21
Vestfal` sha`rtnamasi paraxatshilig`ina baylanisli Brandenburg kyurfusti Fridrix
Vil`gel`m bir qatar territoriyalardi aldi. Sonin` ishinde To`mengi Pomeraniyani,
Baltik ha`m Arqa ten`izge quyatug`in barliq da`r`yalar Brandenburg territoriyasinan
o`tken. Bul onin` ekonomikasinin` o`siwine awil-xojaliq o`nimlerin sirtqa
shig`ariwg`a mu`mkinshilik tuwdirdi. Vil`gel`m basqarg`an da`wirde territoriyaliq
ma`mleket Evropaliq derjavag`a aylandi. Kurfyust absolyutlik rejim sheklenbegen
vlast`
ornatti.
Sosloviyalardin`
huqiqin
shekledi
ha`m
sosloviyaliq
predstavitel`stvonin` rolin basqariwda qatan` oraylastiriwdi ornatti.
Armiya du`zdi. Sirtqi siyasat ju`rgize otirip, ol u`lken tabislarg`a eristi. En` baslisi
1660-jili Prussiya gertsoglig`inin` Pol`shadan azat etiliwi wa`m Prussiya
gertsoglig`inin` suveren boliwi Fridrix Vil`gel`m basqarg`an da`wirde kanal ha`m
jollar qurildi, manufakturalar payda boldi. Saydani rawajlandiriw maqsetinde
Afrikada Gvineya jag`asinda koloniyag`a tiykar saldi. Brandenburg Afrika sawda
kompaniyasi du`zildi ha`m sawda floti qurildi.
Fridrix I balasi Fridrix Vil`gel`m I (1713-1740) qatan` merkantilistlik siyasat alip
bardi. Ol armiya du`zilisine u`lken diqqat awdardi. Bunin` ushin ol G`korol`-soldatG`
laqabin aldi. Vil`gel`m I ta`repinen Afrikadag`i koloniya satip jiberildi. Prussiyanin`
a`skeriy sistemasi Fridrix Vil`gel`m miyrasxori onin` balasi Fridrix II (1740-1786)
da`wirinde de o`zinin` a`hmiyetin joyitpadi. Fridrix II bilimli adam boldi, Vol`ter
menen xat jazisip turdi ha`m o`zi de tek frantsuzsha ko`p jazdi.
XVIII a`sir dawaminda Petr I miyrasxorlari basqarg`an da`wirde rus diplomatiyasi
aktiv siyasat ju`rgizdi. Rus a`skerleri Germaniya territoriyasindag`i a`skeriy
ha`reketlerge qatnasti, biraq ha`mme waqit qanday da bir nemets ma`mleketinin`
soyuzligi retinde. Jeti jilliq urista (1756-1763) tap usinday boldi. Onda Rossiya urista
Avstriya, Saksoniya, Frantsiya ha`m Shvetsiya menen birlikte Angliya ha`m
Prussiyag`a qarsi shiqti. uris dawaminda rus-avstriya a`skerleri 1760-jili Berlinge
kirip keldi, al 1758-jili rus a`skerleri ta`repinen iyelengen shig`is Prussiya rus
iyelikleri dep ja`riyalandi ha`m onin` xalqi imperatritsa Elizavetag`a sadiq boliwg`a
ant ishti.
Elizavetanin` o`limi Prussiya koroli Fridrix II toliq qa`wipten qutqardi. Fridrix II
rus-german siyasiy qatnasiqlarinda belgili orin iyeledi. Onin` reformalari kapitalistlik
qatnasiqlardin` rawajlaniwina jol ashti, biraq onin` siyasati dinastiyaliq xarakterde
boldi.
XVIII a`sirde Rossiya ha`m Germaniya ma`mleketi ortasinda siyasiy baylanislar
menen birlikte sawda-ekonomikaliq qatnasiqlarda o`sti, ma`deniyat, ilim ha`m
bilimlendiriw baylanislarida ken`eydi.
XVIII a`sir aqirlarinda Imperiyanin` rawajlaniwinin` a`hmiyetli rezul`tati bir
nemets ma`mleketinin` qa`liplesiw protsesi boldi. Ko`binshe bavar, saksonlar,
badentslar h.t.b. jasadi.
Frantsiyadag`i diyxanlar ha`reketi nemets diyxanlarina ta`sir etpey qoymadi. 1789-
jili jazinda Frantsiyag`a jaqin jaylasqan nemets ma`mleketlerinin` ayirimlarinda
ko`terilisler kelip shiqti. 1790-jili avgustinde Saksoniyada diyxanlar ko`terilisi, al
1790-1793-jili Sileziyada awil toqimashilari ha`m diyxanlar ko`terilisi Germaniya
ma`mleketi kontrrevolyutsiyaliq frantsuz emigrantlarinin` qonislasiw orni boldi.
22
1792-jili avgustinde nemets a`skerleri Parijge jol aldi. Frantsuz armiyasi Reyn
janindag`i nemets ma`mleketlerine kirip bardi.
Napoleon urisi nemets xalqinin` o`mirine u`lken ta`sir tiygizdi. Germaniyada
Napoleon gegemoniyasi ornatildi. 1806-jili Reyn soyuzi du`zildi, onin` protektori
Napoleon esaplandi. Frantsuz a`skerleri Berlinge kirip bardi ha`m aldag`i ju`rislerde
Prussiyani qorshap aldi. Biraq imperator Aleksandr I aralasiwi na`tiyjesinde
Napoleon Til`zit sha`rtnamasi boyinsha onin` saqlanip qaliwina ruxsat berdi. Prussiya
El`banin` batis jerlerinen ayirildi. 1807-jili ministr baron fon Shteyn basshilig`inda
reformalar o`tkerildi, oni knyaz` Karl fon Xandenburg dawam ettirdi.
1848-jilg`i revolyutsiyada xaliq puxarasi jen`ilip qalg`anliqtan, Germaniya
bo`lsheklengen xalinda qaldi. 50-jilari Prussiya pomeshikleri ma`mleketlik hu`kimetti
qolinda uslap qaldi ha`m xaliqti eziwdi ku`sheytti. Revolyutsiyanin` tag`i
qaytaliniwinan qoriqqan korol` konstitutsiyani Prussiyada saqlap qaldi.
Germaniyanin` siyasiy pitiran`qilig`i Germaniyada kapitalizmnin` bunnan bilay
rawajlaniwina qarsiliq keltirdi.
Prussiya korol`lari armiyani ko`beytiwdi aldinnan-aq birinshi da`rejeli minnet dep
esapladi. XVIII a`sirdin` o`zinde-aq Prussiya o`zinin` xalqinin` sani jag`inan
Evropada 13-orinda, al soldatlarinin` sani jag`inan 4-orinda boldi. Prussiya bir qatar
basip aliw usillarin ju`rgiziw na`tiyjesinde u`lken ma`mleket bolip qa`liplesti, ol
revolyutsiyaliq Frantsiyanin` en` basli dushpaninin` biri boldi. Napoleon I nin`
a`skerlerinen jen`ilgennen keyin, Prussiya a`dewir ha`lsirep qaldi. Biraq XIX
a`sirdin` ortasinda o`nermentshiliktin` tez rawajlana baslaniwina baylanisli ol
qaytadan ku`sheyip aldi. Avstriyag`a ha`m Frantsiyag`a qarsi urisqa tayarlana
basladi. bul urislarda Prussiya pomeshikleri o`zlerine basqa German ma`mleketlerin
bag`indirip, birikken Germaniyani basqarmaqshi boldi.
Fridrix Vil`gel`m IV 1861-jili o`ldi. Taxtqi onin` inisi Vil`gel`m I otirdi. Vil`gel`m
I urisqa tayarlanip, armiyani ko`beytti, oni qayta qariwlandira basladi. Vil`gel`m I
ministr etip Bismarkti tayinladi.
Otto Fon Bismark (1815-1898) Germaniyanin` siyasiy o`mirinde u`lken rol`
atqardi.
Iri
siyasiy
g`ayratker
diplomat,
Prussiya
pomeshikleri
menen
burjuaziyasinin` ma`plerin jan ta`ni menen qorg`aytug`in ha`m jumisshilar menen
diyxanlardin` barip turg`an jawi bolg`an Bismark 1848-jilg`i revolyutsiya da`wirinde
G`korol`di qutqarip aliw ushinG`, diyxanlardi qariwlandirip, olar menen Berlinge
bariwg`a ha`reket jasadi.
Bismark Germaniyani Prussiyanin` basshilig`i menen biriktiriwdi en` a`hmiyetli
minnet dep esapladi. Bug`an Avstriya menen Frantsiya ta`repinen bolatug`in
qarsiliqti Bismark olar menen urisiw arqali joq etiw kerek ha`m 1848-1849-jillardan
baslap Germaniyani refolyutsiyaliq jol menen biriktiriwge demokratiyaliq ha`reketti
bastirip taslaw kerek dep esapladi. G`Zamannin` ulli ma`seleleri so`ylegen so`zler
menen ha`m ko`pshiliktin` dawis beriwi menen sheshilmeydi, ol tek temirdin` ku`shi
menen, qan to`g`iw arqali sheshilediG`-dedi Bismark 1862-jili Prussiya landtag`inda
(parlamente), Germaniya ushin en` tiykarg`isi-konstitutsiyaliq ta`rtipti ornatiw emes,
armiyani ku`sheytiw, dep bildi.
Prussiya Avstriyag`a qarsi uris basladi. Prussiyanin` jaqsi qariwlang`an ha`m jaqsi
u`yretilgen armiyasi bir neshe ku`nnin` ishinde Avstriyanin` armiyasin wayran etti.