Logopediya

Nazorat uchun savollar

1. 
   Qanday bolalar zaif eshituvchilar guruhiga kiritiladi?
   
2. 
   Zaif eshituvchi bolalar uchun qanday nutq buzilishlari kо‘proq harakterli?
   
3. 
   Zaif eshituvchi bolalarda nutqning fonetik-fonematik tomoning buzilishi qanday ifodalanadi?
   
4. 
   Zaif eshituvchi bolalarda tovushlar talaffuzidagi kamchiliklarning kaysi asosiy shakllari kuzatiladi?
   
5. 
   Zaif eshituvchi bolalarning lug‘at boyligida kuzatiladigan buzilishlar nima bilan bog‘liq va ular nima bilan ifodalanadi?
   
6. 
   Zaif eshituvchi bolalar nutqining grammatik kurilishini buzilishi nima bilan bog‘liq va ular nima bilan ifodalanadi?
   
7. 
   Zaif eshituvchilarning yozma nutqlarida qanday asosiy buzilishlar kuzatiladi.
   
8. 
   Eshitishda kamchiligi bо‘lgan bolalarning nutqini logopedik tekshirish xususiyatlari nima bilan ifodalanadi?
   
9. 
   Zaif eshituvchi bolalar bilan olib boriladigan logopedik ishlarning asosiy xususiyatlari nimalardan iborat?
   
10. 
    Zaif eshituvchi bolalar maktabiga borganingizda bolalar nutqini kuzating va о‘ziga xos tomonlarini taxlil qilishga harakat qiling?
    

5-MAVZU. Ko‘rishida nuqsoni bo‘lgan bolalar bilan olib
boriladigan logopedik ishlarning o‘ziga xos xususiyatlari.

РЕЖА:
1. Кўриш анализаторининг фаолияти бузилган болалар нутқининг ўзига хос хусусиятлари
2. Кўришда камчилиги бўлган болаларнинг нутқини шаклланганлик даражалари айтиб беринг.
3. Кўришда камчилиги бўлган болалар нутқини текшириш методикаси
4. Кўр ва заиф кўрувчи болалар нутқидаги камчиликларни бартараф этишда олиб бориладиган логопедик иш.

Tayanch iboralar: Anomaliya, kо‘r va zaif kо‘ruvchi bolalar, anamnez, analizator, exolaliya, ontogenez.
Kо‘rish analizatorining faoliyati buzilganligi sababli kо‘r va zaif kо‘ruvchi bolalarning nutqiy rivojlanishi о‘ziga xos xususiyatlarga ega bо‘lib, bu nutqda о‘z aksini topadi (exolaliya, “formalizm”, sо‘z turkumining buzilishi va boshqalar).
Logopediyadagi mavjud izlanishlar asosan kо‘rishida chuqur nuqsoni bor bolalarning talaffuzidagi nuqsonlariga bag‘ishlangan (M.YE.Xvatsev, S.L.Shapiro, A.D.Shipilo, S.V.Yaxontova). faqat 60-70 yillarda logopediyada nutq kamchiliklarini sistemali ravishda о‘rganishning rivojlanishi bilan (R.YE.Levina, V.K.Orfinskaya) kо‘r va zaif kо‘ruvchi bolalar nutqining nafaqat tovushlar talaffuzidagi, balki nutqning rivojlanishidagi kamchiliklarni aniqlashga doir izlanishlar paydo bо‘ldi.
Bu ona tilini о‘qitish metodikasi bо‘yicha mutaxasislar va logopedlar ishlaridir (O.L.Jilsova, S.L.Korobko, N.S.Kostyuchyak, N.A.Krilova, T.P.Sviridyuk). Masalan, S.L.Korobko nutqi tо‘liq, rivojlanmagan zaif kо‘ruvchi bolalarning kattagina guruhini ajratdi.
Hozirgi vaqtda kо‘r va zaif kо‘ruvchi bolalardagi nutq kamchiligi murakkab nuqson ekanligi hamda nutq va kо‘rish faoliyatining sustligining о‘zaro bog‘liqligi nazariy va amaliy izlanishlarda isbotlangan.
Kо‘rishida nuqsoni mavjud bо‘lgan bolalarning nutq kamchiliklari turlichadir. Ular strukturasi va darajasi sifatidan murakkab bо‘lib, nutqni, R.YE.Levina ta’kidlaganidek yagona sistemadek qamrab oladi va bunda nutq kamchiliklari, nutq kamchiliklarining yagona yadrosi bо‘lib qolmaydi. Bunday bolalarda nutqning rivojlanishi murakkab sharoitda kechadi. Ular orasida kо‘rish anomaliyalarining tug‘ma shakllari uchrab turadi va bu holat nutqning paydo bо‘lishiga doir boshqa funksiyalarning ham buzilishiga sabab bо‘ladi.
Statistika materiallari shuni kо‘rsatadiki, nutq kamchiliklari kо‘ruvchi bolalarga nisbatan kо‘rishida chuqur kamchiliklari bor bolalarda kо‘proq uchraydi.
Olib borilgan izlanishlar shu kategoriyadagi bolalarning nutqini shakllanganligi tо‘rt darajaga ajratishga imkon beradi.
Birinchi daraja. Talaffuzidagi ayrim kamchiliklarning bо‘lishi bilan ifodalanadi.
Ikkinchi daraja. Faol lug‘at cheklangan. Sо‘z va pedmet obrazini
solishtirishda, umumlashtiruvchi tushunchalarni hikoyalar tuzishda xatolarga yо‘l qо‘yiladi.
Talaffuzdagi kamchiliklar sigmatizmning turli kо‘rinshlarida lambdatsizm, parasigmatizm, pararotatsizm, paralambdatsizmda namoyon bо‘ladi. Tovushlar talaffuzi va fonematik tasavvurlar eshitish differsiatsiyasining rivojlanishida kamchiliklar kuzatiladi. Fonematik tahlil shakllanmagan bо‘ladi.
Uchinchi daraja. Ekspressiv nutq lug‘at boyligining sustligi bilan ajralib turadi. Umumlashtiruvchi tushunchalarni bilish, sо‘z va predmet obrazini solishtirish darajasi past bо‘ladi. Mustaqil nutqning grammatik tomoni buzilgan, u faqat predmetlarni nomlash va bir ikki sо‘zli gaplardan iborat bо‘ladi. Murakkab hikoyalarni bayon etish rivojlanmagan, talaffuz qilish va eshitish differensiatsiyasi sust shakllangan bо‘ladi.
Tо‘rtinchi daraja. Ekspressiv nutq juda cheklangan, umumlashtiruvchi tushunchalar va sо‘z-predmet obrazini solishtirishda jiddiy kamchiliklar bо‘ladi. Bog‘langan nutq ayrim sо‘zlardan iborat, exolaliyalar kuzatiladi. Nutqning grammatik tuzumini aniqlashga qaratilgan topshiriqlar va eshitish differensiatsiyasiga oid topshiriqlarni bajara olmaydilar. Fonematik tahlil va sintezning umuman rivojlanmaganligi kuzatiladi.
Kо‘rishida nuqsoni bor bolalar nutqining rivojlanishining tahlili shuni kо‘rsatadiki ularning kо‘pchiligida sistemali nuqsonlar kuzatiladi va nutqning yetrali komponentlari buzilgan bо‘ladi (fonetika, leksika, grammatika). Normal kо‘ruvchi va kо‘rishda nuqsoni bor bolalarning nutqidagi nuqsonlarning solishtiradigan bо‘lsak ularning о‘xshashligini kuzatamiz. Shu bilan bir qatorda nutо‘ kamchiliklarining darajasi va shakllanishi omillari jihatidan katta farqqa ham ega. Predmetli obrazlarning kamchiligi (yetishmasligi) natijasida nutqiy xotirada murakkab gaplar va gaplarning grammatik jihatdan tо‘g‘ri tuzishdagi qiyinchiliklar kuzatiladi. Anamnezdagi ilk natal va postnatal patologik о‘zgarishlar natijasida umumiy va xususiy omillar aniqlangan bо‘lib, ular kо‘rishida kamchiliklari bolalarning nutqini rivojlanmaganligiga sabab bо‘ladi va nutqining shakllanishiga ta’sir kо‘rsatuvchi qator funksiyalarning rivojlanishini ancha orqaga tortadi (praksis, gnozis, koordinatsiya, chamalash). Demak, ilk postnatal davrida tug‘ma yoki erta orttirilgan kо‘rish nuqsoni nonutqiy funksiyalarning rivojlanishiga ta’sir etuvchi birlamchi nuqson bо‘lib qoladi. Kо‘rishda nuqsoni bor bolalarda harakat faolligini cheklab turuvchi va atrofdagi olam bilan aloqani о‘rnata olmaslikka sabab bо‘ladigan kamchiliklar kо‘plab uchraydi. Psixik jarayonlarning (shu qatorda nutqning ham) rivojlanishida nutqiy muloqotning sifati, mikroijtimoiy muhit juda katta ta’sirga ega.
Shunday qilib u yoki bu nutq komponentlarini qamrab oluvchi sistemali nutq buzilishlariga sabab bо‘luvchi omillarning polemorfligi yanada murakkab nuqson paydo bо‘lishiga sabab bо‘ladi.
Tug‘ma yoki erta orttirilgan kо‘rish nuqsoni nutqning rivojlanmasligiga asosiy sabab bо‘lib, boshqa patologik omillarning mavjudligiga qarab ta’siri kuchayishi yoki kuchini yо‘qotishi mumkin.
Kо‘r va zaif kо‘ruvchi bolalarning nutqidagi kamchiliklarini о‘rganish nafaqat nutqning barcha komponentlari, balki kо‘pgina nonutqiy funksiya-larni hisobga olish va tahlil qilishni talab qiladi. Bu kompleks logopedik tekshirish metodikasini tashkil qiladi.
Kompleks tekshirish metodikasining о‘ziga xosligi shundaki, bu bolalardagi nutq kamchiliklari va ularni keltirib chiqaruvchi omillarni о‘rganish kо‘rish qobiliyati, qabul qilish usullari va bundan kelib chiqqan xolda materiallarni uzatish usullarini xisobga olgan xolda olib boriladi. Bunday kо‘rishda chuqur nuqsoni bо‘lgan bolalarning kо‘pchiligiad о‘yin faoliyatining malakasi yо‘qligini va predmetlar dunyosi xqidagi bilimlari cheklanganligini inobatga olish kerak bо‘ladi. Shu sababli tekshirish davomida topshiriqlarni bajarishdan avval bolaga о‘ziga xos instruksiyalar, kо‘rsatib berish, birgalikda bajarish namunalari beriladi.
Asosiy diqqat ekspresiv nutq xolatiga qaratilishi kerak.
Kо‘r va zaif kо‘ruvchi maktabgacha va maktab yoshidagi bolalar bilan olib boriladigan korreksion ish tabiiy pedagogik jarayonda kechadi. Bu yetakchi didaktik va maxsus tamoyillarni inobatga olagn xolda tashkil qilinadi.
Maxsus tamoyillarga korreksion ta’lim, birlamchi va ikkilamchi nuqsonlarni inobatga olish, mavjud analizatorlarga tayanish va polisensor asosni shakllantirish (xosil qilish), atrofimizdagi olam xqida keng qamrovli tushunchalarni shakllantirish, nutqning shakllanganligi darajasini xisobga olish, nutq faoliyatining saqlanib qolgan komponentlariga tayanish, verbal materialning yangiligi, xajmi murakkablasha borishini xisobga olish kiradi.
Korreksion ta’lim jarayonida kompleksli keng qamrovli ta’sir kо‘rsatiladi. Bu ta’sir logoped, о‘qituvchi (maktabda), tiflopedagog (bog‘chada) va tarbiyachilar tomonidan turli mashg‘ulotlar davomida amalga oshiriladi. Korreksion ishda logopedik ta’sirga juda katta axamiyat beriladi. Bu ta’sir maxsus tashkil qilingan mashg‘ulotlarda olib boriladi. Mashg‘ulotlar bolalarning kо‘rish qobiliyatini, nutqi, qabul qilish usullari va individual xususiyatlarini inobatga oligan xolda olib boriladi. Shung qarab logopedik guruxlar tashkil qilinadi. Kо‘r bolalar bilan ishlashdagi qiyinchiliklarni о‘ziga xosligini inobatga olib mashg‘ulotlar uzoq vaqt davomida individual ravishda olib boriladi. Murakkab nutq kamchiligi bilan birgalikda nonutqiy funksiyalari shakllanmagan, ya’ni turtinchi nutqiy darajaga ega bо‘lgan bolalar bilan xam kо‘proq individual mashg‘ulotlar olib boriladi.
Tarbiyachi va tiflopedagoglar (maktab о‘qituvchilari) logoped bilan birgalikda nutq kamchiliklarini bartaraf etish vazifalarini aniqlaydilar. Nutq madaniyatini rivojlantirishdagi korreksion-logopedik vazifalar о‘yin, о‘quv va mehnat faoliyati, hamda amaliy va musiqa mashg‘ulotlarida amalga oshiriladi.
Zaif kо‘ruvchi bolalarbilan logopedik mashg‘ulotlarni tashkil etishda asosiy e’tibor saqlanib qolgan kо‘rish faoliyatidan foydalanish imkoniyatiga qaratiladi (zarur bо‘lgan hajmdagi, rangdagi didaktik material), relyefli rasmlar, “ajoyib xaltachalar”, kubik va qalamchalar (tovush, bug‘in va gaplarni belgilash uchun) ishlatiladi.
Predmetlar dunyosining ken qamrovligi haqidagi tasavvurlarini shakllantirishda tabiiy kо‘rgazmali qurollar ahamiyati juda kattadir.
Mashg‘ulotlar о‘yin orqali olib borilishi shart, sababi kо‘rishdagi chuqur nuqsoni mavjud bо‘lgan bolalarda о‘yin faoliyati juda kech shakllanadi.
Birinchi darajali nutq rivojlanganligi aniqlangan bolalar bilan olib boriladigan korreksion-logopedik ishni rejalashtirayotganda bu bolalarning yaxshi nutqiy bazasi inobatga olinib, asosiy diqqat nutqning fonetik tomonini rivojlantirishga qaratiladi, eshitish diqqatini rivojlantiruvchi о‘yin va mashqlar beriladi. Kо‘zi ojiz bolarning taqlid qilishi qiyinlashgani sababli ularga tovushlar mexanik usullar bilan qо‘yiladi.
Ikkinchi darajali nutq rivojlanganligi aniqlangan bolalar bilan olib boriladigan logopedik ta’sirni rejalashtirayotganda birlamchi guruh bolalari bilan olib boriladigan ishning barcha bо‘limlari saqlab qolinadi va inobatga olinadi. Lekin bu yerda asosiy diqqat sо‘z boyligini oshirish, fonematik tahlil va sintezni rivojlantirishga qaratiladi.
Uchinchi va tо‘rtinchi darajali bolar bilan ish olib borishda logopedlar (tiflopedagog va tarbiyachilar bilan kelishilgan holda) ta’lim va о‘yin, amaliy faoliyatini korreksiyalashga qaratilgan elementlarni kiritadi. Bunda motor malakalari, chamalash va kо‘rib-yasash malakalari mavjud bо‘lishi kerak. Bu ish nutq malakasini rivojlantirish va unga mos tushunchalarni shakllantirishni uzviy bog‘laydi. Buning asosida bolalarda atrofimizdagi olam haqidagi chuqur tushunchalar va bilimlarni shakllantirish yotadi. Bu guruhdagi kо‘r va zaif kо‘ruvchi bolalarning xususiyatlarini inobatga olgan holda asosiy diqqat ularda lug‘at boyligini oshirish, sо‘zni predmet obrazi bilan tо‘g‘ri solishtirish, umumlashtiruvchi tushunchalarni, grammatik tuzum va mustaqil nutqni rivojlantirishga qaratiladi.
Bu ishning asosida nutq stereotiplarini shakllantirish va boyitish yotadi. Lug‘at boyligini boyitib borish, grammatik tuzumni amaliy qо‘llash rasmlar bо‘yicha gaplar tuzish jarayoniga imkon yaratadi (kо‘rlar uchun relyefli rasmlar). Logopedik mashg‘ulotlarda bolalarning nutq faoliyatidagi zaif bug‘inlar ustida isholib boriladi. Logopediya, tarbiyachi, tiflopedagog (о‘qituvchi) hamkorligi maktab ta’limi uchun zarur bо‘lgan nutq bazasini yaratadi. Shakllangan nutq asosida logoped talaffuz avtomatizatsiyasi malakalarini tarbiyalashga va fonematik tahlil va sintezni о‘rgatishga о‘tishi mumkin (3 va 4 darajali bolalar bilan).
Tarbiyachi va tiflopedagog tomonidan shakllantirilayotgan nutq va predmetlar bazasi logoped mashg‘ulotlarida keng qо‘llaniladi va takomillashadi. Shuningdek, tarbiyachi va tiflopedagoglar mashg‘ulotlarida logoped ishi davom ettiriladi. Ularning ishi uzviy bog‘lanish asosida rejalashtiriladi (tо‘g‘ri talaffuz malakalarini mustahkamlashga qaratilgan о‘yinlar va nutqiy material, lug‘at boyligi va bog‘langan nutq malakalarini mustahkamlash uchun material).
Umuman olganda, pedagogik jarayon logopedizatsiyasi haqida gapirsak ham bо‘ladi. Boshlang‘ich sinflarda о‘qituvchi, tarbiyachiining savodga о‘rgatish va nutqni rivojlantirishdagi ishning uzviy bog‘lanishida amalga oshiriladi. О‘qituvchi logopedik mashg‘ulotlarda о‘zlashtirilgan nutq-malakalarini о‘z ishida mustahkamlab boradi. Bunday ish (kompleksli, korreksion va uslubiy) logopeddan nafaqat yuqori malakani, balki kо‘rishda chuqur nuqsoni bor bolalar, ularning xususiyatlari va faoliyatini tashkil qilish maxsus maktab dasturini ham bilishni talab qiladi
Logopedik mashg‘ulotlarida kо‘r va zaif kо‘ruvchi bolalarda nutq kamchiliklarida rinolaliya, duduqlanish, tovush kamchiliklari bartaraf etiladi. Ish umumiy uslublarini inobatga olingan holda saqlanib qolgan kо‘rish qobiliyatiga yoki maxsus usullarga (kо‘r bolalarda) tayangan holda olib boriladi.