Gülüstan müqaviləsi
61
himayəsini qəbul etməyin gələcəyi yoxdur. Onun sözlərinə görə, hətta
Rusiya çarı Fars sərhədlərini aşsa belə yenə də burada uzun müddət duruş
gətirə bilməzdi. Qafqazdakı rus hərbçilərini istehza ilə balıqçı adlandıran
şaha görə onların bu az qüvvəsi heç bir nəticəyə nail ola bilməyəcəkdi.
Rus qoşunlarının Gürcüstanı işğal etməsini şah müvəqqəti uğur adlandırır
və bu uğurun səbəbini bir tərəfdən gürcü çarının fərsizliyi və gücsüzlüyü,
digər tərəfdən də həmin vaxt şah qoşunlarının Xorasanda olması və rus
qoşunlarına müqavimət göstərilməməsi ilə əlaqələndirirdi. Fətəli şah
daha sonra əlavə edirdi ki, nəhayət rus qoşunlarının Gürcüstandan
qovulması qərara alınmışdır və orada yerləşən kafirlərə divan
tutulacaqdır. Şah bu məqsədinə nail olacağına şübhə etmirdi. Onun
fikrincə, əgər 1804-cü ildə ciddi hazırlıq görmədən İrəvan xanlığı
ərazisində rus qoşunları məğlub edilmişdisə, indi toplanan saysız
qoşunlara qarşı çıxmağa Sisianov cəsarət etməzdi (35).
Rus mənbələrinin məlumatına görə, Qafqaza hücuma başlayan şah
qoşunlarının qarşısını almaq üçün Sisianovun ixtiyarında kifayət qədər
qüvvə yox idi. Rus generalı 1200 nəfərlik qoşun dəstəsinə və 9 ədəd topa
malik idi. Bununla isə şah qüvvələrinin qarşısını almaq elə də asan
olmayacaqdı. Belə bir şəraitdə Sisianov qərara aldı ki, Xəzər dənizində
olan hərbi gəmilər vasitəsilə Ənzəli və Rəştə desant çıxarsın və bununla
şah qüvvələrinin diqqətini Cənubi Qafqazdan yayındırsın.
Bununla belə, Abbas Mirzənin rəhbərliyi altında olan qoşun dəstəsi
qarşıya qoyulan vəzifələri yerinə yetirmək üçün Təbrizdən hərəkətə
başladı və Əhər qəsəbəsində düşərgə saldı. Bu qoşun dəstəsinin
yaxınlaşması xəbərini eşidən kimi İbrahim xan öz adamları vasitəsilə
Sisianova məktub göndərdi və ondan əlavə hərbi yardım istədi. Çünki
mayor Lisaneviçin tabeliyində olan kiçik dəstənin Abbas Mirzə qoşunu
qarşısında davam gətirəcəyi xanda şübhə oyadırdı. Sisianov bir neçə
gündən sonra İbrahim xanın məktubuna cavab yazdı. Həmin məktubunda
Sisianov qaldırılan məsələ ilə bağlı cavab vermək əvəzinə İbrahim xanı
nəvəsini girov kimi Tiflisə göndərməməkdə günahlandırdı (35).
Sisianov bu məktubunda da ondan kömək istəyən İbrahim xanın nə
üçün nəvəsini girov kimi Tiflisə göndərməməsi məsələsinə xüsusi diqqət
yetirdi. Bundan kifayət qədər əsəbiləşmiş olan Sisianov İbrahim xanı
hədələyirdi ki, verdiyi vədə əməl etməsə qoşun dəstəsini Qarabağdan geri
çəkəcək və o, şah qoşunu ilə təklikdə üzbəüz qalacaq. İbrahim xanın
Qarabağa əlavə rus qoşun dəstəsinin göndərilməsi xahiinə cavab olaraq
isə Sisianov hirslə bildirirdi ki, onun kimsənin məsləhətinə ehtiyacı
yoxdur və tabeliyi altında olan qoşun dəstələrinin hara və nə üçün gön-
dərilməsini o özü müəyyənləşdirir (36).
Mehman Süleymanov
62
Bir müddət sonra İbrahim xan yenidən Sisianova məktub yazdı və bu
məktubu mayor Lisaneviç vasitəsilə Sisianova göndərdi. İbrahim xan
həmin məktuba Fətəli şahdan aldığı növbəti məktubu da əlavə etdi.
Yazdığı məktubunda İbrahim xan bir daha vəziyyətin mürəkkəbliyini
Sisianovun diqqətinə çatdırmaqla girov göndərilməməsinə də aydınlıq
gətirdi. İbrahim xan yazdığından belə bir qənaətə gəlmək olardı ki, onun
oğlunun rusların girovunda olduğu halda nəvəsinin girov olub-olmaması
məsələsi narahatçılıq doğurmamalı idi. Oğlu deyəndə o, Məhəmməd
Həsən ağanı nəzərdə tuturdu və bildirirdi ki, Məhəmməd Həsən ağa
onsuz da bütünlüklə mayor Lisaneviçin nəzarəti altında idi. O biri
tərəfdən İbrahim xan Əsgəranın Abbas Mirzə qoşunlarının nəzarəti
altında olduğunu və Gəncəyə gedən yolun bağlı olduğunu yazaraq bu
şəraitdə nəvəsinin rus generalının yanına göndərilməsinin qeyri-
mümkünlüyünə işarə edirdi. İbrahim xana görə əslində, bütün Qarabağ
rusların girovunda idi. Ona görə də, İbrahim xan yenidən rus
qoşunlarının köməyinə ehtiyac olduğunu Sisianova çatdırdı və bildirdi ki,
Fətəli şah da qoşunla Qarabağ xanlığına gəlmək və Əsgəran ətrafında
Abbas Mirzənin dəstəsi ilə birləşmək niyyətindədir (37).
Rus tarixçiləri Araz çayını keçməmişdən əvvəl Abbas Mirzə
tərəfindən Qacar qoşunlarının iki dəstəyə bölündüyünü, bir dəstənin
Pirqulu xanın rəhbərliyi altında Xudafərin istiqamətinə, digər dəstənin isə
İrəvan xanlığı istiqamətinə göndərildiyini yazırlar (38). Əslində isə,
Abbas Mirzə bütün qoşun dəstəsi ilə Qarabağ xanlığı üzərinə hücum etdi
və əsas diqqəti də Qarabağ xanlığı üzərinə istiqamətləndirdi.
“Məəssər-e Soltaniyyə”də bildirilir ki, Abbas Mirzə Qarabağa qoşun
çıxarmaq üçün Fətəli şahın fərmanını alan kimi Azərbaycana yollandı və
Əhər yolu ilə Qarabağa doğru istiqamət götürdü. Qeyd olunur ki,
Əhərdən əvvəlcə İsmayıl bəy Damğaninin rəhbərliyi altında olan bir
dəstəni Abbas Mirzə ön dəstə kimi Araz sahilinə, Xudafərin istiqamətinə
göndərdi (39). Mirzə Məhəmməd Sadıq Vəqayeneqara görə isə, şah özü
İsmayıl xan Damğaniyə göstəriş verdi ki, dəstəsi ilə Xudafərin körpüsünə
doğru irəliləsin (40). Bu dəstə Xudafərin körpüsünü nəzarət altına
almaqla onun təhlükəsizliyini və Qacar qoşunlarının rahatlıqla Araz
çayını adlamasını təmin etməli idi.
Şah sarayının Azərbaycan xanlıqları üzərinə planlaşdırılan hücumu-
nun Tiflisə qədər davam etdiriləcəyini bəyan etməsi və bu niyyətin
həyata keçirilməsi üçün şah qoşunlarının Araz çayına yaxınlaşması
bölgədəki rus qüvvələrinin vəziyyətini xeyli çətinləşdirdi. Bir tərəfdən
rus tarixçilərinin yazdığına görə, Sisianov Rusiya imperatorundan Qacar
qoşunları ilə döyüşə girməmək tapşırığı almışdı (41). Digər tərəfdən isə