Salatın Əhmədli
255
HƏZİN BİR XATİRƏ
Gənclik çağlarım idi, qanımın coşan vaxtları.
Hündürboy, enlikürək, deyilənə görə qızların ağlını
başından alan bir oğlan idim. Bir dostumun evinə
qonaq getmişdim. Dostumun evində bir qız gördüm,
qonşusu idi, ağlım başımdan çıxdı. Həmişə qızlar
məni görəndə dəli-divanə olurdular, bu dəfə deyəsən,
mən dəli olurdum. Gecəni səhərə qədər yata bilmədim,
hey o üz-bu üzə çevrildim: Qızın qaynar, şəvə kimi
qara gözləri, odlu baxışları, gül çöhrəsi, qönçə dodaq-
ları gözümün önündən getmirdi.
Səhər açıldı. Ev sahibləri tezdən durmuşdular.
Samovar salıb, süfrə açmışdılar. Süfrənin üstündə
kəndin bütün nemətləri düzülmüşdü, yağ, pendir,
qaymaq, beçə balı, təzə kənd yumurtası, fətir, hətta
xamralı çörəyi...
Hamı durub qonağı - məni gözləyirdi.
Həyətin ortasında bənövşətək boynunu büküb da-
yanmış ətirli çiçəyimi gördüm. Dəli bir həsrət keçdi
könlümdən - qızı qucaqlayıb öpmək istədim.
Həyətdəki dostumu, onun ömür-gün yoldaşını,
uşaqlarını öpə-öpə gül qönçəmə yaxınlaşdım. Qız
əlində tezdən dərdiyi tək bir qızılgül tutmuşdu. Oğrun
Salatın Əhmədli
256
və ürkək nəzərlərlə gözaltı mənə baxırdı. Mən ona
yaxınlaşıb öpmək
istəyəndə əlindəki qızılgülü
dodağıma yaxınlaşdırdı. Mən qızın gül çöhrəsindən
yox, mənə uzatdığı qızılgülü öpəsi oldum. Nəsibim
qızılgülün ləçəklərini öpmək imiş. Qız xəfifcə güldü
və bu gülüşü ilə demək istədi ki, sənin istəyini mən
başa düşmüşdüm.
...Mən indi də o anların həzin xatirəsilə
yaşayıram.
Salatın Əhmədli
257
SİZİ GÖRMƏYƏ GƏLDİM
Qışın qarı ərimiş, havalar ilıqlaşmışdı. Əziz
Novruz bayramı yaxınlaşırdı. Bayrama bərk hazırlıq
gedirdi, evlər ağardılıb təmizlənir, yorğan-döşək günə
verilib tozu çırpılırdı. Hamı bayramı yaxşı qarşılayıb
yaxşı da yola salmağa çalışırdı. İnsanlar bayramın
gəlişinə sevinirdi, xüsusən uşaqlar bu bayramı bütün
bayramlardan çox sevirdilər. Çünki, həm əyin - başları
təzələnəcək, həm «baca-baca»ya gedib çoxlu yer-
yemiş yığacaqlar. Onların özlərinə aid bir «sirr»ləri də
var idi. Novruz bayramı bitdikdən az sonra uşaqlar
yay tətilinə çıxır. Uzun sürən dərs ilindən sonra düz üç
ay istirahət edəcəklər. Ata-anaları, mal-heyvanları ilə
birlikdə dağlara köçüb dəyə quracaqlar, günlərini
qayğısız yaşayacaqlar. Daha müəllimlərin tənəli sözlə-
rini, ata-analarının danlaqlarını eşitməyəcəklər. Dağ-
da-obada şehli otların üstü ilə qaçışacaq, hərdən oba-
dan uzaqlaşmış mal-qoyunun ağzını bəri qaytaracaq-
lar. Hərdən də ən uca dağın zirvəsinə çıxıb dərəyə
baxacaqlar.
Salatın Əhmədli
258
…Çalaya düşüb silkələnən maşın mürgüləyən
Həsənin yuxusunu dağıtdı. Bu nədir? Olmaya dağdan
dərəyə düşdülər? Axı indicə dağın başından aşağı
baxırdı. «Bu yuxudur, nədir? Bu nə maşındır? Olmaya
bu yay da kəndə gedə bilməyəcəm? Yəqin yenə
şəhərdəyəm». Həsəni qüssə bürüdü. Ancaq sürücünün
səsi onu tam ayıltdı. O, harada olduğunu anladı.
«Hə… kənddəyəm, deməli neçə illik həsrətində
olduğum doğma yurduma yetişə bildim. Sənə qurban
olum, ay elim, ay obam! Siz nə qədər əzizsiniz, doğ-
masınız».
Həsən sevinclə, qürur hissilə ətrafa baxır, gör-
düklərini gözünə köçürmək, yaddaşına həkk etmək
istəyirdi. Həsənin kənddə yaxınları, doğmaları qalma-
mışdı. Ata-anası dünyasını dəyişmiş, qardaş-bacıları
ailə quraraq hərəsi bir səmtə getmişdi. Həsənin kənd
nisgili, uşaqlığı, gəncliyi keçdiyi doğma el-oba həsrəti
onun
qəlbini
korun-korun
yandırırdı.
Kənddə
doğmalardan təkcə əmisi qızı Firuzə qalmışdı. Həsən
əmisiqızıgilə qonaq gəlmişdi. Yay olduğundan
Firuzəgil dağa köçmüşdü. Həsən yaşlanmışdı. Ürəyi
kəndini istəyirdi, qohum-qardaş istəyirdi, doğmalıq,
istilik, məhəbbət istəyirdi. Doğma kənd, torpaq onu
Salatın Əhmədli
259
çəkib gətirmişdi. İsti ana qucağı gəzirdi, qızınmaq
istəyirdi. Bunları arzulasa da uzun müddət kəndə gələ
bilməmiş, arzusunu ürəyində boğmuşdu. Dünyasını
dəyişəcəyini hiss edirmiş kimi doğma el-obası ilə,
yurd yeri ilə görüşməyə, halallaşmağa gəlmişdi.
Həsən dağlara qonaq gedirdi. Yaylağa çatıb
Firuzə ilə, onun əri və uşaqları ilə mehribanlıqla
görüşdü. Əmisi qızı tez əl-ayağa düşdü, illərlə üzünə
həsrət qaldığı əmisi oğlu üçün yemək tədarükü
görməyə başladı. Sürünün içindən qaraquyruq bir
quzu tutdurdu, oğluna kəsdirdi. Əmisioğlundan
soruşdu:
- Qağa, nə yeyəcəksən, de, onu bişirim.
Həsən fikrə getmişdi. Firuzənin səsini eşidib
dalğın-dalğın dilləndi:
- Əmiqızı, toxmağın varsa, bir daş küftəsi bişir,
yeyək.
Həsən bu istəyilə sanki bütün nisgilini biruzə
verdi. Keçmişin arxasında qalmış uşaqlıq illərini xatır-
ladı. Anasının toxmaqla daşda ət döyməsi gözünün
önünə gəldi, toxmağın səsi qulaqlarında cingildədi.
Ocağın üstündə bişən daş küftənin ətri burnunu
qıdıqladı, dadını damağında hiss etdi. Şəhərdə ət ma-
Salatın Əhmədli
260
şınından keçirilmiş ətin dadını qəbul edə bilmirdi.
Deyirdi ki, elə bilirəm yediyim xörəkdən neft qoxusu
gəlir.
Həsən yarıyumulu gözlərini geniş açdı, ətrafına
boylandı. Doğrudan da ocaqda bişən daş küftə hazır
olmaq üzrə idi. Bunu onun ətrafa yayılan ətrindən hiss
etmək olurdu. Əmisi qızı çəmənlikdən, bulaq başından
çöl nanəsi, mərzə və kəklik otu yığıb küftənin içinə
qatışdırmış, onu daha da ətirli etmişdi.
Xörək hazır oldu. Firuzə göy otların üstünə
süfrə saldı, süfrənin üstünə kərə, pendir, qatıq, bal
düzdü. Təzəcə sulanmış çörəyin ətri adamı iştaha
gətirirdi.
Həsən bardaş qurub süfrənin qırağında oturdu.
Çəmən çiçəklərinin, əzilmiş otların rayihəsi adamı bi-
huş edirdi. Həsən təmiz havanı ciyərlərinə çəkərək
həsrətində olduğu daş küftədən doyunca, ləzzətlə yedi.
Süfrəyə düzülmüş nemətlərin dadına baxdı. Çay xoş
gəlsin deyə fətir götürdü, arasına pendir qoydu,
əmisiqızının yığdığı çöl pencərlərindən dürmək
düzəldib iştahla dişlədi.
Firuzənin bulaq suyu ilə qaynatdığı samovar
bayaqdan dızıldayırdı. Çöl çiçəklərindən dəmlənmiş
Dostları ilə paylaş: |