29
sadəcə yerdəyişməsini və ya onların aqreqat halının dəyişməsini (məsələn,suyun
buxara və ya buza çevrilməsi) həyata heçirir.
-
Özünütörətmə (reproduksiya) və irsiyyət.Canlı orqanizmlərin artıb-törəmə
prosesində yeni nəsil (övlad,nəvə,nəticə və s) adətən öz valideynlərinə oxşayır
(itdən küçük,inəkdən buzov və s. törəyir).Deməli,çoxalma canlı orqanizmin
özükimiləri «istehsal» etmək xassəsidir.
Özünütörətmənin əsasını DNT-də
qoyulmuş informasiya əsasında yeni molekul və strukturun yaranması təşkil edir.
Reproduksiya sayəsində nəinki bütöv orqanizm,hətta hüceyrələr də,bölünmədən
sonra sələfləri ilə oxşar olurlar.Belə ki,bir DNT molekulundan onun ikiləşməsi
zamanı başlanğıc molekulu tam təkrarlayan iki «qız» molekul yaranır.Yəni,
özünütörətmə irsiyyətlə sıx bağlıdır.İrsiyyət isə orqanizmin əlamət,xassə və inkişaf
xüsusiyyətlərinin nəsildən nəslə ötürülməni təmin etmək qabiliyyətidir ki,bu da
varisliyi şərtləndirir.
-
Dəyişkənlik,inkişaf və böyümə.Dəyişkənlik dedikdə,DNT molekulunun
dəyişməsi əsasında orqanizmin yeni əlamət və xassələr
qazanma qabiliyyəti
nəzərdə tutulur.Dəyişkənlik çoxsaylı müxtəlif « materiallar»yaratmaqla orqanizmin
inkişafı və böyüməsi üçün zəmin yaradır.İnkişaf,canlı və cansız təbiət
obyektlərinin qanunauyğun istiqamətlənmiş dönməz dəyişməsi prosesidir.İnkişaf
nəticəsində sistemin keyfiyyətcə yeni vəziyyəti meydana çıxır.Materiyanın
mövcudluğunun canlı formasının inkişafı orqanizmlərin fərdi inkişafı (ontogenez)
və növlərin tarixi inkişafından (filogenez) ibarətdir.İnkişaf prosesində tədricən və
ardıcıllıqla canlı orqanizmin səciyyəvi struktur təşkili formalaşır.Onun kütləsinin
artması isə makromolekulların,hüceyrələrin elementar
strukturunun və
hüceyrələrin özlərinin reproduksiyası ilə şərtlənir.Filogenez,canlı təbiətin yeni
növlərin yaranması və mütərəqqi mürəkkəbləşməsi ilə müşayət olunan dönməz və
istiqamətlənmiş inkişafıdır.
-
Qıcıqlanma və enerjidən asılılıq.İstənilən canlı orqanizm ətraf mühitlə qırılmaz
surətdə bağlıdır:ətraf mühitdən özünə zəruri olan maddələri çıxarır,mühitin
əlverişsiz amillərinin təsirinə məruz qalır,digər orqanizmlərlə qarşılıqlı əlaqəyə
girir və s.Təkamül prosesində canlı orqanizmlərdə qıcıqlanma-xarici təsirlərə
seçmə reaksiya yaranmış və möhkəmlənmişdir.Ətraf mühit şəraitinin hər-hansı
dəyişikliyi orqanizmdə qıcıqlanma yaradır və orqanizmin xarici qıcıqlandırıcılara
cavab reaksiyası onun həssaslıqının göstəricisi rolunu oynayır.Bundan başqa,canlı
orqanizmlər enerjidən asılılıq qabiliyyətinə də malikdir.Enerjinin daxil olması üçün
açıq olan bu sistemlər yalnız onlara kənardan fasiləsiz olaraq enerji və materiya
daxil olduğu şəraitdə dayanıqlıdır. Canlı orqanizm ətraf mühitdən enerji və
materiya qəbul etdiyi müddətdə mövcuddur(yaşayır).
-Ritmlilik canlı və cansız təbiətin sıx qarşılıqlı əlaqəsinin nəticələrindən biridir.
Təbiətin hər yerində rəqsi (titrəyişli,tərəddüdlü)
proseslər-okean qabarma-
30
çəkilmələri,gecə və gündüzün növbələşməsi,ilin fəsillərinin növbələşməsi,dövri
olaraq günəşin aktivliyinin artması,geoloji proseslərin dövriliyi və s. yayılmışdır.
Ətraf mühitdəki bu dövri dəyişmələr canlı təbiətə və canlı orqanizmlərin fərdi
(şəxsi) ritmlərinə əhəmiyyətli təsir göstərir. Canlı sistemlərdə ritmlilik fizioloji
funksiyaların intensivliyinin müxtəlif dövriliklə (bir neçə saniyədən bir və ya yüz
illərə qədər)dəyişməsində təzahür edir.Məsələn,insanın sutkalıq yuxu və gümrahlıq
ritmi,bəzi məməlilərin (ayı,kirpi və s.) fəallıq və yuxuya
getməsinin mövsümi ritmi
və s.Ritmlilik orqanizmin funksiyalarının ətraf mühitlə uzlaşmasını ,yəni,dövri
olaraq dəyişən mövcudluq şəraitinə uyğunlaşmasını təmin edir.Məsələn,
orqanizmin mövsimi və sutkalıq ritmləri mühitin geofiziki tsiklinə uyğunlaşma
kimi yaranmışdır.
-
Özünütənzimləmə (avtotənzimləmə)-fasiləsiz olaraq dəyişən ətraf mühit
şəraitində məskunlaşmış orqanizmin öz kimyəvi tərkibinin daimiliyini və fizioloji
proseslərin intensivliyini saxlamaq qabiliyyətidir.Bu zaman,hər -hansı qida
maddəsi kifayət qədər daxil olmaması orqanizmin daxili resursları səfərbər
edir,hər-hansı maddə izafi miqdarda olduqda isə onun sintezi dayandırılır.
Məsələn,hüceyrədə universal enerji akkumuliyatoru r olan adinazintrifosfar (ATF)
kimi fermentin çatışmazlığı onun sintezinə başlamaq üçün siqnal rolunu oynayır və
ATF ehtiyatının yeri dolduqda isə onun sintezi dayandırılır;toxumada
hüceyrənin
miqdarının azalması (məsələn,zədələnmə zamanı) qalan hüceyrələrin sürətli
çoxalmasına (artıb-törəməsinə) səbəb olur;hüceyrələrin miqdarının bərpası
hüceyrələrin intensiv bölünməsinin dayandırılmasına siqnal verir.
-
Diskretlik (fasiləlilik).Yerdə həyat diskret formalarda təzahür edir.Yəni,
orqanizm və ya bioloji sistem (növ,biogeosenoz və s.) təklənmiş və ya
fəzada
məhdudlanmış,lakin ,öz aralarında sıx əlaqə və qarşılıqlı fəaliyyətdə olan,
funksional bütövlük yaradan hissələrdən təşkil olunmuşdur.Məsələn,istənilən növ
fərdlərdən,fərdlər orqanlardan,orqanlar isə ayrı-ayrı toxuma
və hüceyrələrdən
təşkil olunmuşdur .Orqanizmin quruluşunun diskretliyi onun struktur
nizamlılığının əsasıdır.Bu isə,aşınmış struktur elementlərinin (molekul,ferment,
hüceyrə və s.) onların yerinə yetirdikləri funksiyanı dayandırmadan yenisi ilə
əvəzlənməsi yolu ilə daim özünübərpaya imkan yaradır.
MÖVZU 3: Ekoloji amillər və onların təsir qanunauyğunluqları
Bütün canlı orqanizmlər mürəkkəb və dəyişkən bir aləmdə yaşayır,daim ona uy-
ğunlaşır,onun dəyişməsi ilə öz həyat fəaliyyətini nizamlayır.
Planetimizdə canlı orqanizmlər öz xüsusiyyətlərinə görə biri-birindən kəskin
fərqlənən dörd məskunlaşma mühitini mənimsəmişlər.Su mühiti birinci meydana
gəlmiş və həyat burada yayılmışdır.Sonradan canlı orqanizmlər yerüstü hava mü-
hitini zəbt etmi.,torpağı yaratmış və burada məskunlaşmışdır.Dördüncü mühit isə