42
“Katolik kilsəsi öz növbəsində amerikalı irlandların birləşməsinə və güclənməsinə təkan verən
əlaqələndirici həlqə rolunu oynayırdı”
105
.
BBC-dən Olqa Smirnovanın fikrincə:
“[Ә]gər bugünkü terminologiyanı tətbiq etsək, onlar “iqtisadi” mühacirlər idilər, amma həm
siyasət, həm hərb sahəsində zirvələrə yüksəldilər: Corc Vaşinqtonun ordusunda 20 irland general
vardı, Vaşinqtonun öz əcdadları da əslən Zümrüd adasından idilər. Öz irland köklərilə fəxr edən
prezidentlər arasında Ronald Reyqan, Con Kennedi və Bill Klinton var idi”
106
.
ABŞ-ın 22-ci prezidenti Barak Obamanın da əcdadları arasında irlandlar var. Amerikanın ictimai və siyasi
xadimlərinin köklərinin İrlandiyadan gəlməsi siyasi əlverişli oldu. Tarixçi Con Robert Qrin bildirir ki, İrlandiyaya
olan sevginin əsas səbəbi Amerikanın katolik elektoratıdır
107
.
ABŞ-ın irland diasporunun Şimali İrlandiya münaqişəsinə qarşı marağı həmişə dalğavari xarakter daşıyıb və
daşıyır, Şimali İrlandiyanın özündə katolik və protestant icmaları arasındakı gərginliyin səviyyəsindən asılı
olaraq dəyişir
108
. ABŞ-dakı bəzi irland diaspor təşkilatları Şimali İrlandiyanın Böyük Britaniyanın tərkibindən
çıxaraq, İrlandiya Respublikası ilə birləşməsini istəyən respublikaçıları dəstəkləyirdilər. Strukturların bir qismi
İrlandiya Respublika Ordusunu maliyyələşdirməklə məşğul idi. Birləşmiş Ştatlardan gələn pul ianələri 1970-ci
illərdə IRA-nın genişlənməsini mümkün etdi
109
.
Bir müddət əvvələ qədər ötən əsrdə İrlandiyanın Böyük Britaniyadan ayrılaraq müstəqil olması uğrunda
müharibədə iştirak edən irlandlar hələ də Ştatlarda yaşamaqdaydılar.
“Və onlar “IRA-nın uşaqlarına” kömək eləməyi vətənpərvərlik borcu hesab edirdilər. “Əl-Kaidə”
və IRA yaraqlıları arasında nə fərq var?” sualının cavabında isə “Onlar aralarında heç bir
oxşarlıq yoxdur”, - deyə bildirirdilər. Axı irlandlar özlərini partlatmırlar, onlar, ümumiyyətlə,
yaraqlı deyillər, onlar İrlandiyanın azadlığı uğrunda mübarizə aparırlar”
110
.
2002-ci ilin yanvarında Amerika hakimiyyəti beş Şimali Amerika qruplaşmasının hesablarını dondurdu.
“1970-1980-ci illərdə Şimali İrlandiya münaqişəsinə gizli maraq ABŞ-da Şimali İrlandiyadakı
respublikaçıların hərbləşdirilmiş qruplaşmalarına pul axınını təmin edən bir neçə irland QHT-nin
yaradılmasına gətirib çıxardı. 1970-ci ildə yaradılan İrlandiya şimali yardım komitəsi (Irish
Northern Aid Committee – Noraid) Şimali İrlandiyada respublikaçı hərbləşdirilmiş
qruplaşmaların məqsədlərini və vasitələrini dəstəkləyirdi. 1970-ci ildən 1991-ci ilə qədər Noraid
İrlandiyaya rəsmi olaraq 3,5 milyon ABŞ dolları verib”
111
.
105
F. Cochrane, B. Baser & A. Swain, Home Thoughts from Abroad: Diasporas and Peace-Building in Northern
Ireland and Sri Lanka,
Studies in Conflict & Terrorism, Vol. 32, Issue 8, 2009, pp. 688.
106
ABŞ - İrlandiya: irs və mübahisələr. URL:
http://news.bbc.co.uk/hi/russian/news/newsid_1870000/1870613.stm
107
T. Geoghegan,
Why are US presidents so keen to be Irish? URL:
http://www.bbc.co.uk/news/world-us-canada-13166265
108
Müəllifin Kler Haketlə müsahibəsi (Clair Hackett), 27 июня 2013 г. (Belfast).
109
İrlandiya – Kolumbiya – ardınca da hər yanda?. URL:
http://news.bbc.co.uk/hi/russian/uk/newsid_1492000/1492885.stm
110
ABŞ - İrlandiya: irs və mübahisələr.
111
F. Cochrane, B. Baser & A. Swain, p. 689.
43
Bu pulların hesabına Şinn Feynin nəzarət etdiyi xeyriyyə təşkilatları məhbus respublikaçıların ailələrinə yardım
edirdilər
112
. Məbləğ çox olmasa da, ailələrə yardım faktının özü respublikaçıların vəziyyətinə dair fəal
beynəlxalq piarla müşayiət olunurdu. Bəzi araşdırmaçıların, o cümlədən Benedikt Anderson, Pol Kollier, Anke
Xöfflerin hesab etdiyi kimi, Şimali İrlandiyada münaqişə zamanı Noraid öz vətənində silahlı zorakılıq və siyasi
radikalizm tərəfdarlarını dəstəkləməyə meylli idi
113
.
ABŞ-ın diaspor təşkilatları Şimali İrlandiyada respublikaçılara yalnız maliyyə yardımı deyil, həmçinin siyasi
dəstək verirdilər. Münaqişə dönəmində Amerika-irland icmasını təkcə Noraid təmsil etmirdi.
“1974-cü ildə Vaşinqtondan olan fəalların formalaşdırdığı “İrland Milli Qrupu” (Irish National
Caucus – INC), Britaniya hakimiyyətinin Şimali İrlandiya ilə bağlı dövlət siyasətini mütəmadi
olaraq tənqid atəşinə tuturdu və Britaniyanın təhlükəsizlik qüvvələri tərəfindən insan haqlarının
pozulmasını vurğulayırdı. INC-nin müəyyən nailiyyəti nəinki ianələrin toplanması ilə məşğul
olmaq iqtidarında olan, həmçinin daha önəmli rol oynamağı bacaran diasporun potensialını
ifadə edir.
Hibernialıların Qədim ordeni (AOH) və İrland Milli Qrupu (INC) Şimali İrlandiyadakı siyasi
münaqişə ilə fəal şəkildə maraqlanırdılar, amma qəti olaraq qeyri-zorakı vasitələrə üstünlük
verirdilər
114
. Millətçi katolik icmasına meylli diskriminasiya və Britaniya hakimiyyəti tərəfindən
insan haqlarının pozulması onların diqqət mərkəzində idi. Ümumilikdə bu QHT-lər Britaniya
hakimiyyətinin Şimali İrlandiyada mövcudluğuna qarşı kampaniya həyata keçirirdilər və
İrlandiyanın birləşməsilə bağlı siyasi məqsədə lobbiçilik edirdilər.
1970-ci illərin əvvəllərində Amerikanın irland əsilli siyasətçiləri, o cümlədən senator Edvard
Kennedi və Konqres nümayəndələri Palatasının spikeri Tip O`Nil tez-tez Britaniya hakimiyyətinin
mövqeyini açıq şəkildə tənqid edirdilər, hansı ki, problemlə bağlı Amerikanın siyasi xadimlərini
razı salacaq həll yollarını təklif edə bilmirdi”
115
.
1971-ci ildə Kennedi ABŞ Senatına İrlandiyanın birləşməsinə və Britaniya qoşunlarının dərhal Şimali
İrlandiyadan çıxarılmasına səsləyən qətnamə layihəsi təqdim etdi. Nyu-Yorkdan olan konqrescmen (sonradan
qubernator) Hyu Keri isə Britaniya ordusunu “quldur” adlandırdı
116
. Ferqal Kokrey və həmkarları hesab edirlər
ki, “bu iki misal o zamanın “siyasi ab-havasını” göstərir”. Bü cür çıxışlar ABŞ siyasi çevrəsində dəstək
qazanmasalar da, bununla belə, Şimali İrlandiyadakı respublikaçı irland icma üçün önəmli siyasi dəstək mənbəyi
idi.
İrland Milli Qrupu qeyri-zorakı fəaliyyət proqramı irəli sürürdü və siyasi münaqişənin həlledici problemlərindən
biri, eyni zamanda Şimali İrlandiyanın katolik icmasının əsas narazılıq səbəbi olan əmək diskriminasiyasını
vurğulayırdılar. 1980-ci illərdə INC Şimali İrlandiyada ədalətli əmək bölgüsünə şərait yaradılması üçün işlənib
112
A. Guelke, Northern Ireland: International and North/South Issues, in
Ireland and the Politics of Change, ed.
by W. Crotty and D. Schmitt. London: Longman, 1998, p. 203.
113
Paul
Collier and Anke Hoeffler, Greed and Grievance in Civil War,
OxfordEconomicPapers56(4) (2004), pp. 563–595.
114
INC-ni IRA ilə sıx əlaqələrdə günahlandırırdılar, baxmayaraq ki, bu təşkilat diplomatik fəaliyyət
həyata
keçirirdi (Klem Makkartninin müsahibəsindən).
115
F. Cochrane, B. Baser & A. Swain, p. 692.
116
Richard Finnegan, Irish American Relations, in
Ireland on the World Stage, ed. by W. Crotty and D.
Schmitt,London: Pearson, 2002, p. 99.