365
«Şəhidlər xiyabanı» adlanır. Xiyabanda eyni zamanda,
Ermənistan işğalçılarına qarşı Azərbaycan torpaqlarının mü-
dafiəsi uğrunda qəhrəmancasına həlak olanlar da dəfn
edilmişdir. 1998-ci ildə burada hündürlüyü 22 metr olan əbədi
məşəl – abidə qoyulmuşdur. – 162–163,184–185.
131. Varşava gettosu, bax: Varşava üsyanı.
132. Varşava üsyanı (1943 ) – Varşava gettosunda əsirlərin
alman-faşist işğalçılarına qarşı silahlı üsyanı. Aprelin 19-da baş-
lanmışdı. Üsyanı yəhudi döyüş təşkilatı hazırlamışdı.
Üsyançıların qəhrəmancasına müqavimətinə baxmayaraq, üs-
yan iyulun əvvəllərində yatırıldı, hitlerçilər 7 min adamı öldür-
dülər, 6 min adam isə yanğınlar zamanı tələf oldu. Faşistlər
gettonun sağ qalan üzvlərini Treblinkadakı ölüm düşərgəsinə
göndərdilər. –177,258.
133. «Yeni qonşuluq siyasəti» (YQS) – Avropa İttifaqının
qonşu ölkələrlə əməkdaşlığının möhkəmləndirilməsinə, Av-
ropa İttifaqı və qonşu ölkələr arasında təhlükəsiz və firavan
zonalar, Avropa İttifaqı sərhədlərində «dost ölkələr dairəsi»
yaratmaga, həmçinin Aİ ilə qonşu ölkələr arasında siyasi,
təhlükəsiz, iqtisadi və mədəni sahələrdə daha sıx əməkdaşlıq
etməyə şərait yaradır. YQS-nin əsas məqsədi Avropa İttifaqı-
nın qonşu ölkələrində stabilliyin, təhlükəsizliyin qorunması,
maraqlı ölkələrdə rifah halının yaxşılaşdırılmasıdır. – 168.
134. Azərbaycan Xalq Cümhuriyyəti – Müsəlman Şərqində
ilk dəfə dünyəvi, demokratik respublikanın əsasını qoymuş
müstəqil Azərbaycan dövləti. Cəmi 23 ay (1918-ci il mayın 28-də
yaradılmış, 1920-ci il aprelin 28-də bolşeviklərin və daşnakların
səyi ilə devrilmişdir) yaşamışdır. Paytaxtı əvvəlcə Gəncə (1918, 16
iyun – 17 sentyabr), sonra Bakı şəhəri (1918, 17 sentyabr–1920, 28
aprel) idi. Azərbaycan hökuməti yeni suveren milli dövlətin
müxtəlif problemlərinin həlli yollarında böyük əzmlə çalışırdı.
366
Nazirlər Şurasının 27 iyun 1918-ci il tarixli fərmanı ilə
respublikada dövlət dili türk (Azərbaycan) dili elan edildi.
Azərbaycan Respublikasının parlamenti 1919-cu il avqustun 11-də
Azərbaycan vətəndaşlığı haqqında qanun qəbul etdi. Xalq maarifi
sahəsində qısa müddətdə böyük tədbirlər həyata keçirildi. Qori
müəllimlər seminariyasının Azərbaycan şöbəsi Qazaxa köçürüldü,
Bakı Dövlət Universiteti təsis edildi, xarici ölkələrdə kadr hazırlığı
məqsədi ilə 1919–20-ci tədris ilində 100 nəfər gənc Avropanın
müxtəlif təhsil müəssisələrinə göndərildi. Məktəblərin xeyli
hissəsi milliləşdirildi, kitabxanalar açıldı, savadsızlığın ləğvi
üçün kəndlərdə kurslar yaradıldı. Azərbaycan Xalq Cümhuriy-
yətinin dövlət rəmzləri (üçrəngli bayraq, gerb, himn) milli Azər-
baycan rəmzləri kimi tanındı. Azərbaycan Dövlət Bankı
yaradıldı, 1918-ci ilin martında dağıdılmış neft sənayesi və
Bakı–Batum neft kəməri bərpa edildi. – 175.
135. İkinci dünya müharibəsi (1939–45) – Almaniya, İta-
liya və Yaponiya tərəfindən başlanmış böyük müharibə.
İkinci dünya müharibəsi 1939-cu il sentyabrın 1-də Alma-
niyanın Polşaya girməsi ilə başlandı. Sentyabrın 3-də Böyük
Britaniya və Fransa Almaniyaya müharibə elan etdi. 1940-cı
ilin ortalarından alman qoşunları Danimarka, Norveç, Belçi-
ka, Niderland, Lüksemburq, sonra isə Fransanı işğal etdi.
1941-ci il iyunun 22-də Almaniya SSRİ-yə qarşı müharibəyə
başladı. 1942–43-cü illərdə sovet ordusunun Stalinqrad və
Kursk vuruşmalarında qələbəsi Almaniyanı qəti surətdə sarsıtdı.
1945-ci il mayın 2-də sovet ordusu Berlini aldı. Mayın 8-də
Karlsxorstda (Berlin yaxınlığında) Almaniyanın danışıqsız təslim
olması haqqında akt imzalandı.
Yaponiyanın təslim olması haqqında sənəd isə sentyabrın
2-də imzalandı. Bununla İkinci dünya müharibəsi qurtardı.
İkinci dünya müharibəsində 72 ölkə iştirak etmişdir. Müha-
ribədə iştirak edən ölkələrin silahlı qüvvələrinə 110 milyon
adam çağırılmışdı. Müharibədə 62 milyon adam həlak olmuş,
minlərlə şəhər, qəsəbə və kənd dağılmışdı. – 178.
367
136. Bakı Slavyan Universiteti – 2000-ci ildə prezident
Heydər Əliyevin fərmanı ilə M.F.Axundov adına Azərbaycan
Rus Dili və Ədəbiyyatı İnstitutunun bazası əsasında
yaradılmışdır. İnstitutun beş fakültəsi var. Burada rus, bolqar,
polyak, çex, yunan, ukrayna dilləri, roman-alman filologiyası
öyrənilir. Universitetdə 40-dan çox elmlər doktoru, 200-ə
yaxın fəlsəfə doktoru fəaliyyət göstərir, üç min tələbə təhsil
alır. – 179.
137. Mavritaniya, M a v r i t a n i y a İ s l a m R e s -p
u b l i k a s ı – Cənub-Qərbi Afrikada dövlət. Sahəsi 1031 min km
2
,
əhalisi 2,3 milyon nəfərdir. İnzibati ərazisi 12 vilayətə, 1
mərkəzi muxtar əyalətə bölünür. Dövlət başçısı prezident,
qanunverici orqanı ikipalatalı parlamentdir (Senat və Milli
Məclis). Paytaxtı Nuakşotdur. – 180.
138. Sidi Məhəmməd Uld (d.1938) – Mavritaniya dövlət
xadimi. 2007–2008-ci illərdə Mavritaniyanın prezidenti ol-
muşdur. – 180.
139. Valter Kalin (d. 1951) – İsveçrə hüquqşünası, profes-
sor. 2004-cü ildə BMT-də Baş katibin məcburi köçkünlərin
hüquqlarının müdafiəsi üzrə nümayəndəsi, 2010-cu ildən 1913-
cü ilə qədər Cenevrədə İnsan haqlarının müdafiəsi üzrə
Beynəlxalq Xidmət İdarəsinin Direktorlar Şurasının üzvü ol-
muşdur. – 181–182.
140. Fərman Salmanov, S a l m a n o v F ə r m a n Q u r-
b a n oğlu (1928–2008) – mühəndis-geoloq. Lenin mükafatı
laureatı, Sosialist Əməyi Qəhrəmanı. Qərbi Sibirdə onun
bilavasitə rəhbərliyi ilə ən iri neft və qaz yataqları kəşf edil-
mişdir. – 183.
Dostları ilə paylaş: |