Mehman Süleymanov
42
69.
،رصان یمجن
220
70.
،ديعس یسيفن
151
71.
،ليزرت لارنژ یاھتشاداي
71
72.
،رصان یمجن
219
73.
،رصان یمجن
219
74.
ون
،یيا
137
75.
،ديعس یسيفن
262
76.
،یماقمياق
25
77.
،نادراگ لارنژ تيرومام
32
-
33
78.
،رصان یمجن
227
79.
،دومحم دومحم
77
80.
یزاري ش نا خ نس حلوبا همانرف س
)
ی چلا
(
هي سور ه ب
.
،نار ھت
1363
ص ،
.
28
)
ه مدقم
(
م یزاريش
.
81. Yenə orada
82.
ج یندم
.
،
135
-
136
Gülüstan müqaviləsi
43
II FƏSİL
QARABAĞ XANLIĞININ İŞĞALI
1.Kürəkçay müqaviləsinin imzalanması və Qarabağın
Rusiyaya birləşdirilməsi
XIX əsrin başlanğıcında Qarabağ xanlığı kifayət qədər mürəkkəb
hərbi-siyasi vəziyyətdə idi. Xanlığın müstəqilliyini təhdid edən təhlükələr
günü-gündən daha real xarakter almaqda idi. Bir tərəfdən Rusiya
Gürcüstanda möhkəmlənməyə nail olmaqla Azərbaycan xanlıqları
üzərində işğalın genişləndirilməsinə hazırlıqlar aparır. Digər tərəfdən də
Qacar sarayı Azərbaycan xanlıqlarına olan iddiasının həyata keçirilməsi
üçün qoşun toplayırdı. 1802-ci ildə Qacar qoşunlarının Araz çayının
şimalına adlayacağı barədə xəbərlər yayıldı. Çox böyük sayda olduğu eh-
timal edilən şah qoşunlarının bir hissəsi İrəvan xanlığını nəzarət altına
alandan sonra Gürcüstan üzərinə irəliləməli idi. Qoşunların digər bir
hissəsi isə Qarabağa gəlməli və buradan Şamaxı-Şəki istiqamətində
hücumu davam etdirməli idi. Sonrakı məlumatlar göstərdi ki, Qarabağ
xanlığına gələcək şah qoşunlarına Pirqulu xan rəhbərlik edirdi və bu
qoşun dəstəsi hətta Naxçıvan xanlığının ərazisinə keçibmiş. Mövcud olan
məlumatlara görə, İbrahim xan oğlanlarından birini və Şəki xanlığına
iddia edən kürəkəni Səlim xanı Pirqulu xanın yanına göndərdi. İbrahim
xan onların vasitəsilə Pirqulu xana əlavə hərbi qüvvə verməyi və Car
ləzgilərini də bu işə cəlb etməyi vəd etdi. Ehtimal edilirdi ki, Pirqulu xan
Qarabağ döyüşçüləri ilə möhkəmləndiriləndən sonra Şəki və Şamaxı
üzərinə hücum etsin və Şəki xanlığını yenidən Səlim xana versin (1).
Çox güman ki, çoxsaylı şah qoşunlarının İrəvan xanlığını öz nəzarəti
altına alacağı, Şəkidə hakimiyyətə yenidən Səlim xanın gətiriləcəyi,
İbrahim xanın Şəki-Şamaxı xanlıqlarında nüfuzunun möhkəmlənə
Mehman Süleymanov
44
biləcəyi ehtimalı yenidən İbrahim xanı şah sarayı ilə əməkdaşlığa sövq
etdi. Əslində İbrahim xanın başqa bir seçim yolu da yox idi. Çünki
Rusiya hələ Qafqazda o dərəcədə möhkəmlənməmişdi ki, bu dövlətə
arxalanaraq şah qoşunları ilə əməkdaşlıqdan imtina etmək mümkün
olsun. Buna görə, İbrahim xan şah qoşunları rəhbərliyi ilə müəyyən
münasibətlər qurulması imkanlarını aramağa başladı. Lakin əslində, onun
bu cəhdi əbəs oldu. Bütün söz-söhbətlərə baxmayaraq şah qoşunları
Cənubi Qafqazın dərinliklərinə doğru irəliləməkdən imtina etdi və
Pirqulu xanın rəhbərliyi altında olan qoşun dəstəsi də Şuşaya gəlib
çıxmadı.
1804-cü ilin əvvəlində Gəncə xanlığı işğal edildikdən sonra Sisianov
güman etdi ki, artıq Qarabağ və Şəki xanlıqlarını ələ keçirməyin vaxtıdır.
Onun nəzərincə, Qarabağ xanlığı ilə başlanmış olan müzakirələr bu
xanlığın Rusiya tabeçiliyinə keçməsini sürətləndirməli idi. Amma istər
Qarabağ xanlığı, istərsə də digər xanlıqlar tərəfindən belə bir meyl hiss
edilmirdi.
Heç şübhəsiz ki, Gəncə xanlığı üzərinə çoxsaylı qoşun çıxarılması,
işğaldan sonra Gəncə əhlinə divan tutulması İbrahim xanının Rusiyaya
olan münasibətinə ciddi təsir etdi. İbrahim xan da digər Azərbaycan
xanları kimi, rus qoşunlarının xalqa qarşı belə vəhşilik edəcəyini
gözləmirdi. Həmin vəhşiliklə Qarabağ xanlığı da qarşılaşa bilərdi. Ona
görə də İbrahim xan Rusiyaya qarşı mövqeyini yenidən götür-qoy etmək
istədi. Bu isə Sisianov tərəfindən heç də rəğbətlə qarşılanmadı.
Gəncənin işğalından dərhal sonra Qarabağ və Şirvan xanlığına
göndərdiyi məktubunda Sisianov onları açıqca hədələməyə başladı və
hətta onlara açıq irad tutdu ki, indiyə qədər Gəncə xanlığının rus
qoşunları tərəfindən ələ keçirilməsinə bu xanlar öz münasibətlərini
bildirməyiblər. İbrahim xana yazdığı məktubunda Sisianov bildirirdi ki,
Cavad xan və oğlu Hüseynqulu xan 1500 nəfərlik rus qoşunları
qarşısında süqut etdilər və Siz də güclünün himayəsini qazanmağa
çalışmalısınız. Bununla Sisianov özünü güclü sayırdı və İbrahim xanı da
onu qalib kimi təbrik etmədiyinə görə qınayırdı. Sisianov yenə
təhqiramiz şəkildə bəyan edirdi ki, məğrurları Allah sevmir və ona görə
də Cavad xan öz qanına qəltan oldu. Rus generalı ümid etdiyini yazırdı
ki, İbrahim xan Gəncə xanının yolunu təkrarlamayacaq, ümumi qay-
dalara riayət edərək güclüyə tabe olacaq və onunla çəkişməyəcəkdir.
Sisianovun fikrincə, Rusiyanın gücü artıq bəlli idi və ona görə də İbrahim
xan öz gələcək yolunu seçməli idi. Sonra da general Sisianov öz
tələblərini İbrahim xana çatdırırdı. İlk tələb ondan ibarət idi ki, Gəncə
əhalisinin Qarabağ xanlığı ərazisində olan mal-qarası geri qaytarılsın.