237
Piri ilə də yazışmalarında özünü göstərirdi. Ümumiyyətlə,
Vaqiflə Vidadi yaradıcılığı bu müstəvidə ciddi faktura ilə
səciyyələnir. “Ağlarsan” deyişməsi ilə özünün mükəmməl-
liyini, klassikasını ortaya qoyur. Burada kifayət qədər
rəngarənglik, məzmun əhatəliliyi, struktur mükəmməlliyi,
poetik sistemin texnoloji özünəməxsusluğu vardır. Dini və
dünyəvi elmlər, islam fəlsəfəsi, müqəddəs kitabımız “Quran”-
dan gələnlər, türk mifologiyası, islam tarixi, tarixi hadisələr,
fiqh, kəlam, şeir nəzəriyyəsi, xalq poeziyasında, aşıq yaradı-
cılığında olanlar bir tərəf kimi müxtəlif səviyyələrdə özünə yer
alır. Msələn, bayatı, müxəmməs haqqında səhih bilgilər verilir
və burada onu da əlavə edək ki, bayatı və müxəmməsin bir
forma olaraq vurğulaması təsadüfün hadisəsi deyildir.
Vaqif:
Yetmişində ki, belə nəm gələ gözə,
Kəsməyə arasın, baxmaya sözə,
Ol zaman ki, yaşın yetişər yüzə,
Gəl gör onda nə bişümar ağlarsan.
Vidadi:
Sarı Çobanoğlu gəlsin yanına,
Axund deyə canın qatsın canına,
Xanın şövkətinə, sənin şanına,
O yaxşı müxəmməs düzər, ağlarsan. (89, 212)
M.V.Vidadi ilə M.P.Vaqifin bu deyişməsi ayrıca tədqi-
qatları zəruri edir, onun mətn informasiyası məzmun yaratmada
təkcə formul baxımından əhəmiyyət daşımır, həm də onun
ifadə etdiyi rəngarənglik müxtəlifliyi ilə, bütünlükdə dövrün
238
problemlərini, mifik yaddaşını, tarixi mənzərəsini, türk mifo-
logiyasını, Şərq mədəni sistemində olanları, təriqət dünya-
görüşünü və s. öyrənmək baxımından əhəmiyyətlidir. M.P.Va-
qifin şeirləri əksini tapan mənbələrdə, məsələn, M.Y.Qarabaği-
nin “Məcmueyi-Vaqif və müasirini digər” məcmuəsində bu
deyişmə 58 bənddən, M.M.Nəvvabın “Təzkireyi-Nəvvab”ında
47 bənd, F.Köçərlinin “Azərbaycan ədəbiyyatı”nda 34 bənd,
M.P.Vaqifin “Əsərləri”ndə 92 bənddən ibarətdir. Məsələ bu
deyişmənin mahiyyətində nələrin olması, dövründə və sonrakı
dövrdə ədəbiyyatda oynadığı rolla bağlıdır. Çünki bu deyişmə
elə əhatəli məzmuna, poetik sistemə malikdir ki, mükəmməlliyi
ilə bütünlükdə yazılı və şifahi düşüncəyə, ədəbi prosesin özünə
təsir etmişdir. Burada iki böyük Azərbaycan şairinin
dünyagörüşünü, həyata baxışını, fəlsəfi mühakimələrini, təriqət
düşüncəsini, siyasi sistemə, din tarixinə və dinin ayrı-ayrı
böyük şəxsiyyətlərinə münasibəti öyrənirik. Ona görə də
M.P.Vaqiflə M.V.Vidadinin bu deyişməsi geniş mahiyyətli
hadisədir. Təəssüf ki, ədəbi-nəzəri fikir bu deyişməni lazımınca
açmamış, bəzi məqamlarına diqqət yetirməklə işini bitmiş
hesab etmişdir. F.Köçərli yazır: “Möhtərəm oxucularımız
yuxarıda dərc olunan şeirlərə diqqət yetirsələr, Vaqif ilə
Vidadinin təbiət və xasiyyətlərində olan təfavütü özləri təmyiz
edə bilərlər.
Vaqif üçün dünyanın əzabı da toy-bayramdır. O cəhətə
Vidadiyə irad tutub deyir ki, sənin kimi oğlana yaraşmaz hər
şeydən ötrü könlünü qəmli və xatirini qübarlı edib ağlayasan.
Necə ki, cəsədin candan cüda olmayıbdır, bu dünyanın beş
günlük zindəganlığını qənimət bil və özünü xandan və
sultandan artıq və mükərrəm tut.
239
Vidadi isə Vaqifə deyir ki, çox yan baş-ayaq atma. Yəni
bihudə söyləmə: ağlamaq məhəbbətdəndir və şikəstəxatirlik
mərhəmətdəndir. İnsanda gərəkdir vəfa, məhəbbət və mürüvvət
olsun. Səndə ki, bunlardan bir əsər yoxdur, “fəlyəzhəku”
ayəsini oxuyub anlamayıbsan və yarü həmdəm firqətin
çəkməyibsən. Əgər ağlamaq ləzzətini bilsəydin, nuri-bəsər
gedincə
ağlardın”
(60,
206-207).
Əlbəttə
böyük
ədəbiyyatşünasın dediyi kimi, Vidadi dünyagörüşü və həyata
baxışı ilə Vaqif şeirlərindəki yanaşmanı son şeirləri nəzərə
alınmazsa böyük fərqliliklə nəzərə çarpır. Biz nə qədər şəxsi
münasibət zəminində yaxınlıqdan, ruh anlamında möhkəm
bağlılıqdan, Vidadini Vaqifin bir ağsaqqal kimi uca tutma-
sından və onu özünün ağsaqqalı hesab etməsindən danışsaq da
yenə bir nəticəyə gəlirik, bu da həyat münasibətlərindəki
fərqlilikdir. Bu fərqlilik onların “məhəbbətində”, “şikəstə-
xatirliy”indədir. Doğurdan da, Vidadidə “ağlamaq məhəbbət-
dəndir və şikəstəxatirlik mərhəmətdəndir” deməsindədir.
Vaqif:
Ta cəsədin cüda olmayıb candan,
Bil özünü artıq paşadan, xandan,
Qəriblik, ayrılıq nədir ki, ondan,
Bu qədər çəkibən azar, ağlarsan!
Vidadi:
Ağlamaq ki, vardır, məhəbbətdəndir,
Şikəstəxatirlik mərhəmətdəndir,
Əsil bunlar cümlə mürüvvətdəndir,
Olsa ürəyində betər ağlarsan! (89, 208)
240
Bu mətnin verdiyi informasiya Vidadinin həyat fəlsə-
fəsini, dünyanın bütün zamanları üçün pozulmuş nizamını
çatdırmağa və ona etiraza hesablanmışdır. Vidadinin ağlama-
ğının kökündə böyük məhəbbətin zalımlar əlində sarsıdılması,
Vaqifin “hər nə gördüm əyri gördümü” dayanır və Vaqifin bu
nəticəyə gələnə qədərki qənaətlərini Vidadi çox-çox əvvəl dərk
eləmişdi və o, sarsımış məhəbbətinin ağlamağını yaşayırdı.
Diqqət yetirdikdə tam aydınlığı ilə görünən bir həqiqət var ki,
Vidadi ağlamağının, şikəstəxatirliyinin əsasında məhəbbət
dayanır və özü də aydın şəkildə vurğulayır ki, “bütün bunlar
cümlə nürüvvətdəndir”. Onu da əlavə edək ki, “əgər öz
filosofanə kədəri ilə XVIII əsrin kədərli lirikasını yaratmışsa,
Vaqif öz coşqun nikbinliyi ilə ədəbiyyat tariximizdə ən
görkəmli bir sima olaraq yüksəlmişdir.
Vaqif dövrün yeni şeir üslubunu yaratmışdır. Lakin
klassik şeir formasından da tamamilə əl çəkməmişdir. O,
klassik şeirin müxtəlif formalarında əsərlər yaratmışdır. Ancaq
hər hansı formada yazırsa-yazsın, bütün əsərlərində, istər
hadisələrin təyini, müşahidəsi və ifadəsi etibarilə, istərsə
yürütdüyü ideya etibarilə, Azərbaycan xalqının doğma ruhuna
sadiq qalmışdır” (73, 286). Vaqif və Vidadi XVIII əsr
Azərbaycan ədəbi-mədəni mühitinin qoşa qanadı, vuran
ürəyidir. Onlar ikisi bir bütövdür, bədii məkanda biri digərini
zaman və məkan, poeziyanın ruhu anlamında tamamlayır. Bu
iki böyük şəxsiyyətin eyni dövrə düşməsi və bağlantılarının
olması, hər ikisinin də “könlünü sazlar elində bəsləməsi” məhz
belə bir mühitin yaranması üçün əsas olmuşdur. Ən əsas, ən
başlıca olanı isə M.H.Təhmasibin dediyi kimi, “Azərbaycan
xalqının doğma ruhuna sadiq qalmışdır” məsələsidir. Burada
vurğulanmalı və axıra qədər açılmalı olan dövrün yeni şeir
Dostları ilə paylaş: |