117
oblastga Atlantika va Tinch okeanining qator arxipelag va orollari
(Islandiya, Azor, Kanar, Kamondor, Kuril, Yapon) ham kiradi.
Palearktikaning tabiiy sharoiti juda turli-tuman. Mazkur kenja
oblastning faunasi o’zining kelib chiqishiga ko’ra, qadimgi tropik Yevro-
Osiyo faunasiga tegishli. Bunday xususiyatli fauna uchlamchi davrning
oxiri va to’rtlamchi davrda (muz bosish davri)
ekologik sharoitning turli
o’zgarishlari (cho’llashuv, iqlimiy sharoitlar) oqibatida tubdan o’zgarishga
uchragan. Natijada fauna birinchidan juda kambag’allashgan, ikkinchidan
unda juda ko’p filogenetik yosh guruhlar paydo bo’lgan. Bunday guruhlar
sovuq va issiq sharoitda yashashga moslashgan. Fauna tarkibida nisbatan
kam sonli endemiklarning mavjudligi uning qadimda janubiy faunistik
oblastlar bilan aloqada bo’lganligini tasdiqlaydi.
Sut emizuvchilardan ikkita endemik oila vakillari ya’ni vыxuxollar
va selevinlar oilalari uchraydi. Avlod darajasidagi endemiklar ancha ko’p.
Hasharotxo’rlardan krotlar, yer qazarlar, tipratikanlar ushbu kenja oblast
uchun xarakterli. Yerqazarlardan burama tishli yer
qazarlar va oq tishli yer
qazarlar ayniqsa ko’p. Palearktika mazkur turlarning vatani hisoblanadi.
Burama tishli yer qazarlarga suvda uchraydigan kutora ham tegishlidir.
Qo’lqanotlilar kamchilikni tashkil etadi. Ularning asosiy qismi
janubda
va
janubiy
g’arbda
tarqalgan.
Tovushqonsimonlardan
tovushqonlar va dumsiz sichqonlar uchraydi. Kemiruvchilardan
olmaxonlar, yumronqoziqlar, sug’urlar, burunduklar (ola sichqonlar)
uchraydi. Sichqonlar, sonyalar, qushoyoqlar, ko’rsichqonlar
ham mazkur
turkum tarkibida keng tarqalishga ega.
Yirtqichlar Palearktika kenja oblasti uchun xarakterli hisoblanmaydi.
Sirtlonlar va viverralar kenja oblastning janubida tarqalgan. Itsimonlar,
ayiqsimonlar, mushuksimonlarning faunadagi hissasi ancha salmoqli.
118
Tuyoqlilardan serna va yovvoyi yelik (kosulya) endemik hisoblanadi.
Otlar oilasidan Prjevalskie oti va qulonlar faqat Palearktika kenja
oblastida uchraydi. Yovvoyi cho’chqa, yovvoyi qo’y, yovvoyi echki, zubr
va turli-tuman bug’ular ham mazkur hudud uchun xarakterli turlardan
sanaladi. Tuyalarning bir va ikki o’rkachli turlari cho’l va dasht zonalarida
tarqalgan.
Palearktikada xartumlilar va odamsimon maymunlar, karkidon va
boshqa tropik oblastlar (Efiopiya, Indo-Malay)
uchun xarakterli turlar
uchramaydi.
Palearktikaning ornitofaunasi ham o’zining turli-tumanligi jixatidan
tropik oblastlardan ancha orqada turadi. Ammo ayrim guruhlarga mansub
turlar bu joyda ancha keng tarqalishga ega. Bularga chumchuqsimonlar
turkumiga mansub bo’lgan moyqutlar oilasini (300 turdan ortiq bo’lib,
daraxt va buta o’simliklaridan iborat hududlarni egallaydi), xuddi shunday
vyuroklar va dehqonchumchuqlarni misol qilish mumkin. Qarg’asimonlar
oilasi juda keng tarqalishga va zichlikka ega. Zag’izgon va xo’jasavdogar
esa endimik turlar sanaladi. Qurlar va tovuqsimonlar keng tarqalishga ega.
Kakkular, qizilishtonlar, ko’k qarg’alar tropik rayonlardagiga qaraganda
ancha tor tarqalishga ega. To’tilar, karkidon qushlar, nektarchilar va
boshqa turkumlar hamda oilalar vakillari bu
kenja oblastda uchramaydi
yoki yakka tartibda uchrab qoladi.
Yuqoridagi kabi ayrim xususiyatlar reptiliyalar uchun ham to’g’ri
keladi. Reptiliyalar faunasi ham bu kenja oblastda qo’shni tropik oblastlar
faunasidan ancha kambag’al. Tangachalilardan haqiqiy kaltakesaklar va
agamalar xarakterli. Palearktikaning chekka janubida xamelionlarning
alohida o’ziga xos turlari uchraydi. Zaharli ilonlarning asosiy qismi qora
ilonlarga mansub. Qalqontumshuq ilon va kapcha ilonlar ham bu hudud
119
uchun xos. Tropik hududda keng tarqalgan bo’g’ma ilonlar Palearktikada
deyarli uchramaydi. Bu yerda mayda bo’g’ma ilonlargina tarqalgan xalos.
Ko’rilonlar, timsohlar va terili toshbaqalarning
yagona vakillari janubiy
chegara rayonlardagina uchraydi.
Suvda ham quruqlikda yashovchilar faunasi turli-tuman. Endemik
oila vakillari hisoblangan burchaktishlilar (uglozub) uchraydi. Ko’p sonda
boshqa dumli amfibiyalr ham keng tarqalgan. Baqa va qurbaqalar keng
tarqalishga ega. Kvakshalarning ikkita turi uchraydi. Chuchuk suv
baliqlaridan karpsimonlar, olabug’asimonlar, lososlar keng tarqalgan.
Karpsimonlar kenja
oblastning asosan janubida, losossimonlar esa
shimolida va sharqida uchraydi. Golomyankalar va keng peshonalilar
oilalari endemiklar bo’lib, Baykal ko’lida tarqalgan. Endemik avlodlardan
karas, gorchak, yershlar uchraydi.
Umurtqasizlar faunasi turli-tumanligi bilan tropik oblastlardan
orqada turadi. Endemizm avlod darajasida namoyon bo’ladi. Bular
yirtqich qo’ng’izlar, appalon kapalaklari (tog’li sharoitda yashaydi) va
boshqa qator turlardan tashkil topgan.
Dostları ilə paylaş: