40
Yaponiyada islam qaydalara görə qiymətləndirilir. Halbuki ölkəmiz formasından
başqa, düşüncə baxımından da bu fondları lazımınca qiymətləndirə biləcək
bazardır. Əhalisinin gənc və dinamik olması, sahibkar bacarığının artması, sənaye
istehsalının həcmi, idxal və ixrac məhsullarının tərkibi, sırf xarici mənbəyə olan
tələbat, Avropa Birliyi ilə əlaqələri bazarın gələcəkdəki vəziyyəti haqqında ümidlər
verir.
İslam bankların müddətli və ya müddətsiz olaraq yığdıqları fondların
idarəetmə mexanizmləri ənənəvi banklardan həm hüquqi, həm də mahiyyətcə
fərqlənir. Lakin islam hesabların vaxt tənzimləmələrinin müddətli əmanətlərə, cari
hesabların isə müddətsiz əmanətlərə oxşar olması, ənənəvi banklarla olan rəqabət
məsafəsini azaltmaqda və təşkilatlar üçün aktiv-passiv müddətlərinin uyğunluğunu
təmin etməkdə problem kimi qalmaqdadır. Digər tərəfdən, fond yığmaq və
fonddan istifadə prinsipləri və islahatlarından başqa, xarici əməliyyatlar, veksel,
zəmanət məktubu, fərdi kreditlər, çeklərin tərtib edilməsi, alternatif paylaşdırma
kanalları, kredit kartları, P.O.S. sistemləri hər iki bank fəaliyyəti növü üçün
oxşardır və bu oxşarlıqlar rəqabətdə daha çox islam bankların əleyhinə işləyir.
İslam bankların özünəməxsus yeni məhsullar inkişaf etdirə bilməməsi, özlərini
böyük açıq sahədə rəqabətə sürükləyir.
İslam bankların ənənəvi banklara rəqib olması, sektordakı payları 10 %-i
keçdikdən sonra qiymətləndirilə bilən mövzudur. İslam bankların qət etməli
olduğu uzun məsafə mövcuddur. Ancaq sürətli və aqressiv inkişaf siyasətindən
daha çox, davam etdirilə bilən, sağlam və mütəmadi inkişaf siyasətinə üstünlük
verilməlidir. Bazara yeni iştirakçıların daxil olması stimullaşdırılmalı, islam
banklar daha geniş kütlələrə çatdırılması təmin edilməlidir.
Bank fəaliyyətindən kənarlaşmanın bir səbəbi iqtisadi tənəzzüldürsə, digər
bir səbəbi faizin haram olduğuna inanan bir cəmiyyətin iqtisadi həyatını, müxtəlif
vasitələr axtarmaq əvəzinə uzun illər tamamilə faiz vasitəsilə istiqamətləndirmək
cəhdindəki təkidi olmuşdur. Türkiyədə əhalinin əksəriyyəti «bank» və «kredit»
terminlərini mənfi qavrayır. Hətta türk filmlərində «evin ipotekaya qoyulmaqla
kredit üçün müraciət etmək müflisləşmə kimi» təqdim edilir. Hal-hazırda
41
iqtisadiyyata daxil olmayan passiv mənbələr, böyük nisbətdə qeydiyyatdan kənara
çıxmalar, bank sektorunun tələb etdiyi geniş və hələ ki, işlənməmiş xidmət sahələri
də nəzərə alındıqda ümumilikdə bank sektorunun kifayət qədər təkmilləşmədiyi
aydın olur.
Bu şəraitdə islam banklar hal-hazırda ənənəvi banklara rəqib olmaqdan çox
uzaqdır. İslam banklar özlərini ənənəvi banklara rəqib deyil, maliyyə sisteminin
tamamlayıcı ünsürlərindən biri kimi tanıtsa da və bu həqiqətən belə də olsa,
ənənəvi banklara hər biri ciddi rəqib kimi görünür. İslam bankların ümumilikdə
bank sistemi daxilindəki payının son dərəcə məhdud olması da bu baxış bucağını
dəyişdirmir. Həm yerli, həm də fəaliyyət göstərən xarici banklar, istər fond
yığmaq baxımından, istərsə də fondlardan istifadə baxımından islam bankların
müştəriləri üçün müraciət etmənin dolayı yollarını axtarırlar.
İslam bankları öz iş prinsiplərinə görə klassik banklardan fərqlənir.Belə
ki,onlar əməliyyatları faizsiz aparır və islam iqtisadiyyatı qarşısında duran
vəzifələrin icrasında fəal iştirak edirlər.Dünyada 150-yə yaxın maliyyə qurumu
islam dəyərlərinə üstünlük verməklə fəaliyyət göstərirlər. İslam prinsipləri ilə
işləyən banklar fəaliyyət göstərdikləri yerlərdən asılı olaraq aşağıdakı kimi
təsnifləşdirilir:
1) Müsəlman ölkələri ;
2) Qeyri-müsəlman ölkələri ;
İslam prinsipləri ilə işləyən bankların mövcud olduğu müsəlman ölkələrinə
aiddir- Səudiyyə Ərəbistanı, Birləşmiş Ərəb Əmirlikləri, İndoneziya
Respublikası, Türkiyə Cümhuriyyəti, İran İslam Respublikası, Küveyt,
Malaziya,Azərbaycan və s.
İslam prinsipləri ilə işləyən bankların mövcud olduğu qeyri-müsəlman
ölkələrinə aiddir - Böyük Britaniya, Filippin, Danimarka, Amerika Birləşmiş
Ştatları, Kanada, Avstraliya, Almaniya Federativ Respublikası, İsveçrə və s.
Dünyanın bir çox ölkələrində islam bankçılığı böyük uğur qazanmış və müsəlman
olmayan bir çox ölkələrin tanınmış nəhəng bankları müştərilərlə islam qanunlarına
uyğun xidmət etmək üçün xüsusi şöbələrə malikdirlər.
42
Faizsiz maliyyə və xidmət təqdim edən təşkilatların meydana gəlməsi və
inkişafı dünyada yeni bir ehtiyacın nəticəsi olaraq görülür. Buna görə də dünyanda
məşhur olan: Citicorp, Goldman Sachs, HSBC, Morgan Stanley, Standart
Chartered, Banque National da Paris, ABN Ambro, Bank of America, Key Qlobal,
Sociate Generala kimi təşkilatlar bu sektorda fəaliyyətə başladılar. İndiki vaxtda
isə Commerzbank kimi Alman banklarının da faizsiz bankçılıq məhsulları təqdim
etmə mövzusunda addımlar atılmış və hətta Müsəlman əhaliyə sahib hər ölkədə
faizsiz maliyyə məhsullarına qarşı bir meyl olduğu görülür. "Murabaha" və "icarə"
(leasing) kimi alətlərin beynəlxalq bankçılıq sistemində özünə yer tapa bilməsi, bu
inkişafların əhəmiyyətli bir göstəricisi sayılır.
Dünyanın bir çox iri bankları müştərilərlə islam qayda-qanunlarına uyğun
xidmət etmək üçün xüsusi şöbələrə malikdirlər.Bu banklara aşağıdakıları misal
göstərmək olar :
1. Sitibank
2. UBS
3. HSBC
4. Commerzbank
5. Europe Arab Bank Plc,London
6. İslamic Bank of Britain
7. ABS İnternational Bank, London
8. BADR bank, Russia
9. Deutsche Bank və s.
2001-ci ildə HSBC-nin həyata keçirdiyi İslam qayda-qanunlarına uyğun
əməliyyatların həcmi 1,75 milyard dollar olmuşdur və bank eyni il ilk "İslami
Varlığa Söykənən Sekuritizasion" əməliyyatını reallaşdırmışdır. Orta şərq və
Pakistan, Malaziya, Banqladeş kimi ölkələrdə sahib olduğu iştiraklar və məşhur
şöbə şəbəkəsi bankın bu sahədəki "know-how"-unu hər keçən gün artırmasını
təmin etməkdədir.
Dostları ilə paylaş: |