34
1990-cı il tarixində Naxçıvan Ali Məclisinin I sessiyasında ilk dəfə
olaraq üçrəngli bayrağımız qaldırıldı. Milli bayraq məsələsi ilə əla-
qədar 2 bəndlik qərar qəbul edildi. Bununla yanaşı, Naxçıvan
MSSR adından “Sovet” və “Sosialist” sözləri çıxarıldı. SSRİ-nin
mövcud olduğu bir dövrdə belə bir qərarın qəbul və icra edilməsi
olduqca yüksək siyasi səriştə və cəsarət tələb edirdi ki, Ulu öndər
Heydər Əliyev bunu nümayiş etdirdi. Eyni zamanda, Naxçıvanda
Kommunist Partiyasının fəaliyyəti dayandırıldı və Sovet ordusu,
əsgəri birlikləri Naxçıvan MR ərazisindən çıxarıldı.
Bununla da Naxçıvan MR-in müstəqil inkişafı üçün ilkin zə-
min yaradıldı və sabitliyə real təhdid yaradan faktorların neytral-
laşdırılması istiqamətində mühüm işlər görüldü. O zaman Azər-
baycanda hakimiyyətdə olan səriştəsiz qüvvələr korporativ maraq-
lar əsasında çıxış edərək sabitliyə və inkişafa mane olmaq yönündə
xüsusi fəallıq göstərirdilər ki, bu da Naxçıvanın durumuna mənfi
təsir edən destruktiv faktor qismində çıxış edirdi. Hətta iş o həddə
çatmışdı ki, xarici güc mərkəzlərinin “marionetka”ları qismində
çıxış edən hakimiyyətdəki “piyada”lar Naxçıvanda bir neçə dəfə
dövlət çevrilişinə cəhd etdilər. Bunlardan ilki Xalq Cəbhəsinin 24
oktyabr 1992-ci ildə Naxçıvandakı silahlı dəstələrinin Muxtar
Respublikada etdiyi çevriliş cəhdi oldu. Amma Ulu öndər Heydər
Əliyevin siyasi məharəti sayəsində bəhs edilən çevriliş cəhdlərinin
qarşısı alındı.
Bunlarla yanaşı, Ulu öndər Heydər Əliyev milli ideoloji məsə-
lələri önə çəkərək bir sıra təxirəsalınmaz tədbirlər gördü və tarixi
qərarlar qəbul etdi. İlk növbədə, “1990-cı il yanvar ayında törədil-
miş Bakı hadisələrinə siyasi qiymət verilməsi haqqında” Qərar qə-
bul edildi. Qərarda 20 Yanvar hadisələrinin mahiyyəti, siyasi və
hüquqi əsasları əks olunmuşdu. Eyni zamanda, 31 dekabrın Dünya
Azərbaycanlılarının Həmrəyliyi Günü elan edilməsi barədə də
tarixi qərar qəbul edildi.
Bütün bunlarla yanaşı, Naxçıvan MR-də sosial-iqtisadi vəziy-
yətin yaxşılaşdırılması və tərəqqi meyillərinin əldə olunması üçün
əhəmiyyətli tədbirlər görüldü. Sosial-iqtisadi və aqrar islahatlar
35
reallaşdırıldı, özəlləşdirmə prosesinə start verildi və infrastruktur
sahələrinin inkişafı yönündə xüsusi işlər həyata keçirildi.
Digər tərəfdən, blokada şəraitində olan Muxtar Respublikanın
inkişafı və sabitliyinin davamlılığını təmin etmək üçün regional
miqyasda rasional strateji münasibətlər sistemi formalaşdırmaq la-
zım idi ki, Ulu öndər Heydər Əliyev bu yöndə xüsusi addımlar
atdı. Xüsusilə də Türkiyə və İranla qarşılıqlı əməkdaşlığa və tərəf-
daşlığa əsaslanan rəsmi təmaslar sıxlaşdırıldı. 24 mart 1992-ci il
tarixində Ankarada Naxçıvan MR-lə Türkiyə Cümhuriyyəti arasın-
da işbirliyi protokolunun imzalanması blokada şəraitində olan
Naxçıvanın vəziyyətinə xüsusi əhəmiyyətli müsbət töhfə oldu.
Beləliklə, siyasi fəaliyyətinin Naxçıvan dövründə Heydər Əli-
yev gördüyü, atdığı rasional, praqmatik addımlarla Muxtar Res-
publikanın qurtuluşunu, dirçəlişini və həmrəyliyini təmin etmiş
oldu. Odur ki, Naxçıvan dönəmi Ulu öndər Heydər Əliyevin siyasi
irsinin politoloji aspektlərinin araşdırılması üçün xüsusi dönəm sə-
ciyyəsi daşımaqdadır.
36
I I FƏSİL
MÜSTƏQİLLİK UĞRUNDA MÜBARİZƏ
ƏRƏFƏSİNDƏ VƏ MÜSTƏQİLLİYİN
İLK İLLƏRİNDƏ AZƏRBAYCANDA
İCTİMAİ-SİYASİ DURUM (1988-1993-cü İLLƏR)
2.1. Müstəqilliyə gedən yol: milli özünüdərk və milli oyanışı
təmin edən tarixi situasiya
XX əsrin 60-70-ci illərindən etibarən dünya miqyasında qeyri-
ərazi müstəmləkəçiliyi kimi səciyyələndirilən imperialist idarəet-
mə sisteminə qarşı geniş mübarizə dalğası başlandı. Portuqaliya,
İspaniya, Yunanıstan, Şərqi Avropa və SSRİ məkanında başlanan
və rüşeym halında olan milli özünüdərk və milli oyanış prosesi
xalqların milli azadlıq hərəkatlarına təkan verən fundamental fak-
tor oldu. A.Pşerovski, F.Şmitter, X.Lins, S.Hantiqton kimi araşdır-
maçılar xalqların milli azadlıq hərəkatları ilə müşahidə edilən pro-
sesləri tranzit problemi (avtoritarizmdən demokratiyaya keçid)
üzərindən izah etməyə çalışsalar da, əslində, baş verən proseslər
birmənalı şəkildə istismarçı imperializmə qarşı yönəlmiş və özün-
də müstəqillik tələbləri və niyyətlərini ehtiva edən xalqların milli
azadlıq hərəkatları kimi dəyərləndirilməlidir. Məhz belə bir tarixi
situasiyanın fonunda başlanan milli müstəqillik və azadlıq hərəkat-
ları qlobal miqyasda imperializmin əsaslarından birini təşkil edən
ikiqütblü dünya nizamının substratlarını sarsıtmış oldu. Bəhs edi-
lən hərəkatlar qeyri-sistematik və düzənsiz olsa da, dünyanın geo-
siyasi xəritəsində kardinal dəyişikliklərlə nəticələndi. Beləliklə,
beynəlxalq hüququn müstəqil subyektləri qismində çıxış edən yeni
37
milli dövlətlər yarandı və beynəlxalq münasibətlər sistemində
uzunmüddətli keyfiyyət dəyişikliklərinin əsası qoyuldu.
Təbii ki, SSRİ məkanını da əhatə edən bütün bu proseslər
Azərbaycandan da yan keçmədi. Xalqların milli azadlıq mübarizə-
lərinin başlandığı bir ərəfədə SSRİ daxilində müxtəlif vasitə və
resurslarla mərkəzə bağlanmış xalqlar artıq imperialist idarəetmə
siyasətinə etiraz edərək milli özünüdərk və milli oyanış prosesinin
fonunda azadlıq və müstəqillik hərəkatlarına başladılar. Amma bu
mübarizə prosesində xalqlar süni surətdə yaradılan çətin və mürək-
kəb problemlərlə üzləşdilər. 1985-ci ildən başlayaraq SSRİ miqya-
sında “Yenidənqurma” planlarının həyata keçirilməsi ilə başlanan
ciddi kataklizmlər sonradan xalqların forma və mahiyyət etibarilə
yeni istismarına və milli azadlıq hərəkatlarının “boğulması” cəhd-
lərinə rəvac verdi. İmperialist idarəetmə sisteminə qarşı çıxan və
milli azadlıq yolunda mübarizə aparan xalqların milli mücadiləsini
sıradan çıxarmaq naminə ən müxtəlif metod və vasitələrə baş vu-
ruldu. İlk növbədə, “parçala, hökmranlıq et” və “zəiflət, diktə et”
strateji prinsipləri əsasında milli-etnik münaqişələr yaradıldı və
xalqların milli mübarizəsi qanla yatırılmağa çalışıldı. Moldovada
Dnestryanı, Ukraynada Krım və Zakarpatye, Gürcüstanda Abxazi-
ya və Cənubi Osetiya, Azərbaycanda Dağlıq Qarabağ problemləri
yaradıldı və Orta Asiyada xalqlararası milli-etnik antaqonizmlə
müşayiət edilən dərin ziddiyyətlərin əsası qoyuldu. Daha sonradan
Litva, Almatı, Tbilisi və Bakıda imperiya qoşunlarının həyata ke-
çirdiyi qanlı olaylar hadisələrin pik nöqtəyə qalxmasına səbəb ol-
du. Məhz belə bir mürəkkəb şəraitin fonunda xalqların milli azad-
lıq və müstəqillik mübarizəsi daha intensiv xarakter aldı.
SSRİ rəhbərliyinin Azərbaycana qarşı “erməni kartı”ndan isti-
fadə etməsi ölkəmizə yönəlik işğal və ilhaq planlarının sürətlə hə-
yata keçirilməsini şərtləndirdi. Belə bir şəraitdə imperiyanın dəstə-
yi ilə Azərbaycana qarşı qaldırılan ərazi iddialarının daha da güc-
lənməsi, bunun ardınca isə Dağlıq Qarabağda, Əsgəranda erməni-
lərin törətdikləri hadisələr, 200 mindən çox azərbaycanlının Ermə-
Dostları ilə paylaş: |