yatır. Bu strukturlar, yüksək plastikliyə malik laylar arasın-dakı çökmə
süxurlardan ibarət massiv təbəqələrin dinamometamorfizmi nəticəsində də yarana
bilər.
Metamorfik süxurlar üçün aşağıdakı əlamətlər səciyyəvidir:
1. İkinci laylılıq yaxud zolaqlılıq. Çox ehtimal ki, bu ilkin süxurun tərkibincə
bircinsli olmaması ilə əlaqədardır.
2. Kristallaşma şistliliyi. Bu, xətti lövhəli mineralların (mikalar və s.) bir
istiqamətdə cəhətlənməsindən irəli gəlir.
3. Aldadıcı şistlilik. Klivaj nəticəsində yaranır.
Design by Ali Agakishiyev
69
4. İlkin süxurun reliktləri (qalıqları). Bunlara əsasən metamorfik süxuru ilk
materia-lının maqmatik yaxud çökmə mənşəli olduğunu müəyyən etmək
mümkündür.
Çöl şəraitində metamorfik süxurlar üzərində aparılan müşahidələr, çökmə və
maqma-tik süxurlar üzərində aparılan müşahidələr ilə çox oxşardır (metamorfik
süxurlar ya ilkin çökmə, ya da ilkin maqmatik süxurlardan törədiyi üçün). Ona
görə də istər laylılıq üçün və istərsə də şistlilik üçün yatım elementləri təyin etmək
lazımdır. İlkin intruziv süxurlarda, adətən, zolaqlı və xətti teksturlar yaxşı
saxlanılır və daha aydın görünür.
Metamorfik süxurların yaşını müəyyən etmək və onları stratiqrafik cəhətdən
bölmək çox vacib məsələdir.
Fossil qalıqlar metamorfik süxurlarda yaxşı saxlanılmadıqlarına görə
paleontoloji metodun tətbiqi son dərəcə məhduddur. Ona görə də metamorfik
süxurların yaşlarını təyin etmək üçün başqa metodlardan istifadə edirlər:
1. Laylanmada mövcud stratiqrafik uyğunsuzluqlara görə metamorfik
süxurların nisbi yaşının təyini.
2. Yarıb keçən intruzivlərə görə metamorfik süxurların yuxarı yaş sərhəddinin
təyini. İntruzivlərin yaşını isə onların çökmə süxurlar ilə olan qarşılıqlı
əlaqələrindən müəyyən etmək mümkündür.
3. Metamorfik süxurların mütləq yaşının radioloji metodlar ilə təyini.
Metamorfik süxurlar üçün, onların mənşələrindən asılı olaraq ya adi geoloji,
ya da struktur-petroloji xəritələr tərtib olunur; bəzən onları birlikdə bir xəritə
üzərində göstərilir.
Ümumiyyətlə Maqma qaz komponentləri ilə zəngin olan silikatlardan
ibarətdir. Qələvi,Karbonat və Sulfid tərkibli maqmayada rast gəlinir.Maqmanın
aşağıdakı növləri var:
1.
Turş tərkibli maqma (qranit)
2.
Fe-Ca-Mg elementləri ilə zəngin olan əsas tərkibli maqma (bazalt)
3.
Ultraəsəs tərkibli maqma (peridotit).
4.
Orta tərkibli maqma (andezit)
Maqmanın tərkibində SiO
2
–nin miqdarı 35-80% arasında dəyişir.
Turş tərkibli maqma ilə qalay,volfram,qızıl yataqları,
Əsas tərkibli maqma ilə mis,maqnetit yataqları,
Ultraəsas tərkibli maqma ilə xrom,platin və digər yataqlar əlaqədardır.