İslam Qəribli
344
qadir olduğunu hələ də anlamamışıq. Məqalə aşağıdakı hərarətli
sözlərlə tamamlanır: “Ey mərifətin dideyi-ziyadarı, bizim qara
günlərimizə ağla, daima ağla! Ey mədəniyyətin mərhəmətli könlü!
Bizim qəsvətli və daş ürəyimizə bax da, sızla, müttəsil sızla!”(296,
N 9).
Mövzusu və ruhu etibarı ilə birinci məqalə ilə səsləşən
ikinci məqalə bilavasitə Azərbaycanda və Azərbaycanın yaxın
çevrəsində olan müsəlman ölkələrinin mətbuatının vəziyyətinə
həsr olunmşdur.
“Hal-hazırda istər Qafqaziyada, istər Tatarıstanda nəşr
olunan müsəlman qəzetələrini bir kərə nəzəri-diqqətdən keçirəlim.
Nə görəcəyiz? Heç nə görməyəcəyiz desəm, inanınız!”(296, N
14) - sözləri ilə başlanan kəskin ruhlu məqaləsində müəllif bildirir
ki, tərəqqipərvər millətlər həm maddi, həm də mənəvi
ehtiyaclarını sahmana salıb insan kimi yaşadıqları və hər kəs
özünə aid olan işlə məşğul olduğu halda, bizdə əxlaq və
mənəviyyat məsələləri bir kənara qoyulub və cəmiyyətimiz
müxtəlif yollarla maddi problemlərini həll etməklə məşğuldur. İş
o yerə çatıb ki, əsas vəzifəsi millətin əxlaqi, mənəvi dəyərlərinin
təbliği olan qəzet və qəzetçilər də bu oyuna qoşulub. Qəzet və
mühərrirlərimiz başı çıxdı çıxmadı, siyasətbazlıqla məşğul olur və
elə zənn edirlər ki, guya əməl və qələmləri ilə millətin
xidmətindədirlər. Əslində onların nə əməl, nə də qələmlərinin
milli mənafeyə dəxli yoxdur və millət adından danışmağa bu cür
cızma-qaraçıları heç kim vəkil etməyib. İş o yerə çatıb ki,
“yerindən qalxan, siyasətin ruh və ləddüniyyatından qafil olanlar
məlumati-vaseəyə möhtac bulunan siyasəti baziçəyi-qələm
etməkdən çəkinməyirlər”. Bu isə “mədrəsənişin bir fəqihin
həqayiqi-əşyadan, ləddünyati-həyatdan, fələkiyyati-təbəqqətül-
ərzdən laşüuranə tədris etməsinə, yaxud vəhdətgüzin olan bir
zahidin
heyəti-ictimaiyyəyi-bəşəriyyədən
müzakirəyə
girişməsinə” bənzəyir.
“Hər sözün bir kişisi və hər kişinin də bir sözü vardır”
hikmətini yazarlara xatırladan M. Hadi bildirir ki, qələm əhli
Məhəmməd Hadi və mətbuat
345
həqiqəti və bildiyini yazmalı, həm də elə yazmalıdır ki, onun
yazdıqlarının millətə və vətənə xeyri dəyə.
M. Hadi bildirir ki, hər bir millətin səviyyəsi nəzərə
alınaraq söz söylənilməlidir. “Bizim səviyyəyi-irfanımız hənuz
siyasiyyata müstəid deyildir. Bu gün möhtac bulunduğumuz, son
dərəcə möhtac bulunduğumuz dərs əxlaqiyyat, ədəbiyyat və
tənviri-əfkar dərsləridir”(296, N 16). Ona görə də “siyasət
mərəzinə tutulan mühərrirlərimiz bu xəstəlikdən xilas olub da
zehnimizi açacaq, fikrimizi işiqlandıracaq, səviyyeyi-irfanımızı
yüksəldəcək, halımız kimi pərişan və aşiyannifaq olmuş
könlümüzü fəzailə, islaha çalışmalıdırlar. Millətin qəlbgahına
gündə bir yara vuran əxlaqsızları, ədəbsizləri tədib etməyə icaləyi-
qələm etməlidirlər. Ruhları oxşayan, ürəkləri yumşaldan,
qardaşlığı öyrədən fikirləri ortaya qoymalıdırlar. İdrakımız
səmasına
ahənpuşi-zülam
olan
təbəqati-xürafatı
söküb
atmalıdırlar”( 296, N 16).
M. Hadi bir qələm əhli və mütəfəkkir kimi mətbuat
sahəsində çalışanlardan tələb edur ki, “nuri-mərifətin nüfuzuna
mane olan dəmir təbəqələrini qələmin kəskin ağzı ilə parça-parça
etsinlər” ki, “bu işıq görməmiş başlar da bir az işıqlansın. Bu
qurumuş qəlblər də bir az yaşıllansın”(296, N 16).
“Düşünmüşdüm” başlığı ilə yazılmış “Duman süpürgəsi”
əsərini məqalədən çox mənsur şeir adlandırmaq daha doğru olardı
(297, N 17).
Başlanğıcda müəllif bildirir ki, dörd-beş il bundan əvvəl
Türkiyə mətbuatında ingilis mütəxəssislərinin dumanlı günlərdə
gəmilərin hərəkətini asanlaşdıran, bununla da həm sərnişinlərin,
həm də gəminin salamatlığını təmin etmək məqsədi ilə yaradılmış
“Duman süpürgəsi” adlı qəribə bir alət haqqında oxumuşdum.
Müəllifin təsvirinə görə bu “aləti-müxtəreə dumanlı günlərdə, sisli
havalarda gəminin ön tərəfinə nəsb ediləcək, nəşri-ziya etməklə
pişgahi-əməldə duran dumanları süpürəcəkdir. Dünyanın səthi-
lacivərdini üç-dörd kilometr aydınladaraq yol göstərəcək, bundan
naşi seyri-səfain bir növ müşkilatdan qurtarmış olacaqdır”.
İslam Qəribli
346
Bu məlumatdan sonra müəllif qeyd edir ki, Qərbdə elm və
sənət adamları bəşəriyyətin salamatlığına xidmət edən yeni-yeni
alətlər ixtira etdikləri bir zamanda, “Şərqimizdə, dumanlı, qaranlıq
Şərqimizdə isə “xəyaliyyun, ovhamiyyun” ustadlar nə ixtira etmiş
və ediyorlar? Gündə min xürafat, gündə min xülya”. İcad etdikləri
cəmiyyəti işıqlı bir sabaha çıxarmaqdansa, sonu görünməyən
zülmətə yuvarlandırır və bu cür “qaranlıq əhali tərəfindən daha
parlaq alqışlanıyor”. Yenilik adı ilə cəmiyyətin gündəlik məişətinə
yeridilən bu cür “ixtiralar” “ümmani-həyatın, dəryayi-məişətin
istiqbalını açamaqdansa, daha da dumanlıtıyor, daha da zülmətlərə
qərq ediyorlar. Fikirlərindən qalxan sislər, dumanlar, qaranlıqlar
Şərqimizin ətrafını, önünü öylə dəhşətlə bürüyür ki, səthi-şölədari-
istiqbalı görmək imkan xaricində qalır. Bu səbəbdən səfineyi-
həyatımız istiqaməti-əsliyyəsini itiririyor, nərəyə gedəcəyini
biləmiyor, dənizin dalğaları arasında sallanıyor. Üfüq tutqun,
nöqteyi-məqsud napeyda”(297, N 17).
Ötəri bir izahatdan anlaşıldı ki, M. Hadı gəmiçilikdə
istifadə olunan və nəqliyyat növünün gediş-gəlişini asanlaşdıran
bu alətdən elə-belə, söz xatirinə söz, yaxud bir məlumat kimi
danışmamış və bu faktdan istifadə edərək yenə də azadlıq idealını
bəyan etmişdir.
Müəllifin arzusu nədir? Müəllif arzu edir ki, Qərb
alimlərinin icad etdikləri kimi Şərq alimləri də bəşəriyyətə xidmət
edəcək alət ixtira etsinlər, “öylə bir alət ki, şərqlilərin afaqi-
idrakını dumanlatmış o xürafələri, o xülya sislərini birdən-birə
süpürsün”. Lakin “bu kimi alətin icadı daireyi-imkandanmıdır?
İştə məsələ! Mən böylə düşünmüşdüm! Siz də başqasını
düşününüz!”(297, N 17)
Göründüyü kimi, əslində söhbət ixtiradan yox, xürafat,
xülya və nağıllar aləmində mürgüləyən Şərq xalqlarını azdlığa
çıxara biləcəcək bir yolun tapılmasından gedir.
“Məktəblərimizi, kitablarımızı islah etməliyiz” adlı
məqalənin (299, N 19, 21, 24) bəzi hissələri “Əl-Müəyyəd”
Dostları ilə paylaş: |