İlham A.Mazanlı_________________________________________________________
21
təkmilləşdirici, maarifləndirici və s. funksiyaları yerinə
yetirir. Onlar, eyni zamanda, cəmiyyətdə destruktiv,
dezinteqrativ, dağıdıcı faktorlar kimi də çıxış edirlər.
Kütləvi informsiya vasitələri bütövlükdə cəmiyyətin
həyatına, ayrı-ayrılıqda isə heç bir fərq qoymadan onun
bütün üzvlərinin sosial-siyasi, psixoloji və mənəvi simasına
bilavasitə böyük təsir göstərir. Bu, ilk növbədə onunla izah
olunur ki, KİV-lə yayılan hər bir yeni informasiya
stereotiplənmiş olur və özündə dəfələrlə təkrar olunmuş
siyasi məzmun, yönüm və dəyərləri daşıyır, həmçinin uzun
müddət insanların şüurunda yaşayır. Böhran dövrlərində,
xüsusilə də millətlərarası və dövlətlərarası münasibətlərin
gərginləşməsi, sosial narahatlıq şəraitində insanlar təlqinə
və təsirə xüsusilə tez məruz qalır, müxtəlif yeni ideya və
stimula əks-səda verir, “informasiya hücumuna” daha tez
təslim olurlar. Təcrübə göstərir ki, milliyyətindən, dinindən,
hər hansı bir korporativ qrupa mənsub olmasından asılı
olmayaraq, insanlar KİV-in bəzi ideya və çağırışları
ətrafında daha tez cəmləşirlər. Kütləvi informsiya vasitələri
insanları birləşdirir, milli səviyyədə vahid dəyər və
rəmzlərin hazırlanmasını və onlara inamın artmasını
tezləşdirir və ümumi “axına” yönəldir. Beynəlxalq təcrübə,
xüsusilə də XX əsrin sonlarında postsovet və Şərqi Avropa
regionunda baş vermiş məlum hadisələr göstərmişdir ki, bu
prosesi kütləvi informsiya vasitələri özləri yaradır və özləri
də onu qlobal səviyyəyə qaldırırlar. Əgər kütləvi
informasiya vasitələrinin müasir dövrdə rolunun getdikcə
KİV millətlərarası və dövlətlərarası münasibətlərin təkmilləşdirilməsi faktoru kimi
22
daha da artdığını nəzərə alsaq, KİV-in sözügedən sahədə
fəaliyyətinin, xüsusilə də onun millətlərarası və ya müxtəlif
insan birlikləri, ya da dövlətlərarası münasibətlərin
təkmilləşdirilməsi və stabilləşdirilməsi faktoru kimi
müəyyən edilməsinin və sistemləşdirilməsinin aktuallığı və
elmi-praktik əhəmiyyəti heç bir şübhə doğurmur.
XX əsrin sonlarında bu səpkidən olan konfliktlərin
cərgəsində Dağlıq Qarabağ və onun ətrafında baş vermiş,
Azərbaycan və Ermənistan arasındakı münasibətləri sonuna
qədər gərginləşdirmiş və tarıma çəkmiş (birinci dəfə deyil –
İ.M.), dünya ictimaiyyətinin və bir sıra güclü dövlətlərin
(xüsusilə də regionda geosiyasi marağı olan) diqqətini
regiona cəlb etmiş, həmçinin bəzi postsovet ölkələrində
istənilən an özünəxas detonator rolunu oynaya biləcək
hadisələr [Rusiya Federasiyasının Abxaziyanın və Cənubi
Osetiyanın müstəqilliyini tanıması, Ukrayna hadisələri
(fevral-aprel 2014-cü il) zamanı Krıma hərbi kontingent
yeritməsi və Krımı öz tərkibinə qatması bu ehtimalı daha
real edir – İ.M.] xüsusi yer tutur.
Ermənistan-Azərbaycan, Dağlıq Qarabağ münaqi-
şəsi bir tərəfdən özündə millətlərarası və dövlətlərarası
münasibətlərin ümumi problemlərini cəmləşdirsə də, digər
tərəfdən bu münaqişə özünəməxsus spesifik xüsusiyyətlərə
malikdir. Hər şeydən əvvəl qeyd edilməlidir ki, həmişə
cəmiyyətdə “inqilabi yüksəliş və kardinal dəyişikliklər” baş
verdiyi dövrlərdə “Dağlıq Qarabağ haqqında məsələ”
qaldırılmışdır. Dağlıq Qarabağ ətrafında yaradılmış
İlham A.Mazanlı_________________________________________________________
23
situasiyanın qeyri-adiliyi özünü problemin süni yaradılması
və qızışdırılmasında, millətçi və separatçı qüvvələr
tərəfindən əvvəlcədən verilmiş parametrlərə uyğun olaraq
gərginliyin artırılmasında büruzə verirdi. Problemin (proses
də adlandırmaq olar – İ.M.) gedişinin davamlı olaraq
uzadılması da bu münaqişənin xarakterik xüsusiyyət-
lərindəndir. Zənnimizcə, bu baxımdan da kütləvi
informasiya vasitələrinin fəaliyyətlərinin araşdırılması
qanunauyğun elmi maraq doğurur.
Yuxarıda deyilənlərdən obyektiv olaraq belə bir
nəticəyə gəlmək olur ki, fərqli sistemlərdə belə, millət-
lərarası və dövlətlərarası münasibətlərin KİV-də işıqlan-
dırılması təcrübəsinin öyrənilməsi hər zaman faydalıdır və
bu, aşağıda göstərilən obyektiv səbəblərlə izah olunur:
-
millətlərarası və dövlətlərarası münasibətlərin
KİV-də
işıqlandırılması sahəsində tarixi
təcrübənin öyrənilməsinin vacibliyi;
-
millətlərarası və dövlətlərarası münasibətlər
probleminə, xüsusilə də hüquqi, demokratik
dövlətin əsaslarının yaranmasına yeni yanaşma-
nın formalaşmasında kütləvi informasiya
vasitələrinin rolunun artması;
-
postsovet regionunun bəzi dövlətləri və kütləvi
informasiya vasitələri arasında millətlərarası
münasibətlərin mürəkkəbləşməsi nəticəsində
yaranmış sosial-siyasi gərginliyin aradan
qaldırılması;
KİV millətlərarası və dövlətlərarası münasibətlərin təkmilləşdirilməsi faktoru kimi
24
-
milli regionlarda yaranmış münaqişə şəraitində
kütləvi informasiya vasitələrinin fəaliyyətinin
kompleks halda araşdırılması;
-
bu problematikanın yalnız tarixilik və ya müasir
dövrün hərtərəfli təhlili baxımından deyil, eyni
zamanda, kütləvi informasiya vasitələrinin
millətlərarası və dövlətlərarası münasibətlərin
təkmilləşdirilməsi amili kimi fəaliyyətlərinin
optimallaşdırılması yollarının elmi cəhətdən
araşdırılması.
Ümumiyyətlə, indiyədək KİV-in fəaliyyətinin
araşdırılması məqsədi ilə müxtəlif istiqamətlərdə çoxsaylı
tədqiqat işləri aparılmışdır. Lakin, XX əsrin son
onilliklərində xeyli empirik material toplanılsa da, bu
problem üzrə elmi publikasiyalar sırf ümumi nəzəri xarakter
daşıyır və onların əksəriyyəti kommunist ideologiyası
çərçivəsində hazırlanmışdır. Bu publikasiyalarda KİV-in
fəaliyyət problemləri bir qayda olaraq, ümumi siyasi
prosesin tərkib hissəsi kimi deyil, onun illüstrativ hissəsi
kimi nəzərdən keçirilir. Aydındır ki, bu cür yanaşmalar
yaşarlı ola bilirlər. Hətta, müxtəlif növ elmi invektivlərin
(lat. invectiva – nəyə qarşısa sərt, ifşaedici çıxış) sübut
olunmasında kifayət qədər inandırıcı arqument rolunu
oynaya bilsələr də, KİV-in fəaliyyətinin “sistemdaxili”
təhlili üçün o qədər də yararlı ola bilmirlər. Bu problem,
Azərbaycan elminin və jurnalistikasının da daxil olduğu
sovet elminin müxtəlif sahələrini - siyasi fəlsəfə,
Dostları ilə paylaş: |