Məhəmməd Hadi və mətbuat
353
yüksək qiymət verir. Müəllif təəssüflə bildirir ki, T. Fikrətin
adları qeyd olunan və qeyd olunmayan onlarca əsəri yazıldığı
illərdə nəşr olunsaydı, bunların azadlıq mübarizəlində, istiqlal
savaşında bəşəriyyətə və millətə çox böyük xeyri dəyərdi.
“Tarix” məzuməsini “şəbabi-münəvvərənin qəlbində
yaşamaqda, pirayəyi-lisan ehtiramı olmaqda” olan “mənzumeyi-
bədiyyə” kimi xarakterizə edən müəllif daha sonra yazır: “Tarix”
mənzuməsi qüyudati-hazirədən çılpaq doğmuş bir zadeyi-azadəxüram,
bir məxluqi-nazəndə və sərbəst məramdır”(302, N 90).
M. Hadinin çöx doğru və haqlı olaraq qeyd etdiyi kimi,
“bəzi şayani-ehtiram simalar yalnız mənsub olduqları millətin
deyil, bütün insaniyyətin malıdır”. Müəllif T. Fikrəti də
mütəfəkkirlər zümrəsinə daxil edərək fikrini belə əsaslandırır:
“Çünki məhsulati-fikriyyəsi sırf millətə aid olmayıb kütleyi-
bəşəriyyətə aiddir. Bu zat millətini, vətənini nasıl sevərsə, alam ilə
nasıl naləsaz təəssür olursa, fəlakət və səfalət içində yuvarlanan
bütün insanları da sevər, ələm və müsibətlərinin tərcümani-
fəlakətfəşanı olur”(302, N 91).
M. Hadi məsləhət görür ki, T. Fikrətin amal və məramını
anlamaq, millətə və bəşəriyyətə xidmət yollarının nədən ibarət
olduğunu öyrənmək üçün “bu günlərdə saheyi-intişara çıxan
“Xəluqun dəftəri”ni” oxusunlar. Nümunə üçün o, “Hilali-əhmər
cəmiyyəti-nəcibəsi hüzurunda” adlı şeirdən kiçik bir parça verir
ki, biz də həmin parçadan bəzi misraları burada verməyi məqsədə
uyğun hesab edirik:
Övladi-bəĢər məhv edərək məhv olacaqdır,
Hər ləhzə bu vadiyi-bəla qan dolacaqdır.
Övladi-bəĢr iĢtə Ģu üxluteyi-əzdad,
Ġblis, mələk, əql, cünun, Ģəfqətü bidad.
Həp təfriqə əkdikləri, biçdikləri həp kin,
Keçdikləri yerlərdəki iz bir xətti-xunin.
Qeybət və riya üzlərinin tabi-niqabı,
QardaĢ qanı sairlərinin əski Ģərabı.
BaĢlar bütün əfraxteyi-qeydü məbalət,
Yalnız ayaq altına qalanlarda müsavat...
İslam Qəribli
354
Qan səpiliyor, qan yağıyor, qan coĢuyor, qan,
Bax halına, qafil, Ģu qızıl kütleyi-xüsran.
Heyhat, yazıqlar sənə, ey tinəti-xunxar!(302, N 91)
Məqalənin sonunda M. Hadi bidirir ki, Azərbaycandan
“Rübabi-şikəstə” və “Xəluqun dəftəri” kitablarını almaq istəyən
olarsa, qəzetdə qeyd olunan ünvana müraciət etsinlər.
“Tənin” mühərrirlərindən Əbdülsəlimzadə Məhəmməd
Hadi” imzası ilə çap olunan bu məqalə ilə, əslində T. Fikrətin
Azərbaycanda öyrənilməsi və tədqiqinin tarixi qoyulmuş, Rüstəm
Hüseynovun “Tofiq Fikrət” monoqrafiyasında “mürtəce qüvvələr
T. Fikrətə müharibə elan etdikdə M. Hadi onu müdafiə edən
cəbhənin fəal mübarizlərindən idi”(56, 182) cümləsi verilsə də, nə
M. Hadinin bu məqaləsi, nə də T. Fikrətlə bağlı yazdığı digər
əsərləin adı çəkilməmişdir.
III. 9. DAHA DÖRD ƏSƏRĠ HAQQINDA
Mövzu ilə bağlı M. Hadinin 1914-cü ilə qədər çap
olunmuş dörd əsəri barədə də məlumat verməyi lazım bilirik.
Bunlardan ikisini şair İstanbuldan göndərmiş və həmin əsərlər
Bakıdakı mətbuat orqanlarında dərc olunmuş, biri M. Hadi
Türkiyədən Bakıya döndüyü ilk günlərdə “İqbal” qəzetində
çıxmış, digəri isə İstanbulda çıxan “Rübab” jurnalında çap
olunmuşdur.
Əsərlərdən birincisi “Sabirin yadigarına ithaf” şeiridir(303,
N 1). A. Zamanovun qeyd etdiyi kimi, “Sabir vəfat edərkən onun
şair dostu Məhəmməd Hadi İstanbulda idi. Sabirin ölüm xəbəri
Hadini sarsıtmış, bu ağır itkinin doğurduğu ələmli təəssüratı ifadə
edən bir şeir yazıb Azərbaycana göndərmişdi”(444, 43). “1911-ci
ilin avqust ayında “hökumət tərəfindən qapadılın “Məlumat”
qəzetinin yerinə Orucovların çıxarmağa başladıqları, müdiri Yusif
Əhmədov, baş mühərriri Mehdi bəy Hacınski olan “Yeni irşad”
Məhəmməd Hadi və mətbuat
355
qəzeti”(393, 59) səhifələrində şeirə yer ayırmış, altında “İstanbul”
qeydini vermişdi ki, bu M. Hadinin o zaman İstanbulda yaşadığını
təsdiq edir. “Şairi-zindəruh” epiqrafı ilə dərc olunan iki bənddən
ibarət on səkkiz misralıq şeirin birinci bəndi səkkiz, ikinci bəndi
isə on misradan ibarətdir. “Ġstirahətgahi-ədəmdə bu gün, Uyu,
amma ki, millətə küskün” beyti bəndlərin sonunda nəqarət kimi
təkrar olunur(303, N 1).
Qəzetdən
götürülərək
“Seçilmiş əsərləri”nə daxil
edilən(379, 217) bu əsərində M. Hadi qeyd edir ki, Sabir kimi dahi
bir şairin qədrini, təəssüf ki, sağlığında bilmədilər. Sabirin ruhuna
xitabən o bildirir ki:
Bir taqım cahilanü naəhlan,
DüĢməni-fikri-feyzbarın idi.
Həmzəbanilərindi biməğzan,
Vətənin duzəxi diyarın idi.
Sən yaĢarkən də xütteyi-ġirvan,
Dirilərlə dolu məzarən idi.
Ġstirahətgahi-ədəmdə bu gün,
Uyu, amma ki, millətə küskün(303, N 1).
M. Hadinin haqqında məlumat verəcəyimiz digər əsəri on
misralıq “Təbrik” şeiridir(304, N 2). Bu şeir şairin “Seçilmiş
əsərləri”nə də daxil edilmişdir(379, 218). “1911-ci ilin başından
etibarən
Bakıda hökumət mətbəəsində Xədicə xanım
Əlibəyovanın müdirəliyi və Mustafa bəy Əlibəyovun naşirliyi ilə
çap edilən”(393, 61) həftəlik “İşıq” məcmuəsinin ikinci
nömrəsində çıxan bu şeirdən əvvəl belə bir qeyd verilmişdir: “Bu
yanvar ayının 22-ci günü bəd əz zöhr hava qaranlıqlaşana yavuq
Bakı şəhərində nisvani-müslimə tərəfindən yeni təsis və intişara
başlamış “İşıq” jurnalının birinci nömrəsini poçtdan aldım. Gözəl
tərtibli, sadəcə, Azərbaycan şivəsində gözəl təb olunmuş bir
məcmuədir. Baxusus qarelərə tərbiyeyi-ətfalı layiqilə tanımaq
üçün müslimə övrətlərin çocuğun əlindən yapışıb işığı
göstərməyini gözdən keçirdim. Xeyirli olsun”(303, N 2).
Dostları ilə paylaş: |