133
göstəricilərinə müvafiqdir. Göstəricilər cari valyuta məzənnələri əsasında
hesablandıqda, 2000-ci ildən başlayaraq, əmanətlərin və kapital qoyuluşlarının
70%-ə yaxını inkişaf etmiş ölkələrin, 30%-dən çoxu isə inkişaf etməkdə olan
ölkələrin payına düşmüş, özü də sonuncu onillikdə inkişaf etmiş ölkələrin payı
aşağı düşmüşdür. AQP üzrə hesablamalar isə əmanətlərin təqribən 45%-nin
inkişaf etmiş ölkələrdə, 55%-nin isə inkişaf etməkdə olan ölkələrdə
formalaşdığını göstərir.
_____________________________________________________
Əmanətlərin və yığımların mənbələri
Makro və mikro səviyyələrdə əmanətlər və yığımlar müxtəlif
institusional vahidlər (ev təsərrüfatları, müəssisələr və hökumətlər) tərəfindən
həyata keçirilir:
S = Sh + Se + Sg
burada:
Sh - ev təsərrüfatlarının əmanətləri;
Se - müəssisələrin əmanətləri;
Sg - dövlətlərin əmanətləri.
Milli əmanətlərin 50%-dən çoxunu şirkətlər təmin edir. Onların
kapital qoyuluşlarının və əmanətlərinin iki mənbəyi vardır: amortizasiya və
şirkətlərin bölüşdürülməmiş mənfəəti. Şirkətlərin yığımlarının strukturunda
istehlak olunmuş əsas kapitalın əvəz olunmasına yönəldilən xərclərin
(amortizasiyanın) payı kifayət dərəcədə sabitdir. Böhran dövrlərində artaraq,
yüksəliş dövründə isə ixtisar olunaraq, onun orta həcmi investisiyaların
yarısından bir qədər çoxdur. Əsas kapitalın yenilənməsinin ən mühüm
vasitələrindən biri kimi çıxış etməklə, amortizasiya istehsalın genişlənməsinə
və real kapitalın artırılmasına imkanlar yaradır. Şərti hesablanmış
amortizasiya çox vaxt xalis yığım fondu kimi istifadə olunur.
Bölüşdürülməmiş mənfəət hesabına formalaşan xalis kapital
qoyuluşları şirkətlərin bilavasitə istehsal fondlarını artırır. Ssuda kapitalları
bazarına çıxışı zəif olan firmalar bölüşdürülməmiş mənfəətin səviyyəsini
yüksəkdə saxlamağa və dividendləri az məbləğdə ödəməyə çalışır. İnkişaf
etmiş ölkələrdə kapital qoyuluşlarının əsas kütləsini (50-80%) şirkətlər təmin
etsələr də, xalis yığımlar kapital qoyuluşlarının ümumi həcminin 13-17%-i
hüdudlarında enib-qalxır, yəni onların əsasını amortizasiya təşkil edir.
Ev təsərrüfatlarının əmanətləri ümumi əmanətlərin 40%-dən az
hissəsini təmin edir. İnkişaf etmiş ölkələrdə bu pay azalır. Bu meyil bir sıra
amillərin təsirinin nəticəsidir. Belə ki, istehlak kreditinin liberallaşdırılması iri
həcmli satınalmalar üçün əmanət qoyuluşlarının azalmasına gətirib
134
çıxarmışdır. Əmanətlərdə ev təsərrüfatlarının rolu müxtəlif ölkələrdə kəskin
fərqlənir.
Dövlətlərin əmanətləri müəyyən dərəcədə rol oynayır. Dövlət
istiqrazlarının buraxılmasına ehtiyacın azalması səbəbindən, 1980-ci illərin
sonundan onların artımı müşahidə olunur. Kifayət qədər sərt monetar siyasət
sayəsində inkişaf etmiş ölkələrin dövlət büdcələrindəki qeyri-mütənasibliklər
xeyli azalmışdır. 2000-ci illərdə inkişaf etmiş ölkələrin büdcə kəsiri artaraq,
2005-2010-cu illərdə onların ÜDM-nin 4,3%-dən artıq olmuş (1993-2004-cü
illərdə 3,2%), bu isə əmanətlərin səviyyəsini aşağı salmışdır.
İstiqrazlara tələbin aşağı düşməsinin səbəblərindən biri investisiyaların
azalması olduğuna görə, büdcə kəsirlərinin ixtisarı dövlət kapital qoyuluşları-
nın artımı ilə nəticələnmədi. Bir çox ölkələrdə məhz bu cür vəziyyət yaran-
mışdı. Onların daxili və xarici qeyri-mütənasibliklərə azalmasına yönəlmiş
səyləri daxili əmanətlərə müsbət təsir göstərsə də, ictimai bölmənin kapital
qoyuluşları ixtisar olunmuşdu. Dövlət investisiyalarının azaldılması büdcə
kəsirini yalnız vergilərdən daxilolmaların artırılması, yaxud hərbi xərclərin
ixtisar olunması hallarında olduğu kimi, aşağı salmağa imkan verirdi.
7.3. Əmanətlərin və yığımların dəyişməsinin səbəbləri
__________________________________________________
Ümumi yanaşmalar
Dünya təsərrüfatında və onun müxtəlif altsistemlərində əmanətlərin və
yığımların dinamikası əhəmiyyətli dəyişikliklərə məruz qalmışdır. İqtisadi
ədəbiyyatda əmanətlərin dəyişməsi səbəblərinin müəyyənləşdirilməsinə iki
əsas yanaşma fərqləndirilir.
Birinci yanaşma mövcud və gələcək istehlak arasında seçimə əsaslanır
(İ.Fişer). Fişer modeli göstərir ki, istehlak təkcə cari gəlirlərdən asılı
olmayaraq, istehlakçının bütün ömrü ərzində gəlirlərinin həcmi barədə
ümidləri ilə müəyyən olunur. Fiziki şəxslər maksimum dərəcədə faydalanmaq
məqsədi ilə vaxt amilini nəzərə almaqla seçdikləri nemətlərin dəyərlilik
səviyyəsini uçot dərəcəsi ilə müqayisə edir və istehlakı vaxtla uyğunlaşdırırlar.
Bu halda uçot dərəcəsi əmanətləri və investisiyaları tənzimləyən əsas alət
qismində xidmət edir.
Digər yanaşma cari gəlirlər və istehlak arasında sıx əlaqənin olduğunu,
gəlirlərin qalıqlarının əmanətə çevrildiyini qeyd edir. Bu konsepsiyaya görə,
əmanətlər və kapital qoyuluşları gəlirlərin hərəkətindən asılıdır, uçot
dərəcələrinin təsiri isə çox zəifdir.
Göstərilən səbəblər əmanətlərə birgə təsir göstərir. Bu prosesə başqa
amillər, habelə iqtisadi və sosial mühitin şərtləri təsir edir. BVF-in tədqiqatları
ənənəvi dəyişən kəmiyyətlərin əksəriyyətinin əmanətlərə əhəmiyyətli