32
göstərərək, elə bir əda və ifadə ilə deyirdi ki, “gəda” sözündən
təhqiramiz bir söyüş bilməyən zadəganın sanki bütün varlığını açıb
göstərirdi” (21).
Beləliklə, Maqduf obrazından sonra Ələsgər Ələkbərov
Tibaltı da yüksək sənətkarlıqla yaratmağa müvəffəq olmuşdur.
1937-ci il aprel ayının 28-də A. İsgəndərovun quruluşunda M.
İbrahimovun ilk səhnə əsəri olan “Həyat” pyesi tamaşaya qoyuldu
və Akif obrazını Ə. Ələkbərov ifa etdi. Pyesdə cərəyan edən
konflikt də Akifin ailəsindən başlayır.
Ə. Ələkbərov Akifi lirik planda
yaratmağa müvəffəq olmuşdur. Onun
Akifi qısqanc və sadəlövh idi. Ələk-
bərovun Akifi zəmanəsinin oğludur.
O, Süleymana inanırdı, ona müqavi-
mət göstərə bilmirdi.
1937-ci ildə noyabr ayının 3-də
İ.
Hidayətzadənin
quruluşunda
C. Cabbarlının “1905-ci ildə” əsəri ta-
maşacıların sərancamına verili və
Əmiraslan bəy Salamov rolu Ə. Ələk-
bərov canlandırdı. Əlbətdə İ. Hidayət-
zadədən və M. A. Əliyevdən sonra bu
obrazı yaratmaq aktyordan böyük ba-
carıq tələb edirdi. Və Ə. Ələkbərov bu
obrazı layiqincə ifa etdi.
Salamov-Ələkbərovun ifasında
yalnız küt və kobud adam deyildir. O,
kapitalist mənafeyini bilən, heç kəsə güzəşt etməyən bir insan idi.
“Salamov obrazında Ə. Ələkbərov Əmiraslanbəyin kobudluğunu və
primitivliyini, kütlüyünü və yırtıcılığını tam ciddi planda, obrazın
sinfi təbiəti kimi inikas etdirmişdir. Artist burada da Cabbarlı dia-
loqlarının dərin ictimai mahiyyətini düzgün qavradığını gös-
tərmişdir” (21).
Ə.Ələkbərov – Salamov
rolunda
33
D. Qalin “Bakinski raboçi” qəzetində (15.11.1937) yazır ki;
“Bu rol nadir bir təzəliyə və özünəməxsusluğa malikdir, gənc artist
Ə. Ələkbərov kəskin satirik ahəngə meyl edir”.
Ələsgər Ələkbərov ifa etdiyi bu mürəkkəb obrazı belə
xarakterizə edirdi; “Salamovun böyük ustalıqla işlənmiş spesifik
cizgiləri, hərəkətləri vardır. Salamov dedikcə kobud, yöndəmsiz,
hərəkət və ifadələrində ölçüsüz və biçimsizdir. Bu tipin hərəkət və
danışıqları indi bizim üçün çox gülməlidir. Komik effektlər yaradan
bu cəhətləri inkişaf etdirməklə rol ciddiyyətini, buna görə də
ictimai-tarixi mənasını itirir, gülməli şarj halına salınmış bir şəkildə
meydana çıxır. Bu qorxulu nöqsana yol verməmək üçün mən
əlimdən gələn qədər çalışmışam” (12).
Ə. Ələkbərovun yaratdığı Salamov zəhmətkeş insanların
amansız düşməni idi. O, kobud olmaqla yanaşı, hər şeyə pulun gözü
ilə baxırdı. Aktyorun ifasında Salamovun tamaşa boyu bütün müha-
kimə və fikirləri sadədir, iyrəncdir.
“Oynadığı rolları bədii ümumiləşdirmə səviyyəsinə qaldırmaq,
onların fərdiyyəti ilə ictimai mahiyyəti bə mövqeyi arasında vəhdət
tapmaq, tip yaratmaq Ələsgər Ələkbərovun realizm məktəbinə hə-
mişə sadiq olduğunu sübut edir. O öz yaradıcılığının ilham dəmlə-
rində ən uğurlu və müvəffəqiyyətli obrazlarını, yaradarkən Azər-
baycan səhnə realizminə həqiqətən gözəl nümunələr əlavə edir,
ayrı-ayrı hallarda öz böyük sələflərinin səviyyəsinə yüksəlir. Ə.
Ələkbərovun faciə planında yaratdığı bəzi obrazları Abbas Mirzə
xəttinin davamı hesab edilə bilər. Onun yaradıcılığına bütünlüklə
baxanda, onun fəaliyyətinə ümumi bir nəzər yetirəndə isə düşünmək
olar ki, Azərbaycan səhnə realizminin iki qolu-realizm və roman-
tizm xətləri burada birləşərək yeni bəhrə vermişdir” (22).
1938-ci il yanvar ayının 17-də Rza Təhmasıbin quruluşunda
tamaşaya qoyulan M. F. Axundovun məşhur “Hacı Qara” komedi-
yasında Ə. Ələkbərova Heydər bəy obrazı ilə tamaşaçılar qarşısında
çıxış etdi.
34
Heydər bəy-Ələsgər Ələk-
bərovun yaratdığı ən müvəffəqiy-
yətli rollardan biridir. Aktyor
Heydər bəyin timsalında köhnə-
liyi, tüfeyliliyi ifşa edirdi. Bu ta-
maşada müəyyən epizodlar olma-
sına baxmayaraq aktyor bunların
öhdəsindən bacarıqla gəlirdi. Ə.
Ələkbərovun ifa etdiyi Heydər
bəy tamaşa boyu müxtəlif yerlər-
də hadisəyə uyğun obrazı qürurlu
gənc kimi, dost kimi, vüqarlı bəy
kimi, qaçaq kimi, müqəssir kimi,
məsum bir cavan kimi elə təsirli
oyun nümayış etdirirdi ki, tama-
şaçı onun böyük istedadına valeh
olurdu.
Ələsgər Ələkbərov 1938-ci
ildə, mart ayının 26-da A. İsgən-
dərovun quruluşunda “Yanar də-
rə” pyesində Sultanov və yenə hə-
min ildə, aprel ayının 28-də S. Rüstəmin tərcüməsində, Ağəli Dada-
şovun quruluşunda Georgi Midivaninin “Vətən namusu” (“Vətən
oğlu”) əsərində Yaqor obrazlarını ifa etdi.
“ “Vətən” tamaşasının premyerası martın 2-də təyin olundu.
Ancaq həmin gün və ümumiyyətlə, 1937-ci ildə bu tamaşa
oynanılmadı. Cabbar Məcnunbəyovun bu əsəri 1938-ci il mart
ayının 26-da “Yanar dərə” adı ilə göstərildi” (26).
1938-ci il oktyabr ayının 5-də Azərbaycan teatr sənətində ta-
rixi hadisə baş verdi. Həmin gün Səməd Vurğunun “Vaqif” mən-
zum dramı Adil İsgəndərovun quruluşunda tamaşaya qoyuldu. Ta-
maşada çox qüdrətli aktyor ansambılı var idi. Sidqi Ruhulla-Qacar,
Əli Qurbanov-Vidadi, Ağasadıq Gəraybəyli-İbrahim xan, Rza Əf-
qanlı-Eldar, Fatma Qədri-Xuraman, Sona Hacıyeva-Gülnar və
Ə.Ələkbərov – Heydər bəy
rolunda
Dostları ilə paylaş: |