101
İSMAYILLI RAYONUNDA ŞƏHİD AİLƏLƏRİ
VƏ QARABAĞ ƏLİLLƏRİ ÜÇÜN
İNŞA EDİLMİŞ BİNANIN İSTİFADƏYƏ
VERİLMƏSİNƏ HƏSR OLUNMUŞ
MƏRASİMDƏ ÇIXIŞ
3 oktyabr 2003-cü il
Hörmətli ismayıllılar!
Mən sizin hamınızı ürəkdən salamlayıram. Bu gün bu görüşə gəldiyinizə görə və mənə göstərdiyiniz
hərarətli münasibətə, mehribanlığa görə sizlərə öz təşəkkürümü bildirirəm.
Bu gün Azərbaycanda bayramdır. Bu gün Azərbaycanın gözəl guşəsində, İsmayıllıda hörmətli cənab
prezident Heydər Əliyevin göstərişi əsasında Əmək və Əhalinin Sosial Müdafiəsi Nazirliyi tərəfindən tikilib
istifadəyə verilmiş evin açılışını qeyd edirik. Bu evdə Qarabağ müharibəsində öz fiziki sağlamlığını itirmiş
insanlar yaşayacaq, şəhid ailələri yaşayacaqlar. Bu münasibətlə mən sizin hamınızı bir daha təbrik edirəm.
Azərbaycanda sosial məsələlərin həllinə daim diqqət göstərilir. Cənab Prezidentin göstərişləri əsasında bütün
müvafiq qurumlar əlindən gələni edir ki, çətin vəziyyətdə yaşayan insanlara kömək göstərilsin. Bu açılış mənim
iştirak etdiyim birinci mərasim deyildir. Bundan bir neçə il əvvəl, cənab Prezidentlə birlikdə biz Qaradağ
rayonunda məskunlaşmış qaçqınlar və məcburi köçkünlər, şəhid ailələri, Qarabağ müharibəsi əlilləri üçün
tikilmiş və hərəsi 50 mənzildən ibarət iki evin açılışını etmişdik. Yəni, bu ənənə, bu siyasət davam edir. Sizi
əmin etmək
istəyirəm ki, gələcəkdə də Azərbaycan hökuməti bu məsələyə daim diqqət göstərəcək, Qarabağ
müharibəsi əlilləri, şəhid ailələri üçün eyni şəraitli yeni-yeni evlər tikiləcəkdir.
Bütün bu məsələləri həll etmək üçün, ümumiyyətlə, Azərbaycanda bütün sosial məsələləri həll etmək üçün,
əlbəttə, iqtisadiyyatımız güclü olmalıdır. Heydər Əliyev tərəfindən həyata keçirilən iqtisadi islahatlar, aparılan
neft strategiyası bizə imkan verir ki, ölkəmizin valyuta ehtiyatları artsın, Azərbaycan zəngin dövlətə çevrilsin.
Azərbaycan dövləti, hökuməti bu imkanlardan istifadə edib belə gözəl binalar tikir, qaçqınlar, məcburi
köçkünlər üçün yeni qəsəbələr, şəhərciklər salınır.
İki
gün bundan əvvəl, mən Biləsuvar rayonunda məskunlaşmış məcburi köçkünlərlə görüşmüşdüm. Orada
böyük qəsəbələr tikilib istifadəyə verilibdir. 2500-dən artıq ailə yeni, müasir, yaxşı şəraiti olan evlərə
köçürülübdür. Onlar əvvəllər çadır düşərgələrində yaşayırdılar. Yenə də deyirəm, bu siyasət davam etdirilir,
Azərbaycan iqtisadi cəhətdən güclənir, ayağa qalxır. Əlbəttə ki, bizim imkanlarımız artdıqca, ilk növbədə, sosial
məsələlər öz həllini tapacaqdır.
Azərbaycanın çox gözəl perspektivləri, çox gözəl gələcəyi var. İslahatlar aparılır. O cümlədən torpaq islahatı
aparılıb və sizlər, İsmayıllı rayonunda yaşayan, kənd təsərrüfatı ilə məşğul olan insanlar bunu yaxşı bilirsiniz və
görürsünüz.
Torpaq vergisindən savayı, kəndlilər bütün vergilərdən azad olunublar. Başqa yardımlar da edilir.
Azərbaycan MDB dövlətləri arasında birinci ölkədir ki, bütün torpağı kəndlilərin mülkiyyətinə verib
və onlar da
bundan çox səmərəli istifadə edirlər.
Bizi gələcəkdə nələr gözləyir? Gələcəkdə, Azərbaycanda Heydər Əliyevin neft strategiyası həyata
keçiriləndən, qarşımızda duran bütün irimiqyaslı layihələr başa çatdırılandan sonra Azərbaycana milyardlarla
dollar vəsait daxil olacaqdır. O vəsaitin hesabına Azərbaycan yenidən qurulacaq, yeni iş yerləri yaradılacaq,
yeni binalar, qəsəbələr, səhiyyə, təhsil ocaqları – bunların hamısı olacaqdır. Artıq bunlar baş verir. Apardığımız
işlərin nəticəsində son 20 gündə açdığımız müəssisələr, qəsəbələr bir daha onu göstərir ki, Azərbaycanda
aparılan siyasət ən düzgün siyasətdir. Bu siyasəti 1993-cü ildə Heydər Əliyev başladı və biz onu davam
etdirəcəyik. Heydər Əliyevin siyasətini biz hamımız birlikdə davam etdirəcəyik.
İqtisadiyyatda əldə olunan və gələcəkdə də əldə ediləcək nəticələr bizə imkan verəcək ki, müharibədən
əziyyət çəkmiş insanların həyat şəraitini yaxşılaşdıraq. Müharibə Azərbaycana böyük ziyan vurub, böyük
bəlalar gətiribdir. Azərbaycan şəhidlər verib, müharibədən qayıdan insanlar öz fiziki sağlamlığını itiriblər.
Əlbəttə, bu insanlara qayğı göstəriləcək, diqqət göstəriləcək və onların həyat şəraiti yaxşılaşdırılacaqdır. Amma
əsas məsələ bundan ibarətdir ki, Azərbaycanın torpaqları işğaldan azad olsun.
Bilirsiniz ki,
bu istiqamətdə işlər görülür, danışıqlar gedir. Biz çalışırıq ki, bütün beynəlxalq təşkilatlarda
Ermənistan işğalçı dövlət kimi tanınsın. Biz Avropa Şurasında buna nail ola bildik. Baxmayaraq ki,
Ermənistan
tərəfi çox güclü müqavimət göstərirdi. Baxmayaraq ki, onları dünyada dəstəkləyən dairələr həddindən artıq
çoxdur, Azərbaycan nümayəndə heyətinin fəaliyyəti nəticəsində Avropa Şurası dünyada ilk dəfə Ermənistanı
işğalçı dövlət kimi tanıdıb və onun siyasətini pisləyibdir. Bu bizim böyük qələbəmizdir və gələcəkdə danışıqlar
prosesində müsbət rol oynayacaqdır.
102
Əgər Ermənistanda fikirləşirlərsə ki, bizim torpaqlarımızı işğal edib və bundan da hansısa üstünlük əldə
ediblər – onlar səhv edirlər. Azərbaycan xalqı heç vaxt bu vəziyyətlə barışmaz, nəyin bahasına olursa-olsun, öz
doğma torpaqlarını azad edəcəkdir.
Biz istəyirik bunu sülh yolu ilə həll edək. Amma görsək ki, sülh yolu ilə mümkün deyil, onda bizim güclü
ordumuz var, güclü xalqımız var, iradəmiz, cəsarətimiz var. Torpaqlar azad olunacaqdır.
İndi baxın və Ermənistanda olan vəziyyəti və Azərbaycanda olan vəziyyəti müqayisə edin. Ermənistan
tamamilə böhran içindədir. Hər şey dağıdılıbdır. Ölkə borc içindədir. Qalan müəssisələrini də borcun əvəzinə
başqa ölkələrə təhvil verir. İşsizlikdir, iqtisadi inkişaf yoxdur, bir dənə də daş-daş üstə qoyulmur. Azərbaycan
isə inkişaf edir. Azərbaycanın valyuta ehtiyatları 1 milyard 400 milyon dollar səviyyəsindədir. Əlbəttə,
Ermənistanda belə imkanlar yoxdur. Onlar sadəcə olaraq, xaricdə yaşayan ermənilərin və bəzi ölkələrin
hesabına yaşayırlar. Gələcəkdə bu, özünü daha açıq-aydın büruzə verəcəkdir. Azərbaycan iqtisadi cəhətdən
güclü dövlətə çevriləcəkdir, Ermənistan isə tənəzzülə uğrayacaqdır.
Orada, təxminən Azərbaycanda 1992–1993-cü illərdə olan vəziyyət yaranmışdır. O vaxt Azərbaycan böhran
içində idi. Azərbaycana rəhbərlik edən səviyyəsiz,
səriştəsiz şəxslər, indiki müxalifət ölkəyə böyük bəlalar
gətirmişdilər, Azərbaycan uçurum kənarında idi. Azərbaycanda anarxiya, xaos, hərc-mərclik hökm sürürdü.
Quldur dəstələri meydan sulayırdı. Azərbaycan parçalanırdı, iqtisadiyyat tamamilə dağıdılmışdı. Belə olan
vəziyyətdə hakimiyyətdəkilər öz canlarından qorxaraq, Heydər Əliyevə müraciət etdilər. Azərbaycan xalqı da
Heydər Əliyevə müraciət etdi, Heydər Əliyevi dəvət etdi. 1993-cü ildə Heydər Əliyev Azərbaycana gəldi, onu
xaosdan, anarxiyadan qurtardı. Azərbaycanda sabitlik yarandı, iqtisadi inkişaf başladı. İndi Azərbaycan yaşayır
və bundan sonra da yaşayacaqdır.
O vaxt Azərbaycanı bu çətin vəziyyətə salan insanlarda mənəvi haqq olmamalıdır ki, yenidən xalqın
qarşısına çıxsınlar, öz fikirlərini söyləsinlər. Amma mən hesab edirəm ki, onların bu seçkiqabağı kampaniyada
iştirakı Azərbaycan xalqı üçün çox lazımdır. Ona görə ki, onlar bir daha özlərini xalqın qarşısında biabır edirlər.
Bir daha göstərirlər ki, xalq üçün heç nə etməyiblər və etmək fikrində də deyillər.
Xalq hər şeyi görür. Hər kəsə də gördüyü işlərə görə qiymət verir.
Müxalifətə sual vermək lazımdır ki, bu on ildə onlar nə ediblər? Öz kabinetlərində oturublar, öz çirkin
qəzetlərində iqtidara,
cənab Prezidentə, Azərbaycan xalqına böhtan yağdırırlar, təhqir edirlər. Bu on il ərzində
ancaq böhtan, yalanla məşğul olublar. Bir dəfə də olsun gəlib soruşublar, sizinlə bir dəfə görüşüblər?!
Y e r d ə n s ə s l ə r: Xeyr.
İ l h a m Ə l i y e v: Bəli, bu onları maraqlandırmır. Belə olan halda hansı üzlə gəlib xalqdan səs istəyirlər?
Azərbaycan xalqı onları 1993-cü ildə bir dəfə qovub və bir də heç vaxt hakimiyyətə gələn deyillər.
Azərbaycanda onlar kimi qorxaqlardan heç vaxt prezident olmaz.
Qarşımızda duran bəzi problemlər də gələcəkdə həll olunacaqdır. Mən dedim ki, Azərbaycan hərtərəfli
inkişaf edir. Beynəlxalq aləmdə özünə layiq yerini tuta bilibdir, Azərbaycanla hesablaşırlar, hörmət edirlər. Son
həftələr ərzində mən müxtəlif ölkələrdə olarkən, dövlət və hökumət başçıları ilə görüşərkən bir daha əmin
oldum ki, Azərbaycana, Heydər Əliyev siyasətinə böyük hörmət və rəğbət vardır.
Azərbaycan iqtisadi baxımdan bütün keçmiş sovet respublikaları arasında birinci yeri tutur. Ölkəmizdə sosial
məsələlər həll olunur, işsizlik aradan qaldırılır. Ehtiyac içində yaşayanlar üçün gözəl binalar, qəsəbələr salınır.
Amma problemlərin həllinə yönəlmiş səylər gələcəkdə daha da artırılmalıdır. Azərbaycanda
işsizlik tamamilə
aradan qaldırılmalıdır və bu istiqamətdə hökumət öz tədbirlərini görəcəkdir. Xüsusi bir proqram hazırlanır. O
proqram çərçivəsində Azərbaycanda 600 min yeni iş yeri açılacaqdır. Yoxsulluqla mübarizə aparılır. Düzdür,
Azərbaycanda prezident Heydər Əliyevin fərmanları əsasında insanların böyük bir qrupunun maaşları,
təqaüdləri artırılıbdır. 40–50 faiz artım olubdur. Amma bu, yenə də kifayət etmir. Biz bilirik ki, bu da azdır və
bu istiqamətdə də gələcəkdə gözəl şərait yaradılacaqdır. Bizə bunu etmək üçün gərək vəsait daxil olsun. Vəsait
də Azərbaycanda Heydər Əliyevin neft strategiyası həyata keçiriləndən sonra daxil olacaqdır.
2005-ci ildə Bakı–Tbilisi–Ceyhan neft kəməri tikilib istifadəyə veriləndən sonra Azərbaycanda həyat
səviyyəsi qat-qat yüksələcəkdir. Məhz ona görə ermənilər bu neft kəmərinin əleyhinə kampaniya aparırlar. Biz
onları başa düşə bilərik. Onlar bizim düşmənlərimizdir. Təbiidir, onlar qorxurlar ki, Azərbaycan neft kəmərləri
vasitəsilə güclü iqtisadiyyat yaradıb, münaqişə məsələsini ədalətli şəkildə öz xeyrinə həll edəcəkdir.
Mən müxalifəti başa düşmürəm. Onlar da bu neft kəmərinin tikilməsinin əleyhinədirlər. Nəyə görə? Çünki
bilirlər ki, o, tikilib istismara veriləndən sonra Azərbaycanda həyat səviyyəsi qalxacaq, Azərbaycan xalqı daha
da yaxşı yaşayacaq və heç onların üzünə də baxmayacaqdır. Belə olan halda, biz bir daha əmin oluruq ki,
ermənilərin və bizim müxalifətin maraqları üst-üstə düşür. Nəzərə alsaq ki, onların qohumları da ermənilərdir,
onda təəccüblənməli bir şey yoxdur. Ona görə mən
bir daha demək istəyirəm ki, Azərbaycanda Heydər Əliyevin
siyasətinə alternativ siyasət ola bilməz və yoxdur. Azərbaycan xalqı heç bir başqa siyasəti qəbul etməyəcəkdir.
Azərbaycan Respublikasının Prezidenti dünən xalqa müraciət edibdir. Sizin bundan xəbəriniz var. Biz
hamımız çox istəyirdik ki, cənab Prezident bu seçkilərdə iştirak etsin. Amma səhhətində yaranan problemlər