37
İslam banklar ölkəmizdə maliyyə vasitələrinin formasını dəyişdirmək
baxımından da əhəmiyyətli mənfəət və sərvət kimi qəbul edilməlidir. Bu gün istər
fond toplamaq, istər fondlardan istifadə və istərsə də digər bank xidmətləri
sahəsində xidmət göstərmək forması, məhsulun müxtəlifliyi, ixtisaslaşmış işçi
heyət və texnoloji bacarığı ilə formalaşan rəqabət şəraiti sayəsində maliyyə və
iqtisadi sektorun inkişafına, dərinləşməsinə, sabitliyinə və böyüməsinə əhəmiyyətli
kömək göstərirlər.
İslam bank fəaliyyəti üsulları müxtəlif növ və xarakterdə olmaqla Osmanlı
dövründə də geniş tətbiq edilmişdir
*
.
İslam bankların Türkiyədə ilk ciddi imtahanı 1994-cü ildə yaşanan maliyyə
böhranı olmuşdur. 1994-cü ildə Türkiyə tarixində ən böyük cari kəsir ilə
üzləşilmişdir. Dövlətin borc tələbatının kəskinləşməsi və faiz nisbətlərinin yüksək
olması həmin dövrün ən bariz xüsusiyyətlərindəndir. Başqa sözlə, ikiqat kəsir kimi
ifadə edilən cari kəsir və büdcə kəsiri hökumətin borcları ödəmək gücünə olan
inamsızlığı ilə birləşdi.
2001-ci il Türkiyədə həm ənənəvi bank sektoru, həm də islam banklar
(xüsusi maliyyə təşkilatları) üçün həqiqətən mühüm dönüş nöqtəsi olmuşdur.
Əvvəllər də, 1994-cü ildəki maliyyə böhranı daxil olmaqla, irili-xırdalı
böhranlardan keçən islam bank sistemi, ənənəvi bank sistemi kimi olmasa da
2001-ci ilin iqtisadi böhranında ciddi şəkildə dağıldı.
Bank sektorunda 2000-ci və 2001-ci illərdə böhranlara səbəb olan struktur
zəifliyi onun yenidən qurulması zərurətini doğurmuş və bunun üçün aşağıdakı
tədbirlər həyata keçirilmişdir:
1.
dövlət banklarının reabilitasiyası;
2.
özəl bankların gücləndirilməsi;
3.
zəif bankların çeşidlənməsi;
4.
tənzimləyici və nəzarət çərçivəsinin optimallaşdırılması;
*
Osmanlı imperatorluğunun maliyyə işlərində vəsait fondları ilə yanaşı «sənətkarların təsis etdiyi sənətkar
fondları, yetimlərin malının şəriətə əsasən qorunması və qiymətləndirilməsi üçün təsis edilən yetimlərə vəsait verən
fondlar, yeniçərlər üçün təsis edilən orta fondlar, müəyyən məhəllə və ya kənd üçün təsis edilən vergi fondları digər
bank fəaliyyətləridir».
38
5.
məhdud əmanət sığortasına keçid;
6.
dövlət borclarının gözdən keçirilməsi və azaldılması.
Sektorun iştirakçılarından İhlas Finans Kurumunun fəaliyyətləri Bank
Fəaliyyətini Nizamlama və Yoxlama Komissiyası (BFNYK) tərəfindən
dayandırılmışdır.
Həqiqətən də sektorun iştirakçılarıdan biri və ən böyüyü olan İhlas Finans
Kurumu 2001-ci il iqtisadi böhranı gedişində ödəniş qabiliyyəti böhranına düşmüş
və nəticədə BFNYK tərəfindən fəaliyyətlərinə son qoyulmuşdur. Bu hal digər
xüsusi maliyyə təşkilatlarının müştərilərinin də panikaya düşməsinə səbəb
olmuşdur. Digər xüsusi maliyyə təşkilatlarının müştəriləri də bütün pul vəsaitlərini
dərhal götürmək üçün təşkilatlara axın etdi.
Müştərilərin xüsusi maliyyə təşkilatlarından kütləvi pul vəsaiti götürmək
tələbi təxminən beş ay davam etmiş və bu prosesdə təşkilatlar yığılan fond
baxımından təxminən 50 % nisbətində azaldı. Həmin dövrdə müştərilərin pul
vəsaitlərini götürmək tələbinin qarşısını ala biləcək yeganə tədbir bu təşkilatlardakı
fondlar üçün də ənənəvi banklardakına oxşar dövlət təminatı mexanizminin
yaradılması idi.
İslam bankların gətirdiyi ən əhəmiyyətli yenilik, zəif və çətin olsa da,
iqtisadiyyat sahəsində müxtəlif aspektlərdə düşünməyi öyrətmək olmuşdur.
İslam bank fəaliyyətində əmanətlər ticarət və sənaye fəaliyyətlərində iştirak
edərək istehsal amili xarakterini alır. Bu şəkildə əlavə dəyər formalaşdırılaraq
əmanətlərin də həcmi artır. İqtisadiyyat sahəsindən kənarda qalan əmanətlər həm
ölkə üçün, həm də əmanətçilər üçün itkidir. Bundan başqa pul vəsailərinin kənarda
toplanması da islam iqtisadiyyat modelinin prinsiplərinə uyğun gəlmir. Kapitala
çevrilən əmanətlər milli gəlirin artması, bu artım isə cəmiyyətin rifahına kömək
deməkdir.
Əmanətlərin real iqtisadiyyatdan kənarda veksel, fond, repo kimi sahələrdə
və faiz təminatları ilə qiymətlənidirilməsi, əmanətçiləri ətalətə sürüklədiyi kimi
sahibkarı da istehsal və işləməkdən yayındırır. Xüsusilə böhran dövrlərində sənaye
təşkilatları daha yüksək faizə yönələrək gəlirlərinin böyük bir hissəsini faiz yolu ilə
39
əldə edir. İstehsala əsaslanmayan iqtisadiyyat borc üzərində qurulur və kiçik bir
azlıq rifah içində yaşadığı halda geniş kütlələr yoxsulluqla mübarizə etməyə
məcburdur. Xüsusilə israfçılığın geniş yayıldığı dövlət təşkilatlarının bazardakı
mənbələrə yüksək faizlə ortaq olması, istehsal edən və işləyən sahibkarın mənbə
imkanlarını daraldır. Dövlətin borc götürmək tələbatı prinsip kimi islam bankların
maraq dairəsindən kənardadır. İslam banklar hər daimi real iqtisadiyyatı, istehsal
və ticarəti maliyyələşdirdiyi üçün böhranların dağıdıcı gücünü azaldır. Hətta
böhran dövrlərində belə müştərilərinə kömək etməkdə davam edir. Fondlarını heç
bir başqa sahədə qiymətləndirmir. Buna görə də böhran dövrlərində (bəlkə də
şirkətlərin mənbəyə ən çox tələbatı olduğu bu dövrlərdə) müştərilərinin fondlardan
istifadə etməsini davam etdirir.
Fondlardan istifadə edən müştərilər üçün yeni açılış, yeni fürsət deməkdir.
İslam bankaların ənənəvi banklarla rəqabəti ənənəvi banklara yanaşmalara da təsir
göstərir. İslam bankla işləməyi üstün tutan bir çok kredit müştərisinə ənənəvi
banklar tərəfindən gəlirli satış kreditinə oxşar təkliflər edilir. Qiymət və kreditin
verilmə prosesi, təminat şərtləri baxımından da islam banklar ənənəvi banklara
təsir göstərir. Bu vəziyyət, fondlardan istifadə edən müştərilər üçün daha
keyfiyyətli xidmət deməkdir.
Qeyri-müəyyən faizlərdən və yüksək faizlərə girməkdən çəkindiyi üçün
kapital qoyuluşunu həyata keçirə bilməyən sahibkarlar üçün də islam banklar çox
gözəl gəlir-ziyan ortağıdır.
İslam banklar neftlə zəngin körfəz ölkələrindəki artıq fondları cəlb edə
biləcək mühüm potensiala və imkana malikdir. Fondlarını islam prinsiplərə görə
qiymətləndirmək istəyən bu ölkələrin, Türkiyədə həyata keçirəcəkləri gəlirli satış
və ya gəlir-ziyan kapitalları üçün islam banklardan vasitəçi kimi istifadə edərək və
ya bilavasitə Türkiyədə islam bank təsis edərək və ya səhmdar kimi verəcəyi
mühüm potensialı mövcuddur və bu potensialın hal-hazırda cüzi bir hissəsi əldə
edilmişdir.
Neftlə zəngin Körfəz ölkələrinin çox böyük məbləğə malik fondları başda
İngiltərə olmaqla, Avropa ölkələrində, Amerika Birləşmiş Ştatlarında, Çində,
Dostları ilə paylaş: |