Filologiya
məsələləri, №4, 2017
465
İLHAM DADAŞOV
Sumqayıt Dövlət Universiteti,müəllim
Ilham dadaşov 69 @ qmail
TƏSVİRİ İNCƏSƏNƏT MƏŞĞƏLƏLƏRİNİN ÖZÜNƏMƏXSUS
XÜSUSİYYƏTLƏRİ
Açar sözlər: Naturadan işləmə prinsipləri,praktiki məşğələlər,ənənəvi
qaydalar.
Keywords: nature and working principles, practical exercises, the traditional
rules.
Ключевые слова: природа и принципы работы, практические занятия,
традиционные правила.
Təsviri incəsənət fənni üzrə məşğələlərinin əsas məqsədi estetik
dünyagörüşünə, zəngin mənəviyyata, bədii zövqə və yaradıcı təxəyyülə
malik olan, milli və ümumbəşəri dəyərlərə hörmətlə yanaşan şəxsiyyətin
formalaşdırılmasına yönəldiyindən onun təlimi prosesində şagirdin meyil və
maraqları, arzu və istəkləri əsas götürülür, onların fəallığına üstünlük
verilir.Bu zaman müəllim istiqamətləndirici,əlaqələndirici rolu ilə şagirdin
estetik dünyagörüşünə,zəngin mənəviyyata,bədii zövqə, yaradıcı təxəyyülə
yiyələnmə prosesinin bələdçisinə çevrilir.Təsvir etmək insanın görmə
yaddaşını, mühit və məkan duyumunu, obrazlı təsəvvür qabiliyyətini inkişaf
etdirir. Təsviri incəsənət fəaliyyəti şagirdləri məkan və forma ölçülərini hiss
etməyə, obrazlı və məntiqli düşünməyə və bu düşüncələri vizual obrazda əks
etdirməyə istiqamətləndirir.
Təsviri incəsənət fənni məşğələlərinin təşkili zamanı şagirdlərin
ümumi inkişafı diqqət mərkəzində dayanır.Onların idrakı, hissi və psixo-
motor bacarıqları inkişaf etdirilir.Bu məşğələlərdə fənnin imkanlarından irəli
gələn xüsusiyyət kimi hissi və psixomotor bacarıqlara üstünlük verilir.-
Şagirdlərin yaş xüsusiyyətləri, meyil və maraqları nəzərə alınır.Fəal təlimə
əsaslanan bu məşğələlər qruplar, fərdi və kollektiv şəkildə aparıla bilər.-
Kollektivlə birgə yaradıcılıq prosesi zamanı şagirdlər yeni bilik və vərdişlər
əldə edir, yəni səslənən ideyaları, özlərinə məxsus bədii, texniki üsulları
uşaqlar təcrübə prosesində bir-birlərindən istər-istəməz mənimsəyirlər.-
Həmçinin şagirdlərin birgə əməyinin ilk təcrübəsi meydana çıxır ki, bunun
da əsasını qarşılıqlı anlayış və hörmət təşkil edir.Uşaqlar yoldaşlarının
müxtəlif yanaşmalardan irəli gələn rəylərini dinləməyi, eyni zamanda öz
fikirlərini də müdafiə etməyi öyrənirlər.Bütün uşaqlar az da olsa,şəkil
çəkmək,aplikasiyalar düzəltmək və müxtəlif yapmalar hazırlamaq təcrübə-
sinə malikdirlər.Bu isə dünyanın təbii və özünəməxsus şəkildə dərk
Filologiya məsələləri, №4, 2017
466
edilməsi,onların şüurlarında müxtəlif obraz və epizodların canlanması
nəticəsində şəxsi təcrübələrinin zənginləşməsi deməkdir.Müəllimin isə əsas
məqsədi uşaqları gözəllik dünyası ilə incəsənət aləmi ilə yaxından tanış etmək,-
bu aləmlə ünsiyyət yaratmaq və estetik tərbiyəni inkişaf etdirməkdir.Müəllim
şagirdi incəsənət aləminə yavaş-yavaş uyğunlaşdırmaqla onda yaratmaq həvəsi
oyatmalı, sonrakı mərhələdə isə yaradıcının və yaradılan əsərin daxili aləminin
emosional durumunu əks etdirməyə can atmalıdır.Şagird ətrafda baş verən
hadisələrə münasibət bildirməyi, yaratdığı obraza xarakter verməyi
bacarmalıdır. Bu xüsusiyyətlərə isə müəllim tərəfindən düzgün tədris olunan
təsviri incəsənət fənninin məşğələlərinin köməyi ilə yiyələnmək mümkündür.
Təsviri incəsənət dərslərinin praktiki məşğələlərində əsasən natürmort,aplika-
siya, yapma üzrə işləmələr və təsviri sənət haqqında müsahibələr təşkil edir.
Natürmortla bağlı məşğələlərdə müxtəlif əşyalardan və həndəsi
fiqurlardan naturadan perspektivdə çəkilməsində istifadə olunur.Bundan başqa
tədris natürmortlarında məişət əşyalarından və həndəsi cisimlərdən (səhəng,-
silindr,konus,və s.) əyani vəsait kimi tədrisdə istifadə olunması,şagirdlərdə
həmin cisimlərin daxili konstruksiyası haqda geniş təsəvvür yaradır.Eyni
zamanda naturadan rəsm etmək vərdişlərinə yiyələnirlər.Naturadan müxtəlif
əşyaların natürmortda işlədilməsində əsas məsələlərdən biri predmetin düzgün
seçilməsi(bir-birinə münasibətdə) və müstəvi üzərində müxtəlif planlarda
yerləşdirilməsidir.Ənənəvi qaydalara görə nisbətən böyük həcmli əşya və
predmetlər arxa planda,daha kiçik predmetlər isə ön planda yerləşdirilir və
detallar natürmortda müəyyən xətt üzrə üfüq xəttinə doğru kiçildilməyə və
sonda bir nöqtədə birləşdirilmə formasında verilir.Məkanda yerləşən hər bir
predmetin,hətta predmetin hər bir səthinin işıqlanmasından,bizə yaxın və
uzağlığından aslı olaraq özünün işıqlanma dərəcəsi işıq gücü vardır.Təbii
işıq müxtəlif predmetlərdə həm onların material xassələrini,həm də ayrı-ayrı
xırda detallarını görməyə imkan verir.Müstəsna hallarda əgər otaq şəraiti
təbii işıqla tam təmin edilmirsə,xüsusən qış vaxtlarında bu zaman süni işıq
proyeksiyalandırmadan istifadə edilir.Bu cür əyani,texniki,vasitələrdən
həmişə natürmortun işlədilməsində yardımçı və s.kimi istifadə olunur.-
O,həcmin və məkanın görünmə illüziyasını yaradır,həmçinin predmeti
işıqlandırılmış və hava ilə əhatələnmiş tərzdə təsvir edir.Predmetin xətti
siluet qavrayışında fərqli olaraq illuzar-məkan qavrayışı belədir.Nəqqaş
rəssam,qrafik rəssam başlıca olaraq kontorları görür,rəngkar rəssam isə ilk
növbədə işıqla kölgənin oyununu seçir və bu həmin quru xəttləri
yumuşaldır,bəzən də onları tamamilə yeyir.Nturadan işlərkən aşağıdakı
prinsiplərə əməl olunmalıdır.I.Kompozisiyada predmetlərin məntiqi əlaqəsi.-
II.Predmetin müxtəlif ölçülərdə seçilməsi.III.Predmetin rənginə az uyğun
olan bir qədər fərqlənən parçanın seçilməsi.IV.Predmetin müxtəlif planlarda
(ön,orta,arxa) lazımi səviyyədə görünməsi üçün həcmli,köməkçi müs-