İQLİM DƏYİŞMƏLƏRİ QARŞISINDA
ZƏİFLİYİN MİLLİ SƏVİYYƏDƏ
QİYMƏTLƏNDİRİLMƏSİ
18
Uzun illər pərakəndə halda respublikada Fövqəladə Hallar
Komissiyası və Mülki Müdafiə Qərargahı tərəfindən idarə
olunurdu.
2005-ci ildən respublikada vahid nazirlik sistemi – Fövqəladə
Hallar Nazirliyi yaradıldı. Hal-hazırda bu nazirlik Azərbaycan
xalqının fövqəladə hallardan mühafizəsinin (fəlakətin idarə
olunmasının, erkən xəbərdarlığına və s.) tam təminatla
qarantıdır.
Ekoloji təhlükəsizliyin sahəsində Azərbaycan Respublikası
beynəlxalq əməkdaşlıqda iştirak edir. Respublikamız bu
sahədə 20 beynəlxalq konveksiyaya qoşulmuşdur. Bunlardan
aşağıdakıları qeyd etmək olar:
• Böyük məsafələrdə havanın transsərhəd çirklənməsi
Konvensiyası (Cenevrə,1979), ratifikasiya ili – 2002;
• Sərhəddən keçən su axınlarının və beynəlxalq göllərin
mühafizəsi və istifadəsi üzrə Konveksiya (Helsinki,
1992), ratifikasiya ili – 2001;
• Sərhədlərarası konteksdə ətraf mühitə təsirin
qiymətləndirilməsinə dair Konveksiya (ESPOO, 1991),
ratifikasiya ili – 1999.
3.2.3 Ətraf mühitə dair qanunvericilik
Ətraf mühitin mühafizəsi sahəsində dövlətdaxili
qanunvericiliyin beynəlxalq sənədlərə müvafiq formalaşması
dövlətin qarşısında duran mühüm vəzifələrdən biridir. Bu
zaman hazırlanacaq qanunvericilik aktları, bir tərəfindən
beynəlxalq-hüquqi tənzimetmənin dövlətdaxili hüquqi
mexanizmlərini müəyyən edirsə, digər tərəfdən, ekoloji
qanunvericiliyin inkişafını təmin etməlidir. Bu məsələlər
Azərbaycan Respublikasının qanunvericilik sisteminin də
tərkib hissəsini təşkil edir.
Ünumilikda, ətraf mühit sahəsində Azərbaycan
Respublikasının dövlətdaxili qanunvericiliyini bir neçə
istiqamətdə təsnifləşdirmək olar:
1. Ümumi məsələrlə əlaqədər qəbul edilmiş
qanunvericilik:
• “Torpaq məcəlləsi” (1999-cu il);
• “Su məcəlləsi” (1997-ci il);
• “Meşə məcəlləsi” (1997-ci il) və s.
2. Ətraf mühitin mühafizəsi və yerin təki haqqında
qanunvericilik:
• “Ətraf mühitin mühafizəsi haqqında” Qanunu
(08.06.1999 il);
• “Ətraf mühitə dair informasya almaq haqqında”
Qanunu (18.04.2002 il) və s.
3. Meşələrin və suların mühafizəsi haqqında
qanunvericilik:
• “Su təchizatı və tullantı suların haqqında” Qanunu
(28.10.1999 il);
• “Meşə qanunvericiliyinin pozulması hallarının
qarşısının alınması tədbirləri haqqında” Azərbaycan
Respublikası Nazirlər Kabinetinin 30.09.2004-cü il
145 saylı Qərarı və s.
4. Xüsusi mühafizə olunan təbiət əraziləri və
heyvanlar aləmi haqqında qanunvericilik:
• “Xüsusi mühafizə olunan təbiət əraziləri və
obyektləri haqqında” Qanunu (24.03.2000 il);
• “Heyvanlar aləmi haqqında” Qanunu (04.06.1999
il) və s.
5. Hidrometeorologiya fəaliyyəti, təbii fəlakətlər
və atmosfer havasının mühafizəsi haqqında
qanunvericilik:
• “Atmosfer havasının mühafizəsi haqqında” Qanunu
(27.03.2001il);
• “Hidrometeorologiya fəaliyyəti haqqında” Qanunu
(17.04.1998il) və s.
6. “Ekoloji təhlükəsizlik və maarifləndirmə haqqında”
qanunvericilik:
• “Ekoloji
təhlükəsizlik
haqqında”
Qanunu
(08.06.1999il);
• “Əhalinin ekoloji təhsili və maarifləndirilməsi
haqqında” Qanunu (10.12.2002il) və s.
7. Beynəlxalq sənədlərdən irəli gələn öhdəliklərin
yerinə
yetirilməsi
sahəsində
tədbirlərin
götürülməsini nəzərdə tutan qanunvericilik:
• “Bioloji müxtəliflik haqqında Konvensiyaya
biotəhlükəsizliyə dair Kartahena Protokolunun
icrasının təmin edilməsi haqqında ” Azərbaycan
Respublikası Prezidentinin 23.03.2005-ci il
sərəncamı və s.
“Ekoloji təhlükəsizlik haqqında” Azərbaycan Respublikasının
Qanuna (08.06.1999il) görə, ekoloji təhlükəsizlik insanın
və cəmiyyətin həyatı vacib maraqlarının, ətraf mühitin
ona antropogenvətəbii təsirlər nəticəsində yaranan
təhlükələrdən qorunmasının təmin edilməsidir.
Qanunda göstərilir ki, hər bir vətəndaş öz sağlamlığını
ekoloji təhlükələrdən (qəzalar, fəlakətlər və s.) qorumaq
hüququna malikdir. Qanunun 7-ci maddəsində göstərilir
ki, Azərbaycan Respublikası vətəndaşların, əcnəbilərin və
vətəndaşlığı olmayan şəxslərin ekoloji təhlükəsizliyi dövlət
tərəfindən təmin edilir. Təhlükəli ekoloji vəziyyətin yaranması
nəticəsində dəyən ziyana görə kompensasiya almaqda
bütün şəxslər eyni hüquqlara malikdir.
AZƏRBAYCAN
19
3.2.4 İqlim və riskin monitorinqi, tədqiqat
və erkən xəbərdarlıq
Ümumdünya Meterologiya Təşkilatının (ÜMT) üzvü olan
Azərbaycanda bütün ölkələrdəki kimi hidrometeoroloji
müşahidələr aparılır, proqnozlar tərtib edilir, iqlim, aqroiqlim
və su ehtiyatları qiymətləndirilir, onların dəyişmə tendensiyası
izlənilir.
Meteoroloji, aqrometeoroloji, hidroloji və Xəzər
dənizində müşahidələr ETSN-in Milli Hidrometeorologiya
Departamenti, ətraf mühitin (torpaq, su və atmosfer havası)
çirklənməsi haqqında müşahidələr isə Milli Monitorinq
Departamenti tərəfindən aparılır. Bundan başqa “Dövlət
Meliorasiya və Su Təsərrüfatı” ASC tərəfindən ölkə ərazisində
böyük və kiçik su anbarlarında hidroloji müşahidələr aparılır.
“Azərsu” ASC tərəfindən içməli su mənbələrində ekoloji
monitorinqlər həyata keçirilir.
Azərbaycan ÜMT-nin üzvü olduqdan və bir sıra
Konvensiyalara qoşulduqdan sonra müxtəlif beynəlxalq
müşahidə sistemlərində iştirak etmək imkanı qazanmışdır.
Belə ki, ölkənin 5 stansiyası Qlobal müşahidələr sisteminə,
18 stansiyası isə bilavasitə iqlim üzərində qlobal müşahidələr
sisteminə daxil edilmişdir. Qlobal yerüstü müşahidələr
şəbəkəsinə Azərbaycandan bir stansiya-Astara (GJOS/GSN)
daxildir.
Azərbaycan ərazisində yerüstü meteoroloji müşahidələr
şəbəkəsi 78 stansiyaya əsaslanır ki, bunlardan da 12 stansiya
Ermənistan tərəfindən işğal olunmuş ərazidə yerləşir və
fəaliyyət göstərmir. Hazırda fəaliyyət göstərən 58 stansiyada
aparılan müşahidələrin nəticələri əhalinin iqlim haqqmda
məlumatlar əldə etməsinə və bu məlumatların işlənib
hazırlanmasına xidmət edir.
Meteoroloji stansiyalarda aparılan bütün müşahidələr ÜMT-
nm «Ən yaxşı praktika» sənədlərinə əsaslanır.
Azərbaycanda iqlim dəyişmələri və riskin monitorinqi ilə
bağlı yerüstü müşahidələrin potensialın gücləndirilməsi
üçün
Respublika
Prezidentinin
Sərəncamı
ilə
«Azərbaycan Respublikasında Hidrometeorologiyanın
Milli İnkişaf Proqramı» təsdiq olunmuşdur. Proqramda
hidrometeorologiya xidmətinin perspektivləri öz əksini
tapmış, eyni zamanda iqlim və iqlim dəyişmələri sahəsində
İqlim müşahidə sisteminin potensialının artırılması, qərar
qəbul edən şəxslər üçün, habelə geniş əhali kütləsi üçün
qlobal iqlimdə baş verən və baş verə biləcək dəyişikliklər,
bununla bağlı problemlər barəsində məlumatlandırma
sisteminin inkişaf etdirilməsi nəzərdə tutulmuşdur.
Proqramda müşahidə sistemlərinin inkişaf etdirilməsinə
xüsusi yer verilmiş, müşahidə şəbəkəsinin, müşahidələrin
keyfiyyətinin standartlara uyğunluğunu təmin etmək
məqsədi ilə yeni müasir tələblərə cavab verən cihaz və
avadanlıqların alınması nəzərdə tutulmuşdur.
İqlim dəyişmələri və riskin monitorinqi ilə bağlı tədqiqat
işləri Milli Elmlər Akademiyasının Coğrafiya institutunda, Milli
Aerokosmik Agentliyin Ekologiya institutunda və s. aparılır.
Hal-hazırda Azərbaycanda Təhlükəli Hidroloji Hadisələrə
qabaqcadan xəbərdarlıq üzrə avtomatlaşdırılmış sistem
qurulub.
Bu sahədə məlumatlar Ekologiya və Təbii Sərvətlər Nazirliyi
tərəfindən verilib [13].
3.3. REGIONAL IQLIM DƏYIŞKƏNLIYI VƏ FƏLAKƏT RISKINI AZALTMA
TƏŞƏBBÜSLƏRI
Azərbaycan Respublikası regionaliqlim dəyişkənliyi və
fəlakət riskini azaltma sahəsində beynəlxalq əməkdaşlıqda
iştirak edir. Məsələn, Hyoqo Fəaliyyət Proqramında (HFP)
– təbii fəlakət riskinin azaldılması üçün BMT-yə üzv ölkələr
tərəfindən 2015-ci ilədək qəbul edilmiş əsas vəsitədir.
Bu proqramın başlıca məqsədi təbii fəlakətlər zamanı
itkini azaltmaq vasitəsilə ölkələrin və xalqların dayanıqlığını
möhkəmləndirməkdir, ölkələrdə və icmalarda tələfatın
sayını; sosial, iqtisadi və ekoloji zərərin həcmini azaltmaqdır.
Azərbaycan daxil olduğu fəlakət riskinin azaldılması üzrə
BMT Beynəlxalq Strategiyasının (UNİSDR) Mərkəzi Asiya və
Qafqaz subregional qrupu tərkibində Hyoqo Proqramının
həyata keçirilməsində fəal iştirak edir. Qrupun 2010-cu
ilin oktyabrında “Riskin azaldılması üzrə milli platforma”
mövzusunda Bakıda keçirilən seminarda HFP üzrə ölkəmizdə