İQLİM DƏYİŞMƏLƏRİ QARŞISINDA
ZƏİFLİYİN MİLLİ SƏVİYYƏDƏ
QİYMƏTLƏNDİRİLMƏSİ
24
4. YEKUNLAR VƏ
TÖVSİYƏLƏR
Aparılmış araşdırmalar əsasında aşağıdakıları qeyd etmək
olar:
• Hesabatda Azərbaycan Respublikasının fiziki-coğrafi,
təbii və su ehtiyatlarından, iqlim və onun əsas ünsürləri
haqqında qısa məlumat verilmişdir. Qeyd edilmişdir ki,
Yer kürəsində 11 iqlim tipi məlumdur, onlardan 8 tipinin
oxşarları ölkənin ərazisində vardır.
Azərbaycan Respublikasının hava temperaturunun
rejimi və ərazi üzrə paylanma qanununauyğundur
və bu daxil olan hava kütlələrinin xüsusiyyətindən,
ərazinin relyefindən və Xəzər dənizinin ayrı-ayrı
rayonlara yaxınlığından asılı olaraq formalaşır. Havanın
orta illik temperaturu Kür-Araz ovalığında, Abşeron
yarımadasından cənubda yerləşən sahilboyu zonada,
o cümlədən Lənkəran ovalığında 14-15°C təşkil
edir. Ölkə ərazisində hava temperaturunun mütləq
maksimum (+46°C) və minimum (-32°C) müşahidə
olunur. Ölkədə hava temperaturu regionlardan və
onlarda olan relyefdən asılıdır. Xəzər dənizi də hava
temperaturunun formalaşmasına öz təsirini göstərir,
sahilboyu regionlarda yay aylarında hava temperaturu
nisbətən aşağı düşür, qışda isə qalxır.
Atmosfer yağıntıları əsasən hava kütlələrinin əraziyə
müdaxiləsi ilə əlaqədardır.
Son onilliklərdə ölkədə təbii risklərin və baş verən
fəlakətlərin sayı xeyli artmışdır. Bu fəlakətlər təbii və
antropagen səbəblərdən baş verir. Axırıncı illərdə yay
aylarında istinin çox olması, qışın isə xeyli mülayim
müşahidə edilməsi Yer kürəsində iqlim dəyişmələri
ilə bağlıdır. Yay aylarında havanın xeyli isti olması
regionlarda və əsasən iri şəhərlərdə insanların
sağlamlığına və onların iş qabiliyyətinə ciddi təsir
göstərir. Yay aylarında güclü istilər kənd təsərrüfatına
ciddi zərər vurur və nəticədə məhsulun azalması baş
verir.
Azərbaycanın Xəzər sahilləri boyu yerləşmiş
bölgələrində dənizin səviyyəsinin qalxması ilə bağlı
əhəmiyyətli dəyişkənlik müşahidə olunur. 1998-cı
ildən 2005-ci ilədək dənizin səviyyəsi zəif sürətlə
artmaqdadır. Bunun nəticəsində həm sahil zonasını su
basır, həm də sahil zonasında yeraltı suların səviyyəsi
qalxır, bataqlaşma və şoranlaşma prosesləri gedir.
Son oniliklərdə respublikamızın ərazisində kiçik dağ
çaylarında sel və daşqınların sayı və gücü artmışdır.
Bu da ərazilərdə aylıq yağış normalarının bir neçə gün
ərzində düşməsi ilə bağlıdır. 2003 və 2010-cu illərdə Kür
və Araz çaylarının daşması nəticəsində çoxlu kəndlər
dağılmış, əkin sahələri və mal-qara tələf olmuşdur.
2012-ci ildə Zaqatala rayonunda qeyd edilən 7 ballıq
zəlzələ nəticəsində xeyli dağıntılar olmuşdur.
• Azərbaycan Respublikasında iqlim dəyişmələrinin
tendensiyaları və gələcək iqlim dəyişikliyi məsələləri
araşdırılmışdır. Tədqiqatlar göstərilmişdir ki, 100
illik müşahidələr dövründə ölkə ərzində havanın
temperaturu 0,5-0,6°C artmış, 1961-1990 illərdə
temperatur artımı daha yüksək: 0,3-0,6°C olmuşdur.
Ümumilikdə bütün ərazidə istiləşmə baş verməsinə
rəğmən bu proses ölkənin müxtəlif coğrafi ərazilərində
müxtəlif olmuşdur.
Ölkə ərazisində gələcəkdə proqnozlaşdırılan iqlim
dəyişmələri qiymətləndirilmişdir. Bu, cürbəcür
modellərin istifadəsi nəticəsində mümkün olmuşdur.
Baxılan modellərin istifadəsi göstərmişdir ki, atmosferdə
CO2 miqdarının iki dəfə artması ilə əlaqədar əsrin
sonunda aşağıda qeyd edilən hadisələr baş verə bilər:
orta illik temperature 2˚C arta bilər; qış yağıntıları 15-
21%, yaz və payız yağıntıları regionlardan asılı olaraq
9-17% artacaq, yay yağıntıları isə 40%-ə qədər azala
bilər; su resurslarının 5,7-7,7 km3-ə aşağı düşməsi
gözlənilir və s.
BMT-nin iqlim dəyişmələri haqqında Çərçivə
Konveksiyası üzrə İkinci Milli Hesabatına əsasən əsasən
verilən ssenariyasına görə 2021-2050 illərdə ölkədə
1961-1990-ci illərə nisbətən orta illik temperaturların
1,5°C-1,6°C, yağıntıların isə 10-20% artması gözlənilir.
Aparılan hesablamaların nəticəsində məlum olmuşdur
ki, iqlim dəyişmələri ilə əlaqədar Xəzər hövzəsinin
rütubətliliyi arta bilər, bu isə yaxın illərdə onun
səviyyəsinin 26,0-25,0 m intervalda dəyişə bilər.
Aparılmış hesablamalar nəticəsində məlum olmuşdur
ki, Xəzər dənizinin səviyyəsinin 1,5 m əlavə qalxması
AZƏRBAYCAN
25
sahil ərazilərinin 87,7 min ha sahəsi su altında qala bilər.
2030-cu ildə isə 136,2 min ha su altında qala bilər və
bu ölkənin ümumi sahəsinin 1,6 %-ni təşkil edəcəkdir.
• İqlim dəyişkənliyi qarşısında zəiflilik məsələləri
araşdırılmışdır. Son iki onilliklərdə Azərbaycan
Respublikasının ərazisində güclü sel və daşqınlar
ölkəmizin tarixində görünməmiş fəsadlar törətdi,
onlarla yaşayış məntəqəsini, kənd və qəsəbələrini
dağıldı, minlərlə hektar əkin sahəsini məhv etdi.
Fövqəladə Halların təhlili göstərir ki, böyük dağıntılar
və təlafat əsasən dayanıqlığı zəif olan sahələrdə
baş verir. Müşahidələr göstərmişdir ki, qeyd edilən
ekstrimlərin qarşısında ən çox zəif olan qruplar sel,
daşqın torpaqların sürüşmələri və seysmik zonalarda
köhnə evlərdə yaşayan əhalidir. Məsələn, 2010-cu
ilin daşqınlarında dağılan 3500 yaşayış evinin 70%-i
çiy kərpiclə tikilmiş binalar idi. Bundan başqa SSRİ-i
dönəmində yerli təbii-coğrafi şəraiti nəzərə alınmadan
bir tipli layihələr əsasında tikilən 4500-dən çox məktəb,
yüzlərlə uşaq bağçası, xəstəxana binaları və.s fövqəladə
hallar zamanı ciddi təhlükə mənbəyi kimi həmişə qorxu
narahatlıq doğurur.
İqtisadiyyatımız möhkəmləndikcə bu sahəyə vəsait
qoyuluşu ildən ilə artırıldı. Son bir neçə il ərzində dövlət
vəsaiti və Heydər Əliyev Fondu hesabına 2 min yeni
məktəb və uşaq bağçaları, yüzlərlə xəstəxana və s.
tikilib istifadəyə verilmiş, köhnə binaların əsaslı təmir və
yenidənqurma işləri aparılmışdır.
Azərbaycan Respublikasında dövlətin əhaliyə qayğısının
ən mühüm göstəricilərindən biri adamların fəlakət
hallarında mühafizəsinin və əminamanlığının təşkil
edilməsidir. 2005-ci ildən respublikada mühafizə sistemi
yenidən qurulmuşdur və Fövqaladə Hallar Nazirliyi
təşkil olunmuşdur. Qısa müddətdə respublikanın bütün
regionlarında təşkilatı strukturun, mükəmməl kadr
potensialı, güclü maddi-texniki və təlim-tədris bazası
yaradılmışdır. FHN bu gün Azərbaycan xalqının, onun
iqtisadiyyatının fövqəladə hallardan mühafizəsinin tam
təşkilatı qarantıdır.
• İqlim dəyişmələrinin sektorlarına təsirləri araşdırılmışdır.
Layihə çərçivəsində yaranan milli şəbəkə üzvləri
tərəfindən seçilib və razılaşdırılan sektorlar müəyyən
edilmişdir: su ehtiyatları, kənd təsərrüfatı, Xəzəryanı
ərazilər və insan sağlamlığıdır. Hər sektorun müasir
vəziyəti, iqlim dəyişmələrinin təsirlərinin zavallılıqları,
tövsiyələr və uyğunlaşma tədbirləri haqqında ətraflı
məlumat verilmişdir. İqlim dəyişmələri barədə ölkədə
məlumatlılıq, fəlakət riskinin azalması üzrə milli siyasət
çərçivələri, respublikada bu sahədə qəbul edilmiş
normativ sənədlər, beynəlxalq proqramlarda iştirak
edilməsi və ətraf mühitə dair ölkədə qanunvericilik
haqqında məlumat verilmişdir.
• İqlim və risklərin monitorinqi və respublikada aparılan
bu sahədə tədqiqat işlərinin nəticələri, regional iqlim
dəyişkənliyi və fəlakət riskinin azaltma təşəb-büs-ləri
araşdırılmışdır.
• İqlim dəyişkənliyi problemin həllində Vətəndaş
Cəmiyyətinin və Azərbaycan Qızıl Aypara Cəmiyyətinin
rolu; elm, dövlət və Vətəndaş Cəmiyyəti arasında bilgi
paylaşmanın əhəmiyyəti göstərilmişdir.
Aparılan tədqiqatlar göstərmişdir ki, Azərbaycan
Respublikası iqlim dəyişmələri və təbii fəlakətlər
qarşısında zəifdir. Buna görə də qərar çıxaran yüksək
vəzifəli şəxslər, qeyri-formal liderlər və Vətəndaş
Vəmiyyətinin təşkilatları iqlim dəyişmələrə adaptasiya
sahəsində razılaşdırılmış səylər sərf etməlidirlər ki,
gələcəkdə də respublikamız inkişaf etsin və çiçəklənsin.
Aşağıda iqlim dəyişmələri sahəsində fəaliyyət göstərən
yüksək vəzifəli şəxslər, qeyri-formal liderlər və Vətəndaş
Cəmiyyətinin təşkilatları üçün tövsiyələr təqdim olunur.
4.1 QƏRAR ÇIXARAN YÜKSƏK VƏZIFƏLI ŞƏXSLƏR VƏ QEYRI-FORMAL
LIDERLƏR ÜÇÜN BAŞLICA TÖVSIYƏLƏR:
• İqlim dəyişmələri ilə əlaqədar əsas diqqət effektiv
adaptasiya
tədbirlərinin
həyata
keçirilməsinə
yetirilməlidir;
Məsələn, bərpa olunan enerji mənbələrindən (günəş,
külək, yeraltı termik sular və s.) istifadəsinin artırılması;
su resurslarından səmərəli istifadə edilməsi; suvarmada
müasir üsulların (damcı suvarma və s.) istifadəsi; dənizin
və çayların səviyyəsinin qalxmasına qarşı sahilbərkidmə
işlərinin aparılması və s.
• Dövlət orqanları və müxtəlif sektorlar arasında
qarşılıqlı əlaqələrin və bu sahədə koordinasiya işlərinin
gücləndirilməsi vacibdir;
• İqlim dəyişmələri ilə əlaqədar məlumatların əldə
edilməsini təmin etmək vacibdir;
• Bu sahədə qanunvericiliyin təkmilləşdirilməsi və ona
riayət edilməsi təmin edilməlidir;
• Bu sahədə elm, dövlət xadimləri və ictimayət arasında
daim əlaqələr olmalıdır;
İQLİM DƏYİŞMƏLƏRİ QARŞISINDA
ZƏİFLİYİN MİLLİ SƏVİYYƏDƏ
QİYMƏTLƏNDİRİLMƏSİ
26
• Ekstrimal hadisələr zamanı qərarın çıxarılması zamanı
zəif qrupların da iştirakı təmin olunmalıdır;
• İqlim dəyişmələri problemi məsələsi həm orta, həm də
ali təhsil proqramlarına əlavə edilməlidir;
• Bu sahədə həmsərhəd ölkələrlə əməktaşlığın
gücləndirilməsi vacibdir;
• Ekstrimal hadisələr zamanı effektiv erkən xəbərdarlıq
sisteminin fəaliyyəti vacib rol oynayır;
4.2 VƏTƏNDAŞ CƏMIYYƏTI ÜÇÜN BAŞLICA TÖVSIYƏLƏR
• QHT-ları bu sahədə işləyən digər təşkilatlarla
əməkdaşlığı və əlaqələri gücləndirməlidirlər;
• Bu sahədə qanunvericiliyin hazırlanmasında fəal iştirak
etmək;
• İqlim dəyişmələri ilə əlaqədar adaptasiya tədbirləri üzrə
həm proqramların, həm də bu sahədə strategiyanın
hazırlanmasında QHT-ların iştirakı vacibdir;
• Bu sahədə maarifçilik-təbliğat işləri gücləndirilməlidir;
• Təbii fəlakətlərə qarşı tədbirlərin hazırlanmasında QHT-
ın iştirakı təmin olunmalıdır;
• İqlim dəyişmələri və təbii fəlakətlər zamanı zəif olan
qrupların tələblərinin öyrənilməsi üçün onlarla əlaqələr
yaradılmalıdır;
• QHT-ları ictimayətin məlumatlandırılması üçün Kütləvi
İnformasiya Vasitələri ilə əlaqələri gücləndirməlidirlər;
• QHT-ları bu sahədə regional və beynəlxalq əməktaşlığı
gücləndirməlidirlər.
AZƏRBAYCAN
27
MƏNBƏLƏR
1. Климат Азербайджана, Изд-во АН Азербайджанской
ССР, Баку, 1968.
2. Azərbaycan Respublikasının Coğrafiya Atlası,
Azərbaycan Respublikası Dövlət Geodeziya və
Xəritəçəkmə Komitəsi, Bakı, 1999.
3. Агроклиматический
Атлас
Азербайджанской
республики, Баку, 1993.
4. Мамедов Р.Г., Ибад-заде Ю.А. Водное хозяйство
Азербайджана и его перспективы, Баку, 1990
5. Azərbaycan Respublikasının Dövlət Statistika Komitəsi,
http: //www.azstat.dov.az
6. İPCC: Climate Change (2007), http: //www. ipcc.ch/last
assessed in april 15, 2010.
7. http: //www.CRED/em-data /cantry Profil/
8. Azərbaycan Respublikasının İqlim dəyişmələri üzrə I
Milli Məlumat, Bakı, 2000.
9. Azərbaycan Respublikasının İqlim dəyişmələri üzrə II
Milli Məlumat, Bakı, 2010.
10. İqlim dəyişmələri və ekoloji stabillik, “Avrasiya Press”
Bakı, 2011.
11. Qlobal
istiləşmə
problemləri,
Azərbaycan
Respublikasının Prezidentinin işlər idarəsi, http: //www.
ecostyle az.
12. The UNESCO strategy for action on Climate change,
2011.
13. Suleynanov G. Qlobal İqlim Dəyişmələri: Ətraf mühit
və təhlükəsizlik http: //www. cesd.az /new/ wp-content
/uploads/ 2012.
14. Рустамов С.Г., Кашкай Р.М. Водные ресурсы
Азербайджанской ССР, Изд-во Элм, Баку, 1989.
15. Мамедов Р.Г., Гаджиев Б.В. Энергоемкость
орошения, Баку, 1997.
16. Ölkələrin və xalqların fəlakətə qarşı dayanıqlığını
təmin etmək : HYOQO Fəaliyyət Proqramının layihə
üzrə bukleti, “Fövqəl” Assosiyasiyası, Azərbaycan
Respublikası.
17. Azərbaycan Qızıl Aypara Cəmiyyətinin İllik hesabatları,
Bakı, 2012-2013.
18. Azərbaycan Respublikasının Prezidenti yanında QHT-
na Dövlət Dəstəyi Şurası, 2012-ci ildə maliyyələşən
layihələr , “QHT Nəşriyyatı” Bakı, 2012.
19. Azərbaycan Respublikasının Prezidenti yanında QHT-
na Dövlət Dəstəyi Şurası, 2013-cü ildə maliyyələşən
layihələr , “QHT Nəşriyyatı” Bakı, 2013.
20. QHT-lər iqlim dəyişikliklərinin təsiri ilə bağlı birgə
fəaliyyətə qərar verdilər, http: //www. qht xeber. az
//23.12.2010.
21. Məhərrəmov A.A. Ekoloji təhlükəsizliyin beynəlxalq və
dövlətdaxili hüquqi aspektləri, Bakı, 2010.
22. Геология Азербайджана том VIII Гидрогеология и
инженерная геология, Баку изд-во «Nafta - Press»,
2008
23. Azərbaycan Respublikasının Xarici İşlər Nazirliyi, www.
mfa.gov.az
İQLIM DƏYIŞMƏLƏRI QARŞISINDA
ZƏIFLIYIN MILLI SƏVIYYƏDƏ
QIYMƏTLƏNDIRILMƏSI
AZƏRBAYCAN
İQLIM DƏYIŞMƏLƏRI QARŞISINDA ZƏIFLIYIN MILLI SƏVIYYƏDƏ
QIYMƏTLƏNDIRILMƏSI
İQLIM DƏYIŞMƏLƏRI QARŞISINDA ZƏIFLIYIN MILLI
SƏVIYYƏDƏ QIYMƏTLƏNDIRILMƏSI
AZƏRBAYCAN
Dostları ilə paylaş: |