Nazariyaga sho‘ng‘ish
Mavzularning ham biri ajoyib illyustratsiyalar bilan ta’minlangan bo‘lib, mavzuni
o‘qish va tushunish uchun qulay qilish maqsadida, uni bir necha qismlarga ajratib
bayon etdik. Nazariya haqidagi asosiy ma’lumotlar 30 soniyaga mo‘ljallangan.
Shuningdek, ushbu eng muhim ma’lumotni to‘ldiradigan va boyitadigan 3
soniyalik ixcham va muhim ilmiy fakt keltirib o‘tiladi. Agar, bayon qilingan
mavzuga nisbatan sizda kuchliroq qiziqish uyg‘onsa, unda siz mavzuga chuqurroq
sho‘ng‘ish uchun, qo‘shimcha ravishda «3 daqiqalik mulohaza» qismini ham
mutolaa qilib chiqishingiz mumkin. Albatta, har bir mavzu uchun, ushbu mavzu
bilan bog‘liq bo‘lgan boshqa mavzular ham mavjud. «3 soniyalik biografiya»
bo‘limi esa, joriy mavzu yuzasidan mehnat
qilgan va uni shakllantirgan,
rivojlantirgan olimlar haqida hikoya qilib o‘tadi.
«Kvant nazariyasi uchun 30 soniya» shaklidagi formatning o‘zi ham, zamonaviy
ilm-fanning eng hayratomuz, eng ajabtovur va eng qiziqarli sohasi bo‘lgan – kvant
fizikasi sohasini, ta’bir joiz bo‘lsa, o‘qish va uqish uchun qulay «kvant»larga
ajratib taqdim qiladi. Bu esa, niyat qilamizki, mazkur bag‘oyat
maftunkor ilmni
o‘rganishda va o‘zlashtirishda siz aziz kitobxonga o‘ziga xos qulaylik, yengillik va
ishtiyoq baxsh etadi. Biz atrofimizda ko‘rib, bilin, sezib, his qilib turgan hamma-
hamma narsaning tub asos mohiyatida kvant zarralari yotadi; lekin, o‘sha
zarrachalarning o‘zi esa, biz ko‘nikkan olam manzarasidan tamomila tubdan,
favqulodda katta farq qiladi. Kvant fizikasining kishini
hayajonga soluvchi va
hayratga cho‘mdiruvchi maftunkor paradoksi aynan shu jihat bo‘lib, mutolaa
davomida sizga uni tanishtirishga harakat qilamiz. Ishoning,
kitobda bayon
qilingan ilmiy faktlar sizni hayajonga solmay qo‘ymaydi...