110
ki, gələcəkdə ƏDC-nin üzvü olan dövlətlərlə Azərbaycan
arasında münasibətlər uğurla inkişaf edəcəkdir. Bizim
əlaqələrimiz çox möhkəm tarixi, mədəni və dini əsaslara
söykənir.
Bu gün Baş katiblə apardığımız müzakirələr və səfirlərlə
keçirdiyimiz görüş zamanı biz regional məsələləri müzakirə
etdik. Ermənistan–Azərbaycan, Dağlıq Qarabağ münaqişəsini,
Ermənistan
silahlı
qüvvələri
tərəfindən
Azərbaycan
torpaqlarının davamlı işğalını müzakirə etdik. Çünki bu məsələ
regionda bizim hamımızı narahat edir. Biz bu münaqişənin
beynəlxalq hüquq norma və prinsipləri, Azərbaycanın ərazi
bütövlüyü prinsipi əsasında həlli məsələsində hər zaman
müsəlman, ərəb qardaşlarımızın dəstəyini duymuşuq. Əminəm
ki, gələcəkdə Ərəb Dövlətləri Cəmiyyəti ilə və eyni zamanda,
təşkilatın
üzvü olan dövlətlərlə Azərbaycan arasında
münasibətlər uğurla davam edəcəkdir.
Ə m r M u s a: Çox sağ olun cənab Prezident. İndi isə
suallarınızı verin.
S u a l: Cənab Prezident, mənim sualım iki hissədən iba-
rətdir. Sizcə hər iki tərəfin imkanları çərçivəsində bu
əməkdaşlıq kifayət qədərdirmi və Sizi qane edirmi?
Azərbaycan sülh məqsədli nüvə enerjisi sahəsində ciddi
tədqiqatlar aparır və bu məsələdə kifayət qədər təcrübəsi
vardır. Bu sahədə ərəb dövlətləri ilə əməkdaşlıq aparmaq
mümkündürmü?
İ l h a m Ə l i y e v: Bu səfərim zamanı Azərbaycan ilə Mi-
sir arasında bir sıra önəmli sazişlər bağlanmışdır. Demək olar
ki, iqtisadi və sosial məsələlərin tam əksəriyyəti bu sənədlərdə
öz əksini tapmışdır.
Dünən Misir Ərəb Respublikasının Prezidenti ilə görüşdə
də ikitərəfli əlaqələr, regional məsələlər və bizim birgə
fəaliyyətimiz haqqında geniş fikir mübadiləsi aparılmışdır.
Eyni zamanda, iki ölkə arasında iqtisadi əlaqələrin inkişafı da
diqqət mərkəzində idi. Azərbaycanda son illər ərzində iqtisadi
inkişaf çox sürətlə gedir. Mən, öz növbəmdə, Misirdən və bütün
111
ərəb dünyasından olan iş adamlarını Azərbaycana iş görmək üçün
dəvət etmişəm. Yəni bir sözlə, deyə bilərəm ki, iki ölkə arasında
əlaqələr çox yüksək səviyyədədir və biz bundan çox razıyıq.
O ki qaldı sualın ikinci hissəsi, Azərbaycanda nüvə enerjisi, bu
məsələyə dair aparılan tədqiqatlar barədə deyə bilərəm ki, bu
sahədə bizim heç bir fəaliyyətimiz yoxdur. Azərbaycanda çox
zəngin neft-qaz yataqları var. Bizim hesablamalarımıza görə, ən
azı növbəti yüz il ərzində Azərbaycan özünü də, tərəfdaşlarını da
təbii qazla və neftlə təmin edə biləcəkdir. İndi dünyada ən çox
müzakirə olunan enerji təhlükəsizliyi məsələləridir. Azərbaycan bu
işə öz töhfəsini verir və bundan sonra da verəcəkdir.
S u a l: Hörmətli cənab Prezident, Azərbaycanla ərəb
dünyasının əməkdaşlığının miqyasını necə görürsünüz?
İ l h a m Ə l i y e v: Əlbəttə ki, imkanlar çox böyükdür.
Amma nəzərə alsaq ki, Azərbaycan müstəqil ölkə kimi cəmi
15 ildir yaşayır, hesab edirəm, bu illər ərzində ərəb ölkələri ilə
Azərbaycan arasında qurulmuş münasibətlərin səviyyəsi çox
yüksəkdir. Biz həm ikitərəfli müstəvidə, həm də İslam
Konfransı Təşkilatı çərçivəsində çox uğurlu əməkdaşlıq edirik.
Qısa müddət ərzində yeddi ərəb ölkəsində Azərbaycanın
səfirliyi yaradılıb və növbəti illərdə başqa ərəb ölkələrində də
səfirliklər açılacaqdır. Yəni bu, özlüyündə bizim bu
münasibətlərin inkişafına olan marağımızı göstərir. Ərəb
ölkələrindən olan şirkətlər Azərbaycanda çox uğurla fəaliyyət
göstərir və biz istəyirik ki, onların sayı və işinin həcmi daha da
çoxalsın.
112
MİSİRİN BEYNƏLXALQ ƏMƏKDAŞLIQ
NAZİRİ XANIM FAİZƏ ƏBÜLNƏQA
İLƏ GÖRÜŞ
7 may 2007-ci il
Azərbaycan Respublikasının Prezidenti İlham Əliyev
mayın 7-də Misirin Beynəlxalq Əməkdaşlıq naziri, Misir–
Azərbaycan birgə hökumətlərarası komissiyasının həmsədri
xanım Faizə Əbülnəqa ilə görüşmüşdür.
Görüşdə ölkələrimiz arasında ikitərəfli münasibətlərin
yüksək səviyyədə olduğu, iqtisadi və humanitar sahədə əlaqə-
lərin daha da genişləndirilməsi üçün yaxşı potensialın mövcud-
luğu vurğulandı. Bildirildi ki, Azərbaycan prezidentinin Misirə
rəsmi səfəri, imzalanmış sənədlər və birgə hökumətlərarası
komissiyanın fəaliyyətinin genişləndirilməsi gələcək əməkdaş-
lığın dərinləşməsinə müsbət təsir göstərəcəkdir.
113
AZƏRBAYCAN RESPUBLİKASININ PREZİDENTİ
İLHAM ƏLİYEVİN MENA AGENTLİYİNƏ
MÜSAHİBƏSİ
Qahirə, Qübbə sarayı
7 may 2007-ci il
Azərbaycan Respublikasının Prezidenti İlham Əliyev ma-
yın 7-də Qahirədə onun üçün ayrılmış iqamətgahda – Qübbə
sarayında Misirin Yaxın Şərq Xəbərlər Agentliyinin (MENA)
idarə heyətinin sədri və Baş redaktoru Abdulla Həsənə müsahibə
vermişdir.
S u a l: Zati-aliləri cənab Prezident, öncə Sizi salamla-
yıram. Azərbaycanla Misir arasında bütün sahələrdə
əməkdaşlığın perspektivləri haqqında Sizin fikrinizi bilmək
istərdik.
İ l h a m Ə l i y e v: Bu səfər çərçivəsində imzalanmış sənəd-
lər bizim münasibətlərimizin gələcək perspektivlərini müəyyən
edir. Dünən və bu gün keçirdiyim görüşlər – prezident, Baş nazir,
parlamentin sədri ilə və digər görüşlər bir daha onu göstərdi ki,
bizim aramızda çox səmimi dostluq münasibətləri var və bu
səfərdən sonra münasibətlərimiz daha da inkişaf edəcəkdir. Siyasi
və iqtisadi əlaqələr, humanitar sahədə əlaqələr bizi qane edir və
əminəm ki, gələcək əməkdaşlıq iki xalqı bir-birinə daha da
yaxınlaşdıracaqdır.
S u a l: İmzalanan sənədlərdən biri də Azərbaycan ilə
Misir arasında neft və qaz sahəsində əməkdaşlığa aid idi.
Misirlə
Azərbaycan arasında
bu
sahədə əlaqələrin
qurulması və əməkdaşlıq yəqin ki, Misir üçün də çox həyati
əhəmiyyət kəsb edir.
İ l h a m Ə l i y e v: Bu sahədə əməkdaşlıq üçün çox gözəl