|
Landshaftli yer tuzishO‘simliklarning tuproqni eroziyadan saqlash salohiyatihD2aYa4YrplmKAfPTdcAz7xM5qDqcIrmwHa84vTjO‘simliklarning tuproqni eroziyadan saqlash salohiyati.
Iqlim, relyef va
tuproq ozmi – ko‘pmi tuproqda eroziyaning paydo bo‘lish xavfini tug‘dirish
imkoniyatlari mavjud. O‘simliklar qoplami esa eroziya paydo bo‘lish xavfini
kamaytiradi yoki to‘liq to‘xtatish imkoniyatiga ega. O‘simliklar, ko‘kat “qalqon”
sifatida katta tikkalikdagi qiyaliklarda ham kuchli jala yog‘ini vaqtida tuproqni
eroziyadan saqlaydi.
O‘simliklarning tuproqni eroziyadan saqlashdagi roli judayam keng qirrali.
Yomg‘ir tomchilari avvalo o‘simliklar bargi yuzasiga tushadi, qolgan qismi esa bargda
va tana (novda) larda qolib sekin – asta parlanib ketadi. O‘simliklar qanchalik qalin
bo‘lsa tushadigan yomg‘ir tomchilari shunga ko‘p barglar yuzasida ushlanib qoladi,
yuzada suv oqimining paydo bo‘lishiga imkon tug‘ilmaydi. Shunday qilib, o‘simliklar
qoplami suv oqimi hajmini kamaytiradi va bu bilan eroziyaning kucheyish xavfini
pasaytiradi. Ba’zida hosilni terib olgandan keyin dalada sochilib qolgan poyalar ham
tuproqni eroziyaning kuchayish xavfini pasaytiradi. Ko‘pchilik ilmiy tadqiqotlar
natijasiga ko‘ra tuproqni ag‘darmasdan ishlov berish va yuzada qolgan o‘simlik
qoldiqlari eroziyaning oldini olishda katta ahamiyatga ega ekanligi tasdiqlangan.
O‘simliklarning ildiz tizimi ham eroziya xavfiga qarshi salmoqli rol o‘ynaydi,
ular tuproqni eroziyaga qarshi tura olishida “armatura” vazifasini bajaradi.
O‘simliklarning ildizlar tizimi aynib chiqishi natijasida tuproqda ilma – teshiklik
ortadi, tuproq serqovoqlashadi. Bu esa tuproqning suv singdiruvchanligini orttiradi va
o‘z navbatida suv oqimi hajmini kamaytiradi, qiyalikda oqim intensivligi pasayadi.
O‘simliklar ildiz tizimi tuproq tuzilishini yaxshilaydi, tuproqni organik moddalar bilan
boyitadi, bu bilan uning unumdorligi oshishiga va eroziyaga tura olishiga xizmat
qiladi. Yuqorida keltirilgan bir qator to‘liq bo‘lmagan o‘simliklarning ijobiy tomonlari
tuproqda eroziya jarayonining pasayishida, ba’zida butunlay uning oldini olishdagi roli
qanchalik katta ekanligini ko‘rsatadi.
|
|
|