233
Sənin ki, halını biləm əzəldən,
Elə deyib canan, dilbər, ağlarsan. (89, 212).
M.P.Vaqif yaradıcılığı öz mahiyyəti, imkanlılıq, bədii
sistemin mükəmməlliyi baxımından bədii formanın sərhəd-
lərinin genişlənməsi ilə də səciyyələnir. Yəni onun şeirlərində
özünü göstərən forma sistemi təkcə klassik şeir tipologiyasında
qalmayıb sazın ümumi ruhuna da bağlanmaq baxımından
təkamüllə nəzərə çarpır. Müxəmməsin bir forma olaraq həm
klassik ədəbiyyatda, həm də xalq şeiri ənənəsində özünə yer
alması və sazda bu adla olacaq havacatın yaranmasına səbəb
olmuşdur. Folklorşünas M.Həkimov aşıq şeir şəkillərinin
oxunduğu saz havalarında “Baş müxəmməs”, “Orta müxəm-
məs”, “Ayaq müxəmməs” havalarını qeyd edir və vurğulayır
ki, müxəmməs şeir şəkli üzərində qurulmuşdur. Eyni zamanda
onu da vurğulayır ki, bu ümumi ruhu etibarilə gözəlləmə
xarakterlidir. Tərtib olunmuş cədvəldə “Baş müxəmməs”in və
“Ayaq müxəmməs”in yaradıcısı Dədə Qorqud göstərilir. “Orta
müxəmməs”də havanın yaradıcısı göstərilmir. Onu da əlavə
edək ki, bu havaların cədvəli Aşığ Ağayarın, Aşıq Nəcəfin və
Aşıq Talıbın dedikləri əsasında işlənmişdir. Yeri gəlmişkən bir
məsələni də qeyd edək ki, cədvəldə göstərilən “Dastanı”
havasının yaradıcısı M.P.Vaqif qeyd edilir (46, 524-526).
Əlbəttə bu qeydlər özündə ciddi mülahizələri, gərəkli
aydınlaşmaları zəruri edir, çünki hər iki fakt olduqca
əhəmiyyətli və müəyyənləşməli məsələdir. Dədə Qorqud adı ilə
havanın mövcudluğu və “Ayaq müxəmməs”, “Baş müxəm-
məs” havalarının onun adına bağlanması özlüyündə hansısa
dolaşıqlıqdan çox, ola biləni işarələyir. Çünki qarşımızda
böyük mədəniyyat, ozan yaradıcılığı var, yüz illər boyunca bu
234
mədəniyyət bir lay olaraq türkün ruhunun faktı kimi
qiymətləndirilibdir. “Kitabi-Dədə Qorqud”un müqəddimə-
sindəki “eldən-elə, bəydən-bəyə ozan gəzər” informasiyası,
eləcə də dastanın müqəddiməsində vurğulanan “haq-taala onun
könlünə ilham edərdi” məsələsi və Oğuz elində ozana verilən
qiymət bütün parametrlərdə bizə onunla bağlı müəyyən sənət
meyar və ölçülərinin gəlməsini düşünməyə əsas verir.
“Baybura oğlu Bamsı Beyrək boyu”nda Beyrəyin bacısının
dediklərinə diqqət yetirək:
Qarşı yatan qara dağım yıxılıbdır,
Ozan, sənin xəbərin yox.
Kölgəlikdə qaba ağacım kəsilibdir,
Ozan, sənin xəbərin yox.
(Ürəyimdə qara bağrım dəlinibdir,
Ozan, sənin xəbərin yox.)
Dünyəlikdə bir qardaşım alınıbdır,
Ozan, sənin xəbərin yox.
Çalma, ozan, ayıtma ozan.
Qaralıca mən qızın, nəsinə gərək ozan?
İlə gündə düyün var, düyünə varıb ötgil, ozan! (58, 63)
Göründüyü kimi, Dədə Qorquddan M.P.Vaqifə və
M.V.Vidadiyə gələn yollar etnosun tarixi keçmişi, mövcudluğu
və yaddaş sınırları ilə bağlı məsələlərdir. Həm də daha çox
köklü problem kimi önəm daşıyır. Ona görə də M.P.Vaqif
yaradıcılığı özlüyündə milli yaddaşın elə bir hadisəsidir ki,
buradan keçmişə və sabaha baxmaq, olanları və olacaqları
düşünmək olur. Çünki onda hardasa milli-mənəvi dəyərlərin
qoruyuculuq missiyasından uzaq element, yad təsir, çalar və
235
ifadə yoxdur, əksinə hamısı bunun daha təfərrüatlı daşınışına
hesablanmışdır. Biz yuxarıda mətndə ozanın Oğuz eli boyu
yetirdiyi funksiyanı, yaratdığı mədəniyyətin nələrlə əhatələn-
diyini görürük və belə mədəniyyətin isə sxemlərinin hansısa
yad olanın təsiri və ayaqları altında pozulması və dağılması
mümkünsüz idi. M.P.Vaqif də bu yola məhz o zənginlikdən
çıxmışdı. Ona görə də Vidadi ilə deyişmələri, Ağqız oğlu Piri,
Sarı Çobanoğlu ilə münasibətləri həmin zəngin laya bağlanır.
S.Vurğun da bu məsələ üzərində dayanaraq “könlünü bəsləmiş
sazlar elində” deyir. Görkəmli ədəbiyyatşünas F.Köçərli xüsusi
olaraq vurğulayır ki, “bu halda Molla Vəli Vidadinin və
Vaqifin vəfatından yüz ildən ziyadə vaxt keçibdir. Hər ikisi
bizim möhtərəm, milli şairimiz və ədəbiyyatımızın banisidir.
Əşarü kəlamları mövzun, təbləri rəvan, dilləri açıq və sadə”
(60, 215). F.Köçərli Azərbaycan ədəbiyyatının inkişaf tarixi və
keçib gəldiyi yol timsalında Vaqif və Vidadinin yaradıcılığına
münasibətini bildirir və milli şair, ədəbiyyatımızın banisi
olaraq qiymətləndirir. Onu da əlavə edək ki, bu qiymət-
ləndirmə, ədəbiyyatımızın banisi olma qənaəti sırf milliliyə
hesablanır və bütün olanlar, ədəbiyyat tarixi timsalında qeyd
olunur. Məsələ XIX əsrin sonu XX əsrin əvvəllərinin ədəbi
baxışları, yanaşmaları, bütünlükdə ədəbiyyata baxışları
səviyyəsində bildirilir. S.Mümtazın, H.Zeynallının, Ə.Abidin,
Ə.Müznibin, Y.V.Çəmənzəminlinin, S.Hüseynin və başqa-
larının münasibətində də belə yanaşmalar müşahidə olunur.
Onların hər birisi millilik müstəvisində məsələyə yanaşır. Vaqif
və Vidadi təkcə formal baxımından deyil, bütünlükdə ruhu,
məzmunu ilə ilk sözündən sön sözünə qədər milli olanlara,
etnosun dəyərlərinə köklənmiş və oradan ucalmışdır. F.Köçərli
də bunlardan çıxış edərək milli şairimiz, ədəbiyyatımızın banisi
236
adlandırır. Vaqif və Vidadi məhz bu olanların üzərindən
ucalmaqla “Kitabi-Dədə Qorqud”a, “Koroğlu”ya, “Aşıq
Qərib”ə, “Abbas və Gülgəz”ə bağlanır və onun gücü bu
mədəniyyətə köklənməkdə, ona sahib durmaqdadır. Vaqiflə
Vidadinin poetik təfəkkür texnolojisi elə bir sistemə,
mükəmməl struktura hesablanmışdır ki, onun ümumi sxem-
lərinin mahiyyəti etnosun milliliyinə və mövcudluğuna bağla-
nır. Ona görə də bu iki böyük şairin XVIII əsrin təfəkkür
bətnində zühuru bütünlükdə tarixi prosesin hadisəsi olaraq
reallaşır. Bir istiqamətdə Ə.Yasəvi, Y.Əmrə, Ş.İ.Xətai ilə
bağlanırsa, digər xətdə daha güclü olanla, şifahi ədəbiyyatla
süslənir. M.P.Vaqif və M.V.Vidadi bunların ortaqlıq
nöqtələrindən boy göstərir.
“Ağlarsan” deyişməsi. Vaqif və Vidadi yaradıcılığının
mahiyyəti, ümumi məzmun sxemləri, bütövlüyü və bədii-
estetik funksiyası daha çox bu deyişmədə özünü göstərir.
Deyişmə bir forma olaraq aşıq yaradıcılığının hadisəsidir.
Ustad sənətkarlar bu formadan sənətin ümumi prinsiplərinə
uyğun yararlanmış və ondan özünəməxsusluqla istifadə
etmişlər. Lakin aşıq yaradıcılığındakı deyişmə ilə M.P.Vaqif və
M.V.Vidadinin deyişməsi arasında bərabərlik işarəsini yüzə-
yüz qoymaq olmur. Bu iki böyük ustad aşıq yaradıcılığından
gələnlərlə ədəbiyyatı yeni istiqamətdə zənginləşdirdi. Daha
doğrusu, yazı düşüncəsində ona yeni məzmun verdi. Əlbəttə
bu o demək deyildir ki, tamamilə fərqli bir janr və düşüncə
modelini ortaya qoymuşlar. Burada olandan, yəni aşıqların
yaradıcılığında gələnlərdən yararlanmaqla klassik ədəbiyyat
nümunəsini ortaya qoydular və bütünlükdə yaradıcı mühitə
bununla da uğurlu, həm də orijinal bir formanı təqdim etdilər.
Əlbəttə bu forma digər müasirləri Sarı Çobanoğlu, Ağqız oğlu
Dostları ilə paylaş: |