39
Əmir Seyid Xocanı isə Tus
139
qalasını sahmana salmaq üçün o tərəfə yolladı. Özü də şəxsən Bəhram
140
kimi
qəhredici ordusunun qalan hissəsi ilə Mavəraünnəhrə doğru hərəkətə gəldi.
Ləngəri-Şeyxzadə Bayəzid [adlı yer] müzəffər məiyyətin gəlişinin təntənəsindən İrəm gülüstanına
141
həsəd bəxş etdikdə, Mirzə Sultan Hüseyn hüzura gəlib ali mənşəli padşahın nəzəri qarşısına çıxdı. O əsnada
xəbər yığmaq üçün Səmərqəndə getmiş Xızır Xoca və Şeyx Həsən Quçin geri dönüb Xəlil sultanın səltənət
taxtına oturduğunu ərz etdilər. O həzrət, Əmir Həmzə Qutuqunu elçi kimi Xəlil sultanın yanına göndərdi.
Ceyhun
142
sahili [dünyanın insanla] məskunlaşmış dörddə bir hissəsinin padşahının dayanacaq yeri
olduqda Əmir Şahməlik Buxaradan gəlib şahzadələrin – Mirzə Uluğ bəyin və Mirzə İbrahim sultanın – sala-
mat olduqlarını ərz etdi. O arada Xəlil sultanın elçisi gəlib o həzrətin dilindən itaətkarlıqdan ibarət məhəbbət
dolu kəlmələrlə məruzə etdi. Buna görə də Şahrux padşah məiyyət və ordusu ilə geri döndü və övladlarını
gətirmək üçün Əmir Şahməliki Buxaraya yolladı.
Əndixud
143
ətrafı müzəffər əsgərlərin dayanacaq yeri olduqda Mirzə Sultan Hüseyn səbəbsiz surətdə
fərar etdi. Elə həmin vaxt Buxara əmirləri eşitdilər ki, Xəlil sultan çoxsaylı qoşunlarla Səmərqənddən çıxıb
Ceyhun sahilində hökmdarlıq bargahının (çadırının) qübbəsini mavi göylərə qaldırmışdır. Bu müxaliflik uc-
batından oranın (Buxaranın) hakimi Əmir Rüstəm Toğay Buğa Buxaranı tərk edib, Mirzə Uluğ bəylə Mirzə
İbrahim sultanın üzəngisinin həndəvərində bol kədərlə Ceyhunu keçərək hökmdar ordusuna qoşuldu. Əmir
Şeyx Nurəddin də qantökən qoşunu ilə orduya qatıldı və Əmir Əbdüssəməd Badğis qoşununu gətirib qələbə
şüarlı orduya birləşdi.
O həzrət Dukədə cah-calalla dayandı. Dünya fatehi olan padşahın buyruğu ilə Əmir Şeyx Nurəddin
həmin mənzildən Sultan Xəlilin yanına gedib, iki tərəfin ittifaqına nail olmaq üçün böyük səy göstərdi. Belə
qərara alındı ki, Xəlil sultan Sahibqiranın xəzinələrinin bir qismini Pir Məhəmməd Cahangirin
144
yanına gön-
dərsin və Mavəraünnəhr səltənəti ilə kifayətlənsin. Belə olduqda Şahrux sultan sülhə razı oldu.
O zaman Sahibqiran sultanın (Əmir Teymurun) Şam
145
yürüşündən qayıdarkən Rey
146
hüdudunda
qoyduğu Əmir Süleymanşah, Mirzə Miranşahın ordusunun zərərindən qorxub hüzura gəldi. Eyni zamanda
Sari
147
hakimi Əmir Pir Məhəmməd Şəngüm ulu orduya qoşulsa da, Əmir Süleymanşahın və Əmir Cahan
Məlikin səyləri ilə öldürüldü. Həzrət Şahrux Herata yollandı. Zilqədə [ayının] 26-da (27.05.1405) misilsiz
Herat şəhəri o fatehlik zirvəsinin günəşinin görünməsinin parlaqlığından asiman bürclərinə həsəd bəxş etdi.
Seyid Xocanın Pirək padşahla və Sultan Əli Səbzəvari ilə müharibə etməsi haqqında söhbət
Əmir Seyid Xocanın Tusda olduğu zaman xəbər gəldi ki, Xoca Məsud Səbzəvarinin oğlu Xoca Sul-
tan Əli
148
ayağını itaətkarlıq dairəsindən kənara çıxarmışdır. Ona görə də Əmir Seyid Xoca altı yüz nəfər
yaxşı silahlanmış süvarini təcili olaraq Səbzəvar
149
tərəfə göndərdi. Sultan Əli də dilavərlik meydanının atlı-
larından iki yüz nəfəri onları dəf etməyə təyin etdi. Bəhrabad
150
nahiyəsində böyük bir döyüş baş verdi. Dö-
139
Tus – İranın Xorasan tərəfində, Məşhəddən şimal-qərbdə yerləşən tarixi şəhər (Seddon, şərhlər, s.258).
140
Bəhram – qan kimi qırmızı göründüyü üçün klassik Şərq ədəbiyyatında müharibə rəmzi sayılan Mərrix ulduzu (Mars planeti)
həm də Bəhram adını daşıyırdı. Burada və əsərin bəzi başqa yerlərində “intiqamçı Bəhram”, “qaniçən Bəhram” qeyd olunduğu za-
man müharibə rəmzi olan Mərrix nəzərdə tutulur.
141
Gülüstani-İrəm (İrəm bağı) – Şərq əsatirlərinə görə, qədim zamanlarda Hud peyğəmbərə qarşı düşmənçilik edən və Ad qövmün-
dən olan Yəmən hökmdarı Şəddad cənnətə bənzətmək üçün misilsiz dərəcədə gözəl bir bağ saldırmış və bu bağa “Gülüstani-İrəm”
adını vermişdi. Lakin bu, ona uğursuzluq gətirmiş və o, Allahın qəzəbinə gələrək həmin bağla birlikdə məhv olmuşdur. Gülüstani-
İrəm “behiştə və cənnət bağına bənzər” mənasında işlədilir.
142
Ceyhun – Amudərya çayının adlarından biridir.
143
Əndixud qalası – indiki Əfqanıstanın şimalında, Bəlxdən qərbdə və müasir Əfqanıstan – Türkmənistan sərhədinin yaxınlığında
yerləşən Əndxoy şəhəri zonasında idi.
144
Əmir Teymurun oğlu Cahangirin oğlu Pir Məhəmməd nəzərdə tutulmuşdur (Nəvai, şərhlər, s.107).
145
Şam – Suriya.
146
Rey – Tehran yaxınlığında şəhər.
147
Sari – İranın Mazandaran vilayətinin inzibati mərkəzidir.
148
Xoca Sultan Əli Səbzəvari – Sərbədarlar xanədanının mənsublarından idi (Nəvai, şərhlər, s.108). Şiə məzhəbli Sərbədarlar Xo-
rasanda baş qaldıran xalq üsyanı nəticəsində hakimiyyətə gəlmiş və 1337-1381-ci illərdə mərkəzi Səbzəvar olmaqla Sərbədarlar döv-
ləti mövcud olmuşdur (И.П.Петрушевский. Ислам в Иране в VII-XV вв. Ленинград, 1966, с.355).
149
Səbzəvar – İranda şəhər. Xorasanda, Nişapur şəhərindən 106 km. qərbdə yerləşir. Beyhəq nahiyəsinin inzibati mərkəzidir.
150
Bəhrabad – İranın şimal-şərqində, Xorasanda, Çinaran şəhristanında kənd.