130
Əməliyyat şirkəti HPBS-i yerinə yetirmək üçün bir və ya bir neçə podratçı tərəflərin
yaratdığı hüquqi şəxsdir.
Müxtəlif HPBS-lərdə podratçı tərəf olan Qrup, HPBS-i sazişin şərtlərinə əsasən
qiymətləndirir və uçota alır. O, HPBS-ə əsasən hasil edilmiş neftdə və qazda ancaq öz
payını gəlir kimi uçota alır. Dövlətin adından hasil edilərək satılan neft və qaz üzrə ya-
ranan gəlir və ya çəkilmiş xərclər Qrupun hesabatlarında qeydə alınmır. Qrup, Dövlətin
agenti kimi çıxış edərək nefti və qazı hasil edir və çatdırır, yaxud nefti və qazı sataraq
gəliri Dövlətin hesabına köçürür.
BMS 38 və BMS 16 əsasında, müvafiq olaraq, qeyri-maddi aktivlər və ya əsas
vəsaitlər kimi uçota alınmalı olan xərclər müəssisənin bir çox iqtisadi risklərə məruz
qaldığı və aktivlər üzrə ehtimal edilən gələcək iqtisadi mənfəət əldə etdiyi təqdirdə
uçota alınır. Alış, işlənmə və kəşfiyyat xərcləri konsolidasiya edilmiş hazırkı maliyyə
hesabatlarında göstərilən uçot qaydalarına uyğun olaraq qeydə alınır.
Köhnəlmə, tükənmə və ya amortizasiyaya məruz qalmış aktivlər HPBS-in qüvvədə
olduğu dövrdə və ya müvafiq aktivlərin gözlənilən faydalı istifadə müddəti ərzində
(bu müddətlərdən hansı daha qısa olarsa) hazırkı uçot siyasətində nəzərdə tutulan
müvafiq tükənmə və ya köhnəlmə metoduna əsasən xərc silinir.
Xarici valyuta çevrilmələri. Konsolidasiya edilmiş hazırkı maliyyə
hesabatlarındakı məbləğlər başqa cür qeyd edilmədiyi halda min Azərbaycan Manatı
ilə (“AZN”) əks olunmuşdur.
Qrupun konsolidasiya edilmiş müəssisələrinin funksional valyutaları onların
fəaliyyət göstərdiyi əsas iqtisadi mühitlərin valyutaları hesab edilir. ARDNŞ və
onun tabeliyində olan 20 struktur bölməsinin funksional valyutası və Qrupun he-
sabat valyutası Azərbaycan Respublikasının milli valyutası olan AZN-dır. Buna bax-
mayaraq, Qrupun törəmə, əlaqəli və birgə nəzarət olunan müəyyən müəssisələrində
investisiyalarının böyük hissəsi üzrə debitor borcları, gəlirlər, xərclər və borc
öhdəlikləri ABŞ dolları və YTL ilə qiymətləndirildiyinə, çəkildiyinə, ödənildiyinə və ya
ölçüldüyünə görə həmin müəssisələrdə, müvafiq olaraq, ABŞ dolları və Türk lirəsi
(“YTL”) funksional valyuta hesab edilir.
Xarici valyuta ilə aparılan əməliyyatlar əvvəlcə əməliyyat tarixinə qüvvədə olan
müvafiq valyuta məzənnələrini tətbiq etməklə, Qrupun müvafiq müəssisələrinin
funksional valyutası ilə qeydə alınır.
Qrupun müvafiq müəssisəsinin funksional valyutası ilə ölçülməyən monetar aktiv
və öhdəliklər, maliyyə vəziyyəti haqqında hesabat tarixinə qüvvədə olan müvafiq
valyuta məzənnələrinə əsasən həmin müəssisənin funksional valyutasına çevrilir.
Qrupun müvafiq müəssisələrinin funksional valyutalarında yenidən ölçülmə
nəticəsində yaranan məzənnə gəlir və zərərləri mənfəət və ya zərərdə qeydə alınır.
131
Qrup müəssisələrinin əməliyyat nəticələri və maliyyə vəziyyəti həmin müəssisələrin
funksional valyutası Qrupun hesabat valyutalarından fərqli olduqda və Qrupun he-
sabat valyutası ilə ölçülmədikdə (bu müəssisələrdən heç birinin funksional valyutası
hiperinflyasiya iqtisadiyyatlı ölkələrin valyutası deyil) aşağıdakı şəkildə hesabat
valyutasına çevrilir:
(I) hər bir maliyyə vəziyyəti haqqında hesabat üzrə aktiv və öhdəliklər, maliyyə
vəziyyəti haqqında hesabat tarixində qüvvədə olan yekun məzənnə ilə çevrilir;
(II) hər bir ümumi gəlir haqqında hesabat üzrə gəlir və xərclər orta məzənnə ilə
yenidən qiymətləndirilir (əgər həmin orta məzənnə əməliyyat tarixinə məzənnələrin
məcmu təsirinə əsaslı şəkildə yaxın olmadıqda, gəlir və xərclər əməliyyat tarixinə
qüvvədə olan məzənnə ilə çevrilir); və
(III) bütün məzənnə fərqləri kapital hesabında ayrıca komponent (məzənnə
fərqi) kimi əks etdirilir.
31 dekabr 2010-cu il tarixinə xarici valyuta qalıqlarının çevrilməsində istifadə olu-
nan əsas valyuta məzənnələri: 1 ABŞ dolları = 0.7979 AZN, 1 YTL = 0.5139 AZN,
100 Yapon yeni = 0.9798 AZN (2009: 1 ABŞ dolları = 0.8031 AZN, 1 YTL = 0.5315
AZN, 100 Yapon yeni = 0.8713 AZN).
Maliyyə alətləri - əsas qiymətləndirmə üsulları. Təsnifat formalarından asılı
olaraq maliyyə alətləri ədalətli dəyərdə və ya köhnəlmə olunmuş dəyərdə qeydə
alınır. Həmin qiymətləndirmə üsulları aşağıda əks etdirilir.
Ədalətli dəyər əməliyyatın həyata keçirilməsində maraqlı olan, yaxşı
məlumatlandırılmış və bir-birindən asılı olmayan alıcı və satıcı arasında aktivin
mübadilə edilə bildiyi və ya öhdəliyin yerinə yetirildiyi məbləğdir. Ədalətli dəyər
fəal bazarda alınıb satılan maliyyə aktivləri üzrə cari tələb qiymətini və maliyyə
öhdəlikləri üzrə cari təklif qiymətini əks etdirir. Maliyyə aləti fəal bazarda o zaman
sərbəst surətdə alınıb satıla bilən aktivlər kimi qəbul edilir ki, onların qiymətləri
haqqında məlumat fond birjasında və ya digər maliyyə təşkilatından sərbəst və
müntəzəm şəkildə əldə edilə bilsin və bu zaman həmin qiymətlər kommersi-
ya cəhətdən müstəqil şəkildə bazar şərtləri çərçivəsində həyata keçirilən real və
müntəzəm əməliyyatları əks etdirsin.
Bazar qiymətləri mövcud olmayan maliyyə alətlərinin ədalətli dəyərini müəyyən
etmək üçün diskont edilmiş pul vəsaitlərinin hərəkəti modeli, kommersiya cəhətdən
müstəqil şəkildə həyata keçirilən ən son əməliyyatlar haqqında məlumata əsaslanan
modellər kimi qiymətləndirmə üsulları, eləcə də investisiya qoyulan müəssisələr
haqqında maliyyə məlumatlarının təhlili istifadə edilir. Qiymətləndirmə üsulları
müşahidə edilə bilən bazar məlumatları ilə dəstəklənməyən fərziyyələrin istifadə
olunmasını tələb edə bilər.
Dostları ilə paylaş: |