Gülüstan müqaviləsi
55
heç vaxt əsirgəməyəcəkdir, buna sübut olaraq imperator həzrətləri, zati-
alilərinin (xan nəzərdə tutulur-M.S.) və onun varislərinin ölkəsinin
bütövlüyünün saxlanılmasına öz imperator zəmanətini verir”.
Üçüncü maddədə bildirilirdi ki, Rusiyanın təbbəliyini qəbul edən
İbrahim xan, Sisianovun yanında Rusiyaya sədaqət andını qəbul etməlidir.
İbrahim xandan sonra onun böyük oğlu və ondan sonra xanlığa yiyələnən
varisləri Rusiyanın Gürcüstandakı canişini qarşısında sədaqət andını qəbul
etməli və sonra onun xanlığını təsdiq edən fərman almalı idi.
Dördüncü maddədə Qarabağ xanı öz üzərinə başqa bir öhdəlik
götürürdü. Bu maddəyə əsasən Rusiyanın Gürcüstandakı baş hakiminin
icazəsi olmadan İbrahim xan digər xanlıqlarla əlaqəyə girə və onların
elçilərini qəbul edə bilməzdi. Digər xanlıqlardan alınmış məktublar
mühüm məsələyə aid olsaydı Gürcüstanın baş hakiminə göndərilməli və
onun qərarını öyrənməli idi. Məktub xüsusi ciddi əhəmiyyət daşımazdısa,
onda onun yalnız məzmunu Gürcüstan hakiminə çatdırılmalı idi. Bundan
başqa İbrahim xan fəaliyyəti barəsində yanında olan Gürcüstanın baş
hakimin nümayəndəsi ilə məsləhətləşməli və öz qərarları haqqında ona
məlumat verməli idi.
Müqavilənin 5-ci maddəsində İbrahim xanla Rusiya imperiyası
arasında qarşılıqlı münasibətlərin aydınlaşdırılması istiqamətində daha
bir neçə məsələyə öz münasibətlərini bəyan etdilər. Əvvəlcə, Rusaiya
imperatoru adından bəyan edildi ki, xanlığın əhalisi Rusiya imperiyasının
əhalisindən fərqləndirilməyəcək və bərabər hüquqa malik olacaqdır,
İbrahim xanın və onun varislərinin xanlıq üzərindəki hakimiyyəti
dəyişməz olaraq qalacaqdır; Qarabağ xanlığı daxilində idarəetmə və
hakimiyyət, məhkəmə və divanxana işləri, xanlıq daxilində toplanan
vergilər xana mənsub olacaqdır. Qarabağ xanının və ailəsinin təhlükəsiz-
liyinin qorunması adı altında Şuşa qalasına 500 nəfərlik qoşun dəstəsi
yeridilməli idi. Vəziyyət mürəkkəbləşdiyi halda Gürcüstanın baş
hakiminə icazə verilirdi ki, həmin dəstəni gücləndirsin.
Altinca maddədə İbrahim xanın bəzi öhdəlikləri öz əksini tapmışdı:
“Mən Şuşalı və Qarabağlı İbrahim xan, mənim sadiq təbəəlik istəyimin
əlaməti olaraq söz verirəm: 1) istər indi, istərsə də sonralar yuxarıda adı
çəkilən qoşuna lazım olan buğda və darı yarmasını (Gürcüstan) baş
hakiminin müəyyən etdiyi qiymətlə tədarük edəcəyəm, çünki onların
Yelizavetpoldan gətirilməsi ya çox çətindir, ya da tamamilə qeyri-
mümkündür; 2) qoşunların Şuşa qalasında yerləşdirilməsi üçün qoşun
rəisinin bəyəndiyi evləri ayıracaq və lazımi qədər odunla təmin edə-
cəyəm; 3) Şuşa qalasına Yelizavetpol tərəfdən yoxuşu sahmana salacaq
və yolu arabaların gedişi üçün yararlı edəcəyəm; 4) hökumət Şuşa
Mehman Süleymanov
56
qalasından Cavada kimi yolu qaydaya salmaq istəsə, onda bu iş üçün
lazım olacaq işçilər hökumətin müəyyən etdiyi məzənnə ilə mənə
verilməlidir” (25).
Müqavilənin 7-ci maddəsində qeyd olunurdu ki, Rusiya imperatoru
Şuşa və Qarabağ xanı və onun varislərini böyük ehtiram əlaməti olaraq
üzərində Rusiya imperiyasının gerbi olan bayraqla təltif edir. Bu bayraq
xanlığın və xanlıq daxilində hakimiyyətin rəmzi sayılmaqla İbrahim
xanın yanında saxlanılmalı və xan müharibəyə yollanarkən bayraq da
onunla aparılmalı idi.
Müqavilənin 8-ci maddəsində İbrahim xanın Rusiya dövlət
qarşısında öz üzərinə götürdüyü öhdəliklər təsbit olunmuşdu. Baxmaya-
raq ki, İbrahim xan Qarabağ xanlığından gəlirlərdən istifadə etməkdə
müstəqil idi, bununla belə vəd edirdi ki, Rusiya imperatorluğunun
Tiflisdə yerləşən xəzinəsinə ildə 8000 çervon vəsait ödəyəcəkdir. Bu
vəsait il ərzində iki dəfə ödənməli idi. Birinci hissə fevralın 1-də, ikinci
hissə isə sentyabrın 1-də ödənməli idi. İlk vəsait 4000 çervondan ibarət
olmaqla Kürəkçay müqaviləsi imzalanandan dərhal sonra ödənməli idi.
Bundan başqa İbrahim xan böyük oğlu Məhəmməd Həsən ağanın ikinci
oğlu Şükürallahı girov kimi Tiflisə göndərməyi də boynuna götürürdü.
9-cu maddədə deyilirdi ki, xanın Tiflisə göndərəcəyi girovun
dolanması üçün Rusiya xəzinəsindən gündə 10 gümüş manat ayrı-
lacaqdır. 10-cu maddədə müqavilənin əbədilik bağlandığı və onun heç
vaxt dəyişikliyə uğramayacağı təsbit olundu. Müqavilənin sonuncu
maddəsində onun imzalandığı tarix göstərilir və bildirilirdi ki, bu
müqavilə onun imzalanmasından sonrakı 6 ay ərzində Rusiya imperatoru
tərəfindən təsdiq olunacaqdır.
Beləliklə, İbrahim xanın imzaladığı Kürəkçay müqaviləsi ilə Qarabağ
xanlığı Rusiyanın hakimiyyəti altına düşdü. Adı çəkilən müqavilədə
Qarabağ xanlığına müəyyən səlahiyyətlər nəzərdə tutulsa da, əslində
xanlıq Rusiya sarayının idarəçiliyini qəbul etdi və İrəvan xanlığı
ətrafında aldığı zərbədən sonra Sisianov çar sarayının böyük sevincinə
səbəb olan bir müqaviləyə imza atmağa nail oldu. Heç bir silahlı
müqavimətlə olmadan Qarabağ xanlığı kimi böyük bir xanlıq Rusiyanın
cənginə keçdi. Rus generalı Sisianov Qarabağ xanlığının işğalını
yuxarıda qeyd edildiyi kimi, Azərbaycana və fars dövlətinə açılan
qapının ələ keçirilməsi kimi qiymətləndirirdi. Onun fikrincə, Qarabağ
eyni zamanda Gürcüstanı Bakıya da yaxınlaşdırırdı və Gürcüstanla Ba-
kının əlaqələrinin qurulması üçün bu şəhəri 1806-cı ilin yay ayında işğal
etməyi planlaşdırırdı. Sisianov onu da qeyd edirdi ki, Qarabağın işğal
edilməsi Rusiyanın bölgə ilə ticarət əlaqələrini də genişləndirə bilər.