181
Fəsil 6. Proqram hemodializi (PH)
Beləliklə, HD normal böyrəklərin funksiyalarını tam əvəz edə
bilmir. Xəstələr pəhriz rejiminə, maye qəbulunun məhdudiyyətlə-
rinə və bəzi dərmanların istifadə olunmasına məcbur olurlar (cədvəl
6.10). Bütün bunlardan başqa PH prosesində orqanizmin bir sıra
sistemləri tərəfi ndən çoxsaylı ağırlaşmalar da müşahidə olunur və
proseduranın özünün mənfi təsirləri vardır, məsələn bədəndən suda
həll olan vitaminlərin çıxarılması və s.
Cədvəl 6.10
Böyrəklərin itirilmiş funksiyasını əvəz etmək üçün dializdən
əlavə lazım olan müalicə tədbirləri
Funksiya
Əlavə terapiya
Hüceyrəxarici mayenin həcmi
Müvafi q natriun və su qəbulu, ilgək
diuretikləri (diurez varsa)
Plazmanın osmolyarlığı
Müvafi q maye qəbulu
Turşu-qələvi müvazinəti
Yoxdur (bəzən NaHCO
3
)
Kalium balansı
Pəhriz məhdudiyyəti, PD zamanı
əlavə verilir
Kalsium/fosfat balansı
Fosfat birləşdiriciləri, kalsitriol
Maqnezium balansı
Artıq maqneziumdan çəkinmək
Kiçik ölçülü molekulların
ekskresiyası
Yoxdur
Böyük ölçülü molekulların
ekskresiyası
İmkanı yoxdur
Zülalların metabolizmi
İmkanı yoxdur, lazım deyil
Sintez:
• eritropoetin
Eritropoetin, yaxud analoqları
• renin-angiotenzin
Bəzən AÇFİ, yaxud ARB
• lokal hormonlar
İmkanı yoxdur, lazım deyil
25-hidroksixolikalsiferolun
aktivləşməsi
Kalsitriol
182
Dializ
Fəsil 7
Dializ xəstələrin problemləri
7.1. Psixoloji problemlər
D
ializ xəstələrin həyat tərzi qeyri-normaldır, çünki onlar
daim dializ cihazına bağlıdırlar. Bütün dializ xəstələri
daim prosedura, cihaz, tibb personalı və başqa stress faktorlarından
asılıdırlar. Bundan başqa, hər bir xəstənin xəstəlikdən qabaq
xasiyyəti, şəxsi xüsusiyyəti, dostları, ailəsi tərəfdən onun qayğısına
qalmaları dərəcəsi və xəstəliyin gedişi xüsusiyyəti onun psixoloji
reaksiyalarını formalaşdırır. Terminal XBX ilə müalicəyə qəbul
olunmuş xəstələrin təxminən 10%-ində psixikasının pozğunluqları
olur. Ən əsas psixoloji problemlərdən depressiya, demensiya,
dərman və ya alkohol asılılığı, qorxu və şəxsiyyətin deqradasiyası
müşahidə edilir. Bəzən psixotik pozğunluqlar aşkar edilir. Diabeti
və damarlarında aterosklerotik dəyişikliklər olan xəstələrdə seksual
disfunksiyalar tibb personalının nəzərini cəlb etməsə də, xəstə üçün
böyük əhəmiyyət kəsb edir. İşə düzəlmək və reabilitasiya, xüsusən
yaşlı şəxslərdə, xəstə üçün böyük problem yaradır. Bütün bunlar
vaxtında aradan qaldırılmadıqda suisid halları ilə nəticələnə bilər,
yaxud xəstə dializdən də imtina edə bilər.
Dializin stressə səbəb olan təsirləri:
1. pəhrizin qorunması, maye qəbulu, dərman istifadəsi;
2. dializ proseduru;
3. xəstəlik halı (daima narahatlıq);
4. çoxlu itkilər: iş, hərəkət azadlığı, ümidsizlik;
5. seksual disfunksiyalar.
Depressiya – itirilmiş ümidlərin nəticəsində baş verir, ən müntəzəm
müşahidə edilir. Xəstəliyin düzgün vəziyyəti, özünəqiymətin enməsi,
183
Fəsil 7. Dializ xəstələrin problemləri
köməksizlik hissi ilə başlayır. Yuxu pozulur, iştah və çəki azalır,
ağızda quruluq, qəbizlik, cinsi həvəs və potensiyanın enməsi və s.
kimi somatik ağırlaşmalar müşahidə edilir. Depressiyanın, koqnitiv
simptomları, köməksizlik, günahkarlıq hissi, suisidal fi kirlər kli-
nisistə uremiya əlamətləri ilə depressiya arasında differensial
diaqnoz aparmağa kömək edir.
Suisid.
Dializ xəstələrinin təxminən 500-dən biri öz həyatına
son qoyur. Xəstələrin pəhrizə əməl etməməsi, həkimin tövsiyələrini
yerinə yetirməməsi, dializ proqramına əməl etməməsi (dializi
buraxması, dializ müddətlərinin azalması) son nəticədə onların
ölümünə də səbəb ola bilir ki, bunları da düşünülmüş, yaxud
düşünülməmiş suisidal məqsəd hesab etmək lazımdır.
Demensiya və delirioz vəziyyət.
Bu vəziyyət interkurrent
xəstəliklər (hipotireoz, hiperparatireoidizm, septisemiya, hipoq-
likemiya), sinir sistemi xəstəlikləri (beyin damarları xəstəlik ləri,
subdural hematoma və s.), bəzi dərmanların qəbulu, alkoholun
qəbulu və ya ondan imtina edilməsi, dializin kifayətsizliyi və s. səbəb
olur. İlk növbədə dializ proqramını yenidən qurub yaxşılaşdırmaq,
qidalanmanı adekvatlaşdırmaq və proqress edən nevroloji xəstəlikləri
(Alsheymer xəstəliyi) müalicə etmək lazım gəlir. Demensiya baş
verdikdə xəstənin qohumları ilə dializ proqramını bitirmək haqda
danışıqlar aparılır.
Xəstələrin tibb personalı ilə əməkdaşlıq etməməsi, yüksək
qıcıqlanma, dializ xəstələrində tez-tez təsadüf olunur və onlar
özlərini kobud aparır, personalla yüksək tonla danışırlar. Ən yaxşısı
xəstələrin özlərini belə aparmasına fi kir verməmək lazımdır. Bəzən
xəstələrin davranışı nə özlərinə, nə də tibb personalına aydın olmur,
onda onun ev və iş şəraitini ətrafl ı öyrənmək lazım olur. Amma
bəzən xəstələrin hərəkətlərində başqa xəstələr və tibb personalı üçün
təhlükəli olan davranışa dözmək olmaz, psixoz olduqda psixiatr ilə
məsləhətləşmək lazım gəlir.
Seksual disfunksiya.
Təqribən dializdə olan kişilərin 70%-ində
seksual disfunksiya müşahidə edilir, qadınlar isə orqazmın tezliyinin