İxtiraya patent almaq üçün iddia sənədinin tərtibi, verilməsi və baxılması qaydaları
Yüklə 345,3 Kb. Pdf görüntüsü
|
- Bu səhifədəki naviqasiya:
- Document Outline
İddiaçının əlavə materialların göstərilən muddətlərin pozulması ilə təqdim etməsi müəyyən edilərsə (və bu müddətlər bu Qaydaların 14-cü bəndinə uyğun olaraq uzadılmayıbsa), iddia sənədi geri götürülmüş sayılır və bu barədə iddiaçı xəbərdar edilir. (4) İddiaçının təşəbbüsü ilə və ya Patent idarəsinin sorğusuna əsasən təqdim edilən və baxılmağa qəbul edilən əlavə materialları daxil olduqda, onların iddia olunan ixtiranın mahiyyətini dəyişib dəyişməməsi yoxlanılır. Əlavə materiallar, iddia olunan ixtiranın mahiyyətini o zaman dəyişdirmiş sayılır ki, onlara iddia sənədinin ilkin materiallarında olmayan düstura əlavə edilməli olan əlamətlər daxil edilmiş olsun. Əlamətlər ixtiranın düsturuna təkcə iddiaçının təqdim etdiyi dəqiqləşdirilmiş düsturda olduqları halda yox, həm də iddiaçı bu cür daxil etməni göstərdiyi halda da daxil edilməli sayılırlar. Əlavə materiallarda verilmiş və düstura daxil edilməli olan əlamətlər, onlar patent verilməsinə dair ərizənin, təsvirin, ixtira düsturunun və çertyojların Patent idarəsinə daxil olduğu tarixə iddia sənədində olan düsturda və təsvirdə açılmamış olduqda, iddia sənədinin ilkin materiallarında olmamış hesab edilirlər. İddia sənədinin ilkin materiallarında ixtiranın mühüm əlaməti onun xüsusi formaları açılmadan ümumi anlayışla ifadə olunubsa, bu cür yerinə yetirilmənin əlavə materiallarda ixtira düsturuna daxil edilməli olan əlamətə aid edilməklə verilməsi əlavə materialların ixtiranın mahiyyətini dəyişdirdiyini hesab etmək üçün əsasdır. Yalnız mövcud bilgilər məcmusuna, eyni zamanda ən yaxın analoqa nəzərən təsvirdə sadalanan əlamətlər iddia sənədinin ilkin materiallarında olan iddia olunan ixtiranın əlamətlərinə aid edilmir. İddia sənədi ixtiralar qrupuna aid oldugda, iddia sənədinin ilkin materiallarında olan, qrupun hər hansı bir ixtirasının əlamətləri kimi, təsvirdə qeyd olunan qrupun məhz bu ixtirasına aid olan əlamətlər sayılır. Biri digərində istifadə üçün nəzərdə tutulmuş ixtiralar qrupu istisna təşkil edir. Bu zaman bir ixtiranın digərində istifadə üçün ilkin materiallarındakı nəzərdə tutulmuş əlamətlər, bu digər ixtiranın da əlamətləri kimi sayılır. İddia olunan ixtira məlum qurğu, üsul, maddə və ya ştammların yeni təyinatla tətbiqinə aiddirsə, iddia sənədinin ilkin materiallarından fərqli göstəriş, məlum obyektin təyinatı və ya məlum obyektin səciyyəsi üçün istifadə edilən digər əlamətləri açıqlayan əlavə materiallar mahiyyət dəyişdirici sayılır. İddia sənədinin ilkin materiallarında düstura əlavə edilməli olan əlamətlərə aid olmayan, iddia olunan ixtira haqqında məlumatları olmayan əlavə materiallar ixtiranın mahiyyətini dəyişməmiş sayılırlar. Belə məlumatlara, o cümlədən ixtiranın həyata keçirilməsi şəraiti haqqında yeni (əlavə) məlumatlar, ixtiranın həyata keçirilməsi nümunələri, əlavə texniki nəticənin alınması imkanına göstəriş, qrafik materiallarda dəqiqləşdirmələr və s. aid ola bilər. İddia sənədinin ilkin materiallarında ixtiranın düsturuna əlavə edilməli olan, göstərilməyən əlamətlərlə yanaşı iddia sənədinin baxılması üçün lazım olan digər məlumatları daxil edən əlavə materiallar, yalnız göstərilmiş əlamətləri saxlayan hissədə mahiyyəti dəyişmiş sayılırlar. Digər məlumatlar ekspertiza keçirilərkən nəzərə alınırlar. (5) Əlavə materiallarda təqdim edilən, iddiaçı tərəfindən dəyişilmiş ixtira düsturunun yoxlanılması zamanı, dəyişikliklərin iddia olunan ixtiraya aid olub -olmaması müəyyən edilir. İddia olunan ixtiraya aid olmayan asılı olmayan bəndlərin ona daxil edilməsini nəzərdə tutan, ixtira düsturundakı dəyişikliklər nəzərə alınmır və bu barədə iddiaçı xəbərdar edilir.
Düstura daxil edilmiş asılı olmayan bənd, iddia olunan ixtiraya aşağıdakı hallarda aid edilir: ixtira obyektinin (qurğu, üsul, maddə) növünə göstərişin dəyişilməsi, əgər yeni göstərilmiş növ ixtiranın ilkin düsturunda olan əlamətlərin xarakterinə əvvəlkindən daha çox uyğun gəldikdə; "yeni təyinat üzrə tətbiq" ilkin iddia olunan ixtira obyekti göstərilmiş yeni təyinatlı obyektlə əvəz edildikdə, əgər ilkinlik tarixinədək hamıya məlum olan məlumatlardan iddia ediləndən yalnız təyinatı ilə fərqlənən vasitənin məlumluğu müəyyən edilmişsə; ilk iddia olunan ixtira obyektinin "yeni təyinat üzrə tətbiq", ixtira obyektinə dəyişdirilməsi, əgər ilkinlik tarixinə qədər hamıya məlum olan məlumatlardan, iddia olunandan yalnız təyinatına görə fərqlənən vasitələrin məlumluğu müəyyən edilibsə; bu Qaydaların 18.4 bəndində göstərilmiş nöqsanların aradan qaldırılması nəticəsində yeni asılı olmayan bənd formalaşdırıldıqda. (6) Əlavə materialların iddia olunan ixtiranın mahiyyətini dəyişdirilmiş sayılması halında, iddiaçıya əlavə materiallara daxil olan hansı məlumatların ekspertizanın bu cür nəticəsi üçün əsas olması barədə xəbər verilir. 20. İddia materialları və patentin verilməsinə dair məlumatların dərci. 20.1. İddia sənədləri haqda dərc olunan məlumatların tərkibi. Patent haqqında Qanunun 30-cu maddəsinin 3-cü bəndinə əsasən iddia sənədi üzrə aşağıdakı məlumatlar dərc olunur. iddia sənədinin nömrəsi; iddia sənədinin Patent idarəsinə daxil olma tarixi; iddiaçı(lar)ın adı; iddiaçı(lar)ın yaşayış və/və ya olduqları ölkənin adı; ixtira müəllif(lər)inin adı, müəllif(lər) onlar tərəfındən adlarının dərc olunmaması haqda müraciət olmadıqda ; iddia sənədi üzrə, onun Patent idarəsinə daxil olduğu tarixdən daha əvvəlki ilkinlik tələb edildikdə ixtiranın ilkinliyinin tələb edilməsi üçün əsas olmuş iddia sənədinin nömrəsi, tarixi və verildiyi ölkə; ilkin ekspertiza nəticəsində müəyyən edilmiş BPT təsnifatının bölmələrinin indeksi; ixtiranın adı; ixtira haqda referat; ixtiranın düsturu (son redaksiyada); iddia sənədində informasiya axtarış və ekspertiza keçirilməsi haqda vəsatət olmasına göstəriş. İddia sənədinin sənədlərinin daxil olduğu tarixdən 12 ay ərzində verildikdə. Patent idarəsinə ixtiraya görə məlumatların dərc olunması haqda vəsatət iddia sənədinin daxil olduğu tarixdən 18 ay keçdikdən sonra təqdim edilmişsə, dərc olunan məlumatlarda düzəlişlər, dəqiqləşmələr və dəyişiklər nəzərə alınmır. 20.2. Dərc olunmuş iddia sənədləri ilə tanışlıq. İddia sənədinə dair məlumatlar dərc olunduqdan sonra Patent haqqında Qanunun 30-cu maddəsinin 5-ci bəndinə uyğun olaraq istənilən fiziki və hüquqi şəxs iddia sənədi materialları ilə tanış ola bilər. İddia sənədinin materiallarından çıxarışların surətləri tarif üzrə müvafiq haqq ödənilməsi şərti ilə verilə bilər.
20.3. Dərc olunan iddia sənədlərində ixtira müəllifinin müəllifliyinin göstərilməsindən imtina etməsi.
İxtira müəllifinin iddia sənədi haqda məlumatların dərci zamanı müəllifliyinin göstərilməsindən imtina etməsi dərc olunmaya texniki hazırlığın qurtarmasına qədər nəzərə alınır. Göstərilən imtina, həmin müddət ərzində müəllif tərəfindən geri götürülə bilər. 20.4. İddia sənədləri haqda məlumatın daxil olma tarixindən 18 aydan tez dərc olunması. Patent haqqında Qanunun 30-cu maddəsinin 1-ci bəndinə əsasən, iddiaçının vəsatəti əsasında müvafiq tarif üzrə rüsum ödənildikdə, iddia sənədləri haqda məlumat 18 aydan tez dərc edilir. İddia sənədi haqda məlumatlar, aşağıdakı hallar istisna olmaqla dərc olunur: vəsatətin daxil olduğu tarixdən 6 ay ərzində iddia sənədi geri götürülüb və ya geri götürülmüş sayılıb; əgər vəsatət ilkin ekspertiza qurtaranadək daxil olubsa, yuxarıda göstərilən müddət ilkin ekspertizanın müsbət rəyinin iddiaçıya göndərildiyi tarixdən hesablanır. İddiaçının vəsatəti ilə iddia sənədlərinin geri götürülməsi dərc olunma üzrə texniki işlərin tamamlanmadığı halda nəzərə alınır. 20.5. Patentin verilməsinə dair dərc olunan məlumatların tərkibi. 1. Patent haqqında Qanunun 32-ci maddəsinin 1-ci bəndinə uyğun dərc olunmuş iddia sənədinə etiraz müddəti qurtardıqdan sonra müvafiq rüsum ödənildikdə ixtira obyekti dövlət reyestrində qeydə alınır və iddiaçıya patent verilir. 2. Patent haqqında Qanunun 33-cü maddəsinin 1-ci bəndinə əsasən ixtiraya görə patent verilməsi haqda aşağıdakı məlumatlar dərc olunur: - patentin nömrəsi; - Milli Patent Ekspertiza Mərkəzi tərəfindən müəyyənləşdirilmiş BPT indekslərinin rubrikası; - patent verilən iddia sənədinin nömrəsi və daxil olma tarixi; - iddia sənədinə dair məlumatların dərc olunma tarixi və bülletenin nömrəsi; - iddia sənədi üzrə onun Patent idarəsinə daxil olduğu tarixdən daha əvvəlki ilkinlik müəyyən edilmişsə, ixtiranın ilkinliyi üçün əsas olmuş iddianın nömrəsinin verilmə tarixi və ölkəsi; - müəllif(lər)in adı, əgər o (onlar) və adının göstərilməsindən imtina etməyibsə və patent sahibinin adı; - ixtiranın adı; - ixtiranın düsturu. 20.6. İxtira müəllifinin patent haqda məlumatlarda adının dərc olunmasından imtina etməsi. İxtira müəllifinin patent verilməsi haqda dərc olunan məlumatlarda adının göstərilməsindən imtina etməsi, əgər imtina dərc olunmaya texniki hazırlıq qurtaranadək daxil olubsa, məlumatların dərci zamanı nəzərə alınır. Göstərilən imtina həmin müddət ərzində müəllif tərəfindən geri götürülə bilər. 21. lddia sənədinin çevrilməsi. (1) Qanunun 29-cu maddəsinin 9-cu bəndinə uyğun olaraq ixtiraya dair iddia sənədi faydalı model üçün şəhadətnamə verilməsinə dair iddia sənədinə çevrilə bilər. Bu cür cevrilmə haqqında ərizə daxil olduqda, onun bu Qaydaların 8-ci bəndinə uyğun olaraq düzgün tərtib edilməsi yoxlanılır, həmçinin onun ixtiraya dair iddia sənədi haqqında məlumatların dərc olunmasından əvvəl təqdim edilməsi və ərizə ilə birlikdə, həmçinin müəyyən olunmuş məbləğdə müvafiq rüsumun ödənilməsi barədə sənədin təqdim edilməsi müəyyən edilir. İddia sənədi müəyyən edilmiş tələblərə uyğun olaraq tərtib edilmədikdə, iddiaçıya bu barədə xəbər verilir. İxtiraya dair iddia sənədi haqqında məlumatların dərc olunmasından sonra ərizə daxil olduqda, iddiaçıya, iddia sənədinin çevrilməsinin qeyri-mümkünlüyü barədə xəbər verilir. Ərizə ilə birlikdə, rüsumun ödənilməsi haqqında sənəd təqdim edilmədiyi təqdirdə, sonuncu təqdim edilməmiş sayılır və bu barədə iddiaçı xəbərdar edilir. Çevrilməsi həyata keçirilməyən iddia sənədi, ixtiraya dair iddia sənədi olaraq qalır və sonralar onun barəsində bu Qaydalar tətbiq edilir. İddia sənədinin müəyyən edilmiş tələblərə uyğun olaraq tərtib edildiyi göstərilən müddətin gözlənilməsi ilə təqdim edildiyi və müəyyən edilmiş məbləğdə rüsumun ödənilməsi haqqında sənəd onunla birlikdə təqdim edildiyi, müəyyən edilmişsə, iddiaçıya baş vermiş çevrilmə barədə xəbər verilir ki, burada həmçinin, iddia sənədinin gələcək baxılmasının, faydalı modelə verilən şəhadətnamə üçün iddia sənədinin tərtib edilməsi, təqdim edilməsi və baxılması Qaydalarına uyğun həyata keçiriləcəyi barədə bildirilir. (2) İddia sənədinin çevrilməsi haqda ərizənin verilmə tarixinə iddiaçı tərəfindən ixtiraya dair iddia sənədinə düzəlişlər edən və ya dəqiqləşdirən, yaxud da ixtiranın dəyişdirilmiş düsturu təqdim edildikdə, çevrilməyə dair ərizəyə baxılmasının nəticələri barədə bildiriş göndərilənədək, bu Qaydaların 18.4. və 19-cu bəndlərinə uyğun olaraq həmin materialların yoxlanması başa çatmalıdır. (3) Çevrilmə, geri götürülmüş, geri götürülmüş sayılan və ya tanınan ixtiraya aid iddia sənədləri barəsində aparılmır. (4) Əgər çevrilmə haqqında ərizə, Qanunun 29-cu maddəsinin 2-ci bəndinə uyğun olaraq geri götürülmüş sayılan iddia sənədi üzrə daxil olmuşsa və ərizə ilə birlikdə buraxılan müddətin bərpa edilməsi barədə vəsatət təqdim edilmişsə, sonuncu bu Qaydaların 13-cü bəndinə uyğun olaraq baxılır; müddətin bərpasının mümkünlüyü müəyyən edildikdə, iddiaçı bu barədə və iddia sənədinin çevrilməsinin baş verməsi barədə xəbərdar edilir. (5) İddiaçının ona iddia sənədinin çevrilməsinin baş verməsi barədə xəbərdarlıq göndərilməmişdən əvvəl, onun çevrilmə haqqında ərizəsinin təqdim edilməmiş sayılması barədə xahişi daxil olduqda, çevrilmə (iddia sənədinin çevrilməsi haqqında ərizənin geri götürülməsi) baş verməmiş sayılır, iddia sənədinin çevrilməsi üçün ödənilmiş rüsum qaytarıla və ya müəyyən olunmuş qaydada hesaba alına bilər.
İddiaçının, ona ixtiraya dair iddia sənədinin faydalı modelə şəhadətnamə verilməsinə dair iddia sənədinə çevrilməsinin baş verdiyi haqda bildirişi göndərilənədək iddia sənədinin çevrilməsinə dair ərizəsini verilməmiş sayılması barədə xahişi iddia sənədinin geriyə çevrilməsi və ödənilmiş rüsumun geri qaytarılması üçün əsas deyil. Document Outline
Yüklə 345,3 Kb. Dostları ilə paylaş:
|