201
Məlum olduğu kimi, “XVI yüzillik bədii ədəbiyyatın,
rəssamlıq və nəqqşlığın, elmin və mədəniyyətin, sosial-ictimai
münasibətlərin sürətlə inkişaf etdiyi, el sənətinin, el şairlərinin,
sənətkarlığın yüksəldiyi, “Kitabi-Dədə Qorqud” kimi əzəmətli
abidələrin yenidən yazıya alındığı, hər sahədə milli
özünüdərkin, milli oyanışın gücləndiyi bir dövrdür. Bu dövr
biri digərindən fərqlənən, müxtəlif sənət zirvələrini fəth edən
Füzuli, Xətai, Qurbani böyük söz ustadları yetirdi.
Füzuli klassik şeirin bayrağını uca göylərə qaldırdı.
Xətai böyük əqidə yolunda qılınc ilə sözü məharətlə
birləşdirdi. Qurbani el sənətini xalqa daha yaxın yeni və böyük
bir axara yönəltdi...
Qurbani Dədə Qorqud zərrəsidir...” (55, 3). Əlbəttə,
burada müxtəliflik var, ancaq bu müxtəlifliyin içərisində, bəlkə
də alt qatında müxtəliflikdən çox sezilib aydınlaşmalı, daha
doğrusu durulanmalı yaxınlıq var ki, onun da mahiyyətində
milli yaddaşda olanlar dayanır. “Dənizdir elmim, Allah feyzidir
neysan barani” deyən Füzuli klassik ənənəni çata biləcəyi
zirvəyə qaldırdı və sözün bundan oyanasının olmadığını dedi.
Bizə belə gəlir, məhz Qurbanidə də belədir, “Allah feyzi” olan
istedadı Füzulidən fərqli olaraq bütün parametrlərdə milli
düçüncənin qorunuşuna (xalq şeiri müstəvisində) və sonrakı
inkişafına hesablanmışdır. Füzuli öz böyük istedadı ilə məktəb
yaratmış, ancaq intibah faktına çevrilə bilməmiş, Qurbani isə
türk-oğuz şeirində məktəb yaratmaq ucalığına yüksəlməsə də
intibaha gedən yolu rövnəqləndirmiş, Dədə Qorquddan üzü
bəri gələnlərin oyanışını istiqamət vermişdir. Şah Xətai klassik
və xalq şeiri üslubunda olanları düşüncəsində təkrarlamaqla,
bir türk oğlu olaraq milliliyin aparıcı yerə çıxmasının
gərəkliyini bir dövlət xadimi, təriqət şeyxi, yaradıcı kimi dərk
202
etmiş və buna üstünlük vermişdir. Məhz bu səbəbdəndir ki,
“XVI əsrdəki Azərbaycan türk ədəbiyyatının bədii yüksəkliyi,
vertikalı Füzuli ilə ölçülürsə, dil və yaradıcılıq ünsürləri
vasitəsilə və içərisinə də aldığı bədii və lisani komponentlərin
genişliyi, horizontal meyarı Xətai ilə təmsil olunur.
XVI miladi əsrdən sonra Füzulinin açdığı cərəyan ilə
Xətainin başladığı cərəyan gah birləşərək, gah bir-birinin
üstündə yerləşərək, hər halda eyni feodal ədəbiyyatı çərçivəsi
daxilində inkişaf etmişdir” (31, 332). Əlbəttə biz bu inkişafın,
gedən proseslərin arasına sərhəd çəkmək qənaətində deyilik,
məqsədimizdə olan türk şeir ənənsinin, klassik ənənə dediyimiz
əruz vəzninin ümumi inkişaf tendensiyasını, milli düşüncə
qaynağının qoruyuculuq missiyasını, bədii-estetik dinamikasını
bir bütöv olaraq izləməkdir. Bu müqayisələrdə bizim
məqsədimiz heç də bu böyüklərin, “sözün sidq ilə qədrini
artıran”ların arasında sərhəd yaratmaq, yaxınlıqdan çox ayrılma
xətlərini tapmağa üstünlük vermək deyildir, çünki belə yolun
tutulması işin, poetik axının inkişafının nəzəri açımına
maneələr yaratmaq, işi dolaşdırmaqdır. Əksinə bunların
ilahidən pay ola biləcək yaxınlığı var, etnosa, bəşər siviliza-
siyasına xidmət etmə və nümunə olma istəyi faktlaşır və bu
xətdə bunlar daha çox yaxınlaşır, biri digərini tamamlayırlar.
“Füzulinin açdığı cərəyan” və “Xətainin başladığı cərəyan” nə
idi və özlüyündə mahiyyətində nələri ehtiva edir, məhz
məsələnin bütünlükdə ortaya qoyulacaq sistemi buradadır və
“Füzulinin açdığı cərəyan” özlüyündə islam düşüncəsindən
gələnlər, müəyyən mənada özününküləşmələr, Musa
Şəhavətdən, Qətran Təbrizidən, X.Şirvanidən, N.Gəncəvidən
ötürülənlər, ayrı-ayrı əsrlərin dönəmlərindən ana dilində
yazmaya meyllənmələr və İ.Nəsimidə, Q.Bürhanəddində
203
qəliubləşənlərdi. Füzuli klassik şeirin bu sistemdə ucalığını
əlçatmazlığa yüksəltməklə onun yaxın zaman üçün mərhələ
təsəvvürünün üstündən xətt çəkdi. Bədii düşüncə artıq zamanın
təlatümlərində bu ucalıqla bütün sistemlərdə olduğu kimi,
böhran mərhələsinə doğru üz tutdu. Qurbaninin isə bu əsrdə
uğuru həmin zirvənin sonrakı narahatçılığı, tənəzzülü
timsalında milli yaddaşın oyanışına yol açdı. Ş.İ.Xətainin
təriqət düşüncəsində, siyasi hakimiyyətin nüfuz dairəsində,
nəslin genetik taleyində qorunanlardan yararlanmaqla birləşdi
və yaranmış vəziyyətdən yeni üçün istifadə etdi.
Ay ağalar, bu dünyanın üzündə,
Təzəcə açılan güllər sevinsin.
Bir başı çalmalı, xumar gözlünün,
Zülfünü dağıdan yellər sevinsin.
Gəlsin bahar fəsli, açılsın yazlar,
Göllərə tökülsün ağ quba qazlar,
Bəyzadə oğlanlar, xanzadə qızlar,
Yar ilə danışan dillər sevinsin. (67, 21)
Və yaxud da yüksək poetik sistemin mükəmməlliyi
timsalında digər bir nümunəyə də diqqət yetirək.
Sağdan vurdu, soldan çıxdı sağ əlim,
Sağ qoşundu, sol ləşkərdi, sağ ələm,
Nagümanam mən bu dərdən sağalam,
Təbib birdi, dərd minbirdi, yara yüz. (67, 6)
Təkrar bir də Ə.Abidin fikrini misal gətiririk və “Kərəm
Şərqi Oğuz türkcəsinin heca sahəsində yetişdirdiyi Füzulisidir”
204
qənaətini biz Qurbanidə elə o səviyyədə görür və müşahidə
edirik. Demək Füzulinin klassik üslubda etdiklərini Qurbani elə
həmin dövrdə xalq şeiri ənənəsində yaradırdı. Daha doğrusu,
bir aşıq, el şairi olaraq, sonrakı inkişafa, Vaqif intibahına zəmin
hazırlayırdı. Ş.İ.Xətai qafiyəsi (fonopoetik, morfopoetik, sin-
taktik sistemi) ilə Qurbani qafiyəsi arasındakı fərqliliklər bütün
parametrlərdə mükəmməllik dərəcəsinə görə seçilir. XVI əsr
xalq şeir ənənəsinin horizontal meyarı Qurbanidə daha da
mükəmməlləşir.
Bu gün ələ almaz oldum mən sazım,
Ərşə dirək-dirək çıxar avazım,
Dörd şey vardır bir qarındaşa lazım,
Biri elim, biri kəlam, bir nəfəs, bir saz. (84, 9).
Və yaxud da gəraylı formasında bir nümunəyə diqqət
yetirək.
Dil ilə dərvişlik olmaz,
Halı gərək yol əhlinin.
Arilərin hər çiçəkdən,
Balı gərək yol əhlinin!
Keçmək gərək dörd qapıdan,
Qurtulasan mürəbbidən,
Mürəbbidən müsahibdən,
Əli gərək yol əhlinin!. (84, 33).
Bu gün Vaqifəqədərki, xalq şeiri ənənsinin inkişafında
diqqət yetirilməli problemlərdən birisi ədəbi arenada tez-tez
Dostları ilə paylaş: |