Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti Zoologiya, adam morfofiziologiyası hám onı oqıtıw metodikası kafedrası

Sabaqtıń maqseti: Oqıwshılardı Qaraqalpaqstanda awlanatuǵın haywan túrleri menen tanıstırıw.
Sabaqtıń tárbiyalıq maqseti: Qaraqalpaqstan haywanat dúniyasın qorǵaw hám olardı keleshek áwlatqa óz halınsha jetkerip beriwdi oqıwshılardıń sanasına sińdiriw arqalı, oqıwshılardıń ilimiy dúńya qarasın keńeytiriw, ana tábiyatımızǵa bolǵan mehir muhabbatın oyatıwdan ibarat.
Sabaqtıń rawajlandırıwshı maqseti: Qaraqalpaqstan haywanat dúniyasın qorǵaw, olardıń kóbeyiwi, rawajlanıwı, azıqlanıwı, populyatsiyası haqqında sabaqlıq ústinde óz betinshe islew, logikalıq pikir júritiw kónlikpelerin rawajlandırıwdan ibarat.
Sabaqtıń úskeneleniwi: Zoologiya sabaqların oqıtıwda hár túrli plakatlar, proektor kompyuter, mikroskop hám tarqatpa materiallar h.t.b.
Sabaqta paydalanılatuǵın texnologiyalar: Birgelikte oqıtıw texnologiyası (kishi toparlarda oqıtıw).
Tiykarǵı túsinikler hám tayanısh bilimler: Qaraqalpaqstan haywanat dúniyasınıń rawajlanıwı, kóbeyiwi, azıqlanıwı, populyaciyası, olardı qorǵaw jolları, haywanat dúniyasınan alınatuǵın ónimler, olardı keleshek áwlatqa óz halınsha jetkerip beriw.
Sabaqtıń barısı:
I. Shólkemlestiriwshi bólim.
II. Ótken tema boyınsha oqıwshılardıń ózlestirgen bilimlerin qadaǵalaw hám bahalaw.
III. Oqıwshılardıń sabaq teması, maqseti, sabaqtıń barısı menen tanıstırıw.
IV. Qaraqalpaqstanda awlanatuǵın haywanat dúniyası haqqında.
Reja:
1. Qaraqalpaqstan tábiyiy biocenozında jasawshı omırtqalı haywanların úyreniw.
2. Respublikamız aymaǵında ań awlawshılıq.
3. Awlanatuǵın haywan túrlerine sıpatlama.
4. Qaraqalpaqstanda ań awlaw xojalıqları.
Ámiwdáryanıń tómengi jaǵındaǵı toǵay ósimlikleriniń qáliplesiwi hám rawajlanıwı gidrologiyalıq hám topıraq sharayatları menen, sonday-aq, keyingi on jıllıqlar ishinde toǵay ekosistemasınıń jaǵdayın belgilep beriwshi antropogen tásir dárejesi menen tıǵız baylanısta boladı.
Ámiwdárya deltasındaǵı toǵaylardıń faunasında 27 túrdegi sút emiziwshiler bar, bul Qaraqalpaqtsandaǵı barlıq sút emiziwshiler túrleriniń 40% quraydı.
Ań awlaw belgilengen ańshılıq orınlarında hám hámme bara alatuǵın ańshılıq orınlarında yuridikalıq shaxslar hám jeke isbilermenler tárepinen nızamshılıqqa muwapıq ámelge asırıladı.
Házirgi jaǵdaylarda ańshılıqtıń tiykarǵı obektleri – bahalı teri beretuǵın haywanlar, sonday-aq, teri, gósh, dárilik ónim (shaq) beretuǵın basqa da haywanlar esaplanadı.
Qaraqalpaqstan aymaǵınıń landshaftlıq kóp túrliligi ańshılıq faunasınıń túrlik kóp túrliligin belgilep beredi. Jaqın ótmishte bul aymaq awlanatuǵın haywanlardıń kópligi menen at shıǵarıp, bul jerde mamıq terisi ushın awlanatuǵın haywanlardıń 27 túri bar bolǵan.
Sabaq ótiw barısı

Oqıtıwshı jańa temanı joba tiykarında kórgizbe qurallar járdeminde bayan etkennen soń oqıwshılardıń óz betinshe jumısların shólkemlestiriw.

V. Oqıwshılardı kishi toparlarǵa bólip hámde oqıw tapsırmaların mustaqil ráwishte sıpatlı orınlanıwına erisiw (7-keste).
7-keste
Oqıwshılardıń kishi toparlar ushın oqıw tapsırmaları.

№	Oqıwshılar ózlestiriwi tiyis bolǵan materiallar tiykarında oqıw tapsırmaları.	Tapsırmalar tiykarında kórsetpe.
1.	Sabaq tekisin dıqqat penen oqıń, tómendegi sorawlarǵa juwap tawıń hám tapsırmalardı orınlań.	Pikirlerińizdi tiykarlań.
1.	Qaraqalpaqstan omırtqalı haywanlar faunası boyınsha túsinik beriń.	Oqıwshılar menen ótkeriletuǵın soraw juwapta aktip qatınasıń.
2.	Respublikamız aymaǵında awlanatuǵın haywanlar haqqında túsinik beriń.
3.	Awlanatuǵın hár bir haywan túrleri populyaciyası haqqında túsinik beriń.
4.	Qaraqalpaqstanda ań awlaw xojalıqları haqqında maǵlıwmat beriń.
5.	Qaraqalpaqstanda balıqshılıq xojalıqları haqqında maǵlıwmat beriń.
6.	Qaraqalpaqstan ornotofawnası haqqında maǵlıwmat beriń.

V. Oqıwshılardıń bilimin test sorawlar járdeminde qadaǵalaw hám bahalaw.

VI. Jańa temanı qayta islew hám juwmaqlaw.
VII. Úyge tapsırma beriw.