Gülüstan müqaviləsi
45
Rus qoşunları Gəncə yaxınlığında olarkən yerli əhali canları və malları
üçün qorxduqlarına görə mal-qaranı sürüb Qarabağ xanlığı ərazisinə
aparmışdı. Sisianovun digər bir tələbi ondan ibarət idi ki, Gürcüstan
ərazisinə qaçıb gizlənmiş məlik Cəmşidin Qarabağda qalan oğlunu və ai-
ləsini Sisianova təhvil versin. Nəhayət, Sisianov Qarabağ xanından tələb
edirdi ki, nümayəndəsini və ya oğlanlarından birini danışıqlar aparmaq
üçün Sisianovun yanına göndərsin. Bu danışıqlarda Qarabağ xanının
hansı şərtlər daxilində Rusiya təbəəliyinə qəbul olunacağı müzakirə
edilməli idi (2).
Sisianov coğrafi şəraitinə görə Qarabağ xanlığını Azərbaycanın
(Cənubi Azərbaycan da nəzərdə tutulur) və bunun davamı kimi bütün
Fars dövlətinin qapısı kimi dəyərləndirirdi (3). Şimali Azərbaycan
xanlıqlarını işğal edib cənuba doğru irəliləmək və Qacar sarayının Şimali
Azərbaycan xanlıqlarına olan iddiadan imtina etməyə məcbur etmək
üçün Sisianov Qarabağ xanlığının işğalına böyük əhəmiyyət verirdi.
Bu işdə Sisianov ermənilərin fəliyyətinə xüsusi önəm verirdi. Hələ
bölgəyə gəlməmişdən əvvəl Rusiya çarı I Aleksandr da ona Şimali
Azərbaycan xanlıqlarının işğalında erməni elementlərindən istifadə edil-
məsini tövsiyə etmişdi. Rusiya çarı bildirirdi ki, ermənilər ticarətlə məş-
ğul olurlar və onlar Asiyanın bütün ticarətini öz əllərində cəm-
ləşdirmişlər. Çarın fikrincə, ermənilər Azərbaycan xanlıqları ərazisində
çox əziyyət çəkirlər və onların öz hökumətləri ilə təmin edilməsi yaxşı
olardı (4).
Qarabağ və İrəvan xanlığının işğalında erməni elementlərindən
istifadə edilməsi Rusiyanın işğal siyasətinin həyata keçirilməsində
Sisianovun işini xeyli asanlaşdıra bilərdi. Ancaq bölgəyə gəldikdən sonra
Sisianov əmin oldu ki, ermənilər nə İrəvan xanlığının, nə də Qarabağ
xanlığının ictimai-siyasi həyatında ciddi bir rola malik deyildirlər. Ona
görə də, bu xanlıqların gələcək statusunun müəyyənləşdirilməsini
Sisianov həmin xanlıqların xanları və onların övladları ilə
aydınlaşdırmaq məcburiyyətində qaldı.
İbrahim xan isə Rusiya təcavüzünün Qarabağ sərhədinə çatdığını gö-
rəndə Sisianovla əlaqə qurmaq məcburiyyətində qaldı. O rus generalına
məktub yazdı və Mirzə Məhəmmədəli adlı birisi ilə oni Siainova
göndərdi. İbrahim xan rus generalının hədə dolu məktubunun qarşısında
ona cavab yazmalı olsa da, Rusiya təbəəliyini qəbul etmək haqqında
konkret fikir bildirmədi. Bu da Sisianovun hədsiz qəzəbinə səbəb oldu və
o, imperiyapərəst yırtıcı mahiyyətini və insanlarla ünsiyyət
qabiliyyətsizliyini bir daha nümayiş etdirdi. Sisianova görə, İbrahim
xanın göndərdiyi məktubda məkr hiss olunurdu və ona görə qəzəblə
Mehman Süleymanov
46
bildirdi ki, İbrahim xan tərəfindən möhürlənmiş məktubu qəbul etmir.
Sisianov qəzəblə belə bir məktubun göndərilməsinin Qarabağ xanının qa-
nı bahasına başa gələcəyi ilə hədələdi. O, İbrahim xana çatdırırdı ki,
Qacar qoşunlarına ümid etməsin və rus silahının gücündən ehtiyatlansın.
Sisianovun yazdığına görə, rus silahının qarşısında Şuşa qalası da taqət
gətirməyəcəkdir. Ona yazdığına görə, bir vaxtlar Cavad xan da qalasının
möhkəmliyinə əmin idi. Amma rus qoşunları hər şeyi dağıtdı. Sisianov
bir daha həqarətli şəkildə özünü güclü adlandırır və ondan gücsüz olan
Qarabağ xanının isə ona tabe olmalı olduğunu bildirirdi. Bundan sonra
Sisianov əvvəlki məktubunda irəli sürdüyü şərtlərini bir daha
təkrarlayırdı.
İbrahim xan bu hədələrdən çəkinmədi və Sisianovun irəli sürdüyü
tələbləri yerinə yetirmədi. Onda Sisianov qərara aldı ki, mayor
Lisaneviçin rəhbərliyi altında Qarabağ xanlığı ərazisinə silahlı dəstə
göndərsin və silah gücünə öz tələblərini qəbul etdirsin. Mayor Lisaneviç
1804-cü il mart ayının əvvəlində silahlı dəstə ilə Qarabağa gəldi. Qarabağ
əhalisi rus dəstəsinin gəlməsindən xəbər tutanda mal-qaranı yaylaqlara
sürdü. Ona görə Gəncə əhalisinə aid edilən mal-qaranı Gəncəyə
qaytarmaq mümkün olmadı. Mayor Lisaneviçin gücü ona çatdı ki,
Qarabağ xanlığı ərazisindən bir sıra erməni ailəsini Gəncə ərazisinə
aparsın. Mövcud olan məlumatlara görə, mayor Lisaneviçin silahlı dəs-
təsi Qarabağ xanlığı ərazisində silahlı müqavimətlə də rastlaşdı (6).
1804-cü il may ayının əvvəllərində xanlıq ərazisində yenidən Qacar
qoşunlarının hücum edəcəyi barəsində xəbərlər yayıldı. Həmin
məlumatlara görə, Abbas Mirzə Ərdəbil yaxınlığında topladığı qoşunları
hərəkətə gətirərək Qarabağ istiqamətində irəliləyirdi. Baxmayaraq ki,
Sisianovun irəli sürdüyü tələblər Qarabağ xanlığında yerinə
yetirilməmişdi, bununla belə İbrahim xan kömək üçün rus qoşunlarına
müraciət etməyi qərara aldı. Konkret tarixi şəraitdə İbrahim xan iki
böyük dövlətin çoxsaylı qoşunlarının təhlükəsi altında idi. Bu dövlətlərin
heç biri ilə etibarlı münasibətlərin qurulması və ya onların işğalçılıq
niyyətlərindən çəkindirilməsi mümkün deyildi. Bununla belə İbrahim xan
rus generalına müraciət etməyə üstünlük verdi və Sisianovun yanına
nümayəndəsini göndərdi. Çünki Sisianov ilkin vədlərində Rusiya
təbəəliyini qəbul edəcək Qarabağ xanlığının müstəqilliyinin saxlanmasını
mümkün sayırdı.
Qacar qoşunlarının ehtimal olunan təhlükəsi ilə bağlı Qarabağ xanı
polkovnik Karyaginə də məktub ünvanladı. Həmin məktubda xahiş
olundu ki, polkovnik Karyagin ya özü Qarabağ ərazisinə silahlı dəstə
göndərsin, ya da Gəncədən Qarabağ ərazisinə bir topun müşayiəti ilə