Eroziyaning antropogen omillari. Tabiiy omillar eroziya vujudga kelishi uchun
sharoit yaratish va uning ozmi – ko‘pmi rivoj topishiga bevosita ta’sir qilishi mumkin.
Lekin tezlashgan eroziyaning o‘zi insonning eroziyaga xavfli bo‘lgan yerlarda
noto‘g‘ri xo‘jalik faoliyati tufayli vujudga keladi.
Odatda eroziyaning omillari tabiiy, ijtimoiy – iqtisodiy va boshqa
antropogenlarga bo‘linadi. Buning birinchisiga iqlim, relyef, tuproq va o‘simliklar
kiradi. Ikkinchisiga esa insonning ko‘p qirrali xo‘jalik faoliyati. Lekin bunday
bo‘linish shartli hisoblanadi, chunki inson o‘zining ishlab chiqarish faoliyati bilan
eroziya jarayonining omillariga tez – tez ta’sir qilib turadi va ularni o‘zgartiradi.
Inson o‘simliklarni yo‘q qilib, shu bilan eroziyaning xavfini kuchaytirishi
mumkin va aksincha, o‘rmonzorlar barpo qilib, ko‘p yillik o‘tlar va bir yillik
o‘simliklardan foydalanib, u o‘simliklarning tuproqni himoya qilish rolini maksimal
kuchaytirishi va shu bilan eroziya xavfini butunlay tugatishi yoki pasaytirishi mumkin.
Inson tuproqqa ishlov berish bilan uning eroziya paydo bo‘lishiga ta’sir etuvchi
xossasini asta – asta o‘zgartirishi mumkin. Tuproqning fizik xossasini yomonlashtirib
kuchli eroziya vujudga kelishini osonlashtirishi mumkin. Aksincha ularni yaxshilash
bilan eroziya jarayoni xavfliligini anchagina pasaytirishi mumkin. Qiyalik yerlardan
noto‘g‘ri foydalanish bilan inson eroziyaning kuchayishiga yordam berishi mumkin.
Lekin u qiyalik yerlardan to‘g‘ri foydalanib eroziyaga qarshi antropogen nano va
mikrorelyef tashkil qilishi, relyefning noqulayligini keskin pasaytirishi ham mumkin.
Insonning ishlab chiqarish faoliyati eroziyaning yuzaga kelishiga yordam berishi
mumkin, aksincha uning vujudga kelishi va o‘sishiga to‘siqlik qilishi ham mumkin.
37
Eroziya jarayonining vujudga kelishi umuman insonning ishlab chiqarish faoliyati
bilan emas, balki uning noto‘g‘ri faoliyati bilan bog‘liq.