valyutanın məzənnəsinin saxlanması üçün də istifadə olunur.
Qeyd olunmalıdır ki, tədiyyə balansının hər üç tərkib hissəsinin (cari
əməliyyatlar hesabı, kapitalın hərəkəti hesabı, rəsmi ehtiyatlar hesabı) cəminin
yekunu sıfra bərabər olmalıdır. Beynəlxalq əməliyyatlarda istifadə olunmuş
xarici valyutanın hər vahidinin (
əməliyyatları) özünün mənbəyi («müsbət», yəni daxilolmalar, o cümlədən kredit
əməliyyatları hesabına) olmalıdır.
İndi qızıldan tədiyyə balansının tənzimlənməsi üçün demək olar ki,
istifadə olunmur. Rəsmi ehtiyatların əsas hissəsi (monetar qızıl nəzərə
alınmadan) sənayeləşmiş aparıcı ölkələrin valyutalannm payına düşür. 2010-cu
ildə onların xüsusi çəkisi 96,3% (avro və dollar) olmuş, BVF-də ehtiyat mövqeyi
isə 3,5%-i aşmamışdır.
Beləliklə, «Rəsmi valyuta ehtiyatlarının hesabı» maddəsində rəsmi
hesablaşmalar üzrə tədiyyə balansının tənzimlənməsinin metodları və mənbələri
əks olunur. Tədiyyə balansının kəsiri Mərkəzi Bank tərəfindən xarici valyutanın
xalis satışlarına, bunun əksinə, tədiyyə balansının müsbət saldosu Mərkəzi
Bankın aldığı xarici valyutanın xalis alışına bərabər olacaqdır.--
Əvvəl dediyimiz kimi, ölkə uzun müddət ərzində tədiyyə balansını kəsirlə
yekunlaşdıra bilməz, çünki belə hal onun rəsmi valyuta ehtiyatlarının
tükənməsinə, tədiyyə balansının qaçılmaz böhranına gətirib çıxaracaqdır. Bu,
ölkənin xarici borcları ödəmək iqtidarında olmaması, yeni borcların alınmasının
qeyri-mümkünlüyü deməkdir. Belə vəziyyətlərdə yeganə çıxış yolu kimi
mübadilə məzənnəsində düzəlişlər aparılmasına əl atılır (valyutanın
devalvasiyası). Amma mübadilə məzənnəsində düzəlişlərin aparılması
iqtisadiyyat üçün neqativ nəticələr verə bilər.
Beynəlxalq hesablaşmalar üçün əsas vasitə kimi istifadə olunan valyutaya,
məsələn, ABŞ dollarına malik ölkələrdə isə hadisələr başqa məcrada inkişaf edir.
Dünya puluna tələbatın artması nəticəsində əsas valyutaya malik olan ölkə
öhdəlikləri aktivlərindən çox olan adi bank kimi fəaliyyət göstərir, bu isə, onun
rəsmi hesablaşmalar üzrə tədiyyə balansını, o cümlədən cari əməliyyatlar üzrə
balansını uzun müddət ərzində heç bir ciddi problem yaratmadan kəsirlə
yekunlaşdırmağa imkan verir (1970-ci illərin ortasından ABŞ cari əməliyyatlar
üzrə balansı kəsirlə başa vurur).
Beynəlxalq təşkilatların fəaliyyətində və beynəlxalq hesablaşmalar
praktikasında xalis rəsmi valyuta ehtiyatları göstəricisindən də istifadə olunur.
117
Bu göstərici ölkənin xarici kreditorlar qarşısında olan borcunu ödəmək
qabiliyyətini qiymətləndinnəyə imkan verir. Xalis rəsmi valyuta ehtiyatlarının
məbləğindən, həmçinin valyuta ehtiyatlarının ölkənin idxalını ödəmək üçün nə
dərəcədə kifayət etməsi göstəricisinin aşağıdakı kimi hesablanması üçün də
istifadə olunur;
Xarici valyutanın xalis ehtiyatları
İdxalın ümumi həcmi
X
12
ay
Bu göstərici ölkənin mövcud valyuta ehtiyatları hesabına idxalı ödəyə
biləcəyi müddəti məhdudlaşdırır. Beynəlxalq kreditləri almaq imkanı (inkişaf
etməkdə olan və keçid iqtisadiyyatlı ölkələr) bu göstəricinin kəmij^ətindən
asılıdır. Belə ki, bu göstərici idxalın 3 aydan az müddətdə təmin olunmasından
aşağı səviyyədədirsə, vəziyyət qeyri-qənaətbəxş hesab olunur və yeni kreditləri
almaq imkanı cüzidir.
Ehtiyat fondları. Dünyanın neft və qaz bazarlarında satışdan əlavə gəlirlər
əldə edən bəzi ölkələr ehtiyat fondları - Gələcək nəsillərin Fondu (Norveç),
Sabitləşdirmə fondu (Rusiya) və s. yaradır. Əksər hallarda ölkələr belə fondların
vəsaitlərini ABŞ-da, aşağı gəlirli dövlət istiqrazlarında yerləşdirməyə üstünlük
verir. Səmərəli iqtisadi siyasət yeridilərkən heç zaman və heç bir vəziyyətdə artıq
olmayan malij^ə resurslarının bir hissəsinin ölkədən çixarılması ilə eyniləşdirilə
bildiyinə görə, bu, milli ehtiyatların yerləşdiril- məsinin ən israfçı formasıdır.
Rusiya iqtisadçılarının ən sadə hesablamalarına görə, ölkənin illik investisiya
tutumu ən azı 120-150 milyard dollardır. Özü də istehsal, və sosial infrastruktur
yaradıldıqca və ərazi üzrə «artım nöqtələri» formalaşdıqca, bu göstərici
yüksələcəkdir. Milli iqtisadiyyatın inkişafı üçün onun sabitliyini təmin etmək
vəzifəsi qarşıya qoyulmalıdır, bunun başqa zəmanəti yoxdur.
5.2.
Tədiyyə balansının standart
modeli və onun strukturu
Standart model anlayışı və onun strukturu. Dünya iqtisadiyyatında və
beynəlxalq iqtisadi münasibətlərdə fəal iştirak edən, get-gedə genişlənən ticarət
münasibətlərinə cəlb olunmuş ölkələr labüd olaraq beynəlxalq hesablaşmaların
əsas göstəricilərindən (standartlarından) istifadəyə keçir. Ölkənin beynəlxalq
təsərrüfat əlaqələri sisteminə «çıxmasının» ən əsas tərəflərindən biri keçid
118
həlqəsidir. Universal istifadə üçün təyin olunmuş «tədiyyə balansının standart
modeli» milli bazarlardan dünya bazarına çıxış həlqəsi rolunu oynayır.
Struktur etibarilə, tədiyyə balansının standart modeli yuxarıda nəzərdən
keçirdiyimiz üç tərkib hissəsinin vahid sənəd şəklində birləşdirilməsidir (cədvəl
5.1).
Tədiyyə balansının əsasını malların ixracını və idxalını xarakterizə edən,
sərhədi həqiqətən keçən malların həcminin uçotunu aparan gömrük statistikasının
məlumatlarına əsaslanan ticarət (xarici ticarət) balansı təşkil edir. Xarici ticarət
müqavilələrinin vaxt baxımından üst-üstə düşməməsinə baxmayaraq, tədiyyə
balansı xarici ticarət dövriyyəsi prosesində pul ödənişlərini və daxilolmalarını əks
etdirir.
Cədvəl 5.1
Tədiyyə balansının standart strukturu
Birinci variant
Kredit
Debet
1. Cari əməliyyatlar üzrə hesablar
1. Malların ixracı
2. Malların idxalı
Xarici ticarət balansının saldosu
3. Xidmətlərin ixracı
4. Xidmətlərin idxalı
5. İnvestisiyalardan xalis gəlirlər
6. Xaricə xalis cari transferlər
Cari əməliyyatlar üzrə balansın saldosu
II. Kapital və maliyyə əməliyyatları hesabı
7. Xaricdən xalis kapital transferləri 9.
Uzunmüddətli və qısamüddətli
8. Uzunmüddətli və qısamüddətli
kreditlərin alınması 10. Səhvlər və
buraxılmalar
kreditlərin verilməsi
Rəsmi hesablaşmalar balansının saldosu
III. Rəsmi valyuta ehtiyatları hesabı
ikinci variant
A. Cari əməliyyatlar
Mallar
Xidmətlər
İnvestisiyalardan gəlirlər Sair xidmətlər və
gəlirlər Fərdi birtərəfli köçürmələr
Yekun: A - cari əməliyyatların balansı B. Birbaşa
investisiyalar və digər uzunmüddətli kapital Birbaşa
investisiyalar _______________________________________
119