41
milli gücün keyfiyyət ünsürü olan milli xarakter və milli mənəviy-
yat milli enerjini formalaşdıran və onu aktiv fazaya keçirən poten-
sial faktorlardır. Başqa sözlə, mürəkkəb tarixi situasiyaların fonun-
da təzahür və təcəssüm edən milli enerji milli hərəkat, inkişaf və
bütövlüyün qeyri-maddi əsaslarını təşkil edən amillərdən biri qis-
mində çıxış edir.
Milli enerjinin Azərbaycan təcrübəsinə gəldikdə isə qeyd etmə-
liyik ki, “Dirçəliş” hərəkatının fonunda ortaya çıxan və xalqı bir
mərkəzdə birləşdirən bu potensial ünsürdən zamanında və məka-
nında düzgün istifadə edilməməsi əldə edilmiş formal müstəqilli-
yin ilk illərində yeni cəmiyyət və milli dövlət quruculuğu prosesi-
nin müəyyən qədər gecikməsinə və həmin ərəfədə cəmiyyətdə cid-
di kataklizmlər və problemlərin meydana çıxmasına səbəb oldu.
Azadlıq və müstəqillik uğrunda gərgin mübarizə aparan Azərbay-
can xalqının milli enerjisindən düzgün istifadə edilməməsi bəhs
edilən hərəkatın pərakəndə xarakter almasına səbəb olmaqla yana-
şı, sonradan ictimai-siyasi mühitdə müəyyən deviasiyaların mey-
dana çıxmasını şərtləndirdi.
Milli enerjidən düzgün istifadə edilməməsinin səbəblərindən
biri də həmin ərəfədə milli azadlıq mübarizəsinə təcrübəli, praq-
matik, harizmatik və rasional lider siyasətçinin rəhbərlik etməməsi
idi. Hərəkatın başlanmasından müstəqilliyin ilk illərinədək ölkəyə
rəhbərlik edən şəxslərin irrasional, antimilli mövqe sərgiləmələri
və Moskvanın strateji tapşırıqları əsasında hərəkət etmələri milli
enerjidən milli birliyi və həmrəyliyi təmin edən resurs qismində
istifadə edilməsini mümkün etmədi. Bununla da milli azadlıq mü-
barizəsində iştirak edən qüvvələrin birliyi və müntəzəm, sistematik
fəaliyyət mexanizmi təmin edilmədiyindən proseslər pərakəndə, iş-
tirakçıların təmsilçiliyi isə spontan xarakter aldı. Bunun ən ağır nə-
ticəsi müstəqilliyin ilk illərində ölkədə xaotik proseslər, ziddiyyət-
lər, dissonanslar və antaqonizmlə müşayiət edilən destruktiv duru-
mun və disbalanslı əlaqələr sisteminin hökm sürməsi nəticəsində
yeni cəmiyyət və milli dövlət quruculuğu vəzifəsinin həyata keçiri-
lə bilməməsi oldu. Bir sözlə, ölkə tam mənada antaqonist qrupların
42
mübarizə meydanına və ideoloji qarşıdurma poliqonuna çevrildi.
Amma 1993-cü ildən, Azərbaycan xalqının Ümummilli lideri
Heydər Əliyevin ikinci dəfə hakimiyyətə gəlişindən sonra ümum-
milli inkişafın strateji konseptual əsasları formalaşdırıldı və bunun
fonunda təcrübi müstəvidə milli enerjidən səmərəli istifadə mexa-
nizmi həyata keçirildi və milli enerji amilindən sözün əsl mənasın-
da sabitlik, bütövlük, həmrəylik və birlik yaradan fundamental fak-
tor qismində istifadə edildi. Bununla da Azərbaycan xalqının milli
xarakteri və milli mənəviyyatı yeni cəmiyyət və qeyri-formal milli
dövlət quruculuğu vəzifəsinin həyata keçirilməsi istiqamətində
mühüm keyfiyyət ünsürünə çevrildi.
2.3. Dövlət müstəqilliyinin bərpası: problemlər,
proseslər, reallıqlar və nəticələr
Beləliklə, xalqların milli azadlıq hərəkatının fonunda bipolyar
sistemin fonunda dünyanın nəhəng geosiyasi vahidlərindən biri
olan SSRİ süquta uğradı və beynəlxalq hüququn yeni müstəqil
subyektləri meydana çıxdı. 70 ilə yaxın bir müddətdə SSRİ-nin
imperialist idarəetmə sistemi altında əzilmiş xalqların müstəqilliyə
qovuşması milli azadlıq mübarizəsində tarixi qələbə, nailiyyət ki-
mi dəyərləndirilsə də, hələ bundan sonra bəhs edilən milli döv-
lətlərin qarşısında çox ciddi strateji vəzifələr dururdu. Keçid dövrü
kimi səciyyələndirilən tarixi mərhələdə yeni cəmiyyət və qeyri-
formal milli dövlət quruculuğu vəzifəsini dövrün tələblərinə, qa-
nunauyğunluqlarına və reallıqlarına müvafiq surətdə yerinə yetir-
mək üçün uzunmüddətli praqmatik siyasi strategiya hazırlanmalı
və mərhələ-mərhələ həyata keçirilməli idi. Amma formal müstəqil-
lik əldə etmiş bir çox postsovet ölkəsində müstəqilliyin ilk illərin-
də bu vəzifəyə nail olmaq mümkün olmadı.
18 oktyabr 1991-ci il tarixində Azərbaycan Respublikası Ali
Sovetinin cari sessiyasında qəbul edilmiş “Azərbaycan Respubli-
kasının Dövlət müstəqilliyi haqqında” Konstitusiya Aktına müva-
43
fiq olaraq formal müstəqillik əldə etmiş Azərbaycan da müstəqilli-
yin ilk illərində kompleks problemlər və dərin kataklizmlərlə üz-
ləşdi. Əvvəla, həmin dövrdə cərəyan edən proseslər və ortaya
çıxan mənzərə onu göstərdi ki, Azərbaycan digər keçmiş SSRİ res-
publikaları ilə müqayisədə öz müstəqilliyini olduqca gec elan
etmişdi. Məsələn, Litva 11 mart 1990, Rusiya 12 iyul 1990, Gür-
cüstan 9 aprel 1991, Estoniya 20 avqust 1991, Qırğızıstan 31
avqust 1991, Özbəkistan 1 sentyabr 1991-ci il, nəhayət, Tacikistan
9 sentyabr 1991-ci ildə öz müstəqilliyini elan etdiyi halda, Azər-
baycan buna yalnız 1991-ci il oktyabrın 18-də nail ola bildi. Təbii
ki, bunun bir sıra obyektiv və subyektiv səciyyə daşıyan funda-
mental səbəbləri var idi. Bu səbəblərin başında isə həmin vaxt
Respublikaya “rəhbərlik” edən subyektlərin qətiyyətsizliyi, Mos-
kvanın kölgəsi altında, “kölə psixologiyası” ilə yaşamaq niyyətləri
və bu rəhbərlərin xalqın ali mənafeyini mərkəzin imperialist ma-
raqlarına qurban vermələri dayanırdı. Yəni, keçmiş SSRİ-yə daxil
olan respublikalarda öz müstəqillikləri uğrunda mübarizə aparan
xalqlara həmin respublikaların rəhbərləri də bu və ya digər forma-
da dəstək verdikləri halda, başda Ayaz Mütəllibov olmaqla o
zamankı Azərbaycan rəhbərliyi öz funksiyasını normal qaydada
yerinə yetirə bilməyən mərkəzin təlimatlarını gözləyir və onun
tapşırıqları əsasında hərəkət edirdi. Bu da nəticə etibarilə Azərbay-
can xalqının müstəqillik arzularının mərkəzin imperialist tapşırıq-
ları əsasında boğulması ilə nəticələnirdi.
Bir sözlə, bütün mahiyyəti və mövcudluğu ilə Kremldən asılı
olan o zamankı Azərbaycan rəhbərliyi müstəqillik ideyalarını,
prinsiplərini qəbul etmək, mənimsəmək iqtidarında deyildi.
Sadəcə, SSRİ-nin dağılması ərəfəsində formalaşmış təbii situasiya,
hətta imperiyanın mərkəzində dayanan Rusiyanın belə, öz dövlət
müstəqilliyini elan etməsi, həmçinin, xalqın azadlıq istəyi kimi
faktorlar Azərbaycanın da müstəqilliyinin əldə edilməsini şərtlən-
dirdi. Məhz Azərbaycanın o zamankı iqtidarının müstəqillik ideya-
larına etinasız olmasının nəticəsi idi ki, onlar ölkəmizin müstəqilli-
yinin möhkəmlənməsi istiqamətində konkret olaraq heç bir addım
Dostları ilə paylaş: |