37
Tarixdə bu gün
Yеni il
YANV
AR
Yeni il bayramı ilin sonuncu
günündən növbəti təqvim ilinə keçid
ilə əlaqədar keçirilən bir bayramdır.
Bu günü bayram etməklə insanlar belə
hesab edirlər ki, bütün uğursuzluq və
kədərli anlar köhnə ildə qalır, yeni il
yeni arzular və ümidlər gətirir.
Bu bayramın yaranmasının ən azı 25
əsrlik tarixi var. Bəzi fərziyyələrə görə,
Yeni ili ilk dəfə qədim çinlilər qeyd
ediblər. Digər mənbələrdə bu bayram
qədim german və romalılarla bağlıdır.
Başqa bir mənbəyə görə isə Yeni ili
bayramla qarşılamaq ənənəsinin əsası
eramızdan əvvəl üçüncü minillikdə
Mesopotamiyada qoyulub.
Hər bir xalq yeni il üçün tarixi
və ya mifik hadisə ilə bağlı öz tarixi
günlərindən istifadə edib.
Eramızdan əvvəl misirlilər hər bir
sülalənin hakimiyyətə gəlməsini ilin
başlanğıcı hesab ediblər.
Qədim Romada Günəş Tanrısı Mit-
ranın doğum günü kimi qeyd edilən
yanvarın 1-i İşığın Qaranlıq üzərində
qələbəsi günü kimi səciyyələndirilir.
Başqa bir mənbədə romalılar bu günə
Yanus allahının adını veriblər.
Bizim istifadə etdiyimiz təqvim
miladi təqvim adlanır. Bu təqvimə
əsasən yeni il yanvarın 1-dən başlanır.
Yeni ilin əsas atributları Şaxta baba və
Qar qızı hesab olunur. Yeni il bayra-
mını al-əlvan, bərli-bəzəkli şam ağacı-
sız təsəvvür etmək qeyri-mümkündür.
Çoxları şam ağacları bəzəmək ənənəsini
də xristian dini ilə əlaqələndirir.
Əslində isə, hələ miladdan çox-çox
əvvəl qədim Misirin sakinləri dekabrın
ən qısa günlərində yaşıl palma ağacla-
rını evlərinə gətirirmişlər. Bu, həyatın
ölüm üzərində qələbəsinin rəmzi sayı-
lırmış, küknar ağacları rəngli kağızlar,
meyvələr və şirniyyatla bəzədilirmiş.
Yer üzündə ilk olaraq Yeni ili Fici
arxipelaqının 160 adasının sakinləri
qarşılayır. Dekabrın 31-i gecəsi insan-
lar bayram süfrəsi ətrafında toplaşırlar.
Artıq həmişəlik vidalaşdıqları ilin son
anlarında musiqini dayandıraraq sükut
içərisində saat 12.00-ı gözləyirlər.
1991-ci ildən Azərbaycanda dekab-
rın 31-i Dünya Azərbaycanlılarının
Həmrəylik günü kimi qeyd olunduğun-
dan Yeni il bayramı azərbaycanlılar
üçün ikiqat bayramdır.
Ə d ə b i y y a t
Planetimizdə neçə Yeni il
bayramı var //Azərbaycan.-
2008.- 1 yanvar.- S. 8.
Axundov, T. Yeni il xalqı-
mıza firavanlıq, xoşbəxtlik
gətirsin /Tural Axundov
//Respublika.- 2013.- 1
yanvar.- S.6.
Əlibalaqızı, S. Dünya-
da Yeni il:Fərqli ənənə
və mərasimlər /Səbinə
Əlibalaqızı // Mədəniyyət.-
2014.- 30 dekabr.- S. 15.
1
38
Tarixdə bu gün
Azərbaycan Respublikasının dövlət dili
haqqında Qanunu qəbul olmuşdur
2003
YANV
AR
Azərbaycan xalqının ümummilli lideri
Heydər Əliyev hələ birinci dəfə Azərbaycana
rəhbərlik etdiyi dövrdə 1978-ci il Konstitusi-
yasında Azərbaycan dilinin dövlət dili kimi
rəsmiləşdirilməsinə nail olmaqla dilimizin
gələcək inkişaf perspektivlərini müəyyənləş-
dirmiş, bu sahədə mütəxəssislərin qarşısına mü-
hüm vəzifələr qoymuşdur.
Ulu öndər Heydər Əliyev ikinci dəfə Azər-
baycana rəhbərliyi dövründə 1995-ci ildə referen-
dum yolu ilə qəbul olunmuş konstitusiyamızda
dilimizin adının Azərbaycan dili olmasını təsbit
etdirdi. Bununla da dilimizin adı ilə bağlı olan al-
ternativ variantlara (Azərbaycan türkcəsi, Azəri
türkcəsi, Azərbaycan türk dili və s.) son qoyuldu.
Heydər Əliyev 2001-ci il iyunun 18-də dövlət dili-
nin tətbiqi işinin təkmilləşdirilməsi ilə bağlı Fərman
imzaladı. Bu fərmandan irəli gələn məsələləri
yerinə yetirmək üçün 4 iyul 2001-ci il tarixli
Sərəncamla dil komissiyası yaradıldı. Ulu Öndərin
Azərbaycan dilinə olan hədsiz məhəbbətinin və
dövlət başçısının qayğısının nümunəsi kimi 2001-
ci il avqust ayının 9-da “Azərbaycan Əlifbası və
Azərbaycan Dili Gününün təsis edilməsi haqqın-
da” Prezident Fərman imzalandı. Bu fərmanla hər
il avqust ayının 1-i respublikamızda Azərbaycan
Əlifbası və Azərbaycan Dili Günü kimi qeyd
olunması təsdiq edildi. 2002-ci il sentyabr ayının
30-da “Azərbaycan Respublikasında dövlət dili
haqqında” Azərbaycan Respublikasının Qanunu
qəbul edildi. Heydər Əliyev Azərbaycan dilinə
dövlət dili statusunun verilməsində öz təcrübəsini
və əməyini əsirgəmədi, Azərbaycan dilini qorudu,
yaşatdı və dövlət dili səviyyəsinə qaldırdı.
Azərbaycan dövlətinin dil siyasəti “Azərbaycan
xalqının ən böyük milli sərvətidir” prinsipinə
əsaslanır. Azərbaycan Respublikasında dövlət
dili haqqında Azərbaycan Respublikası Qanunu-
nun tətbiq edilməsi haqqında Azərbaycan Prezi-
dentinin 4 yanvar 2003-cü il tarixində Sərəncamı
imzalandı və həmin tarixdən qüvvəyə mindi. 20
maddədən ibarət olan bu qanun Azərbaycan Res-
publikasının Azərbaycan dilinin dövlət dili olaraq
işlədilməsini öz müstəqil dövlətçiliyinin başlıca
əlamətlərindən biri sayır, onun tətbiqi, qorunma-
sı və inkişaf etdirilməsi qayğısına qalır. Bu qanun
Azərbaycan Respublikası Konstitusiyasına
uyğun
olaraq, Azərbaycan Respublikasında Azərbaycan
dilinin dövlət dili kimi hüquqi statusunu nizam-
layır.
Ə d ə b i y y a t
Azərbaycan dili əsas ünsiyyət vasitəsidir, dövlət dilidir: Buna nail olmağımızda ümummilli lider Heydər Əliyevin böyük rolu olub //Üç
nöqtə.- 2016.- 6 aprel.- S.5.
Cəfərov, N. Azərbaycan dilinin həm ümumxalq dili, həm də dövlət dili kimi inkişafında Ulu öndər Heydər Əliyevin xidmətləri tarixi
əhəmiyyət kəsb edir /Nizami Cəfərov // P.S.Elm, təhsil və həyat.-2015.- 24-31 iyul.- S.3.
Xəlilov, B. Azərbaycan dili: milli varlığımız, mənəvi sərvətimiz /B. Ə. Xəlilov ; elmi red. V. Əliyev.- Bakı:Bakı Çap Evi, 2013.- 268 s.
Xəlilov, B. Dövlət dili həmişə taleyüklü məsələlərdən biri olmuşdur /Buludxan Xəlilov // Azərbaycan məktəbi.- 2013.- №3.- S.66-70.
4