229
sarayında reallaşdı. Siyasi və mədəni mühit Vaqif istedadını,
onun sənət qüdrətinin imkanlılığını və əlçatmazlığını dərk etdi,
bütün təfərrüatları ilə yaşadı. Təkcə Qarabağ ədəbi-mədəni
mühiti deyil, bütünlükdə Azərbaycan poeziyası Vaqif ruhuna
kökləndi. XVIII əsrdən başlayan bu oyanış XIX əsrdə ciddi
mündəricə və məzmun sxemləri ilə özünü göstərdi. Gəraylı,
qoşma, təcnis, divani, müxəmməs, deyişmə kimi xalq şeiri
şəkilləri, eləcə də klassik ədəbiyyatın formaları yeni düşüncə
təzahürləri, janr texnologiyası ilə zənginləşdi. Folklorşünas
P.Əfəndiyev “Molla Pənah Vaqif və Molla Cümə”adlı
məqaləsində bir məqamı xüsusi olaraq vurğulayır. O yazır:
“Molla Pənah Vaqif klassik Azərbaycan ədəbiyyatının orta
əsrlərdə yetişdirdiyi nadir simalardan biridir. Doğrudur,
kökündə, mənbəyində Azərbaycan aşıq sənətinin ənənələri
dayanır. Ancaq unutmayaq ki, Vaqif klassik şeir üslubunu çox
heyrətlə aşıq sənəti ənənələri ilə qovuşdurmuşdur. Onun
ədəbiyyatımız,
mədəniyyətimiz
tarixində
ən
böyük
xidmətlərindən biri də budur. Məsələn, Vaqif də müxəmməs
yazıb, Molla Cümə də. Vaqifin müxəmməslərinin ayaqları
klassik şeir üslubunda bərkiyib. Molla Cümənin müxəmməsləri
isə saz havaları üstündə qurulmuşdur. Çox zaman hər iki
sənətkar eyni rədif üstündə müxəmməslərini düzüb-qoşurlar”
(38, 309). Əlbəttə, bu iki ustadın, böyük şəxsiyyətin
yaradıcılığının müqayisəli şəkildə izlənməsi, bağlantılarının
M.P.Vaqif kontekstində saf-çürük edilməsi mətn proyeksi-
yasını, XVIII əsrin böyük şəxsiyyəti Vaqif təsirindən gələnləri
aşkarlamaq üçün ciddi imkanlar yaradır. Folklorşünas alimin
belə müqayisələri bizi həmin xəttin daha da inkişafına
istiqamətləndirir. Çünki burada janrın sxematik sisteminin
hansı istiqamətə meyllənməsi Vaqifə qədər olanların və
230
Vaqifdə yaşayanların sonrakı mərhələdə hansı səviyyədə boy
göstərməsi özlü bir ciddi problemdir. Aşıq Hüseyn
Şəmkirlinin, Aşıq Alının, Şair Məmmədhüseynin, Aşıq
Ələsgərin, Aşıq Hüseyn Bozalqanlının, Şair Vəlinin, Molla
Cümənin yaradıcılığında görünən təsir faktları bir xətdə və əsas
olan kimi aşıq sənətinin klassikasına yönəlirsə və qaynağını
oradan alırsa, digər xəttə Vidadi və Vaqiflə bağlanır. Düzdür,
biz Vaqifin müxəmməs müstəvisində klassik ədəbiyyatdan
yararlanması ilə Molla Cümənin müxəmməsləri arasında
olanların birləşdirici, fərqlilik və özünəməxsusluq çalarlarını
qəbul edirik. M.V.Vidadi də, M.P.Vaqif də, Molla Cümə də öz
bədii düşüncəsində ruh etibarilə elat mədəniyyətinə dayanır və
qaynağını oradan götürür. Harada olmasından, hansı müstəvidə
düşünməsindən asılı olmayaraq M.V.Vidadi / M.P.Vaqif /
M.Cümə sənət genetikası baxımından bir xətdə sıralanırlar.
Çünki “Vaqif Azərbaycanın aşıq sənətinin ənənələri üzərində
pərvəriş tapmışdır. Onun bütün şeirləri öz köklərini Azərbay-
can aşıqlarının şeirlərindən götürür. Beləliklə, Vaqif böyük
ustad sənətkar, müəlim kimi formalaşmışdır. Bunun ikinci bir
tərəfi də var. Azərbaycan aşıq sənətinin ənənələrindən güc-
qüvvət alan Vaqif sonralar özündən sonra yetişən aşıqların, ən
böyük ustadları da daxil olmaqla ustadı olmuşdur. Vaqifdən
sonra elə bir Azərbaycan aşığını tapmaq olmaz ki, o, böyük
sənətkarın yaradıcılığından bəhrələnməmiş olsun” (38, 295).
Burada digər və həm də kifayət qədər ciddi olan məsələ
M.V.Vidadinin və M.P.Vaqidifn mövcud düşüncədə olan
klassik ədəbiyyat, xalq ədəbiyyatı və aşıqa yaradıcılığı arasında
qəlibləşmiş təsəvvürləri sındırması və onlar arasında bağlılıq-
ların formulasını müəyyənləşdirə bilməsidir. Daha doğrusu janr
sxemlərindəki sərhədləri sındırmasıdır. Məhz bu səbəbdən də
231
Vaqif klassik Azərbaycan ədəbiyyatı üçün hansı səviyyədə
dayanırsa, xalq düşüncəsinə, aşıq ədəbiyyatına yaxınlıq və təsir
müstəvisində də eyni ucalıqdadır.
Vaqif:
Qaməti mövzun ilə bir sərvi-gülşənsən, gözəl
İki dünyanın səfavü zövqünə təksən, gözəl
İtməyə gözdən, könüldən ayrısan gensən, gözəl
Fikri, zikri dediyi danışdığı sənsən, gözəl
Mayil olmaz hər yetən göftarə, gördüm Vaqifi. (89)
Molla Cümə:
A gəlin, yoxdur ayıb
Qaş kirpiyin gözün gözəl.
Dil gözəl, dodaq gözəl
Yanaq gözəl, üzün gözəl.
Xoy gözəl, qılıq gözəl
Söhbət gözəl, sözün gözəl.
Boy gözəl, buxun gözəl
Qamət gözəl, özün gözəl.
A gəlin oxşar canın
Yağmış təzə qara gəlin. (27, 264)
Vaqif bütün yaradıcılığı ilə orta əsrlərdən ağır-ağır
irəliləyən və onun siyasi sistemində sıxışdırılaraq zamanını
gözləyən milli intibahın faktıdır. Y.Əmrədə, Molla Qasımda,
Ş.Q.Ənvarda, Ş.İ.Xətaidə, M.Füzulidə, M.Əmanidə boy
göstərən milli mədəniyyətin yaddaş modelləri (burada təkcə
janr nəzərdə tutulmur) M.V.Vidadi və M.P.Vaqif qovuşuğun-
da bütün mahiyyəti ilə ciddi məzmun qazandı. Ozandan,
sazdan gələnlərlə yazı düşüncəsində olanların ortaqlıq
232
sxemlərini müəyyənləşdirdi və bunu birmənalı olaraq
ədəbiyyata təqdim etdi. Mövcud dünya düzənində intibahın
tipologiyası onu deməyə əsas verir ki, bunlar birxətli və
birmənalı olmayıb, vahid məcradan qidalanmır şərait və
zərurətlər bunu reallaşdırır. M.V.Vidadinin və M.P.Vaqifin
istedadı Füzulidən sonrakı enməni əvəzləyəcək və mövcud
boşluğu tamamilə milli sxemlərlə nizamlayacaq konsepsiyanı
yaratdı. M.P.Vaqif “Koroğlu”da, “Əsli və Kərəm”də, “Aşıq
Qərib”də, “Tahir və Zöhrə”də, “Abbas və Gülgəz”də yaşanan
məzmunun mahiyyət ifadəsidir.
Burada diqqəti cəlb edən çox ciddi məqamlar var ki,
XVIII və XIX əsrdə ədəbi-mədəni məkan tərəfindən dərk və
təqdimlə reallaşır. Vaqif və Vidadinin deyişməsinin mahiyyəti
şəxsi məsələlərdən çox-çox uzaqda daha ciddi və daha əsaslı
məsələlərlə, həyat hadisələrinə münasibətdən başlamış “cifeyi-
dünyayə” qədər olanları əhatələyir. Bədii-estetik layın axarı və
görünüşü burada bir laydır və hamısı onunla reallaşır. Hətta
bəzən bu istiqamətdə fikrin bölüşməsi, mövcud bədii məkanda
olan şeir formalarının işlənmə zərurəti və səbəbi də göstərilir.
Bunlar sırf bədii-estetik düşüncəyə, elmi-nəzəri düşüncənin o
dövrdəki mənzərəsinə hesablanmışdır.
Vaqif:
Müxəmməs deməyin seyrəklənibdir,
Bayatıda zehnin zirəklənibdir,
Qocalıbsan qəlbin kövrəklənibdir,
İşdən-gücdən olub bekar ağlarsan.
Vidadi:
Gəl danışma müxəmməsdən, qəzəldən,
Şeiri-həqiqətdən, mədhi-gözəldən,
Dostları ilə paylaş: |