34
Fəsil 2. İslam bankçılıq fəaliyyətində yeni meyllər
2.1. İslam bankçılıq fəaliyyətinin müasir vəziyyəti
Dünyada islam maliyyə sisteminin əhəmiyyəti getdikcə artır. Təkcə İslam
ölkələrində deyil, müsəlman əhalinin çox olduğu Avropa ölkələrində də bu sistemə
maraq yüksələn xətt üzrə inkişaf edir. Həmçinin Qərb sənaye ölkələrinin bir sıra
kommersiya banklarının əməliyyat fəaliyyətinin yeni istiqaməti onlar tərəfindən öz
ölkələrinin müsəlman müştərilərinə islam adətlərinə və islam iqtisadi doktrinasının
prinsiplərinə tam uyğun şəkildə maliyyə və investisiya xidmətlərinin göstərilməsi
olmuşdur.
Qərb ölkələrində islam banklarının kredit bazarlarına uyğunlaşması üzrə
kifayət qədər effektiv üsullardan biri onların müsəlman müştərilərə ilk növbədə
həmin ölkələrdə yaşayış evlərinin və digər daşınmaz əmlakın əldə edilməsi
məqsədilə borca investisiya ehtiyatlarını verən xüsusiləşdirilmiş tikinti təşkilatı
(building society) qismində əməliyyat fəaliyyəti olmuşdur. Əməliyyat fəaliyyətinin
bu cür istiqamətləndirilməsi məsələn, Şimali Amerikada (Miçiqan və Ontario)
yerləşən, müştərilərinin kiçik-pərakəndə maliyyələşdirilməsi üzrə ixtisaslaşan və
qabaqcıl islam maliyyə institutu olan “Ferst Ras Faynenşnl Servisiz” bankında
yüksək effektiv olmuşdur.
Ümumiyyətlə, Avropada islam bankçlığın təməlini qoyan “mudaraba” və
“müşərəkə” aktları, “Commenda” və “Societa” adı altında istifadə edilir. Mudaraba
əqdi öncə İtalyanlar, daha sonra da İspaniyalılar arasında önəmli prinsiplərdən biri
olmuşdur. Mudaraba ortaqlığı üsulu X əsrdən etibarən “Commenda” adı ilə
Avropaya keçmişdir. İntibah və reformasiya hərəkatları sonrasında islam
maliyyələşdirmə qurumu olaraq dostluq cəmiyyətləri (friendly societes) və yardım
cəmiyyətlərinin(benefit societes) yaranmasına səbəb olmuşdur.
Xüsusilə ingilis bankçılığında önəmini hələ də qoruyan və qismən mənfəətin
bölüşdürülməsi əsasına görə çalışan trastların (Investment Trust) islam bank ilə
bənzərlik və yaxınlığına bir sübutdur.
35
2001-ci ildə HSBC-nın həyata keçirdiyi islam əməliyyatların həcmi 1,75
mlrd dollar təşkil ütmişdir. 2000 filialı olan “LLoyds TSB” 2005-ci ildən
müsəlman icması üçün nəzərdə tutulmuş proqramı həyata keçirir. Ənənəvi
xidmətlərlə yanaşı, bank şəriət normalarına uyğun bank məhsulları da istehsal edir.
İslam prinsiplərinə uyğun yaşamaq istəyən əmanətçilərə ödəmə hesabları, tələbə
kartları, ipoteka krediti, sərmayə fondları təklif olunur. 2007-ci il aprelin 3-dən
bankda əməliyyatları şəriət qanunları əsasında aparan hüquqi şəxslər üçün hesablar
açılıb. Bu hesabların üstünə faiz gəlmir və həmin vəsaitlər müəyyən fəaliyyət
növlərinə, o cümlədən oyun biznesinə və ya alkoqol istehsalına sərmayə kimi
qoyulmur.
Qeyri-müsəlman, o cümlədən Qərb ölkələrində təsis edilmiş bir çox islam
bankları yerli kredit bazarlarında qəbul edən xarici dövlətlərin yerli maliyyə
idarələri ilə uğurlu rəqabət aparmaq qabiliyyətində idilər; bu gün həmin banklar
Avstraliyada, Hindistanda, Böyük Britaniyada, ABŞ-da, Tailandda, Danimarkada
və bəzi digər dövlətlərdə sabit fəaliyyət göstərirlər.
1995-ci ildə islam bank işi və maliyyə məsələlərinə həsr edilmiş beynəlxalq
konfransda (Toronto ş.) 500 mindən çox müsəlmanların yaşadığı Kanadada islam
bank işinin sabit inkişafı üçün geniş potensial imkanlar müəyyən edilmişdir. Məhz
həmin səbəblərə görə həmin ölkədə özünün bütün tranzaksiyalarını və
əməliyyatlarını bütövlüklə şəriət adətlərinə uyğun həyata keçirən islam bank
maliyyə institutlarının investisiya fəaliyyəti üçün obyektiv ilkin şərait formalaşır.
1985-ci ildən etibarən Cenevrə şəhərində (İsveçrə) çox sayda bir sıra islam ərəb
investisiya bankları sabit fəaliyyət göstərir. Qəbul edən qeyri-müsəlman ölkələr
adətən onların ərazisində islam banklarının və maliyyə institutlarının təsis edilməsi
və onların inkorporasiyası (tərkibinə daxil edilməsi) ilə bağlı müəyyən çətinliklərlə
üzləşirlər. Buna baxmayaraq, həmin ölkələrdə milli bank nəzarəti orqanları həm
islam, həm də ənənəvi kommersiya banklarının lisenziyalaşdırılmasına dair
yanaşmasında, ilk növbədə həmin kredit institutlarının qüvvədə olan milli bank
qanunvericiliyinin əmanətçilərin maraqlarının müdafiəsi və təmin edilməsinə aid
hissəsinin bütün tələblərinə cavab verib-verməməsini müəyyənləşdirərkən bərabər
36
qərəzsiz olmalıdırlar. Qəbul edən ölkələrin bank nəzarəti orqanları ilk növbədə
ölkədə daimi əməliyyat fəaliyyətinə dair lisenziyanın alınmasına iddia edən islam
bankının kifayət həcmdə ilkin nizamnamə kapitalına, satıla bilən aktivlərə malik
olub-olmadığına və fəaliyyəti zamanı investisiya, həmçinin depozit risklərinin
bütün növlərinə lazımi cari nəzarəti həyata keçirib-keçirmədiyinə əmin
olmalıdırlar. İslam banklarının qəbul edən qeyri-müsəlman ölkələrinin bütün bu
tələblərinə cavab verməsi onlar tərəfindən həmin ölkələrin yerli kredit bazarlarında
istənilən, həm depozit, həm də investisiya əməliyyatlarının aparılması zamanı
mövcud çətinlikləri aradan qaldırmır.
Ümumiyyətlə, dünya təcrübəsinin göstərdiyi kimi gec və ya tez ölkənin
maliyyə sistemi islam bankçılıq institutlarla fəaliyyətinə rast gəlinəcəkdir.
Bank sistemi Türkiyə maliyyə sisteminin ən böyük hissəsi olmaqla, maliyyə
kapitalının 51,3 faizini özündə cəmləmişdir. Maliyyə sistemində banklarla yanaşı,
sığorta və digər maliyyə qurumları da inkişaf etməkdədir. Lakin bu inkişaf digər
ölkələrlə müqayisədə olduqca aşağı səviyyədədir və gələcəkdə inkişaf etməsinə
ümid edilir.
Türk bank sistemi 3 əsas bank qrupundan ibarətdir: ticarət bankları, inkişaf-
investisiya bankları və katılım (iştirakçı) vəya islam banklardır. Bu banklar
sərmayə mənbəyinə görə - dövlət, özəl və xarici sərmayəli banklar olmaqla 3
qrupa bölünür.
1985-ci ildən başlayaraq Türkiyədə fəaliyyət göstərən islam banklar maliyyə
sektoru daxilində yavaş da olsa, getdikcə əhəmiyyəti artan təşkilatlardır. Təsis
məqsədi ilə icra etdikləri funksiyaları üst-üstə qoyduqda islam bankların iyirmi
beş illik müddət ərzində iqtisadi və ictimai strukturda çox əhəmiyyətli funksiyanı
icra etdiyi görünür.
Vaxt keçdikcə təsdiq edilmişdir ki, bu təşkilatlar iqtisadi və ictimai sahədə
əhəmiyyətli bir boşluğu doldurur. Türkiyədə kapital mənbələrinin çatışmazlığı və
mütəmadi olaraq xaricdə mənbə axtarışları islam bank fəaliyyətinin Türkiyədə
tətbiqinə başlanmasının əsası olmuşdur.
Dostları ilə paylaş: |