İslam oyanişI

İslam oyanışı hərəkatının yatırılması

Əsas məqsəd İslam dalğasını yatırtmaq və İslam dəyərlərini yenidən təcrid etməkdir. Amerikanın və digər istismarçıların bütün təbliğat və siyasət maşınları bu gün İslam oyanışı hərəkatını geçikdirmək, bacardıqları təqdirdə isə məhv etmək üçün işə salınmışdır.

İslam İnqilabının Böyük Rəhbərinin əzəmətli həcc konfransına müraciəti ( 9 yanvar, 2006)

İslam oyanışının bir saylı düşməni

İslam oyanışının, İslam təmayülünün, azadlıq istəyinin bir saylı düşməni hegemonçu qüvvələrdir. Səbəbi də bəllidir. Çünki İslam hegemonluğa qarşı çıxır; xalqların əcnəbi qüvvələrdən asılılığına qarşı çıxır; uzun illər boyunca müsəlman ölkələrinə məcburən yeridilən elm və əməl geriliklərinə qarşı çıxır; xalqların təqlidçiliyinə və kor-koranə şəkildə digərlərinə baxmasına qarşı çıxır. Bunların hamısı müstəmləkəçi və hegemonçu siyasətin tam qarşı tərəfidir. Bu işlər iki yüz il, yaxud daha artıq müddətdə hegemonçular və qərblilər tərəfindən İslam dünyasında icra olunmuşdur. Bu gün də bu regionda özləri üçün bəzi maraqlar nəzərdə tutublar. İslam oyanışı onların istəklərinin tam qarşı tərəfidir. Odur ki, bütün varlıqları ilə ona qarşı çıxırlar, siyasi və təbliğat işlərində müxalifətçilik edirlər.

İslam İnqilabının Böyük Rəhbərinin quruluşun məsul şəxsləri və xalqın müxtəlif təbəqələri ilə görüşdə çıxışı ( 2 sentyabr, 2005)

İslam quruluşu qarşısında təhdidlər

Dünyanın hazırkı hadisələrinə uyğun olaraq deyilməsi nəzərə çarpan məsələ budur ki, İslam quruluşu yarandığı zamandan böyük beynəlxalq problemlərlə üz-üzə olmuşdur. Səbəbi bu idi ki, dünyada öz maraqlarını düşünən pul və güc sahibləri onların qanunsuz maraqlarının ziddinə olan yeni bir qüvvənin yaranıb inkişaf etməsinə dözmürdülər. Bu qüvvə İslam inqilabının qələbəsi və İranda İslam quruluşunun təşkil edilməsi ilə yarandı. Təkcə İslam hökumətinin və quruluşunun özü yox, bəlkə də hegemonluq üçün daha mühüm və daha təhlükəli olan İslam dünyasında İslam oyanışının genişlənməsidir. Bu təhlükə bu gün hegemonluğu təhdid edir və onun düşmənçiliklərini İslam dünyasına, xüsusən də İslam dünyasının mərkəzinə, yəni İslam quruluşuna doğru yönəldir. Bu qaçılmaz idi. İlk gündən bu düşmənlik müxtəlif formalarda mövcud olmuşdur. Bu gün hegemonluq tərəfindən, dünyanın hakim və silahlı cəbhələri, yəni küfr və imperializm dünyası tərəfindən İran əleyhinə düşmənçilik haqda elə danışılır ki, sanki bu günə məxsusdur. Bu düzgün deyil. İnqilabın əvvəlindən İslam quruluşuna və İran İslam ölkəsinə qarşı müxtəlif formalarda təhdidlər mövcud olmuşdur. Bəzən bizim ölkəmizdə bu düşmənçiliklərin nümunələri və təsirləri bu günkündən daha çətin və daha qabarıq olmuşdur.

İslam İnqilabının Böyük Rəhbərinin Xibrə Məclisinin üzvləri ilə görüşdə çıxışı (10 sentyabr, 2003)

Siyasi İslam və güşənişin İslam

İmam əməli surətdə göstərdi ki, siyasi İslam elə mənəvi İslamdır. Müstəmləkə dövründə İslamın və İslam xalqlarının oyanışının düşmənləri mənəvi və əxlaqi İslamı siyasi İslamdan ayırmaq üçün təbliğat aparırdılar. Bu gün də onu təbliğ edirlər. Bu gün də düşmənin və İslam quruluşunun düşmən cəbhəsinin təbliğat maşınları müxtəlif növlü təbliğat vasitələri ilə siyasi İslamı, ədalətsevər İslamı və ictimai İslamı dünyada kobud sima kimi tanıtdırmağa və xalqı təcrid olunmuş İslama, təslimçi İslama, işğalçı və hegemonçu qarşısında heç bir reaksiya göstərməyən İslama sövq etməyə çalışırlar.

İslam İnqilabının Böyük Rəhbərinin İran İslam Respublikasının banisi həzrət İmam Xomeyninin (r) vəfatının 14-cü ildönümündə çıxışı ( 4 iyun, 2003)

Amerikanın İslam xalqları ilə ikili rəftarı

Bir neçə ay bundan əvvəl bir Amerika politoloqu öz tövsiyələrində Amerika hökumətinə demişdi ki, İslam ölkələrində demokratiya yaratmaq üçün əsla tələsmək lazım deyil. Çünki əgər bu gün hər hansı bir İslam ölkəsində azad seçkilər keçirilsə, İslam hökumətləri və İslam hərəkatları iş başına gələcəklər. Xalq bunları istəyir. Bu çox maraqlı etiraf və çox əhəmiyyətli bir sözdür. Deyir ki, İslam ölkələri üçün demokratiya tezdir. Bu söz və bu iddia göstərir ki, İslam oyanışı və İslama qayıdış təfəkkürü (onun mərkəzi İslam Respublikasında və siz xalqın arasında olmuşdur) yayılmış və bütün dünyaya çatmışdır. Bu, kiçik dəyər deyil. Bu toxum artıq səpilmişdir. Əgər beynəlxalq güc mərkəzləri və hegemonçu qüvvələr bu toxumun bitməməsini istəsələr, nə etməlidirlər? Onun ən təbii yolu budur ki, bu toxumu suvaran coşqun bulaqlarla mübarizə aparsınlar. Bu da hegemonluğun İslam Respublikası ilə və bizim ölkəmizlə düşmənçiliyinin səbəblərindən biridir. Bunun izahı sonraya qalsın, çünki hələlik bizim söhbətimiz Amerika barəsindədir.

İslam İnqilabının Böyük Rəhbərinin Şəhid Behişti Universitetinin tələbələri ilə görüşdə çıxışı (12 may, 2003)

Sionizmin lənətlənmiş ağacı müsəlmanların evində

Düşmən Fələstini bütövlüklə İslam dünyasından ayırmaq və sionizmin lənətlənmiş ağacını müsəlmanların evində həmişəyaşar etmək fikrindədir. Amerika işğalçı rejimi möhkəmlətməklə bu həssas regionda bütün həyat ipuclarını əlinə almaq, özünü Orta Şərqdə və Afrikada İslam oyanışının nigaranlığından xilas etmək istəyir. İslam düşmənləri özlərinin İslamla qədim ədavətlərini və son illərdə müsəlmanların oyanışı səbəbindən gördükləri məğlubiyyətləri burada kompensasiya etmək istəyir. Bu hadisə Orta Şərqə dair son bir neçə ildəki təxribatların heç biri ilə müqayisə olunası deyil. Burada söhbət bir ölkənin işğalından, bir xalqın davamlı və əbədi didərginliyindən, İslam dünyasının bir parçasının, böyük İslam vətəninin coğrafi mərkəzinin və müsəlmanların ilk qibləsinin əsarətindən gedir.

Müsəlman xalqlara, alimlərə, yazıçılara, ziyalılara və müsəlman ölkələrin tələbələrinə müraciət (17 oktyabr, 1991)

Böyük şeytanın İslam ölkələrinin sərvətlərini istismar etməsi

Son söz böyük şeytanın İslam ölkələrinin sərvətlərini günbəgün artıq istismar etməsi və onun bu ölkələrdə daha artıq siyasi, iqtisadi, hətta hərbi aktivliyindən ibarətdir. Bu zalım və istismarçı böyük qüdrət ateist-kommunist quruluşlarının dağılması və sovetlərin Amerika ilə rəqabət mövqeyindən çıxması ilə nəticələnən son hadisələrdən sonra bütün dünyanı, xüsusən də İslamın qızıl torpaqlarını öz rəqibsiz zonasına çevirmək və necə deyərlər, soyuq müharibənin bitməsindən sonra bu nüfuzun qarşısında möhkəm maneə olan İslam oyanışı ilə hərtərəfli müharibəyə başlamaq fikrindədir.

Hörmətli Allah evinin hacılarına müraciət ( 16 iyun, 1991)