uygun olaraq, iddia sənədi verilməmiş sayılır, həmin iddia sənədləri üzrə kargüzarlıq dayandırılır,
bu haqda iddiaçıya xəbər verilir.
17.4. Iddia sənədində çatışmayan və ya düzəlişlər aparılacaq materialların sorğusu.
İddia sənədinin ilkin ekspertizası zaman iddia sənədinə olan tələblərin pozulmasının tərkibi
müəyyən edildikdə, iddiaçıya müəyyən edilmiş çatışmazlıqların göstərilməsi ilə sorğu göndərilir və
sorğu alındığı tarixdən 2 ay müddətində onun cavabını təqdim etmək təklif edilir (29-cu maddənin
2-ci bəndi).
Sorğu üçün əsas aşağıdakılardır:
1. Iddia sənədində bu Qaydaların 2.1. bəndində nəzərdə tutulmuş heç olmasa bir sənədin və ya
sənədlər başqa dildə təqdim edildikdə, həmin sənədlərin azərbaycan dilində tərcüməsinin olmaması
(patent verilməsi haqqında ərizə istisna olmaqla);
2. İddia sənədi patent müvəkkili tərəfindən verildikdə, etibarnamənin olmaması və/və ya onun
tərtibatına olan tələblərin pozulması.
3. İddia sənədi materiallarının müəyyən olunmuş saydan az nüsxələrdə təqdimi.
4. Iddia sənədinin Azərbaycan Respublikasının hüdudlarından kənarda yaşayan fiziki şəxslər və ya
Patent idarəsində qeydə alınmış patent müvəkkilinin iştirakı olmadan xarici hüquqi şəxslər
tərəfindən verilməsi (Azərbaycan Respublikasının iştirakı ilə beynəlxalq sazişlə iddia sənədinin bu
cür təqdim edilməsi qaydası müəyyən edilmədikdə).
5. Patent verilməsi barədə ərizədə bu Qaydalarda nəzərdə tutulan tələb olunan məlumatlar, imzalar,
möhür (lazım olduqda) və ya digər rekvizitlər olmadıqda.
6. Rüsumun düzgün ödənilməsi ilə bağlı məsələlərin aydınlaşdırılması vacib olduqda.
7. Sənədlərin tərtibatında, onların nəşrini, saxlanmasını və/və ya maraqlı şəxslərin onlarla tanış
olmasını əngəlləyən çatışmazlıqlar müəyyən edildikdə (vərəqlərin formatına, çertyojlara
(haşiyələrin ölçülərinə olan tələblərin pozulması, və s. çapın keyfiyyətindən asılı olaraq iddia
materiallarının çətin oxunması).
8. İxtira düsturunun bu Qaydaların 2.7.1.-2.7.6. bəndinin tələblərini ödəmədiyi halda.
9. İxtiranın düsturunda ixtira obyektinin göstərilməməsi.
10. Çoxbəndli düsturun asılı olan bəndlərində ixtiranın hazırlanması və istifadəsinin xüsusi
hallarında ictimai mənafeyə, humanizm və əxlaq prinsiplərinə zidd olan əlamətlərin açıqlanması.
11. Bu Qaydaların 2.7.2.4 bəndinin tələblərinə uyğun asılı olmayan bəndin bir ixtiraya aid olması
tələbinin pozulması.
12. İxtira düsturunda tabe olduğu düstur bəndinin əlamətinin əvəz olunmasını və ya çıxarılmasını
nəzərdə tutan asılı bəndin olması.
13. İxtiranın təsvirində və düsturunda ekspertizanın aparılmasına maneçilik törədən ümumişlək
terminlərdən istifadə edilməsi.
14. İddia sənədlərinin bir-birinə uyğun olmaması (ərizə və ixtiranan təsvirində və ya düsturunda
adların uyğun olmaması, təsvirdə olan əlamətlərin ixtiranın düsturunda olmaması və s.).
15. İxtiranın təsvirində və düsturunda iddia edilən ixtiranın mahiyyətini
təhlil etmədən müəyyən
edilən başqa pozuntuların olması.
16. Sorğuda iddiaçıya əlavə rüsum ödəmək şərtilə bir ixtiraya yaxud da vahid ixtiraçılıq ideyası
əmələ gətirən ixtiralar qrupuna aid dəqiqləşdirilmiş təsvir və düstur təqdim etmək təklif edilə bilər.
İddiaçı müəyyən edilmiş vaxtda sorğu edilən materialları təqdim etmədikdə və ya vaxtın
uzadılmasına dair vəsatət vermədikdə, iddia sənədləri geri götürülmüş sayılır və iddiaçı xəbərdar
edilir. İddia sənədləri üzrə kargüzarlıq dayandırılır və sənədlər Patent idarəsinin arxivinə göndərilir.
17.5. Iddia sənədi predmetinin təsnifatı.
Iddia sənədi predmetinin texnikanın bu və ya digər sahəsihə aid olduğunu müəyyən etmək üçün,
MPEM iddia edilən ixtiraları Beynəlxalq Patent Təsnifatı üzrə təsnif edir.
Təsnifatlaşdırma:
- Iddianın ilkin ekspertizası zamanı;
- informasiya axtarışı zamanı aparılır.
Təsnifatlaşdırma, "BPT"-yə girişə uyğun qaydalarla aparılır. Təsnifat indeksini dəqiq müəyyən
etmək üçün ixtiranın düsturu əsas götürülür. İxtiranın mahiyyətinin daha dəqiq anlamaq üçün
ixtiranın təsviri və çertyojları cəlb edilir.
İddia sənədlərində BPT-nin müxtəlif rubrikalarına aid olan bir neçə ixtira obyekti olduqda, bütün
müvafiq təsnifat indeksləri müəyyənləşdirilir. Bu halda 1-ci indeks ixtiranın adı ilə
müəyyənləşdirilir.
İlkin ekspertiza zamanı müəyyənləşdirilən təsnifat indeksləri sonrakı ekspertiza prosesində
dəyişdirilə bilər.
17.6. İxtiraya "Patent haqqmda" Azərbaycan Respublikasının Qanununa əsasən hüquqi mühafizə
verilə bilməməsi haqqında xəbərdarlıq.
İddia sənədinin ilkin ekspertizası zamanı iddia edilən ixtira məxfi hesab edilərsə, iddiaçı "Patent
haqqında" Azərbaycan Respublikasının Qanununun 30-cu maddəsinin 7-ci bəndinə uyğun olaraq
ixtiraya aid sənədlərin dərc olunmaması və patentin verilməməsi barədə xəbərdar edilir.
17.7 Patent verilməsindən imtinaya dair qərar.
1. İddia sənədinin ilkin ekspertizası nəticəsində onun patent qabiliyyətli təkliflərə aid olmadığı
müəyyən edilərsə, iddiaçıya patent verilməsindən imtinaya dair qərar göndərilir, burada əlavə
olaraq iddiaçının gətirilmiş dəlillərlə razı olmadığı təqdirdə, qərarın alındığı tarixdən etibarən 2 ay
müddətində Patent idarəsinin Apellyasiya Komissiyasına öz etirazılarını təqdim edə bilmə hüququ
barədə məlumat verilir.
2. Təqdim edilən təklif o halda patent qabiliyyətli ixtira sayılmır ki, ixtira düsturu tam şəkildə bu
Qaydaların 1.1.6 bəndində göstərilən təkliflər siyahısı ilə tam üst-üstə düşsün. Qərar çıxarılanadək
iddiaçıya patent verilməsindən imtina üçün əsas ola biləcək dəlillər və lazımdırsa müvafiq