Məhəmməd Hadi və mətbuat
365
millətin sabahına nur çilənən nəcib insan adlandırır və inamla
bildirir ki, çəkdiyin zəhmət itməyəcək və arzuların həyata vəsiqə
qazanacaqdı
****
M. Hadinin “İqbal” qəzetində şeirləri ilə yanaşı, məqalə və
tərcümələri də dərc olunmuşdur. “Türkiyədəki acı müşahidələrim”
adlı məqaləsində(311, N 588) böyük ümidlərlə getdiyi Türkiyədə
gördüklərindən və başına gələnlərdən acı-acı gileylənən M. Hadi
“İqbal”da dərc etdirdiyi məqalələrində daha çox ədəbiyyat və
sənət məsələləri ilə bağlı düşüncələrini qələmə alır. “Açıq
məktub” adlı məqalə(321, N 703) “İqbal” qəzetinin 698-ci
nömrəsində M. Hadini bir qədər tündməcazlıqda, əsərlərinin daha
çox cəmiyyətdə və insanlarıdakı mənfiliklərdən bəhs etməsində
suçlayan “M. M.” imzalı bir məktuba cavab kimi yazılmışdır.
M. Hadini onu guya insanları sevməməkdə günahlandıran
müəllifə cavab olaraq yazır: “Əzizim, mən insanları ciddən
sevənlərdənəm. Layəzəli və layəmut məsləkimdir. Bir məslək ki,
mənimlə bərabər yaşamaq üçün doğulmuşdur. Fəqət uzaqdan
sevirəm. Gözlərində məali-istehfam görürəm. Cavab verəyim:
İnsanlara yaxlaşdıqca təbəqeyi-sinema kimi surətlərində bir
qarşıqlıq, bir ədəm və büuhiyyət nümüyan olur. Əvvəlki zövqi-
tamaşa qalmayıb. Bunun üçündür ki, nəcabəti-əxlaqiyyə və
fikriyyəyə malik bulunan ən mümtaz simalar - əksəriyyət üzrə
mərdümgürz, inzivanişin və güşəgüzin olaraq yaşayırlar, yaşamaq
istəyirlər. “Nə insanlara qarışayım, görəyim, nə ürəyim bulansın”,
- düsturunu xətti-hərəkət ittixaz edirlər və deyirlər ki:
Yox cahanda zövqpərvər guĢeyi-vəhdət kimi,
Mən də qaçsam xoĢ bəĢərdən ülvi xasiyyət kimi.
Sanki duzəxdir təmsil etmiĢdir övladi-bəĢər,
ĠĢtə yaxlaĢdıqca ondan könlümə odlar düĢər( 321, N 703).
M. Hadi daha sonra qeyd edir ki, mənim yazdıqlarım
gördüklərimdir və insana tənqidi münasibətim də insana olan
sevgidən doğur. İnsanı sevdiyimdən, onu Xaliqin yaratdığı ən uca
xilqət hesab etdiyimdən, onda pis əməl görəndə əsəbiləşib həmin
İslam Qəribli
366
pisliyi təşxis etmək istəyirəm ki, bu mənim vətəndaşlıq və
yazıçılıq borcumdur.
M. Hadinin “Seyid Əzim və asarı” adlı məqaləsi(322, N
714) onun, mütəfəkkir sənətkarın ədəbi-nəzəri görüşlərini
izləmək baxımından maraq doğurur. Seyid Əzim Şirvanini
“yaşayışları da bəxtləri kimi qaranlıq, küskün və əməlləri bir zilli
girizan olan ədəbi simalardan, parlaq nasehlərdən biri” adlandıran
M. Hadi onun poetik irsinə yüksək qiymət verir. Müəllif qeyd edir
ki, Seyid Əzim kimi sənətkarların ədəbi irsi layiqincə nəşr və
təbliğ olunmadığından, əksəriyyətin bu böyük söz və fikir adamı
barədə məlumatları çox bəsitdir. Düzdür, o, Seyid Hüseynin
“İqbal” qəzetində Seyid Əzim haqqında çap olunan məqalələrini
təqdir edir və bildirir ki, bunalr lazımı addımlar olsa da, hələ
böyük şairi tanıtdırmaq sahəsində kafi deyil. M. Hadinin fikrincə,
Seyid Əzimdən yazmaqla bərabər, onun əsərlərini də çap etdirmək
gərəkdir ki, o böyük xəzinə it-bata düşərək məhv olmasın.
M. Hadi çox gözəl bilirdi ki, Seyid Əzimin klassik ədəbi
şedevrləri ilə yanaşı, həcvləri də var və bu həcvlərin bir çoxu
Seyid Əzimi hörmətə mindirməkdənsə, hörmətdən salır. Bunları
nəzərə alaraq qeyd edirdi ki, Seyid Əzimin o qəbil əsərlərini dərc
etmək lazımdır ki, onlar böyük şairin adına xələl gətirməsin.
Amma Seyid Əzimin oğlu Mircəfərin ağına-bozuna baxmadan
onun həcvlərininin nəşrinə icazə verməsi, M. Hadiyə görə, Seyid
Əzimin ruhuna hörmətsizlikdən başqa bir şey deyil. Bu xüsusda
M. Hadi yazır: “Keçən il Seyid Əzim və əzəmin nəşr olunan
əsərlərinə zavallı şairin mabədi-həyatı olan Mircəfər əfəndinin
qəfləti-təğafüli nəticəsi olaraq pədəri-möhtərəminin səhneyi-
ədəbiyyata çıxması heç də lazım olmayan həzliyyat və
həcviyyatını da, yüz min təəssüflər osun ki, təb və nəşr etdirməyə
böyük bir günahi-ədəbi işləmişdir. Ədəbiyyat və ictimaiyyətə aid
olan bu cinayət və ictmaiyyənin məhkəməsi tarixi-biimandır.
Müstəntiqlərin müddəai-ümumiləri, rəis və əzaları da yenə o
biiman və bitərəf müvərrixlərdir. Qəzetələr divan, istintaq və
isticvab olmadıqları üçün indilik biz sükuti-ixtiyar edərək bu
Məhəmməd Hadi və mətbuat
367
işlənmiş olan cinayəti-ədəbiyyə günahkarını tarixin divani-alisində
toplanacaq olan adil bitərəf və həqiqətin zühuryaftə olmasından
başqa məqsədləri olmayan tarix hakimlərinin əllərinə təslim
ediriz. Fəqət təcrübəkar atalarımızın bir sözünü də söyləməkdən
məni-nəfs edəmiriz: SÖZ VAR XALQ ARASAINDA, SÖZ
VAR XÜLQ ARASINDA(322, N 714).
Daha sonra müəllif üzünü Seyid Əzimin oğluna tutaraq
deyir: “Nəzakəti-ədəbiyyə naminə söyləyiriz, möhtərəm müəllim
Mircəfər cənabları! Bu zikr olunan hikməti-ədəbiyyə və fəlsəfeyi-
ictimaiyyədən “qəflət” deyil, bəlkə də, təğafül etmiş, ədəbyyata
qarşı incəlik və hörmət göstərməmişdir. Eşitdiyimizə görə, Seyid
həzrətlərinin sərbəst İranda dəstgahi-təb bulunmaqda güclük
çəkməyən əşar məcmuəsi ilk əvvəl möhtərəm “Tərcüman” qəzeti
sahibi İsmayıl bəy əfəndiyə bərayi-təb verilmək istənilmiş, fəqət
məzkur məcmuəni təshihsiz və təsfiyəsiz təb edilməyəcəyi
nəzakətpərvər İsmayı bəy tərəfindən ixtar olunmuşdur. Nə isə...
Keçən keçmiş, hala baxalım...”(322, N 714).
M. Hadi onu da bildirməyi vacib sayır ki, Seyid Əzimin
hələ çap olunmamış xeyli əsəri var və nədənsə oğlu Mircəfər
onları nə özü çap etdirmir, nə də çap üçün başqalarına vermir.
Müəllif
sual edir: “Mircəfərin bunları guşeyi-nisyanda
saxlqamağında məqsədi nədir və nə ola bilər? Əcəba, Mircəfər
cənablarının pək əla bilməsi lazım gəlir ki, ədiblərin mərukat və
morusati-qələmiyyəsi olmalıdır. Nasıl ki, şüəra və üdəbnın özləri
də insaniyyət malıdır. Ədiblərin sərvəti-fikriyyə və sərmayeyi-
qələmiyyələri xəsis və ləim olan zənginlərin altunları deyil ki, də-
mir sandıqlar içində səssiz-sədasız qalsın da onlardan istifadə edil-
məsin.
Bu gün hər şeydən ziyadə ədəbi-ictimai fikir sərvətlərinin
məhsullarına möhtac olan millətimiz günah deyilmidir ki, böylə
əsərlərdən nəsibədari-həsti olmasın?”(322, N 714).
Seyid Əzim irsi ilə bağlı düşüncələrini dilə gətirən müəllif
məqalənin sonunda narahatlıqla bildirir ki, təkcə Seyid Əzimin
deyil, başqa şairlərin, o cümılədən Molla ağa Bixudun da çap
Dostları ilə paylaş: |