37
MÜQƏDDİMƏ
Mərhəmətli və rəhmli Allahın adı ilə!
Sonsuz həmd və şükür olsun o hakimə ki, məlaikələr (mələkut) aləminin sahəsi Onun izzət və şövkə-
tinin xəlvət sarayıdır və qüdrət (cəbərrut) meydanının bargahı
109
Onun əzəmətinin və böyüklüyünün məqamı-
dır.
Beyt
“Misilsiz bir bağışlayan və əbədi bir cahandar,
Zavalsız bir sultan və daimi bir xudavənd.
O, elə bir hökmdardır ki, onun mülkü davamlıdır,
Və o, elə bir qadirdir ki, onun qüdrəti kamildir”.
Və ənbər mehli salavat cavahiratının ən parlaqları və gül qoxulu salam incilərinin ən gözqamaşdıran-
ları olsun peyğəmbərlik divanının əmiri, ululuq eyvanının kürsüsündə oturan, “Qalx və xəbərdarlıq et!”
110
bostanının sərvi
111
, “Öz Rəbbini uca tut!”
112
gülüstanının bülbülü, Allahın sevimlisi Əbül-Qasım Məhəmməd
Rəsulullaha!
“Cah-calal dənizinin incisi Məhəmməd,
Onunla xətm oldu peyğəmbərlik hökmü.
O, “Gecə vaxtı seyr”
113
meydanının çevik süvarisi,
“Sənə zəfər bəxş etdik”
114
sahəsinin şücaətlisi,
Günahla dolu ümmətlərin pənahı,
“Ayaqlarından yaxalananların”
115
şəfaətçisi,
“İki kaman (yay) uzunluğu”
116
taxtının şahənşahı,
Tanrının sevimlisi və iki cahanın sultanıdır”.
Allahın salamı olsun ona və onun varisinə (vəsisinə) və dostuna (vəlisinə)!
117
Və minlərcə dua olsun
bədirlənmiş nurlu ağ aya, ucalıq sandığının gövhərinə, “Həl-əta” surəsinə
118
mövzu
olan möminlərin əmiri və
dindarların imamı Əli Mürtəzaya!
Nəzm
“Yaradılmışların imamı, gözəlliklərin məzhəri,
Allahın dostu, külli qaliblərin sərvəri olan Əli.
Onun pak ətəyindən yapışmışdır,
Həm fasiq rind, həm də tövbəkar şeyx”.
Bu sətirlərin müəllifi və Əmir sultan Rumlunun nəvəsi olan Həsən “Əhsənüt-təvarix”in on birinci
cildini başlayır. [Bu cild] bəzi Rum
119
sultanlarının, əksər Cağatay
120
, Qaraqoyunlu, Ağqoyunlu və Qaraman
ailəsi
121
padşahlarının və onların müasiri olmuş məşhur alimlərin və şairlərin əhvalından ibarətdir.
109
Bargah – farsca saray deməkdir. Yürüşlər zamanı padşahın və yüksək dövlət xadimlərinin çadırı da bəzən “bargah” adlanır. Bu-
rada məcazi mənada, İlahi dərgah anlamında işlənmişdir.
110
Qurani-Kərim, “Müdəssir” surəsi, 2-ci ayə. Mətndəki “Quran” ayələri əsas etibarilə Z.Bünyadovun və V.Məmmədəliyevin tər-
cüməsi əsasında təqdim edilmişdir.
111
Sərv – mülayim isti iqlimlərdə bitən hündür və həmişəyaşıl ağac növü. Burada ucalıq rəmzi kimi məcazi mənada işlədilmişdir.
112
Qurani-Kərim, “Müdəssir” surəsi, 3-cü ayə.
113
“Qurani-Kərim”in “İsra” surəsi nəzərdə tutulmuşdur. Burada Məhəmməd peyğəmbərin Allah-taala tərəfindən möcüzəvi bir şə-
kildə bir gecə Məscidül-Həramdan Məscidül-Əqsaya aparılıb oradan meraca qalxması hadisəsinə işarə edilmişdir.
114
Qurani-Kərim, “Fəth” surəsi, 1-ci ayə.
115
Qurani-Kərim, “Rəhman” surəsi, 41-ci ayə (günahkarlar haqqında nazil olmuşdur).
116
Qurani-Kərim, “Nəcm” surəsi, 9-cu ayə. Mələk Cəbrayıl, Məhəmməd peyğəmbərə vəhy gətirərkən onların arasında məsafə “iki
kaman (yay”) uzunluğunda” olmuşdur.
117
Peyğəmbərin əmisi oğlu və kürəkəni, şiələrin birinci imamı Həzrət Əli nəzərdə tutulur.
118
“Həl-əta” surəsi – “Quran”ın “İnsan” surəsidir. Şiələr bu surənin Həzrət Əli haqqında nazil olduğuna inanırlar.
119
Səfəvi mənbələrində “Rum” və “rumi” adları altında Osmanlı dövləti və oranın əhalisi nəzərdə tutulur.
120
Cağatay padşahları – bu ad altında əsərdə Teymuri hökmdarları başa düşülür.
121
Qaraman ailəsi (Qaramanoğulları) – 1256-1474-cü illərdə Türkiyənin Nigde, Qaraman, Konya, İçil, Taşili və Alanya bölgələrin-
də hökm sürən xanədan və bəylik (bax: F.Sümer. Karamanoğulları // TDVİA, cilt: 24, yıl: 2001, s.454-460).
38
807-Cİ İLİN (10.07.1404 – 28.06.1405) HADİSƏLƏRİ
Şahrux sultanın Xorasan vilayətindəki səltənəti, o zamanın əhvalatlarının və hadisələrinin, dövran
çaxnaşmalarının və qarışıqlıqlarının bəziləri haqqında söhbət
Cahan fatehi olan Sahibqiran Əmir Teymur Kürəkanın
122
vəfat xəbəri Xorasan
123
vilayətində Şahrux
sultana
124
çatdıqda o, əzadarlıq mərasimindən sonra Tanrının qayğısı və əmirlərin razılığı ilə ramazan ayında
(1405-ci ilin mart ayında) Xorasan səltənətinin taxtına oturdu. Hər şeyə qadir məlikin (Allahın) hüsn-rəğbəti
ilə təqdir xəzinədarı səadət nişanlı ulduzları sikkə kimi şabaş edərək [göy üzünə] səpdi. Böyük seyidlərin və
öndə gedən alimlərin tale çəməni fələyin qulamlıq etdiyi o hökmdarın ümumi ənam yağışından yaşıllaşdı və
təravətləndi. Fəzilət və hünər sahiblərinin amal fidanı o həzrətin mərhəmət buludunun damlalarından böyü-
yüb Sidrətül-müntəhanı
125
keçdi.
O əsnada xəbər çatdı ki, Xəlil sultan
126
Səmərqəndi
127
ələ keçirmişdir və Əmir Teymurun xəzinəsinə
yiyələnmişdir. Buna görə də o həzrət Əmir Mizrab Cakünü, Əmir Əleykə Kükəltaşı və Əmir Hüseyn Tərxa-
nı
128
Xorasanı mühafizə etmək üçün təyin etdi və ondan sonra səadətli hökmdar həddən artıq ordu ilə Herat-
dan
129
Səmərqəndə doğru hərəkətə keçdi.
Nəzm
“Süleyman
130
kimi uğurlu Şahrux,
Onun dərgahının torpağına Cəmşid
131
üzünə sürtüb.
Səadətlə çıxdı Heratdan o,
Süleyman görkəmli, İsgəndər
132
sifətli.
Turan
133
niyyəti ilə yola düşdü o,
Düşüncədə qoca, bəxtdə cavan”.
Gözəl xasiyyətli hökmdar Doqquz-ribat (Tokuz-ribat)
134
mənzilindən Əmir Seyfəddinin oğlu Əmir
Əbdüssəmədi Badğis
135
qoşununu çağırmağa göndərdi və Xızır Xoca ilə Şeyx Həsən Quçini Mavəraünnəh-
rin
136
əhvalını öyrənməyə yolladı. Zəngi dərəsi
137
mənzilində Şeyx Əli Bahadırın oğlu Əmir Seyid Xoca bir
dəstə igidlə Mazandaran
138
tərəfdən gəlib o diyarın xəbərlərini ərz etdi. Məşvərətdən sonra o səltənət səması-
nın günəşi (Şahrux), Əmir Firuzşah Tərxanı Heratın bürc və divarlarını təmir etmək üçün geri göndərdi,
122
Sahibqiran – orta əsr münəccimlərinə görə, Zöhrə və Müştəri ulduzlarının eyni bürcdə, eyni dərəcədə və eyni nöqtədə qovuşdu-
ğu uğurlu saatda anadan olmuş xoşbəxt şəxs. Bu epitet ilk dəfə Əmir Teymura aid edilmiş, daha sonra isə müsəlman şərqinin bəzi di-
gər hökmdarları da bu epitetlə xatırlanmışlar. Kürəkan – Əmir Teymur, Çingiz xanın nəslindən olan Saraymülk xanımla evlənmiş və
bu səbəbdən tarixdə “Kürəkan” (kürəkən) ləqəbi almışdır (Doğuştan Günümüze Büyük İslam Tarihi. İlmi müşavir ve redaktör:
H.D.Yıldız. IX. c. İstanbul, 1992, s.271-272). Sonradan bu ləqəb Teymurilər xanədanının digər nümayəndələrinə də keçmişdir. Bəzi
mənbələrdə Kürəkan ləqəbi təhrif olunaraq “Gürgan” şəklinə salınmışdır.
123
Xorasan – indiki İranın şimal-şərq hissəsini, Mərv vahəsini, indiki Türkmənistanın cənub vahələrini və Əfqanıstanın şimal və şi-
mal-qərb hissəsini əhatə edən tarixi vilayət.
124
Şahrux – Əmir Teymurun oğludur.
125
Sidrətül-müntəha – dini rəvayətə görə, göyün yeddinci qatında olan əfsanəvi ağac.
126
Xəlil sultan – Əmir Teymurun nəvəsi və Miranşahın oğludur
(Nəvai, şərhlər, s.105).
127
Səmərqənd – müasir Özbəkistanda şəhər. Əmir Teymurun paytaxtı olmuş, onun ölümündən sonra da Teymurilərin siyasi mər-
kəzlərindən biri kimi önəmini qorumuşdur.
128
Əmir Hüseyn Tərxan (“Mətləüs-səədeyn”də Əmir Həsən Sufi Tərxan) – Şahruxun həyat yoldaşı Gövhərşad xatunun qardaşıdır
(Nəvai, şərhlər, s.106).
129
Herat – müasir Əfqanıstanın şimal-qərbində şəhər. Bəhs edilən dövrdə Xorasanın mərkəz şəhəri və Teymurilərin əsas paytaxtı
idi.
130
Süleyman – qədim dövrün məşhur hökmdarlarından və peyğəmbərlərindəndir. Davud peyğəmbərin oğludur. M.ö. 965-935-ci il-
lərdə hakimiyyətdə olmuşdur (Y.Yusifov. Qədim Şərq tarixi. Bakı, 1993, s.223).
131
Cəmşid (Cəm) – Firdovsinin “Şahnamə” əsərində haqqında bəhs olunan qədim İranda hökmranlıq etmiş əfsanəvi Pişdadilər sü-
laləsinin dördüncü şahı (bax: Əbülqasim Firdovsi. Şahnamə. Tərcümə edəni: M.Əlizadə. Bakı, 1987, s.31-39).
132
İsgəndər – qədim dövrün böyük fatehi Makedoniyalı İsgəndər. M.ö. 336-323-cü illərdə hökmranlıq etmişdir.
133
Turan – Orta Asiya nəzərdə tutulur.
134
Tokuz-ribat – Heratdan bir köç mənzili məsafədə idi (Nəvai, şərhlər, s.132).
135
Badğis (Badxız) – Heratdan şimala doğru, müasir Türkmənistanın cənub-şərqində təpəlik bir bölgədir.
136
Mavəraünnəhr – Orta Asiyada Amudərya və Sırdərya çayları arasındakı ərazilər.
137
Zəngi dərəsi – Herat yaxınlığındadır (Фасих Хавафи. Муджмал-и Фасихи / Фасихов свод. Пер., предисл., примеч. и указ.
Д.Ю.Юсуповой. Ташкент, 1980, c.73).
138
Mazandaran – İranda, Xəzər dənizinin cənub sahillərində vilayət.