istifadəsi üzərində nəzarət də büdcə vasitəsi ilə həyata keçirilir. Bazar iqtisadiyyatına
keçid şəraitində dövlətin maliyyə vəsaitləri, hər şeydən əvvəl, iqtisadiyyatın
strukturunun yenidən qurulmasına, sosial inkişafın və əhalinin aztəminatlı
təbəqəsinin
sosial
müdafiəsinin
gücləndirilməsinin
maliyyələşdirilməsinə
istiqamətləndirilməlidir. Lakin hazırki dövrdə büdcə gəlirləri və xərcləri həm də
istehsalın genişləndirilməsi, iqtisadiyyata investisiyaların stimullaşdırılması və
tənzimlənməsi aləti kimi çıxış edir. Eyni zamanda büdcə vasitəsilə iqtisadiyyatın
aparıcı sahələrinə dövlət himayəsi göstərilir.
Büdcə vəsatinin sosial sahələrə istiqamətləndirilməsi də böyük əhəmiyyət kəsb
edir.Cəmiyyətin inkişafının əsas tərkib hissələrindən biri əhalinin sosial vəziyyətidir.
Sosial siyasətə əhalinin aztəminatlı təbəqələrinin müdafıəsi ilə yanaşı təhsil, səhiyyə
və mədəniyyət müəssisələrinin fəaliyyətlərinin maliyyələşdirilməsi daxildir. Büdcə
xərcləri maliyyə planlaşdırılması prosesində qeyri-istehsal sferasının müəssisələrinə
əhəmiyyətli təsir göstərir. Dövlətin mərkəzləşdirilmiş pul vəsaiti fondlarının
yaradılması və istifadəsi əsas maliyyə planı kimi, bütün büdcə təşkilatları və
müəssisələri
ilə sıx əlaqədardır.
Bu əlaqə
yalnız büdcədən bilavasitə
maliyyələşdirilən müəssisə və təşkilatları deyil, həm də kommersiya fəaliyyəti ilə
məşğul olan dövlət və özəl müəssisələri də əhatə edir. Büdcə təşkilatlarının
fəaliyyətini maliyyələşdirmək üçün tələb olunan maliyyə resursları, əsasən,
kommersiya fəaliyyəti ilə məşğul olan müəssisələrin ödənişləri hesabına formalaşır.
Bu baxımdan, bazar iqtisadiyyatına keçid şəraitində maliyyə resurslarının
səfərbərliyə alınması və onların səmərəli və təyinatı üzrə istifadəsi üzərində büdcə
nəzarətinin rolu daha da artır.
Fikrimizcə, müasir şəraitdə dövlət büdcəsinin sosial-iqtisadi mahiyyəti özünü
onun aşağıdakı əsas fəaliyyət sahələrində: iqtisadiyyatı istehsal tənəzzülündən
qorumaq və davamlı iqtisadi artıma nail olmaqda, maliyyə stabilliyini təmin etməkdə,
investisiya aktivliyini stimullaşdırmaqda, vergiqoymanın təkmilləşdirilməsi və
vergilərin ödənilməsi üzərində nəzarətin gücləndirilməsinə nail olmaqda əks etdirir.
Gəlir bazasının möhkəmləndirilməsi, dövlət xərclərinin təyinatı üzrə səmərəli və
məqsədyönlü istifadəsi, maliyyə nəzarəti sisteminin təkmilləşdirilməsi və dövlət
borcu üzərində nəzarətin gücləndirilməsi üzrə tədbirlərin ardıcıl həyata keçirilməsi
dövlət büdcəsi vasitəsilə sosial-iqtisadi problemlərin həll edilməsi məsələsini
sürətləndirə bilər.
Məlumdur ki, dövlətin ilkin yaranma mərhələsində onun əsas funksiyaları
sərhədlərin qorunması və torpaqlarm artırılması olmuşdur. XIX əsrin sonlarında
siyasi həyatın aktivləşməsi, dəmir yolu tikintisində irəliləyiş, sənayeləşmə və
urbanizasiya prosesləri həyata keçirilməyə başlandı. Dövlətin iqtisadiyyatda rolu və
ona müdaxiləsi artdı. Xərc sistemi də dəyişikliklərə uğradı: dövlətin sosial xərcləri
sürətlə artmağa başladı.
XX əsrdə dövlətin büdcə siyasəti iki əks istiqamətli iqtisadi təlimə -
Keynsçiliyə və monetarizmə əsaslanırdı. Keynsçilik tərəfdarları ziddiyyətlərin aradan
qaldırılması üçün iqtisadiyyata dövlət müdaxiləsini zəruri hesab edirdilər. Bu təlimə
əsasən dövlətin iqtisadi siyasəti dövlət xərclərinin artırılmasına, tədavüldə olan pul
kütləsinin genişləndirilməsinə, vergilərin azaldılmasına istiqamətlənirdi. Bununla
bərabər, belə bir siyasət büdcə kəsirinin artması və inflyasiyanın güclənməsi ilə
nəticələnə bilərdi.
Monetaristlər iqtisadiyyata dövlət müdaxiləsini qəbul etmir, onu azad
sahibkarlığa təhlükə kimi qiymətləndirirlər. Monetaristlər əsasən pul kütləsinin
tənzimlənməsini müdafiə edirlər. Lakin monetarizm təkcə pul nəzəriyyəsi deyil, həm
də pulun təkrar istehsalda rolu haqda nəzəriyyədir. Monetaristlərin fikrinə görə
tələbin dövlət tərəfindən tənzimlənməsi bazar qüvvələrini pozur, uzunmüddətli
planda isə inflyasiya meyllərinin güclənməsinə aparır.
Geniş təkrar istehsal və iqtisadi artım həm fərdi (müəssisə) səviyyədə, həm də
cəmiyyət miqyasında baş verir. Struktur etibari ilə, iqtisadi nəzəriyyə özündə
makroiqtisadiyyatı və mikroiqtisadiyyatı birləşdirir.
Mikroiqtisadiyyat sahibkarlıq kapitalının və rəqabət mühitinin formalaşmasının
iqtisadi qanunauyğunluqlarını əhatə edir. Onun təhlilinin mərkəzini ayrı-ayrı
əmtəələrin qiymətləri, məsrəflər, firmanın fəaliyyət mexanizmi, qiymətin
əmələgəlməsi və əməyin motivləşdirilməsi təşkil edir. Mikrosəviyyədə ictimai
səviyyənin inkişafını təyin edən ilkin proporsiyalar formalaşır. Makroiqtisadiyyat
artıq formalaşmış mikroproporsiyaların əsasında Mərkəzi iqtisadi sistemlərin
fəaliyyətlərinin tədqiqi ilə məşğul olur. Onun tədqiqat obyektini Mərkəzi məhsul,
qiymətlərin ümumi səviyyəsi, inflyasiya, məşğulluq təşkil edir. Bu zaman hər bir
mikroproporsiya müstəqil xarakter alır.
Real iqtisadi mühitdə mikro və makro iqtisadiyyat bir-biri ilə qarşılıqlı
fəaliyyətdə olurlar. Makroiqtisadi səviyyədə iqtisadi fəaliyyət bu və ya digər
dərəcədə iqtisadi stabilizator və tənzimləyicilər vasitəsilə dövlət tənzimlənməsinə
məruz qalır. Bu tənzimlənmə iqtisadi inkişafm keçid dövründə, bazar
münasibətlərinin formalaşdığı və bürokratik rnetodlarm dağıldığı bir şəraitdə daha
sərt xarakter alır. İlk dəfə olaraq bu əlaqələrin əsası konkret şəkildə C.Keyns
tərəfindən tədqiq olunmuşdur. C.Keyns istehsalı həcminin artımı ilə istehlakın həcmi,
investisiya qoyuluşları ilə hazır məhsul kütləsinin həcmləri arasında kəmiyyət
asılılığını müəyyənləşdirmişdir.
Müxtəlif səviyyələri əhatə etmələrinə baxmayaraq mikro və makroiqtisadiyyat
bir məqsədə - cəmiyyətin tələbatlarını ödəmək məqsədilə iqtisadi artıma təsir
göstərən amillərin və qanunauyğunluqların tədqiqinə yönəldilmişdir.
Məhdud resurslarla (əmək, torpaq, kapital, sahibkarlıq) istehsalın artırılmasının
ümumi təhlili vasitəsilə sosial-iqtisadi həyatın tələbatlarının ödənilməsinin
məqsədlərini formalaşdırmaq olar. Bunlar: istehsalın həcminin stabil artımı (iqtisadi
artım), azad rəqabət şəraitində qiymətlərin sabitliyi, məşğulluğun yüksək səviyyəsi,
xarici ticarət balansının tarazlığının saxlanılmasından ibarətdir. Məşğulluğun yüksək
səviyyəsinə və iqtisadi stabilliyə nail olunması Keynsçiliyin əsas məqsədidir.
Bunların təmin olunmasının əsas aləti kimi isə dövlətin büdcə-vergi siyasəti çıxış
edir.
Dövlətin apardığı fıskal siyasət inflyasiyanın səviyyəsinə öz təsirini göstərir.
İnflyasiyanın nəticələri müxtəlif və ziddiyyətli ola bilər.
Dostları ilə paylaş: |