= 51 =
də məni həddən artıq tə’rifləməyin! Mən sadəcə olaraq
bir bəndəyəm. Mənə Allahın qulu və Allahın Rəsulu
deyin” (Buxari – 3261, Əhməd – 1/23).
Ömər daha sonra demişdir: “Peyğəmbər əleyhis‐
səlam buyurmuşdur: – Məbadə həddinizi aşasınız.
Sizdən əvvəlkiləri həddini aşmaq məhv etmişdir”
(Əhməd – 1/215).
Müslim (2670) isə İbn Məs’uddan rəvayət etmişdir
ki, Rəsulullah (s.s) belə demişdir: “Həddən artıq xır‐
daçılıq edənlər də məhv olmuşlar”. Peyğəmbər bunu
üç dəfə təkrar etmişdir.
Bu fəsildə aşağıdakı məsələlər əhatə olunmuşdur:
1. Bu fəsli, habelə bundan sonra gələn iki fəsli başa
düşən adama İslamın o biri tərəfinin görünməsi; o
adamın Allahın qüdrətinə və onun insanların qəlbini
istədiyi anda alt‐üst etməsinə (onları öz fikirlərindən
döndərməsinə – Ə.Ə.) heyran olması;
2. Yer üzündə ilk şirkin əməlisaleh adamların
Allaha bənzədilməsindən baş verməsi;
3. Peyğəmbərlərin dinini dəyişdirən ilk şey; pey‐
ğəmbərləri Allahın özünün göndərdiyi bilindiyi halda
buna səbəb nə idi?
4. Şəriətin və təbiətin bid’ətləri (yenilikçilik, qon‐
darmaçılıq, küfr – Ə.Ə.) rədd etməsi ilə yanaşı onların
qəbul olunması;
5. Bütün bunlara haqqın batillə qarışdırılmasının
səbəb olması. Bunlardan birincisi əməlisaleh adamlara
olan məhəbbət, ikincisi isə elm və din adamlarından
bə’zilərinin yaxşılıq etmək məqsədilə etdikləri bir
şeyin onlardan sonrakılar tərəfindən başqa cür başa
düşülməsidir;
= 52 =
6. Nuh surəsindən bir ayənin təfsiri;
7. İnsan qəlbində haqqın azalıb nahaqqın artmasının
onun xislətində olması;
8. Bu fəsildə sələflərdən gəlmiş belə bir fikrə sübut
var ki, bid’ətlər küfrə səbəb olur (belə ki, o, İblisə
Allaha asi olmaqdan daha əzizdir; çünki asiliyə görə
bağışlanmaq olar, bid’ətə görə isə yox);
9. Bid’ət işlətmək istəyənin niyyəti yaxşı olsa belə,
bid’ətin şeytana aid bir şey olması;
10. Hər hansı bir işdə həddi aşmağın (ifrata var‐
mağın) qadağan olmasının ümumi bir qayda olması və
nəyin həddi aşmaq olması;
11. Yaxşı bir iş görmək (ibadət etmək – Ə.Ə.) məqsə‐
dilə qəbir üstünə çox gedib‐gəlməyin zərəri;
12. Heykəl ucaltmağın qadağan olması və heykəl‐
lərin dağıdılmasının hikməti;
13. Bu hekayətin əhəmiyyətinin böyüklüyü və in‐
sanların ona çox ehtiyacları olduğu halda ondan qafil
olması;
14. Ən təəccüblü şey onların, yə’ni bid’ət əhlinin
özlərinin bu hekayəti hədis və təfsir kitablarında oxu‐
yub hərfi mə’nada başa düşməsidir. Belə ki, Allah
onların qəlbini özlərindən elə ayırmışdır ki, onlar Nuh
qövmünün etdiyi hərəkətin ən yaxşı ibadətlərdən biri
olduğuna, Allahın və Onun Rəsulunun qadağan etdiyi
şeyin isə insanın qanının tökülməsinə və malına qəsd
olunmasına icazə verən küfr olduğuna inanmışlar;
15. Onların bununla (bütlərə ibadətlə – Ə.Ə.) yalnız
şəfaət istəməsinin bəyanı;
16. Onların surət yaradan alimlərin də bunu istə‐
məsini zənn etməsi;
17. Peyğəmbərin “Xristianlar Məryəmin oğlunu
həddən artıq tə’riflədikləri kimi, siz də məni həddən
artıq tə’rifləməyin!” sözünün buna parlaq sübut
olması. Ona Allahın salavatı və salamı olsun ki, belə
aydın bəlağət dərəcəsinə çatmışdır;
18. Peyğəmbərin bizə həddən artıq xırdaçılıq edən‐
lərin (yaxud burnunu hər işə soxanların – Ə.Ə.) də
məhvi barədə nəsihət verməsi;
19. Heykəllərin sahibləri unudulmayınca heykəllərə
ibadət olunmadığının bəyanı. Burada tövhidin nə
vaxtadək mövcud olduğu və onun unudulmasının
zərəri də aydınlaşır;
20. Bu mə’lumatların unudulmasına onları bilən‐
lərin ölüb getməsinin səbəb olması.
NƏİNKİ BİR ƏMƏLİSALEH ADAMIN
QƏBRİNƏ, HABELƏ ONUN QƏBRİ
ÜSTÜNDƏ ALLAHA İBADƏT EDƏNLƏRƏ
CİDDİ XƏBƏRDARLIQ FƏSLİ
H
ədis kitablarında Aişədən (Allah ondan razı
olsun!) belə rəvayət olunur ki, Ümm Səlmə
Rəsulullaha (s.s) Həbəşistan torpağında gördüyü bir
kilsə və onun içindəki şəkillər haqqında danışmışdır.
Peyğəmbər onu dinləyib demişdir: “Onlarda bir yaxşı
adam, yaxud yaxşı qul öləndə onun qəbri üstündə
səcdəgah tikmək və orada şəkillər çəkmək adətdir.
Onlar bununla iki fitnəni – qəbirlərə ibadət etmək
fitnəsini və heykəl qoymaq fitnəsini birləşdirmişlər”
(Əhməd – 6/519, Buxari – 424, Müslim – 298).
= 53 =
= 54 =
Aişədən bu məzmunlu daha bir hədis rəvayət
olunur: “Peyğəmbərə (s.s) ölüm mələyi nazil olarkən o
öz xəmisəsini (zolaqlı paltarını, köynəyini) üzünə
çəkmişdi. Birdən canı sıxıldı və onu üzündən çəkib elə
uzanmış halda dedi: “Allah yəhudilərə və xristianlara
lə’nət eləsin ki, onlar öz peyğəmbərlərinin qəbirlərini
səcdəgaha çevirmişlər”. O bununla onların etdiklərini
etməməyə xəbərdarlıq edirdi. Bu xəbərdarlıq olma‐
saydı, o, açıq yerdə – əshabələrin dəfn olunduqları
qəbristanlıqda dəfn olunardı. Lakin qorxu vardı ki,
onun qəbrini səcdəgah edərlər...” (Buxari – 425,
Müslim – 531).
Müslim (521) isə Cündəb ibn Abdullanın belə dedi‐
yini rəvayət edir: “Mən Peyğəmbərin (s.s) vəfatından
beş gün əvvəl onun belə dediyini eşitmişəm: “İbrahimi
özünə xəlil (ən yaxın, sevimli dost – Ə.Ə.) seçən Allah
məni də seçdiyi kimi, ümmətimdən bir xəlil seçmək
ixtiyarım olsaydı, Əbu Bəkri özümə xəlil seçərdim.
Məbadə sizdən əvvəlkilər öz peyğəmbərlərinin qəbir‐
lərini səcdəgah etdikləri kimi siz də qəbirləri səcdəgah
edəsiniz; mən bunu sizə qadağan edirəm”. Göründüyü
kimi, o bunu ömrünün sonunda qadağan etdi. Həm də
o bunu edənləri ölüm ayağında lə’nətlədi. Qəbrin
yanında səcdəgah tikilmədən namaz qılınması da belə‐
dir. Aişənin “Qorxu vardı ki, onun qəbrini səcdəgah
edərlər” sözü bu mə’nadadır. Namaz qılmaq məqsə‐
dilə seçilən hər bir yer səcdəgah seçilmiş olur, axı
namaz qılınan hər bir yer məscid adlanır. Peyğəmbərin
(s.s) dediyi kimi: “Torpaq mənim üçün pak səcdəgah
buyurulmuşdur”.
Dostları ilə paylaş: |